ሌዌታ ማጻፋ 26:14 - ጋሞ ማጻፋ

¹⁴ « ‹ጊዶ ኣቲን ኢንቴ ታ ጊዛዝ ሲዮንታ ኢጺኮ ሃ ኣዛዞታ ኡባ ኦንታ ኣጊኮ፥

Geeshsha Maxaafa

¹⁴ « ‹Gido attiin intte ta gizaaz siyontta ixxiko ha azazota ubbaa ooththontta aggiko,

ሌዌታ ማጻፋ 26:14 ပူးပေါင်းရင်းမြစ်များ

2ካዎታ ማጻፋ 22:13

«ኢንቴ ቢዲ ታ ጊሻስ፥ ዴራ ጊሻሲኔ ዩሁዳ ኣሳ ጊሻስ ሃይሳ ማጻፋን ጻፌቲዳይሲ ኣይ ጊዛኮ ጎዳ ኦይቺቴ፤ ጋሶይካ ኑ ኣዋቲ ሃይሳ ማጻፋዛ ቃላስ ኣዛዜቶንታ ኢጺዳ ጊሻስ፥ ኑ ጊሻስ ኢዛን ጻፌቲዳይሳ ኡባካ ኢስቲ ፖሎንታ ኣጊዳ ጊሻስ ሃኢ ኑ ቦላ ጎዳ ሃንቆይ ዎልቃማ» ጊ ኣዛዚዴስ።

2ታሪኬ ማጻፋ 34:24

ጎዳይ ‹ቤኢቴ፥ ዩሁዳ ካዎ ሲንን ናባቤቲዳ ማጻፋን ጻፌቲዳ ኢታ ቃንጌ ኡባ፥ ሃ ሶሆዛ ቦላኔ ሃ ሶሆዛን ዲዛ ኣሳ ቦላ ኤሃና ሃናይስ።

2ታሪኬ ማጻፋ 7:19

«ጊዶ ኣቲን ኢንቴ ታና ካላናይሳ ኣጊዲ ጉዬ ሲሚኮ፥ ታኒ ኢንቴና ኣዛዚዳ ታ ኣዛዞታኔ ታ ዎጋታ ኣጊዲ ሃራ ጾሳታስ ኦናሲኔ ጎይናናስ ኢንቴ ቢኮ፥

ዬ ማጻፋ 81:12

ሄሳ ጊሻስ ታኒ ኢስቲ ባ ዎዚና ሙሜቴ ባ ዶሶይሳ ሃናና ማላ ኣጋጋዲስ።

ሌሚሶ ማጻፋ 3:33

ጎዳ ቃንጌ ኢታ ኦዛይታ ኬና፤ ጊዶ ኣቲን ኢዛ ኣንጆይ ጺሎታሶና።

ኤርማሳ ቲንቢቴ 11:8

ኢስቲ ጊዲኮ ባ ዎዚና ኢታቴ ካሊዳ ኣቲን ታስ ኣዛዜቲቤቴና፤ ባ ሃይካ ሃ ታኮ ዬጊቤቴና፤ ሄሳ ጊሻስ ኢስቲ ካላና ማላ ታ ኣዛዚዳ ጫቆ ቃላ ፖሎንታ ኣጊዳ ጊሻስ ታ ኢስታ ቦላ ቃንጌ ኤሃዲስ» ጊዴስ።

ኤርማሳ ቲንቢቴ 17:27

ጊዶ ኣቲን ኢንቴ ሳምባታ ጋላሳታ ዱማሶንታ ኢጺዲ ሳምባታ ጋላስ ቶሆ ቶኪዲ ዬሩሳላሜ ፔንጌታራ ጌሊዲ ታ ኣዛዞ ሜንኮ ታኒ ዬሩሳላሜ ፔንጌታ ቦላ ኢዚ ሚጻታ ሚዛ ቶኦንታ ታማ ታ ኤና» ጊዴስ።

ኤርማሳ ቲንቢቴ 26:4

ኔ ኢስታስ፥ ‹ጎዳይ ኢንቴና ኢንቴ ታ ጊዛዝ ሲዮንታ ኢጺኮ፥ ታ ኢንቴስ ኢሚዳ ታ ዎጋ ናጎንታ ኢጺኮ፥

ኤርማሳ ቲንቢቴ 28:8

ኔፔኔ ታፔ ካሴ ሲንን ዴኢዳ ናቤቲ ዳሮ ዴሬታ ቦላኔ ጊታ ካዎቴታ ቦላ ኦላ ጊሻስ፥ ባሻ ጊሻሲኔ ኢታ ሃርጌ ጊሻስ ቲንቢቴ ዮቲዳ።

ኤርማሳ ቲንቢቴ 32:23

ሂስቲን ኢስቲ ሄ ቢታ ጌሊዲ ላቲዳ፤ ጊዶ ኣቲን ኔስ ኣዛዜቲቤቴና፤ ኔ ዎጋካ ናጊቤቴና፤ ኢስቲ ኦና ማላ ኔኒ ኣዛዚዳይሳ ኡባካ ኦቤቴና፤ ሄሳ ጊሻስ ኔኒ ኢስታ ቦላ ሃ ቦሻ ኡባ ኤሃዳሳ።

