ሉቃሳ ሚሺራቾ 11:34 - ጋሞ ማጻፋ

³⁴ ኔ ኣሳቴስ ፖኦይ ኔ ኣይፌ፤ ኔ ኣይፌይ ፓጻ ጊዲኮ ኔ ኩሜ ኣሳቴይካ ፖኦ ጊዳና፤ ኔ ኣይፌይ ሳኬቲኮ ኔ ኩሜ ኣሳቴይ ማ ጊዳና።

Geeshsha Maxaafa

³⁴ Ne asateththas poo7oy ne ayfe; ne ayfey paxa gidikko ne kumeththa asateththayka poo7o gidana; ne ayfey sakettiko ne kumeththa asateththay dhuma gidana.

Gamo Geesha Maxxafa New Testamen

³⁴ Ne asatetha poo7oy ne ayfe ne ayfey paxa gidiko ne kumetha asatethay poo7o gidana ne ayfey sakettikko ne kumetha asatethay dhuma gidana.

ሉቃሳ ሚሺራቾ 11:34 ပူးပေါင်းရင်းမြစ်များ

ሜቴ ማጻፋ 19:11

ሄሳፌ ጉዬ ኢስቲ ኬ ፔንጌን ዲዛ ኣሳ ጉፌ ጊታ ጋካናስ ቆቂሲን ኢስቲ ፔንጌዛ ዴማናስ ኮዪሼ ዳቡርዳ።

ዬ ማጻፋ 119:18

ኔ ዎጋ ጊዶን ዲዛ ማላሊሲዛ ቱማቴ ታኒ ቤኣና ማላ ታ ኣይፌ ዶያ።

ዬ ማጻፋ 81:12

ሄሳ ጊሻስ ታኒ ኢስቲ ባ ዎዚና ሙሜቴ ባ ዶሶይሳ ሃናና ማላ ኣጋጋዲስ።

ሌሚሶ ማጻፋ 21:4

ኦቶሮይኔ ሃላጫይ ኢታ ኣሳታ ቤሲዛ ማላታ፤ ሄሲካ ናጋራ።

ሌሚሶ ማጻፋ 28:22

ኡዜቲዛ ኣሲ ዱሬታናስ ጃሜስ፤ ባና ሂዬሳቴ ኦይካናይሳካ ኤሬና።

ኢሳያሳ ቲንቢቴ 29:10

ጎዳይ ኢንቴ ቦላ ዎልቃማ ስኮ ዬጊዴስ፤ ኢንቴ ናቤታ ኣይፌ ጎዚዴስ፤ ኣጁታ ቤኢዛይታ ሁኤ ጉሉንቲሲዴስ።

ኢሳያሳ ቲንቢቴ 42:19

ታ ኣሽካረራ ታኒ ኪቲዳዴፌ ኣቲን ሃራ ቱሌይ ኦኔ? ታስ ኣማኔቲዳዴ ማላ ቆቄይ፥ ጎዳ ኣሽካራ ማላ ቆቄይ ኦኔ?

ኢሳያሳ ቲንቢቴ 44:18

ኢስቲ ኣይኮካ ኤሬቴናኔ ኣኬኬቴና፤ ኢስቲ ጼሎንታ ማላ ኢስታ ኣይፌይ ጎዜቲዴስ፤ ኢስቲ ዩሺ ቆፖንታ ማላ ኢስታ ዎዚናይ ጎርዴቲዴስ።

ኢሳያሳ ቲንቢቴ 5:20

ኢታ ሎኦ፥ ሎኦዛ ኢታ ጊዛይታስ፥ ማ ፖኦ ፖኦዛ ማ ኦዛይታሲኔ ጫሚዛይሳ ማልኦ፥ ማልኢዛይሳ ጫሞ ኦዛይታስ ኣዬ ኣና!

ኢሳያሳ ቲንቢቴ 6:10

ሃይሳ ዴራ ዎዚና ዳሚሳ፤ ኢስታ ሃይካ ቱሊሳ፤ ኢስታ ኣይፌዛካ ቆቂሳ፤ ሂስቶንታ ኣጊኮ ኢስቲ ባንታ ኣይፌን ቤኣና፤ ባንታ ሃይን ሲያና፤ ባንታ ዎዚናንካ ኣኬካና፤ ሂስቲዲ ኢስቲ ታኮ ሲሚዲ ፓጻና» ጊዴስ።

ኤርማሳ ቲንቢቴ 5:21

ኢንቴኖ ኣይፌይ ዲሺን ዴሞንታይቶ! ሃይ ዲሺን ሲዮንታይቶ! ኤያኔ ዩሺ ቆፖንታይቶ! ሃይሳ ሲዪቴ!

