ኤርማሳ ዚላስ 3:25 - ጋሞ ማጻፋ

²⁵ ጎዳይ ባና ሂዶታ ኦዛይታሲኔ ኢዛ ኮይዛይታስ ሎኦ።

Geeshsha Maxaafa

²⁵ GODAY bana hidota ooththizaytassinne iza koyzaytas lo7o.

ኤርማሳ ዚላስ 3:25 ပူးပေါင်းရင်းမြစ်များ

ሜቴ ማጻፋ 49:18

«ኣቤት ጎዶ! ታ ኔ ማዶ ናጋይስ።

1ታሪኬ ማጻፋ 28:9

«ታ ና ሶሎሞኔ፥ ኔ ኣዋ ጾሳ ኤራ! ኔኒ ኩሜ ዎዚናኒኔ ሎኦ ቆፋን ኢዛስ ኦ፤ ጎዳይ ዎዚና ኡባ ፒልጊ ጼሌስ፤ ጊዶ ቆፋ ኡባ ኢዚ ኤሬስ፤ ኔኒ ኢዛ ኮይኮ ኢዚ ኔስ ቤታና፤ ጊዶ ኣቲን ኔ ኢዛ ኣጊዛ ጊዲኮ ኢዚካ ኔና ሜርናስ ኣጋጋና።

2ታሪኬ ማጻፋ 15:2

ኢዚካ ኣሳራ ጋይታናስ ቢዲ፥ «ኣሳ፥ ዩሁዳ ኣሳዉ! ቢኒያሜ ኣሳዉ ኢንቴ ኡባይካ ሲዪቴ! ኢንቴ ጎዳራ ኢሲፌ ዴኢኮ ኢዚካ ኢንቴናራ ዴኣና። ኢንቴ ኢዛ ኮይኮ ኢዚ ኢንቴስ ቤታና፤ ኢንቴ ኢዛ ኣጊኮ ኢዚካ ኢንቴና ኣጋና።

2ታሪኬ ማጻፋ 19:3

ጊዲኮካ ኣሼሮ ጌቴቲዛ ኤቃ ጾሳይ ሚስሌታ ቢታፌ ኔ ዲጊዳ ጊሻሲኔ ጾሳ ኮያናስ ኔ ዎዚና ጊግሲዳ ጊሻስ ኔኒ ሎኦ ኦዳሳ» ጊዴስ።

2ታሪኬ ማጻፋ 30:19

«ኣቤት ኣሳ ኡባስ ኪያ ጎዳዉ፥ ሃይቲ ካሴ ዎጋይ ጊዛ ማላ ባና ጌሾንታይታ ጊዲኮካ ኢስቲ ጎዳ ባንታ ኣዋታ ጾሳ ኮያናስ ባ ዎዚና ጊግሲዳ ኣሳታስ ኔ ኣቶ ጋ» ጊዲ ዎሲዴስ።

2ታሪኬ ማጻፋ 31:21

ሂዝቂያሲ ጾሳ ኬስ ኦዳ ኦሶ ኡባን ዎጋኒኔ ኣዛዞን ጻፌቲዳይሳ ማላ ጾሳ ባ ኩሜ ዎዚናፔ ኮዪዳ ጊሻስ ኢዛስ ኡባ ሚሺ ኢንጄቲዴስ።

ኢዝራ ማጻፋ 8:22

ሃይሳፌ ሲንን ታ ካዎ ኣርጼኪሲሲ ኤሪሲዛ ዎዴ «ኑ ጾሳይ ኢዛን ኣማኔቲዛይታ ኡባ ኣንጄስ፤ ኢዛ ኣጊዛይታ ጊዲኮ ኬሂ ቃጻዬስ» ጋዳ ታ ቆንጪሲዳ ጊሻስ ኑናራ ኦጌን ጋጋና ሞርኬታፔ ኑና ናጋና ማላ ካዎዛ ዎታዳራታኔ ቶጋ ኣሳታ ኢማ ጋዳ ኦይቺዳኮ ዬላታናኮሺን።

