ኤርማሳ ዚላስ 5:7 - ጋሞ ማጻፋ

⁷ ኑ ኣዋቲ ናጋራ ኦዳ፤ ኑኒ ኢስታ ቂጻቴ ኤኪዶስ።

Geeshsha Maxaafa

⁷ Nu aawati nagara ooththida; nuni istta qixaate ekkidos.

ኤርማሳ ዚላስ 5:7 ပူးပေါင်းရင်းမြစ်များ

ሜቴ ማጻፋ 42:13

ጊዶ ኣቲን ኢስቲ፥ «ኑኒ ኔ ኣይሌቲ ታማኔ ናምኡ ኢሻታኔ ካናኔ ቢታን ዲዛ ኢሲ ኣዋ ናይታ። ዉርሴ ካሎይ ሃኢ ኑ ኣዋራ ዴስ፤ ኢሶይ ጊዲኮ ይዴስ» ጊዳ።

ሜቴ ማጻፋ 42:36

ኢስታ ኣዋ ያቆቤይ ኢስታስ፥ «ኢንቴ ታና ታ ናይታፔ ሜላ ኬሲዴታ፤ ዮሴፌይ ባዋ፥ ሲሞኒ ባዋ፤ ቃሴ ኢንቴ ቢኒያሜ ኤፋና ኮዬታ። ዉሪ ታስ ማ ጊርዲ ጊዴስ» ጊዴስ።

ኢዮቤ ማጻፋ 7:21

ኡባካ ታ ናጋራ ኣቶ ጊኪ? ታ ኦዛ ቆሆ ታፔ ዲጊኪ? ታ ዱፎን ጌላና ዎዴይ ጋኪዴስ፤ ሃይሳፌ ጉዬ ኔ ታና ኮዪዳኮካ ታ ቤቲኬ።»

ኢዮቤ ማጻፋ 7:8

ሃኢ ታና ቤኢዛይሲ ናምኣን ዛሪዲ ቤዬና፤ ኢዚ ኮይዛ ጊዲኮካ ታና ዴማናዉ ዳንዳዬና።

ኬሳ ማጻፋ 20:5

ኢስታስ ሆኮፋኔ ኢስታስ ጎይኖፋ። ኣይስ ጊኮ ታኒ ጎዳ ኔ ጾሳይ ቃናቲዛ ጾሳኮ፤ ታና ኢጺዛይታ ኣዋታ ናጋራ ጊሻስ ናይታ ሄን ዬሌታኔ ኦይዳን ዬሌታ ጋካናስ ቃጻያይስ።

ኤርማሳ ቲንቢቴ 14:20

ኣቤት ጎዳዉ! ኑኒ ኑ ኢታቴ ኤሪዶስ፤ ኑ ኣዋታ ቆሆካ ኣኬኪዶስ፤ ቱማፔካ ኔ ቦላ ናጋራ ኦዶስ።

ኤርማሳ ቲንቢቴ 16:11

ሄ ዎዴ ኔኒ ኢስታስ፥ ‹ካሴ ኢንቴ ኣዋቲ ታና ኣጊዳ ጊሻሳ፥ ኢስቲ ኤቃ ጾሳታ ካሊዲ ኢስታስ ኦዳ ጊሻሲኔ ጎይኒዳ ጊሻሳ፤ ታና ኣጊ ባቃቲዲ ታ ዎጋ ናጎንታ ኢጺዳ ጊሻሳ፤

ኤርማሳ ቲንቢቴ 16:12

ኢንቴ ካሴ ኢንቴ ኣዋታፔካ ኣዳ ኢታ ኦዳ ጊሻሳ፤ ቤኢቴ፤ ኢንቴ ኢሶይ ኢሶይ ኢንቴ ዎዚና ኢታቴ ካሊዴታ፤ ታስካ ኣዛዜቶንታ ኢጺዴታ።

ኤርማሳ ቲንቢቴ 31:15

ጎዳይ፥ «ዋሶይኔ ጫሞ ዬሆይ ኤራማ ካታማፔ ሴቴቲዴስ፤ ኢዚ ናይቲ ዉሪዳ ጊሻስ ኤራሄላ ዬካዱስ፤ ሚኔቶንታካ ኢጻዱስ» ጌስ።

ኤርማሳ ቲንቢቴ 31:29

«ሄ ዎዴ ኣሳይ፥ ‹ኣዋቲ ዎይኔ ሚ ቴራ ጫሊዳይሳ ሚን ኢስታ ናይታ ኣቺ ዚልኢዴስ› ጌቴቲዛ ሌሚሶ ናምኣን ሃሳዬቴና።

ሂዚቄላ ቲንቢቴ 16:58

ኔ ፖኮ ሃኖሲኔ ኔ ኢታ ኦሶስ ቤሲዛ ቂጻቴ ኤካና» ጌስ።

ሂዚቄላ ቲንቢቴ 18:2

«ኢስራኤሌ ቢታ ጊሻስ፥ ‹ኣዋቲ ቃዉኤ ዎይኔ ሚን ናይታ ኣቺ ዚልኢዴስ› ጊዲ ኢንቴ ቶሴ ዮቲዛይ ኣዜ?

ዛካራሳ ቲንቢቴ 1:5

ካሴ ኢንቴ ኣዋቲ ሃኢ ኣዋን ዲዞ? ናቤቲካ ሜርናስ ዴኣንዴቶ?