ሚልካሳ ቲንቢቴ 4:1 - ጋሞ ማጻፋ

¹ «ሄኮ ጮጬ ታማ ማላ ኤጺዛ ጋላሲ ያና፤ ኦቶራንቻቲኔ ኢታ ኦዛይቲ ዉሪካ ሜላ ሃፓ ማላ ጊዳና፤ ሄ ያና ጋላሳይካ ኢስታ ጹጋና፤ ጼራካ ጻጶካ ኣሼና» ጌስ ኡባፌ ዎልቃማ ጎዳ ጾሳይ።

Geeshsha Maxaafa

¹ «Hekko cooce tama mala eexxiza gallassi yaana; otoranchchatinne iita ooththizayti wurikka mela happa mala gidana; he yaana gallassayka istta xuuggana; xeerakka xaphokka ashshenna» gees Ubbaafe Wolqqama GODAA Xoossay.

ሚልካሳ ቲንቢቴ 4:1 ပူးပေါင်းရင်းမြစ်များ

ኢዮቤ ማጻፋ 18:16

ጻጶፔ ሜሊዛ ሚ ማላኔ ሃጋቲካ ሜቄሬቲዛ ሚ ማላ ጊዳና።

ዬ ማጻፋ 119:119

ሳኣን ዴኢዛ ኢታታ ኡባ ኔኒ ቡራ ማላ ዬጋ ኣጋሳ፤ ሄሳ ጊሻስ ታኒ ኔ ኢሚዳ ኣዛዞ ዶሳዲስ።

ዬ ማጻፋ 37:9

ኢታ ኦዛይቲ ቃሌቲ ያና፤ ጊዶ ኣቲን ጎዳን ሂዶታ ኦዛይቲ ቢታ ላታና።

ኬሳ ማጻፋ 15:7

ኔ ጊታ ዎልቃን ኔናራ ኤቄቲዳይታ ኩንዲሳዳሳ። ኤጺዛ ኔ ሃንቆ ኔ ዬዳዳሳ፥ ኢዚካ ኢስታ ጋፌ ማላ ሚዴስ።

ኢሳያሳ ቲንቢቴ 40:24

ኢስቲ ቶኬቲዲ ጋምኦንታ ዲሺን፥ ዜሬቲዲ ታኮንታ ዲሺን፥ ቡሮ ጻጶ ዬዶንታ ዲሺን ኢስታ ቦላ ጫርኮ ዬዲን ሜሊዳ፤ ጎቴይ ኢስታ ሱላ ማላ ፒቲ ኤፊዴስ።

ኢሳያሳ ቲንቢቴ 41:2

ኣርሼይ ሞኪዛ ባጋፌ ኢሳ ዴንዳይ፥ ጺሎቴን ባስ ሃጋዚሳና ጼይጊዳይ ኦኔ? ኢዚ ካዎቴታ ኢዛስ ኣ ኢሜስ፤ ኢዚ ኢስታ ጊ ማሻን ቢታ ኬሲዴስ፤ ባ ዎንዳፌን ጫርኮይ ላሊዳ ሱላ ማላ ኬሲዴስ።

ኢሳያሳ ቲንቢቴ 47:14

ሄኮ ኢስቲ ሃፓ ማላ፤ ታማይ ኢስታ ማና። ታማ ላጮፔ ዴንዲዳይሳን ባና ኣሻናስ ዳንዳዬቴና። ኣሲ ሆኣና ቦንቆይ ዴና፤ ኡቲዲ ሆኣና ታማይካ ዴና።

ኢሳያሳ ቲንቢቴ 5:24

ኢስቲ ኡባፌ ዎልቃማ ጎዳ ዎጋ ኢጺዳ ጊሻስ፥ ኢስራኤሌ ጌሻ ቃላካ ካዳ ጊሻስ፥ ታማ ላጮይ ቡጻ ኦይኪዛ ማላኔ ሜላ ማታይ ኤጺ ይዛ ማላ ኢስታ ጻጶይ ዎቃና፤ ኢስታ ጪሻይካ ቡሄ ማላ ላሌቲ ያና፤

