ሌዌታ ማጻፋ 19:32 - ጋሞ ማጻፋ

³² « ‹ኔፔ ጪሚዳዴ ቤይኮ ኔ ኡቲዳሶሆፔ ዴንዳ ኤቃዳ ቦንቻ፤ ታስ ጾሳስ ያሻቴን ኣዛዜታ፤ ታኒ ጎዳ።

Geeshsha Maxaafa

³² « ‹Neeppe cimmidaade beykko ne uttidasohoppe denda eqqada bonchcha; taas Xoossas yashshateththan azazetta; tani GODAA.

ሌዌታ ማጻፋ 19:32 ပူးပေါင်းရင်းမြစ်များ

ሜቴ ማጻፋ 31:35

ኤራሄላ ባ ኣዋ፥ «ታ ኣዋዉ! ታና ሃንቄቶፋ፤ ታኒ ኔስ ኤቃና ዳንዳይኬ፤ ታስ ማጫሳ ዎጋይ ዪዴስ» ጋዱስ። ኢዚ ኡባሶን ኮዪዴስ፤ ጊዶ ኣቲን ኤቃ ሚስሌታ ዴሚቤና።

ሜቴ ማጻፋ 48:12

ዮሴፌይ ኢስታ ያቆቤ ጉልባቴ ቦላፌ ዴንዲ ባ ሁኤ ቢታ ጋ ዚጊዴስ።

1ካዎታ ማጻፋ 2:19

ሄሳ ጊሻስ ቤርሳቤሃ ኣዶኒያሳ ኪታ ዮታናስ ካዎ ሶሎሞኔኮ ጌሊን ካዎዚ ኢዞ ሞካናስ ዴንዲ ኤቂዲ ኢዞ ሳሮኪዳፔ ጉዬ ሲሚዲ ባ ካዎቴ ኣራታን ኡቲዴስ። ቃሴ ባ ኣዮ ኡቲሳናስ ሃራ ኣራታ ኤሂሲዲ ኢዞ ባፔ ኡሻቻ ባጋራ ኡቲሲዴስ።

2ካዎታ ማጻፋ 17:36

ጊዶ ኣቲን ኢንቴ ጎይናናስ ቤሲዛይ ባ ጊታ ዎልቃኒኔ ሚጬቲዳ ባ ኩሼን ኢንቴና ጊብጼ ቢታፌ ኬሲዳ ጎዳስ ጻላ ጊዶ። ኢንቴ ኢዛስ ጻላ ጎይኒቴኔ ኢዛስ ያርሺቴ።

ኢዮቤ ማጻፋ 32:4

ኤሊሁይ ሃንኮይታፔ ዬላጋ ጊዲዳ ጊሻስ ሃንኮይቲ ባንታስ ዲዛይሳ ሃሳዪ ዉርሳናሼ ጋካናስ ኢዮቤራ ሃሳያናዉ ባ ታራ ናጎ ቦላ ዴስ።

ኢዮቤ ማጻፋ 32:6

ቡዜ ዴሬ ኣስ ባራኬሌ ና ኤሊሁይ፥ «ታኒ ኢንቴፌ ዬላጋ ጊዲዳ ጊሻሲኔ ኢንቴ ጪማ ጊዲዳ ጊሻስ ፖኮይኔ ያሺ ታና ኦይኪን ሃኖ ጋካናስ ታ ቆፋ ቆንጪሶንታ ጋምኣዲስ።

ሌሚሶ ማጻፋ 16:31

ፑሉን ቦንቾ ካላቻ፤ ሄሲ ጺሎቴ ዱሳን ቤቴስ።

ሌሚሶ ማጻፋ 20:29

ዬላጋታ ዎልቃይ ኢስታስ ቦንቾ፤ ጪማታ ፑሉን ኢስታስ ቦንቾ።

ሌሚሶ ማጻፋ 23:22

ኔና ዬሊዳ ኣዋይ ዮቲዛይሳ ሲያ፤ ኔ ኣዪያካ ጬጊዳ ዎዴ ካፓ።

ኢሳያሳ ቲንቢቴ 3:5

ዴሬይ ዴሬ ቦላ፥ ኣሲ ኢሶይ ኢሳ ቦላ፥ ሾሮይ ሾሮ ቦላ፥ ዬላጋ ናይቲ ጪማታ ቦላ፥ ሹፉሮይ ቦንቼቲዳይታ ቦላ ዴንዳና።

ኤርማሳ ዚላስ 5:12

ዳናታ ካቂዳ፤ ጪማታካ ቦንቺቤቴና።

ሌዌታ ማጻፋ 19:14

« ‹ሲዬና ጋዳ ቱሌ ጫዮፓ፤ ቆቄይ ጴቲዲ ኩንዳና ማላ ኢዛ ሲንን ጲዛዝ ዎፋ፤ ኔ ጾሳስ ያያ፤ ታኒ ጎዳ ኔ ጾሳ።

ኦሮሜ ኣሳስ 13:7

ኢስታፌ ኢሳስ ኢሳስ ቤሲዛይሳ ኢሚቴ፤ ጊራ ኢማና ቤሲዛይታስ ጊራ ኢሚቴ፤ ቃራጻ ቃንጻናስ ቤሲዛይታስ ቃራጻ ቃንጺቴ፤ ባባናስ ቤሲዛይታስ ባቢቴ፤ ቦንቻናስ ቤሲዛይታ ቦንቺቴ።

1ጺምቶሳስ 5:1

ጪማ ኣሳ ኔ ኣዋ ማላ ቦንቾራ ዞራ ኣቲን ዶምኦፋ፤ ናቴ ኣቱማ ናይታ ኔ ኢሻታ ማላ ጼላ።

1ጴጽሮሳ ኪታ 2:17

ኣስ ኡባካ ቦንቺቴ፤ ኣማኒዛይታ ሲቂቴ፤ ጾሳስ ባቢቴ፤ ካዎ ቦንቺቴ።