ሚልካሳ ቲንቢቴ 3:15 - ጋሞ ማጻፋ

¹⁵ ሃኢ ኑ ኦቶራንቻቲ ኣንጄቲ ዲሺን ኢታ ኦዛይቲ ዱሬቲሺን ጾሳ ፓጪዛይቲ ኬሲ ኤኪ ኣቲሺን ቤዮስ› ጌታ» ጌስ ኡባፌ ዎልቃማ ጎዳ ጾሳይ።

Geeshsha Maxaafa

¹⁵ Ha7i nu otoranchchati anjjetti dishin iita ooththizayti duretishin Xoossa paccizayti kessi ekki attishin beyoos› geeta» gees Ubbaafe Wolqqama GODAA Xoossay.

ሚልካሳ ቲንቢቴ 3:15 ပူးပေါင်းရင်းမြစ်များ

ኣስቴሪ ማጻፋ 5:10

ጊዲኮካ ሃማይ ጮ ጌንጬጪዲ ባሶ ቢዴስ። ባ ላጌታኔ ባ ማቾ ዞሳራ ጼይጊሲዲ ኢሲ ቦላ ሺሺዳፔ ጉዬ፥

ኢዮቤ ማጻፋ 1:22

ሃ ፓጬይ ኡባይ ኢዮቤ ቦላ ጋኪንካ ኢዚ ኡባካ ናጋራ ኦቤና፤ ጾሳ ቦላካ ጫሞ ቃላ ኬሲቤና።

ኢዮቤ ማጻፋ 12:6

ባ ኤቃ ጾሳታ ጎይኒዛይቲ፥ ካይሶቲኔ ጾሳ ካዲዳ ኣሳቲካ ሳሮን ዴቴስ።

ኢዮቤ ማጻፋ 21:30

ሄይቲ፥ ‹ኢታ ኣሳታ ቦላ ቦሻይ ዪዛ ዎዴ ቆሆይ ኢስታ ጋኬና፤ ጾሳ ሃንቆይ ቆንጪዛ ዎዴ ኢስቲ ኣቲ ባና› ጊዲ ሃሳይዳ።

ኢዮቤ ማጻፋ 22:23

ኔናቴ ኡባ ዳንዳይዛ ጾሳኮ ኔ ዛሪዳኮ፥ ኔ ካሴ ማላ ሃናና፤ ኔ ሶፔ ኢታ ኦሶ ዲጋ።

ዬ ማጻፋ 10:3

ኢታ ኣሲ ባ ዎዚና ኣሞን ጬቄቴስ፤ ዮራይ ጎዳ ጫዬሲኔ ካዴስ።

ዬ ማጻፋ 106:14

ኢስቲ ባዞ ቢታን ኬሂ ኣሞቲዳ፤ ቃሴ ሜላ ቢታንካ ጾሳ ፓጪዳ።

ዬ ማጻፋ 141:4

ሞሮ ኦዛ ኣሳታራ ኢታ ኦሶ ኦንታ ማላ ታ ዎዚና ኢታኮ ዛሮፓ፤ ኢስታ ጊቢራካ ታና ሚዞፓ።

ዬ ማጻፋ 49:18

ኣሲ ፓጻ ዲዛ ዎዴን፥ «ታስ ኩሚዴስ» ጊኮካ፥ ኡባይ ኢዛስ ጊጊዳ ጊሻስ ጋላቴቲኮካ፥

ዬ ማጻፋ 58:2

ኣካይ! ኢንቴ ዎዚናን ኢታ ሚሽ ሃልቼታ፤ ኢንቴ ኩሼይ ቢታ ቦላ ማካላ ኦሶ ኦስ።

ዬ ማጻፋ 73:12

ሄኮ ኢታቲ ሃይሳ ሚሳቴቴስ፤ ኢስቲ ኡባቶ ዉዱ ጎንታይታ፤ ዱሬቴ ቆ ጋኪዳይታ።

ዬ ማጻፋ 73:3

ኣይስ ጊኮ ኢታ ኣሳታኔ ማካላንቻታ ዱሬቴ ቤኣዳ ታኒካ ኢስታ ማላ ሃናናስ ኣሞታዲስ።

ዬ ማጻፋ 78:18

ኢስቲ ኬሂ ኣሞቲዳ ካ ኦይቺዳ፤ ኤሪሼ ባ ዎዚናን ጾሳ ፓጪዳ።

ዬ ማጻፋ 78:41

ኢስቲ ዛሪ ዛሪዲ ጾሳ ፓጪዳ፤ ኢስራኤሌ ጌሻ ማዱንዳ።

ዬ ማጻፋ 78:56

ኢስቲ ጊዲኮ ኡባፌ ቃ ጾሳ ቦላ ማካሊዳ፤ ኢዛ ፓጪዲ ኢዛ ዎጋታካ ናጎንታ ኢጺዳ።

ዬ ማጻፋ 95:9

ኢስቲ ታ ኦሶ ቤኢዲካ ታናራ ኤቄቲዳኔ ታና ፓጪዳ።

ሌሚሶ ማጻፋ 12:12

ናጋራንቻቲ ኢታቲ ዲኢ ኤሂዳይሳ ኣሞቴቴስ፤ ጺሎታ ዜሬ ጊዲኮ ዳያና።

ኤራንቻታ ማጻፋ 8:14

ሳኣ ቦላ ኦሴቲዛ ሃራይ ሃዳ ሚሺ ዴስ፤ ሄሲካ ጺሎቲ ኢታታስ ቤሲዛ ቂጻቴ፥ ኢታቲ ጺሎታስ ቤሲዛ ሎኦ ሚሽ ኤኬቴስ። ሄይቲ ኡባይካ ሃዳ።

ኢሳያሳ ቲንቢቴ 2:22

ሼምፖይ ሲራ ኬዚን ኣሃ ጊዲዛ ኣሳን ኣማኔቶፍቴ፤ ኣሲ ኣይ ማዳኔ?