ኢሳያሳ ቲንቢቴ 9:18

ዴራ ኢታቴ ኪንዲቾኔ ኣጉን ጹጊዛ ታማ ማላ፤ ፒ ጊዳ ዎራይ ጹጌቲሺን ኬዚዛ ጩዋ ቱሳ ማላ ሲቲ ጊዲ ፑዴ ኬዜስ።

ኢሳያሳ ቲንቢቴ 9:19

ኡባፌ ዎልቃማ ጎዳ ሃንቆን ቢታይ ጹጌታና፤ ዴሬይካ ታማን ጌሊዛ ሚ ማላ ጊዳና፤ ኢሻይ ኢሻስ ቃቴና።

ሂዚቄላ ቲንቢቴ 20:38

ታ ቦላ ማካሊዳይታኔ ታና ቆሂዳይታ ታኒ ኢንቴ ጊዶፌ ዲጋና፤ ሃኢ ኢስቲ ዲዛ ቢታፌካ ታ ኢስታ ኬሳና፤ ጊዶ ኣቲን ኢስቲ ኢስራኤሌ ቢታ ጌሌቴና። ታኒ ጎዳ ጊዲዳይሳ ኢንቴ ሄ ዎዴ ኤራና» ጌስ።

ሂዚቄላ ቲንቢቴ 21:32

ኔኒ ኤሶ ሚ ጊዳና፤ ኔ ዴሬን ኔ ሱ ጉካና፤ ሃይሳፌ ጉዬ ኔና ቆፍሲዛ ሚሺ ዴና፤ ታኒ ጎዳይ ሃይሳ ዮታዲስ› ጌስ» ጊዴስ።

ሂዚቄላ ቲንቢቴ 24:11

ሺኣዚ ሴራና ማላኔ ቢራታ ሺኣዚ ታማን ጹጌታና ማላ፥ ሜላ ዲስቴይ ሴላና ጋካናስ፥ ታማዚ ቦንቃናሼ ጋካናስ ጮጬዛ ቦላ ዎ።

ሂዚቄላ ቲንቢቴ 34:17

« ‹ኡባ ሃሪዛ ጎዳይ፡ ኢንቴ ኢዛ ዉዴ ጊዲዳ ጊሻስ፥ ኢዚ ኢንቴ ጊሻስ ኢታ ጊዶኒኔ ሎኦ ጊዶን፥ ርሾ ጊዶኒኔ ኦርጌ ጊዶን ታ ፒርዳና።

ሂዚቄላ ቲንቢቴ 7:10

« ‹ሄኮ ጋላሳ! ሄ ጋላሳይ ጋኪዴስ! ኢንቴ ባሻይ ኢንቴ ፔንጌን ዴስ! ኢታቴ ጉፌይ ጉምቢዴስ፤ ኦቶሬቴ ጪዪዴስ።

ኢዩኤሌ ቲንቢቴ 2:1

ጺዮኔን ዛዬ ዛዪቴ፤ ጌሻ ዙማ ቦላ ዋሲቴ! ጎዳ ዩሳ ጋላሲ ጋኪዳ ጊሻስ ቢታ ቦላ ዲዛይ ዉሪካ ኮኮሮ።

ኢዩኤሌ ቲንቢቴ 2:31

ጊታ ባቢሲዛ ጎዳ ጋላሳይ ያናፔ ካሴቲዲ ኣርሼይ ማና፤ ኣጊናይካ ሱ ኣና።

ኣሞጼ ቲንቢቴ 2:9

«ኢስታስ ኣዱሳቴይ ዚጋ ሚ ማላ፤ ሚኖቴይካ ጺዳ ማላ ጊዲዳ ኣሞሬ ኣሳ ታኒ ኢንቴ ሲንፌ ይሳዲስ፤ ኣይፎንታ ማላ ጻጶፔ ሾዳ ዲጋዲስ።

ኣብዲዩ ቲንቢቴ 1:18

ያቆቤ ዜሬቲ ታማ ማላ፥ ዮሴፌ ዜሬቲ ታማ ላጮ ማላ ጊዲን ኤሳዌ ዜሬቲ ኡቱላ ማላ ጊዳና፤ ታማይ ኡቱላ ሚዛ ማላ ያቆቤ ዜሬቲኔ ዮሴፌ ዜሬቲ ኤሳዌ ዜሬታ ይሳና።

ናሆሜ ቲንቢቴ 1:10

ኢስቲ ኣጉንን ቃጼታና፤ ባ ዎይኔ ኡሻን ኢስቲ ማታና፤ ታማይ ኢስታ ቡጻ ማላ ማና።

ሶፎናሳ ቲንቢቴ 1:14

«ጎዳፔ ያና ጊታ ጋላሳይ ማቲዴስ፤ ሄሲካ ኤሶን ያና፤ ጎዳ ጋላሳን ሲዬታና ዬሆይ ጫሞ፤ ሄን ኦላንቻቲ ጫሞ ዋሶ ዋሳና።

ሶፎናሳ ቲንቢቴ 1:18

ጎዳ ባሻ ጋላስ ኢስታ ቢራይኔ ዎርቃይ ኢስታ ኣሻናስ ዳንዳዬና። ቢታይ ኩሜ ኢዛ ሃንቆን ያና፤ ኢዛ ዚልኤቴ ሱሌን ቢታ ኡባይ ጹጌታና፤ ቢታ ቦላ ዲዛ ኡባ ቦላ ቆፖንታ ዲሺን ዉርሴ ኤሃና» ጌስ ጎዳይ።