ኤርማሳ ቲንቢቴ 40:2

ካዎ ቦንቾ ናጊዛ ዛቤታ ኣዛዚዛይሲ ኤርማሳ ጻላ ኤኪዲ ኢዛስ፥ «ጎዳ ኔ ጾሳይ ሃይሲ ባሻይ ሃ ቢታይ ቦላ ያናይሳ ዮቲዴስ።

ኤርማሳ ዚላስ 1:18

«ጾሲ ጺሎ፤ ታኒ ጊዲኮ ኢዛ ኣዛዞ ቦላ ማካላዲስ፤ ኢንቴ ዉሪካ ሲዪቴ፤ ታ ሜቶዛካ ጼሊቴ፤ ማጫ ናይቲኔ ናቴ ኣቱማ ናይቲ ታፔ ዲኤቲ ቢዳ።

ኤርማሳ ዚላስ 2:17

ጾሲ ባ ቆፒዳይሳ ኦዴስ፤ ዳሮ ዎዴፔ ካሴ ዮቲዳ ቃላ ፖሊዴስ፤ ኢዚ ኔና ቃታይ ባይንዳ ላሊዴስ፤ ኔ ዋዬቲሺን ሞርኬይ ኡፋዬታና ማላ ኔ ሞርኬታ ቁ ቁ ሂስቲዴስ።

ዳኔላ ቲንቢቴ 9:13

ካሴ ሙሴ ዎጋን ጻፌቲዳ ማላ ኔኒ ሃይሳ ሃ ሜቶዛ ዉርሳካ ኑ ቦላ ኤሃዳሳ፤ ጎዳ ኑ ጾሳዉ! ሄሲ ዉሪ ሃኒንካ ኑኒ ኑ ናጋራፔ ሲሚዲኔ ቱማ ካሊዲ ኔፔ ማሮቴ ዴማናስ ኮዪቤኮ።

ሆሴኤ ቲንቢቴ 7:12

ኢስቲ ፒራሺን ታ ጊቴ ኢስታ ቦላ ዬጋና፤ ሳሎ ካፎታ ማላ ዱጌ ጎቻ ዎና፤ ኢስቲ ኦዳ ኢታ ኦሶ ጊሻስ ታ ኢስታ ዴሬ ሲንን ቃጻያና።

ሌዌታ ማጻፋ 26:18

« ‹ሄሲ ዉሪካ ኢንቴ ቦላ ጋኪዳፔ ጉዬካ ኢንቴ ታስ ኣዛዜቶንታ ኢጺኮ ታ ኢንቴ ቦላ ዬጋና ቂጻቴዛ ላፑን ኩሼ ዳርሳና።

ሚልካሳ ቲንቢቴ 2:2

ኢንቴ ታ ጊዛዝ ሲዮንታ ኢጺኮኔ ኢንቴ ኢንቴ ዎዚና ታ ሱን ቦንቻናስ ጊጊሶንታ ኣጊኮ ታ ኢንቴ ቦላ ቃንጌ ዬዳና፤ ታ ኢንቴና ኣንጃና ኣንጆዛ ቃንጌን ላማና፤ ኢንቴ ታና ቦንቻናስ ኢንቴ ዎዚና ጊጊሶንታ ኣጊዳ ጊሻስ ኣዳፌ ታ ሃይሳ ኡባ ኢንቴ ቦላ ኦና» ጌስ ኡባፌ ዎልቃማ ጎዳይ።

ሃዋሬታ ኦሶ 3:23

ሄ ናቤዛ ሲዮንታ ኢጺዳ ሼምፖይ ዉሪ ዴሬ ጊዶፌ ሻኬቲ ዮ።›

Ibirawe 12:25

ኢንቴስ ዮቲዛይሳ ኢንቴ ኣካይ ጎንታ ማላ ናጌቲቴ፤ ሄይታንቲ ጾሲ ቢታ ቦላ ዲዛ ኣሳ ባጋራ ኢስታስ ዮቲዛይሳ ኤኮንታ ኢጺዲ ኢዛፔ ኣታናስ ዳንዳዮንታ ኣጊኮ ኑኒ ሳሎፔ ዪዳይሲ ኑስ ዮቲሺን ኤኮንታ ኢጺኮ ኑ ኢዛፔ ዋኒ ኣታኔ?

ኢያሶ ማጻፋ 23:15

ጊዶ ኣቲን ጎዳ ኢንቴ ጾሳይ ኢንቴስ ኢሚዳ ሎኦ ሂዶታ ኡባይ ሙሌራ ፖሌቲዳ ማላ ጎዳ ኢንቴ ጾሳይ ኢንቴስ ኢሚዳ ሎኦ ቢታይፌ ኢንቴና ይሳና ጋካናስ ኢታ ሚሽ ኢንቴ ቦላ ኤሃና።

ዳናታ ማጻፋ 2:15

ኢስቲ ኦላስ ኬዚዛ ዎዴ ኡባን ጎዳይ ካሴ ኢስታስ ጫቂ ዮቶይሳ ኢስቲ ጾኔታና ማላ ኢዚ ኢስታ ቦላ ዴንዲዴስ፤ ሄሳፌ ዴንዶይሳን ኢስቲ ኬሂ ዋዬቲዳ።

1ሳሜላ ማጻፋ 12:15

ጊዶ ኣቲን ኢንቴ ጎዳስ ኣዛዜቶንታ ኢጺዲ ኢዛ ኣዛዞ ቦላ ማካሊኮ፥ ኢዛ ኩሼይ ኢንቴ ኣዋታ ቦላ ዴጺዳ ማላ ኢንቴ ቦላካ ዴጻና።