ማርቆሳ ሚሺራቾ 4:12

ሄሲካ ካሴ፥ ‹ኢስቲ ቤኢዲ ቤኢዳይሳ ኣኬኮንታ ማላኔ ሲሞንታ ማላ፥ ቃሴካ ኢስታ ናጋራይ ማሬቶንታ ማላኮ› » ጊዴስ።

ማርቆሳ ሚሺራቾ 7:22

ዪቄቴ፥ ኢታቴ፥ ባሌ፥ ላይማ ካስ፥ ቃናቴቴ፥ ኣሳ ሱን ሞሮ፥ ኦቶሬቴኔ ኣዛላ።

ማርቆሳ ሚሺራቾ 8:18

ኢንቴስ ኣይፌይ ዴስ ሺን ጼሌኬቲ? ሃይ ዴስ ሺን ሲዬኬቲ? ኣኬኬኬቲ?

ሉቃሳ ሚሺራቾ 11:35

ሄሳ ጊሻስ ኔናን ዲዛ ፖኦይ ሞንታ ማላ ናጌታ።

ሃዋሬታ ኦሶ 13:11

ሄኮ ሃኢ ጎዳ ኩሼይ ኔ ቦላ ዴስ፤ ኔ ቆቃና፤ ሃኒፌ ጉዬ ኣርሼ ፖኦ ኢሲኖካ ቤያካ» ጊዴስ። ሄራካ ሻሩማይኔ ማይ ኢዛ ቦላ ዎዴስ፤ ኩሼ ኦይኪ ባና ካሌናዴ ኮሺ ያኔ ሃ ጊዴስ።

ሃዋሬታ ኦሶ 2:46

ጋላስ ጋላስ ጾሳ ኬን ኢሲፌ ሺቄቴስ፤ ባ ኬንካ ቁማ ኢሲፌ ኡፋይሳኒኔ ሱሬ ዎዚናን ኢሲፌቴን ሜቴስ።

ሃዋሬታ ኦሶ 26:18

ኔ ኢስታ ኣይፌ ዶያና ማላኔ ማፔ ፖኦን ኬሳና ማላ ቃሴካ ጻላኤስ ሃሬቲዛሶፔ ጾሳኮ ኔ ዛራና ማላ ኦና፤ ኢስቲካ ታና ኣማኒዳ ጊሻስ ባ ናጋራፔ ማሬታና፤ ቃሴ ዶሬቲዳይታ ጊዶን ኢስቲ ጺንጾ ዴማና› ጊዴስ።

2ቆሮንቶሴ ኣሳስ 1:12

ሂስቲኮ ኑ ጬቄቴ ሃይሳ ማላ፤ ሃ ኣላሜዛን ሃራፔካ ኢንቴሳራ ኑሳራ ዲዛ ጋይቶቴን ጾሳፌ ጊዲዳ ጌሻቴኒኔ ሱሬቴን ኑ ዴኢዳይሳ ኑ ዎዚናይ ኑስ ማርካቴስ፤ ሄሲካ ኣሳ ጪንጫቴን ጊዶንታ ጾሳ ኪያቴና።

2ቆሮንቶሴ ኣሳስ 11:3

ሾሻይ ባ ጌኔራ ሄዋኖ ባሌዳይሳ ኦኔ ኤሪዛይ ኢንቴ ቆፋይካ ሞሬቲን ኪርስቶሳስ ዲዛ ሱሬኔ ጌሽ ጊዲዳ ኣማኔቴ ኢንቴና ኣጋጋንዴቶ ጋዳ ታ ሂርጋይስ።

2ቆሮንቶሴ ኣሳስ 4:4

ጾሳ ሌሚሶ ጊዲዳ ኪርስቶሳ ቦንቾ ሚሺራቾ ቃላ ፖኦዛ ሃ ኣላሜ ኣሳይ ቤኦንታ ማላ ሃይሳ ሃ ኣላሜዛ ጾሲ ኣማኖንታ ኣሳ ዎዚና ሙሚሲዴስ።

ኤፌሶኔ ኣሳስ 1:17

ቦንቾ ኣዋ ጊዲዳ ኑ ጎዳ ዬሱስ ኪርስቶሳ ኣዋ ጾሳ ኢንቴ ሎኤ ኤራና ማላ ቆንጪሲዛ ኣያናይኔ ኤራቴ ኣያናይ ኢንቴስ ኢሜታና ማላ ታ ኢንቴስ ፓጬይ ባይንዳ ዎሳይስ።

ኤፌሶኔ ኣሳስ 6:5

ኦሳንቻቶ! ኢንቴ ኪርስቶሳስ ኣዛዜቲዛ ማላ ቢታ ቦላ ኢንቴና ኦሲሲዛይታስ ያሻቴኒኔ ቦንቾን ሱሬ ዎዚናፔ ኣዛዜቲቴ።

ቆላሲያሴ ኣሳስ 3:22

ኣይሌቶ! ኣስ ኡፋይሳናሲኔ ጮ ኣይፌሶን ቤታናስ ጊዶንታ ሱሬ ዎዚናፔ ኢንቴ ጎዳስ ባቢቴ፤ ሃይሳ ሃ ቢታን ሃሪዛ ጎዳታስካ ሃኖ ኡባን ኣዛዜቲቴ።