ሌዌታ ማጻፋ 26:17 - ጋሞ ማጻፋ

¹⁷ ታኒ ኢንቴ ቦላ ሃንቆን ዴንዲዛ ጊሻስ ኢንቴ ጾኔታና፤ ኢንቴ ኢጺዛ ኢንቴ ሞርኬቲ ኢንቴና ሃራና፤ ኦኒካ ኢንቴና ጎዶንታ ኢንቴ ኢንቴርካ ባቃታና።

Geeshsha Maxaafa

¹⁷ Tani intte bolla hanqon dendiza gishshas intte xoonettana; intte ixxiza intte morkketi inttena haarana; oonikka inttena gooddontta intte intterkka baqatana.

ሌዌታ ማጻፋ 26:17 ပူးပေါင်းရင်းမြစ်များ

ሜቴ ማጻፋ 4:12

ኔኒ ኦንካ ቢታይ ኔስ ካ ኢሜና፤ ቤቴ ኣሳ ማላ ኔኒ ቢታ ቦላን ቶይላታና» ጊዴስ።

1ካዎታ ማጻፋ 8:33

«ኔ ዴሬ ኢስራኤሌይ ኔና ቆሂዳ ጋሶን ባ ሞርኬታን ጾኔቲዲ ኢስቲ ኔኮ ሲሚዲ ኔ ሱን ጼይጊኮ ሃ ጾሳ ኬን ኔና ዎሲኮኔ ኔና ሾቢኮ፥

2ካዎታ ማጻፋ 13:3

ጎዳ ሃንቆይ ኢስራኤሌ ቦላ ታማ ማላ ኤጺዴስ፤ ሄሳ ጊሻስ ኣራሜ ካዎ ኣዛሄሌይኔ ኢዛ ና ቤኒ-ሃዳዴይ ዲዛ ዎዴ ኡባን ጎዳይ ኢስራኤሌታ ኢስታ ኩሼን ኣ ኢሚዴስ።

2ካዎታ ማጻፋ 13:7

ኢዮኣካዜ ኦላ ኣሳፔ 50 ቶጋ ኣሳቲ፥ ታሙ ፓራ-ጋሬቲኔ 10,000 ዎታዳራቲ ጻላ ኣቲዳ፤ ሃይሲ ሃኒዳይ ኣራሜ ካዎይ ኣቲዳይታ ኡባ ዲፒ ሂስቲ ይሲዲ ባሌፔ ኬኢዛ ሱላ ማላ ኦዳ ጊሻሳ።

ዬ ማጻፋ 44:10

ኑ ሞርኬታ ሲንፌ ኑና ባቃቲሳዳሳ፤ ኑናራ ኤቄቲዛይቲ ኑ ኣቆታ ቦንቂዳ።

ዬ ማጻፋ 53:5

ጾሲ ባ ኣሳ ሞርኪዛይታ ሜቄ ላላና፤ ኢስቲ ካሴ ዳጋሚ ኤሮንታ ዳጋማ ዳጋማና። ጾሲ ኢስታ ካዳ ጊሻስ ኢስቲ ዬላታና፤

ዬ ማጻፋ 53:6

ኢስራኤሌስ ኣቶቴ ጺዮኔፔ ዪዳኮ! ጾሲ ባ ዴራፔ ዲኤቲዳይሳ ዛሪዛ ዎዴ ያቆቤ ዛሬቲ ኡፋዬታና፤ ኢስራኤሌ ኣሳይ ኡፋዬታና።

ሌሚሶ ማጻፋ 28:1

ኢታ ኣሲ ኦኒካ ዬዴንታ ባቃቴስ፤ ጊዶ ኣቲን ጺሎይ ጋሞ ማላ ዎዚና ኩሜ።

ኢሳያሳ ቲንቢቴ 30:17

ኢንቴ ዙማ ሁኤን ኤቂዳ ባንዲራ ማላ ዙምቡላታ ጼራን ኤቂዳ ማላታ ማላ ጊዲ ኢንቴ ኣታናሼ ጋካናስ ኢሲ ኣሳ ማንዴን 1,000 ኣሲ ባቃታና፤ ኢቻሽ ኣሳ ማንዴን ኢንቴ ኡባይ ባቃታና» ጌስ።

ኢሳያሳ ቲንቢቴ 63:10

ኢስቲ ጊዲኮ ማካሊዳ፤ ኢዛ ጌሻ ኣያናካ ሚሺሲዳ ሄሳ ጊሻስ ኢዚ ሲሚዲ ኢስታስ ሞርኬ ጊዲዴስ፤ ኢስታ ኦሊዴስ።

ኤርማሳ ቲንቢቴ 19:7

« ‹ሃ ሶሆን ዩሁዳ ሃልቾኔ ዬሩሳላሜ ሃልቾ ታ ላላና፤ ኢስቲ ባንታ ሞርኬታ ማሻኒኔ ባንታና ዎናስ ኮይዛይታ ኩሼን ሃይቃና ማላ ታኒ ኦና፤ ኢስታ ኣሃ ሳሎ ካፎታሲኔ ዎራ ዶኣታስ ቁማ ሂስታ ኢማና።

ኤርማሳ ቲንቢቴ 44:11

«ሄሳ ጊሻስ ኡባፌ ዎልቃማ ጎዳ ኢስራኤሌ ጾሳይ፥ ‹ታኒ ኢንቴ ቦላ ሜቶ ኤሃናሲኔ ዩሁዳ ኡባ ይሳናስ ቃቻ ዴንዳዲስ።

ኤርማሳ ዚላስ 1:5

ኢዚ ናጋራይ ዳሮ ጊዲዳ ጋሶን ጎዳይ ኢዚ ቦላ ሜቶ ዬጊዴስ፤ ኢዚ ሞርኬቲ ኢዞ ሃሪዳ፤ ኢዚ ናይቲካ ሞርኬታን ዲኤቲዳ፤ ኢዚ ሞርኬታስ ዱሲ ሎኢዴስ።

