ሚልካሳ ቲንቢቴ 3:17 - ጋሞ ማጻፋ

¹⁷ «ታኒ ኦዛ ጋላስ ኢስቲ ታስ ቡዞ ሚሽ ጊዳና» ጌስ ኡባፌ ዎልቃማ ጎዳ ጾሳይ፤ «ኣዋይ ባስ ኦዛ ና ኣሺዛ ማላ ታኒካ ኢስታ ኣሻና።

Geeshsha Maxaafa

¹⁷ «Tani ooththiza gallas istti taas buzo miish gidana» gees Ubbaafe Wolqqama GODAA Xoossay; «Aaway baas ooththiza naa ashshiza mala tanikka istta ashshana.

ሚልካሳ ቲንቢቴ 3:17 ပူးပေါင်းရင်းမြစ်များ

ናሂሚያ ማጻፋ 13:22

ሄሳፌ ጉዬ ሌዌቲ ባንታና ጌሺዲ ሳምባታ ጋላስ ዱማቴን ናጌቲዛይሳ ኤሪሳናስ ጊምባ ፔንጌታ ናጋና ማላ ኢስታ ኣዛዛዲስ። ታ ጾሳዉ! ሃይሳ ኡባ ጊሻስ ታና ቆፓ፤ ቃሴ ኔኒ ኔ ሚኖ ሲቆዛን ታና ማዳና ማላ ታ ኔና ዎሳይስ።

ዬ ማጻፋ 115:13

ጎዳስ ያዪዛይታ ኡባ ጉ ጊዲን ጊታ ኢዚ ኣንጃና።

ዬ ማጻፋ 135:4

ጎዳይ ያቆቤ ባስ ቡዞ ኦዴስ፤ ኢስራኤሌካ ባስ ኣልኦ ሚሽ ሂስቲ ዶሪዴስ።

ኬሳ ማጻፋ 19:5

ሂስቲን ሃኢ ኢንቴ ታስ ኩሜ ኣዛዜቲኮ፥ ኢንቴ ታ ጫቆ ቃላ ናጊኮ፥ ኩሜ ዴራ ጋርሳን ኢንቴ ታስ ቡዞ ዴሬ ጊዳና። ቢታይ ዉሪ ታስ ጊዲኮካ፥

ኬሳ ማጻፋ 32:32

ጊዶ ኣቲን ኣቤት ጎዶ! ሃኢ ኢስታ ናጋራ ኣቶ ጋ፤ ኣካይ ጊኮ ኔኒ ጻፊዳ ማዝጋባፔ ታ ሱን ቁጫ ዲጋ» ጊዴስ።

Siiqo Saba 2:16

«ታ ሲቆዚ ታሳ፤ ታኒካ ኢዛሳ፤ ጪሊላ ማታ ጊዶን ኢዚ ባ ሜሄ ሄሜስ።

ኢሳያሳ ቲንቢቴ 4:2

ሄ ዎዴ ጎዳ ሚ ሃጋይ ሎኣናኔ ቦንቼታና፤ ኢስራኤሌ ኣሳፔ ይሼ ኣቲዳይታስ ሄ ቢታ ካይ ጬቆሲኔ ቦንቾስ ጊዳና።

ኢሳያሳ ቲንቢቴ 43:1

ሃኢ ጊዲኮ ያቆቤ፥ ኔና ሜዳይ፥ ኢስራኤሌ! ኔና ጊግሲዳ ጎዳይ፥ «ታኒ ኔና ዎዚዳ ጊሻስ ያዮፋ። ታኒ ኔና ኔ ሱንን ጼይጋዲስ፤ ኔኒ ታሳ።

