ሉቃሳ ሚሺራቾ 6:25 - ጋሞ ማጻፋ

²⁵ ኢንቴኖ ሃኢ ካሊዳይቶ! ኢንቴና ኣዬ ኣና! ኢንቴ ጉዬፔ ጋፋና፤ ኢንቴኖ ሃኢ ሚጪዛይቶ! ኢንቴስ ኣዬ ኣና! ኢንቴ ጉዬፔ ሚሼታናኔ ዬካና።

Geeshsha Maxaafa

²⁵ Intteno ha7i kallidaytoo! Inttena aayye ana! Intte guyeppe gafana; intteno ha7i miiccizaytoo! Inttes aayye ana! Intte guyeppe mishettananne yeekkana.

Gamo Geesha Maxxafa New Testamen

²⁵ inteno ha7i kalidayto intena ayye inte guyyeppe yeekkana, inte guyyeppe michistanasinne yeekkana gish inteno ha7i miicizayto intes ayye inte guyyepe yekana,

ሉቃሳ ሚሺራቾ 6:25 ပူးပေါင်းရင်းမြစ်များ

ዬ ማጻፋ 49:19

ሲሚዲ ሙሌካ ፖኦ ቤኦንታሶ ባ ኣዋታ ማባራን ጋይቴስ።

ሌሚሶ ማጻፋ 14:13

ሚቻንካ ዎዚናይ ሜቂ ኤሬስ፤ ሙዞቴን ኡፋይሲ ፖሌታና ዳንዳዬስ።

ሌሚሶ ማጻፋ 30:9

ሂስቶንታ ኣጊኮ ታኒ ኬሃ ካላዳ ኔና ካዳና፤ ‹ጎዳይ ኢዚ ኦኔ?› ጋና፤ ዎይኮ ማንቃዳ ካይሳና፤ ሂስታዳ ታኒ ጾሳ ሱን ጫይሳና።

ኤራንቻታ ማጻፋ 2:2

ቃሴካ፥ «ሚቺ ኤያቴ፤ ኢሻሎሲኔ ኡፋይሳስ ኣይ ጎኣይ ዲዜ?» ጋዲስ።

ኤራንቻታ ማጻፋ 7:3

ሚቻፌ ካዮይ ኪያ፤ ጋሶይካ ካዮይ ሲን ካሬኮካ ዎዚና ፖኢሴስ።

ኤራንቻታ ማጻፋ 7:6

ኤያታ ሚቺ ኦቶ ጋርሳን ኤጺሼ ቄቲዛ ኣጉን ማላ፤ ሄሲካ ሃዳ።

ኢሳያሳ ቲንቢቴ 28:7

ሃይቲ ዎይኔ ኡሹ ኡዪዲ ዪጮቴቴስ፤ ማሲዛ ኡሻን ጋንዲጋሬቴስ። ቄሴቲኔ ናቤቲ ማሲዛ ኡሻን ጋንዲጋርዳ፤ ዎይኔ ኡሻ ጋሶን ዮኦይ ኢስታፌ ባሌቲዴስ፤ ማሲዛ ኡሻን ጋንዲጋርዳ፤ ኣጁታ ሊኬራ ቤኤቴና፤ ፒርዳ ፒርዲሼ ጴቴቴስ።

ኢሳያሳ ቲንቢቴ 65:13

ሄሳ ጊሻስ፥ ኡባ ሃሪዛ ጎዳይ፥ «ቤኢቴ፥ ታ ኣሽካራቲ ማና፤ ኢንቴ ጊዲኮ ጋፋና፤ ታ ኣሽካራቲ ኡያና፤ ኢንቴ ጊዲኮ ሳሜታና፤ ታ ኣሽካራቲ ኡፋዬታና፤ ኢንቴ ጊዲኮ ዬላታና።

ኢሳያሳ ቲንቢቴ 8:21

ኢስቲ ጬጪሼኔ ጋፊሼ ቢታ ቦላ ቶይላታና፤ ኢስቲ ኬሂ ጋፊዳ ዎዴ ሃንቄታና፤ ፑዴ ጼሊዲ ባንታ ካዋኔ ባንታ ጾሳ ቃንጋና።

ኢሳያሳ ቲንቢቴ 9:20

ኡሻቻ ባጋራ ቱጻና፤ ጊዶ ኣቲን ጋፋ ቴቄና። ሃዲርሳ ባጋራ ማና፤ ጊዶ ኣቲን ካሌቴና። ኢሶይ ኢሶይ ባ ዬሊዳ ናይታ ማና።

ኣሞጼ ቲንቢቴ 8:10

ኢንቴ ላይን ላይን ቦንቺዛ ባኣሌዛ ዬሆን ላማና፤ ኢንቴ ዬጺዛ ዬካ ዋሶን ላማና፤ ዲዛ ፔጺ ኢሲ ናይ ሃይቂን ጫሞ ዬሆ ዬኪዛ ኣሳ ማላ ኢንቴ ኢንቴ ሁኤ ቢናና ቡጪዲ ማቃ ማይኣና ማላ ታኒ ኢንቴና ኦና፤ ሄ ዉርሴ ጋላሳይ ጫሞ ጋላስ ጊዳና።