ኤርማሳ ቲንቢቴ 7:10

ሂስቲዲ ታ ሱንን ጼይጌቲዳ ጾሳ ኬ ዪ ታ ሲንን ኤቂዲ፥ ‹ኑኒ ሎኦ ዶስ!› ጊሼ ሃይታ ሃራሲዛ ሚሻታ ኦሶን ዴታ።

ዳኔላ ቲንቢቴ 4:30

«ታ ሚኖ ዎልቃን ታ ቦንቾስ ካዎስ ዱሳሶ ጊዳና ማላ ታ ኦሲሲዳ ጊታ ባቢሎኔ ካታማያ ሃኖ ጊዴኬ?» ጊዴስ።

ዳኔላ ቲንቢቴ 4:37

«ሄኮ ቤኢቴ! ታኒ ናቡካዳናጾሬይ ሳሎ ካዎስ ጋላታ፥ ቦንቾኔ ሳባ ሺሻይስ፤ ኢዛ ኦሶ ኡባይ ሊኬ፤ ኢዛ ኦጌይካ ሱሬ፤ ኦቶራንቻታ ኢዚ ካዉሻናስ ዳንዳዬስ» ጊዴስ።

ዳኔላ ቲንቢቴ 6:16

ሄሳ ጊሻስ ዳኔሊ ኦይኬቲ ዪዲ ጋሞታ ኦላን ዬጌታና ማላ ካዎዚ ኣዛዚዴስ። ካዎዚካ ዳኔላ፥ «ኔኒ ኡባ ዎዴ ኣማኔቴን ኢዛስ ጎይኒዛ ኔ ጎዳይ ኔና ኣሾ» ጊዴስ።

ሚልካሳ ቲንቢቴ 2:17

ኢንቴ ጮ ሃዳ ሃሳያን ጎዳ ሳሌዴታ፤ «ኑ ኢዛ ኣዛን ሳሌዶኒ?» ጌታ፤ ኢንቴ ኢዛ ሳሌዳይ፥ «ኢታ ኦዛይቲ ኡባይ ጾሳ ሲንን ሎኦ፤ ኢዚካ ኢስታን ኡፋዬቴስ» ጉሳን ዎይኮ «ቱማ ፒርዲዛ ጾሲ ኣዋን ዲዜ?» ጉሳና።

ሚልካሳ ቲንቢቴ 4:1

«ሄኮ ጮጬ ታማ ማላ ኤጺዛ ጋላሲ ያና፤ ኦቶራንቻቲኔ ኢታ ኦዛይቲ ዉሪካ ሜላ ሃፓ ማላ ጊዳና፤ ሄ ያና ጋላሳይካ ኢስታ ጹጋና፤ ጼራካ ጻጶካ ኣሼና» ጌስ ኡባፌ ዎልቃማ ጎዳ ጾሳይ።

ሃዋሬታ ኦሶ 12:21

ጊጋና ባሬቲዳ ጋላስ ሄርዶሲ ካዎቴ ማይኦ ማይኢዲ ካዎቴ ኣልጋን ኡቲዲ ዴራስ ሃሳይዴስ።

ሃዋሬታ ኦሶ 5:9

ጴጽሮሲካ፥ «ኢንቴ ጾሳ ኣያና ፓጫናስ ኣይስ ኢሲ ዶና ጊዲዴቲ? ሄኮ ኔ ኣዚና ሞጊዳ ኣሳቲ ሞጊ ሲሚዲ ካሬን ፔንጌ ቦላ ዴቴስ። ኢስቲ ኔናካ ኬሲ ኤኪ ኤፋና» ጊዴስ።

1ቆሮንቶሴ ኣሳስ 10:9

ኢስታ ጋርሳፌ ኢሲ ኢሲ ኣሳቲ ጎዳ ፓጪዲ ሾሻን ዱኬቲ ሃይቂ ይዳይሳ ማላ ኑኒካ ኣኔ ጎዳ ፓጮኮ።

Ibirawe 3:9

ኢንቴ ኣዋቲ ካሴ ሄን ታና ፓጪዳኔ ታናራ ኤቄቲዳ። ታ ኦዳይሳ ዉርሲ ኦይዱ ታሙ ላይ ጋካናስ ቤኢዳ።

1ጴጽሮሳ ኪታ 5:5

ሄሳካ ኢንቴኖ ናቴቶ! ኢንቴ ጪማታስ ኣዛዜቲቴ፤ ኢንቴ ዉሪካ ኣሽኬቴ ኣፋላ ማላ ማይኢዲ ኢሶይ ኢሳስ ኦቴ። «ጾሲ ኦቶሪዛይታ ኢጼስ፤ ኣሽኬታስ ቃሴ ባ ኪያቴ ኢሜስ» ጌቴቲ ካሴ ጌሻ ማጻፋን ጻፌቲዴስ።