ኢሳያሳ ቲንቢቴ 43:21

ታኒ ታስ ጊግሲዳ ዴሬይ ታ ጋላታ ኣዋጃና ማላ ታ ሃይሳ ኦና።

ኤርማሳ ቲንቢቴ 31:20

ኤፍሬሜይ ታ ዶሳዳ ኡፋዬቲዛ ታ ናዛ ጊዴኔ? ዳሮ ዎዴ ታ ኢዛራ ኤቄታ ሃሳይኮካ ዛራዳ ኢዛ ጊሻስ ታ ቆፓይስ፤ ታ ማራጬይ ኮኮሬስ፤ ታ ኢዛስ ኬሃ ቃታይስ» ጌስ ጎዳይ።

ኤርማሳ ቲንቢቴ 31:33

«ጊዶ ኣቲን ታኒ ጎዳይ ሄ ዎዴፔ ጉዬ ኢስራኤሌ ዴራራ ታ ጫቄታና ጫቆይ ሃይሳ፤ ታኒ ታ ዎጋ ኢስታ ዎዚናን ጻፋ ዎና፤ ታኒካ ኢስታስ ጾሳ ጊዳና፤ ኢስቲካ ታ ዴሬ ጊዳና።

ሂዚቄላ ቲንቢቴ 16:8

«ቃሴካ ታ ሄራ ኣ ባሼ ጼላዲስ፤ ኔ ጌሎ ጋኪዳ ጌላኦ ጊዲዳይሳ ቤኣዳ ታ ማይኦ ማጫራ ኔ ቦላ ዬጋዳ ኔ ካሎቴ ካማዲስ፤ ኔስ ጫቃዲስ፤ ኔናራ ቃላ ጌላዲስ፤ ኔ ታሳ» ጌስ ኡባ ሃሪዛ ጎዳይ።

ሶፎናሳ ቲንቢቴ 2:2

ባሻ ጋላሳይ ጋካናፔ ካሴቲዲ፥ ሄ ጋላሳይ ሱላ ማላ ዴን ይሶንታ ዲሺን፥ ጎዳፔ ሚኖ ሃንቆይ ኢንቴ ቦላ ዮንታ ዲሺን ጎዳፔ ባሻ ጋላሲ ኢንቴ ቦላ ጋኮንታ ዲሺን ሺቂቴ።

ዛካራሳ ቲንቢቴ 13:9

ሄ ኣቲዳ ኢሲ ኩሼ ኣሳ ታ ጌዴ ታማን ዬጋና፤ ቢራ ታማን ጌሺዛ ማላ ታ ጌሻና፤ ዎርቃ ማላካ ፓጫና፤ ኢስቲ ታ ሱን ጼይጋና፤ ታኒካ ኢስታስ ኮያና፤ ታ ኢስታስ፥ ‹ታ ዴሬታ› ጋና፤ ኢስቲካ፥ ‹ኑ ጎዳ› ጋና» ጊዴስ።

ሚልካሳ ቲንቢቴ 1:6

«ናይ ባ ኣዋ፥ ኣይሌይካ ባ ጎዳ ቦንቼስ ሺን ታ ኢንቴስ ኣዋ ጊዲኮ ኣዛስ ታና ቦንቼኬቲ? ታኒ ጎዳ ጊዲኮ ኣዛስ ታስ ያዬኬቲ? ጌስ ሜቴ ጎዳይ፤ ቄሴቶ! ታ ሱን ካዉሺዛይ ኢንቴና። ‹ኢንቴ ቃሴ፡ ኑኒ ኔ ሱን ዎስቲ ካዉሺዶኒ?› ጌታ።

ሚልካሳ ቲንቢቴ 4:3

ታኒ ኦዛ ጋላስ ኢንቴ ኢታታ ኢንቴ ቶሆ ጋርሳን ዬና፤ ኢስቲ ኢንቴ ቶሆ ጫማ ጋርሳን ቢዲን ጊዳና» ጌስ ኡባፌ ዎልቃማ ጎዳ ጾሳይ።