ዬ ማጻፋ 105:3

ጌሻ ሱንን ኢዛይሳን ጬቄቲቴ፤ ጎዳ ኮይዛይታ ዎዚናይ ኡፋዬቶ።

ዬ ማጻፋ 119:2

ኢዚ ዮቲዳይሳ ኦዛይቲኔ ባ ኩሜ ዎዚናፔ ኢዛ ኮይዛይቲ ኣንጄቲዳይታ።

ዬ ማጻፋ 22:26

ሂዬሳቲ ሚዲ ካላና። ጎዳ ኮይዛይቲ ኢዛ ጋላታና። ኢስቲ ሜርናስ ኡፋዬታና።

ዬ ማጻፋ 25:8

ጎዳይ ኪያኔ ሱሬ፤ ሄሳ ጊሻስ ናጋራንቻታ ባ ኦጌ ታማርሴስ።

ዬ ማጻፋ 27:14

ጎዳን ኣማኔታ፤ ሚና፥ ሂዶታ ቃንጾፋ፥ ጎዳን ኣማኔታ።

ዬ ማጻፋ 27:8

ኔኒ፥ «ታ ሲን ኮዪቴ» ጊዳ ዎዴ፥ ታ ዎዚናይ፥ «ኣቤት ጎዳዉ! ኤኖ፤ ታኒ ኔ ሲን ኮያና» ጊዴስ።

ዬ ማጻፋ 37:34

ጎዳ ሂዶታ ኦ፤ ኢዛ ኣዛዞካ ናጋ፤ ኢዚ ኔና ቢታ ላቲሳና፤ ዛሪዲካ ቦንቻና፤ ኢታ ኣሳቲ ሚ ይሺን ኔ ቤያና።

ዬ ማጻፋ 37:7

ጎዳ ሲንን ጮኡ ጋዳ ኢዚ ኦና ጋካናስ ዳንዳያን ናጋ፤ ኢታ ኣሳቲ ዱሬቲኮኔ ኢስታ ቆፋይ ፖሌቲኮ ኔ ኢስታ ቦላ ዪሎቶፓ።

ዬ ማጻፋ 39:7

«ኣቤት ጎዳዉ! ኔፔ ኣቲን ሃራ ኦናኮ ጼሎ? ታ ሂዶታይ ኔናና።

ዬ ማጻፋ 61:1

ኣቤት ጾሳዉ! ኔኒ ታ ዋሶዛ ሲያ፤ ታ ዎሳካ ኤዝጋ።

ዬ ማጻፋ 61:5

ኣቤት ጾሳዉ! ኔኒ ታ ኣዲና ሲያዳሳ፤ ኔ ሱን ያዪዛይቲ ላቲዛ ላታ ታስካ ኢማዳሳ።

ዬ ማጻፋ 69:32

ቆሄቲዳይቲ ታና ጾሳይ ኣሺዳይሳ ቤኢዲ ኡፋዬቴቶ። ኢንቴኖ ጾሳኮ ሺቂዛይቶ ኢንቴ ዎዚናይ ሚኔቶ።

ዬ ማጻፋ 71:14

ታኒ ጊዲኮ ኡባቶ ኔና ሂዶታ ኦይስ። ታኒ ጋላታ ቦላ ጋላታ ኔስ ጉጃና።

ኢሳያሳ ቲንቢቴ 25:9

ሄ ጋላስ ኢስታስ፥ «ቤኢቴ ኑ ጾሳይ ሃይሳ፤ ኑኒ ኢዛን ኣማኔቲዶስ፤ ኢዚካ ኑና ኣሺዴስ፤ ሃይሲ ጎዳ፤ ኑኒ ኢዛን ኣማኔቲዶስ፤ ኢዚ ኣሺዳይሳን ኡፋዬቶስ፤ ኡፋይሳን ሆምቦጮስ» ጋና።