ዛካራሳ ቲንቢቴ 14:1

ሄኮ ጎዳይ ፒርዲዛ ጋላሲ ጋኪዴስ፤ ኔፔ ቦንቂዳ ሚሻ ኔ ኣይፌይ ቤኢሺን ኢስቲ ጊሼቲ ኤካና።

ሚልካሳ ቲንቢቴ 3:15

ሃኢ ኑ ኦቶራንቻቲ ኣንጄቲ ዲሺን ኢታ ኦዛይቲ ዱሬቲሺን ጾሳ ፓጪዛይቲ ኬሲ ኤኪ ኣቲሺን ቤዮስ› ጌታ» ጌስ ኡባፌ ዎልቃማ ጎዳ ጾሳይ።

ሚልካሳ ቲንቢቴ 3:18

ሄ ዎዴ ቃሴካ ጺሎኔ ናጋራንቻ ጊዶን ጾሳስ ኦዛይታ ጊዶኒኔ ኦንታይታ ጊዶን ዲዛ ዱማቴ ኢንቴ ቤያንዴታ።

ሚልካሳ ቲንቢቴ 3:2

ኢዚ ያና ጋላሳ ቴቃና ዳንዳይዛይ ኦኔ? ኢዚ ቆንጪዛ ጋላስ ኢዛ ሲንን ኤቃናስ ዳንዳያናይ ኦኔ? ኢዚ ጮጬ ታማ ማላ ዎይኮ ማይኦ ሜጪዛ ሳሙና ማላ፤

ሚልካሳ ቲንቢቴ 3:3

ቢራ ታማን ሴሪሲዲ ሎኤ ጌሺዛ ኣሳ ማላ ኡታና፤ ሌዌ ናይታ ዎርቃ ማላኔ ቢራ ማላ ጌሻና፤ ሄሳፌ ጉዬ ጎዳስ ያርሾ ሺሺዛ ጺሎ ኣሳቲ ዳና።

ሚልካሳ ቲንቢቴ 4:5

«ሄኮ ኬሂ ጊታኔ ያሺሲዛ ኡባፌ ዎልቃማ ጎዳ ጋላሳይ ጋካናፔ ካሴ ታ ኢንቴስ ናቤ ኤላሳ ዬዳና» ጌስ ኡባፌ ዎልቃማ ጎዳይ።

Maatosa 3:12

ካ ሱራጊዛ ላይዳይ ኢዛ ኩሼን ዴስ፤ ኢዚካ ባ ካ ባሌዛ ፒቲ ጌሻና፤ ባ ጊስቴዛካ ዲኤን ቆላና፤ ሃፓ ጊዲኮ ቶኦንታ ታማን ጹጋና» ጊዴስ።

ሉቃሳ ሚሺራቾ 21:20

«ኦላ ኣሳይ ዬሩሳላሜ ጊዶሺን ቤዪኮ ኢዚስ ይዛ ዎዴይ ማቲዳይሳ ኤሪቴ።

ሉቃሳ ሚሺራቾ 6:23

«ኢንቴስ ሳሎን ጊታ ዎይቶይ ዲዛ ጊሻስ ሄ ዎዴ ኡፋይሳን ጉፒቴ፤ ኣይስ ጊኮ ኢስታ ኣዋቲ ናቤታ ቦላ ሄሳ ኦዳ።

2ታሶሎንቄ ኣሳስ 1:8

ሄ ዎዴ ጾስ ኤሮንታ ኣሳታኔ ጎዳ ዬሱስ ኪርስቶሳ ሚሺራቾ ቃላስ ኣዛዜቶንታ ኣሳታ ቦላ ኢዚ ባ ሃሎ ኬሳና።

2ጴጽሮሳ ኪታ 3:7

ሄሳካ ሃኢ ዲዛ ሳሎይኔ ቢታይ ናጋራንቻቲ ያና ዲዛ ፒርዳ ጋላስ ጋካናስ ታማስ ጊጊ ኡቲዳ።