ኤርማሳ ዚላስ 2:4

ኢዚ ሞርኬ ማላ ዎንዳፌ ዳፊ ኦይኪዴስ፤ ኢዛ ኡሻቻ ኩሼይ ዪሻ ዬዳናስ ጊግሲዴስ፤ ባና ሎኢዛይታ ኡባ ሞርኬ ማላ ሹኪዴስ፤ ጺዮኔ ዱንካኔታ ቦላካ ባ ሃንቆ ታማ ማላ ቆሊዴስ።

ሂዚቄላ ቲንቢቴ 15:7

ታኒ ታ ኣይፌሶ ኢታቴን ኢስታ ቦላ ዛራና፤ ኢስቲ ታማፔ ኬሲ ኤኪ ኣቲዳ ጊዲኮካ ቡሮ ኢስታ ታማይ ማና፤ ታኒ ታ ሲን ኢታቴን ኢስታኮ ዛሪዛ ዎዴ ታኒ ጎዳ ጊዲዳይሳ ኢንቴ ኤራና።

ሌዌታ ማጻፋ 17:10

«ኢስራኤሌ ኣስ ጊዲዳይ ኦኒካ ዎይኮ ኢስራኤሌ ናይታራ ኢሲፌ ዲዛ ሃራ ዴሬ ኣሲ ሱ ኡዪኮ ሄሳዴይ ታ ኣቻን ኢጼቲዳዴ ጊዴስ፤ ታኒ ሄሳዴ ኢዛ ዴሬ ጋርሳፌ ሻካ ይሳና።

ዛሬ ማጻፋ 28:25

ጎዳይ ኔ ሞርኬታ ሲንን ኔኒ ጾኔታና ማላ ኦና፤ ኔኒ ኢስታ ቦላ ኢሲ ኦጌራ ባናሺን ኢስታፌ ኣታናስ ላፑናሶራ ባቃታና፤ ቢታ ቦላ ዲዛ ካዎቴቲ ኡባይ ኔ ቦላ ጋኪዛይሳ ቤኢዲ ሂርጋን ኮኮራና።

ኢያሶ ማጻፋ 7:4

ሂስቲን 3,000 ጊዲዛ ኣሳይ ኦሌታናስ ኣዬ ካታማ ቢዴስ፤ ጊዶ ኣቲን ኣሳይ ኣዬ ካታማ ኣሳ ሲንፌ ባቃቲዴስ።

ዳናታ ማጻፋ 2:14

ሄሳ ጊሻስ ጎዳ ሃንቆይ ኢስራኤሌ ኣሳ ቦላ ኤጺ ኬዚዴስ፤ ዎራጂዛይቲ ቦንቃና ማላ ኢስታ ሞርኬታ ኩሼን ኣ ኢሚዴስ፤ ኢስታ ሄራን ዲዛ ሞርኬታስ ኢስታ ኣ ኢሚዴስ፤ ሄሳፌ ጉዬ ኢስቲ ባንታ ሞርኬታራ ኤቄታናስ ዳንዳይቤቴና።

ዳናታ ማጻፋ 3:14

ኢስራኤሌ ኣሳይካ ሞኣቤ ካዎ ኤጊሎኔስ ታማኔ ኦስፑን ላይ ሃሬቲዴስ።

ዳናታ ማጻፋ 3:8

ሄሳ ጊሻስ ጎዳ ሃንቆይ ኢስራኤሌ ኣሳ ቦላ ኤጺ ኬዚዴስ፤ ጎዳይ ማሶጴጾምያ ቢታ ካዎ ኩሻን-ኣሪሻታዬ ኩሼን ኢስታ ኣ ኢሚዴስ፤ ኢስቲካ ኢዛስ ኦስፑን ላይ ሃሬቲዳ።

ዳናታ ማጻፋ 6:2

ሚዲያሜ ኣሳይ ኢስራኤሌ ኣሳ ቦላ ሚኒዳ ጊሻስ ኢስራኤሌ ኣሳይ ኢስታፌ ቆቴቲ ኣታናሶ ጎንጎሎኔ ሚጻ ጊግሲዴስ።

1ሳሜላ ማጻፋ 12:15

ጊዶ ኣቲን ኢንቴ ጎዳስ ኣዛዜቶንታ ኢጺዲ ኢዛ ኣዛዞ ቦላ ማካሊኮ፥ ኢዛ ኩሼይ ኢንቴ ኣዋታ ቦላ ዴጺዳ ማላ ኢንቴ ቦላካ ዴጻና።

1ሳሜላ ማጻፋ 31:1

ሄ ዎዴ ፊሊስጼሜ ኣሳይ ኢስራኤሌ ኣሳ ኦሊዴስ፤ ኢስራኤሌ ኣሳይ ኢስታ ሲንፌ ባቃቲዴስ፤ ዳሮ ኣሳይ ጊልቦኣ ዙማ ቦላ ጫዴቲ ሃይቂዴስ።

1ሳሜላ ማጻፋ 4:10

ሂስቲን ፊሊስጼሜ ኣሳይ ኦሌቲዴስ፤ ኢስራኤሌ ኣሳይ ጾኔቲዲ ኢሶይ ኢሶይ ባቃቲ ባ ዱንካኔን ዱንካኔን ጌሊዴስ፤ ዳሮ ኣሳይ ዉሪዴስ፤ ኢስራኤሌፔ 30,000 ኦላንቻቲ ሃይቂዳ።