Maatosa 25:34

ሄ ዎዴ ካዎይ ኡሻቻ ባጋራ ዲዛይታ፥ ‹ኢንቴኖ! ታ ኣዋይ ኢንቴና ኣንጂዳይቲ ሃ ዪቴ! ኣላሜይ ሜቶሶፔ ኢንቴስ ጊጌቲዳ ካዎቴ ላቲቴ! ጋና።

ዮሃኒሳ ሚሺራቾ 17:24

«ታ ኣዋዉ! ኔ ታና ሃይሲ ኣላሜይ ሜታናፔ ካሴ ዶሲዳ ጊሻስ ኔ ታስ ኢሚዳ ታ ቦንቾዛ ኢስቲ ቤያና ማላ ሃይቲ ኔ ታስ ኢሚዳይቲካ ታ ዲዛሶን ታናራ ዳና ማላ ዶሳይስ።

ኦሮሜ ኣሳስ 8:32

ባ ናዛስ ሚሼቶንታ ኑ ጊሻስ ኣ ኢሚዳይ ኢዛ፤ ሂስቲን ኡባ ሚሽ ኑስ ኢዛራ ኪያቴን ዉርሲ ኣዛስ ኢሜኔ?

1ቆሮንቶሴ ኣሳስ 15:23

ጊዶ ኣቲን ዉሪካ ባ ታራራ ታራራ ዴንዳና፤ ኮይሮ ባይራ ጊዲዳ ኪርስቶሲ ዴንዲዴስ፤ ኢዛፔ ካሊዲ ኢዚ ዪዛ ዎዴ ኪርስቶሳስ ጊዲዛይቲ ዴንዳና።

1ቆሮንቶሴ ኣሳስ 6:20

ኢንቴ ሚሻን ሻሜቲዴታ፤ ሄሳ ጊሻስ ኢንቴ ኢንቴ ኣሳቴን ጾስ ቦንቺቴ።

2ቆሮንቶሴ ኣሳስ 6:18

ታ ኢንቴስ ኣዋ ጊዳና፤ ኢንቴካ ታስ ኣቱማ ናይታኔ ማጫ ናይታ ጊዳንዴታ» ጌስ ኡባ ዳንዳይዛ ጎዳይ።

ጋላቲያ ኣሳስ 5:24

ዬሱስ ኪርስቶሳስ ጊዲዳይቲ ኣሾ ኢዛ ኢታ ቆፋራኔ ኢዛ ኢታ ኣሞቴራ ኢሲፌ ካቂዳ።

ዛሬ ማጻፋ 14:2

ጋሶይካ ኢንቴ፥ ጎዳ ኢንቴ ጾሳስ ዱማ ዴሬ፤ ጎዳይ ቢታ ቦላ ዲዛ ዴሬ ኡባፌ ኢንቴ ኢዛስ ዱማ ዴሬ ጊዳና ማላ ኢዚ ኢንቴና ባስ ዶሪዴስ።

ዛሬ ማጻፋ 7:6

ጋሶይካ ጎዳ ኢንቴ ጾሳይ ኢንቴና ባስ ጊዳና ማላ ዶሪዳ ዱማ ዴሬ፤ ቢታ ቦላ ዲዛ ዴሬ ኡባፌ ኢንቴ ኢዛስ ዱማ ዴሬ ጊዳና ማላ ዶሬቲዴታ።

Titosas 2:14

ኢዚካ ኑና ኢታቴፌ ዎዛናሲኔ ሎኦ ኦናስ ሚኒዛ ባ ዴሬ ባስ ዶራናስ ባና ኑስ ኣ ኢሚዴስ።

1ጴጽሮሳ ኪታ 2:9

ኢንቴ ጊዲኮ ማፔ ጌዴ ዳሮ ማላሊሲዛ ኢዛ ፖኦኮ ጼይጊዳ ማላሊሲዛ ጾሳ ኦሶ ኣዋጃናስ ዶሬቲዳ ዬሌታታ፥ ካዎ ቄሴታ፥ ጾሲ ኢንቴና ባስ ሂስቲዳ ኢንቴ ዱማ ዴሬታ።