ኢሳያሳ ቲንቢቴ 26:9

ታ ሼምፖያ ኦማርሲ ኔና ላሞታዉስ፤ ታ ኣያናይ ማላዶ ኔና ኮያዉስ፤ ኔ ፒርዳይ ቢታ ቦላ ዪዳ ዎዴ ሳኣን ዴኢዛ ኣሳይ ጺሎቴ ታማሬስ።

ኢሳያሳ ቲንቢቴ 30:18

ጊዶ ኣቲን ጎዳይ ኢንቴስ ኪያ ኦናስ ናጌስ፤ ኢንቴና ባ ቃቴ ቤሳናስ ዴንዴስ፤ ጎዳይ ቱሙ ፒርዲዛ ጾሳ ጊዲዳ ጊሻስ ኣማኔቲዲ ኢዛ ናጊዛይቲ ኣንጄቲዳይታ።

ኢሳያሳ ቲንቢቴ 40:31

ጊዶ ኣቲን ጎዳ ሂዶታ ኦዛይቲ ባንታ ዎልቃ ኦራጺሴቴስ፤ ኢስቲ ጎሌ ማላ ፒራና፤ ኢስቲ ዳቡሮንታ ዎጻና፤ ኢስቲ ባና፤ ኣርጋጬቴና።

ኢሳያሳ ቲንቢቴ 55:6

ጎዳይ ቤቲዛ ዎዴ ኢዛ ኮዪቴ፤ ማታን ዲዛ ዎዴ ኢዛ ጼይጊቴ።

ኢሳያሳ ቲንቢቴ 64:4

ቤኒሶፌ ዶሚዲ ሂዶታ ኦ ናጊዛይታስ ጋኪዛ ማላታ ኦዳይ ኔፔ ኣቲን ሃራ ጾስ ቤኢዳ ኣይፌይኔ ሲዪዳ ሃይ ሙሌካ ዴና።

ኤርማሳ ዚላስ 3:26

ጎዳይ ኣስ ኣሺዛ ኣሾዛ ኢዛዴይ ጮኡ ጊ ናጊኮ ሎኦ።

ሆሴኤ ቲንቢቴ 10:12

ጎዳይ ዪዲ ጺሎቴ ኢንቴ ቦላ ኢራ ማላ ቡኪሳና ጋካናስ ሃና ኢንቴ ኢዛ ኮይዛ ዎዴ ጊዲዳ ጊሻስ ኦ ጎዪቴ፤ ኢንቴስ ጺሎቴ ዜሪቴ፤ ሚኖ ሲቆ ኣይፌ ማጺቴ።

ሶፎናሳ ቲንቢቴ 3:8

ጎዳይ፥ «ሄሳ ጊሻስ ታ ፒርዳና ጋላሳይ ጋካናስ ዲሺቴ፤ ታኒ ዴሬ ኣሳኔ ካዎታ ሺሻናስ ቃቻዲስ። ታኒ ታ ሚኖ ሃንቆዛ ኢስታ ቦላ ጉሳናስ ቃቻዲስ። ታ ሃንቆ ታማን ኩሜ ቢታይ ኤጻና።

1ታሶሎንቄ ኣሳስ 1:10

ቃሴካ ጾሲ ሃይቆፔ ዴንዳይሳ ቡሮ ያና ሃንቆፌ ኑና ኣሻና ሳሎፔ ያና ጾሳ ና ዬሱሳ ዩሳ ኢንቴ ዎስቲ ናጊዛኮ ኣሳይ ሃሳዬስ።

ያቆቤ ኪታ 5:7

ሄሳ ጊሻስ ታ ኢሻቶ! ጎዳይ ሃ ያና ጋካናስ ዳንዳይቴ፤ ጎሼ ጎዪዛዴይ ቢታይ ሎኦ ካ ካጻና ጋካናስ ዋኒ ዳንዳይዛኮ ኮይሮ ኢራኔ ዉርሴ ኢራ ኢዚ ዎስቲ ናጊዛኮ ኣኔ ኣኬኪቴ።