ናሆሜ ቲንቢቴ 1:10

ኢስቲ ኣጉንን ቃጼታና፤ ባ ዎይኔ ኡሻን ኢስቲ ማታና፤ ታማይ ኢስታ ቡጻ ማላ ማና።

ሉቃሳ ሚሺራቾ 12:20

«ጊዶ ኣቲን፥ ‹ጾሲ ሃይሶ ኤያዞ! ኔ ሼምፖዮ ሃች ኦማርስ ኔፔ ኤካና ኮዬቴስ፤ ሄሳ ጊሻስ ኔ ኔስ ሺሺዳይሲ ኦናስ ጊዳኔ?› ጊዴስ።

ሉቃሳ ሚሺራቾ 13:28

«ኢንቴ ኣብራሃሜ፥ ዪሳቃ፥ ያቆቤኔ ናቤታ ኡባታ ጾሳ ካዎቴን ቤኢዛ ዎዴ ኢንቴ ካሬን ዬጌቲ ኣቲኮ ሄ ዎዴ ኢንቴስ ዬሆኔ ኣቻ ጋርጬች ጊዳና።

ሉቃሳ ሚሺራቾ 6:24

«ጊዶ ኣቲን ኢንቴኖ ዱሬቶ! ኢንቴ ሃኢ ኡፋዬቲዳ ጊሻስ ኢንቴስ ኣዬ ኣና!

ሉቃሳ ሚሺራቾ 6:26

«ኣሲ ዉሪ ኢንቴ ጊሻስ ሎኦ ሃሳይዛ ዎዴ ኢንቴስ ኣዬ ኣና! ኣይስ ጊኮ ኢስታ ኣዋቲ ዎርዶ ናቤታስ ሄሳ ማላ ኦዳ።

ሉቃሳ ሚሺራቾ 8:53

ኣሳይካ ናያ ሃይቂዳይሳ ኤሪዛ ጊሻስ ዬሱሳ ቦላ ሚጪዴስ።

ኤፌሶኔ ኣሳስ 5:4

ኢንቴ ጋላታ ጋላቲዛይታ ጊዲቴ ኣቲን ኣሴ ዬላቺዛ ላፋ ሃሳያይ፥ ጮ ኤያቴ ዮኦይ ኢንቴስ ቤሶንታ ጊሻስ ሄሳ ማላይ ኢንቴ ጋርሳን ዶፖ።

1ታሶሎንቄ ኣሳስ 5:3

ኣሳይ፥ «ጋዴይ ሳሮኔ ሎኦኮ» ጊሺን ሚጻይ ቃንራ ዲዛ ማጫስ ኦይኪዛ ማላ ሄሳካ ኣስ ይሲዛይ ቆፖንታ ዲሺን ኣሳ ቦላ ጋካና፤ ኦኒካ ኬሲ ኤኬና።

ያቆቤ ኪታ 4:9

ዳርሲ ቆፒቴ፤ ሙዞቲቴ፤ ዬኪቴ፤ ኢንቴ ሚቻይ ዬሆን፥ ኡፋይሳይ ቃሴ ሙዞቴን ሲሞ።

ዮሃኒሳ ኣጁታ 3:17

‹ታኒ ዱሬኮ፤ ታስ ዳሮ ሃሮይ ዴስ፤ ታስ ኣይኮይካ ፓጪቤና› ጋሳ ሺን ኔኒ ጊልቃ፤ ኣይኮይ ባይንዳ ሂዬሳ፤ ማንቆ፤ ቆቄኔ ካሎ ዲዛዴ ጊዲዳይሳ ኔ ኤራቤካ።

1ሳሜላ ማጻፋ 2:5

ካሴ ካሊዳይቲ ጋፊዲ ሃኢ ካስ ሃሬቲዳ፤ ካሴ ጋፊዳይቲ ሃኢ ካ ካሊዳ፤ ማይኔያ ሃኢ ላፑን ና ዬላዱስ፤ ዳሮ ናይታ ኣዬያ ሃኢ ዬሎ ያዱስ።