ኤርማሳ ዚላስ 2:14 - ጋሞ ማጻፋ

¹⁴ ኔ ናቤታ ኣጁታይ ዎርዶኔ ጮ ሃዳ፤ ኔ ናጋራ ቆንጪሲዲ ኔና ዲኤቴፌ ኣሼቴና፤ ኢስቲ ኔስ ዮቲዛ ቲንቢቴይ ባሌዛዚኔ ኦጌፔ ካሬ ኬሲዛዛ።

Geeshsha Maxaafa

¹⁴ Ne nabeta ajjuutay wordonne coo hada; ne nagara qonccisidi nena di7eteththafe ashshettenna; istti nees yootiza tinbitey baleththizaazinne ogeppe kare kessizaaza.

ኤርማሳ ዚላስ 2:14 ပူးပေါင်းရင်းမြစ်များ

ኢሳያሳ ቲንቢቴ 58:1

ጎዳይ፥ «ኔ ቃላ ቁ ሂስታ ዋሳ፤ ኣይኮካ ኣሾፋ። ኔ ጬንጉርሳ ዛዬ ማላ ሲሳ። ታ ዴራስ ኢስታ ማካላቴ፥ ያቆቤ ኬ ኣሳሲካ ኢስታ ናጋራ ዮታ።

ኤርማሳ ቲንቢቴ 2:8

ቄሴቲካ፥ ‹ጎዳይ ኣዋን ዲዜ?› ጊ ኦይቺቤቴና፤ ታ ዎጋይ ኢስታ ኩሼን ዲዛ ኣሳቲካ ታና ኤሪቤቴና። ዴሬ ካሌዛይቲካ ታ ቦላ ማካሊዳ። ናቤቲ ባኣሌ ሱንን ቲንቢቴ ዮቲዳ፤ ጎኦንታ ሚሻታካ ካሊዳ» ጊዴስ።

ኤርማሳ ቲንቢቴ 20:6

ፓሽኩሬ! ኔኒኔ ኔ ሶሆን ዲዛ ኡባይካ ዲኤቲዲ ባቢሎኔ ባና። ኔኒኔ ኔ ኢስታስ ዎርዶ ቲንቢቴ ዮቲዳ ኔ ላጌቲ ኡባይ ሄን ሃይቃናኔ ሞጌታና› ጌስ» ጊዴስ።

ኤርማሳ ቲንቢቴ 23:22

ኢስቲ ታ ዞሬን ኤቂዳኮ ታ ቃላ ታ ዴራ ሲሳና፤ ኢታ ኦጌፔኔ ኢታ ኦሶፔ ኢስታ ዛራና።

ኤርማሳ ቲንቢቴ 23:36

ሃይሳፌ ጉዬን ጊዲኮ፥ ‹ጎዳ ቶሆ› ጊዲ ኢንቴ ሃሳያናስ ቤሴና። ጋሶይካ ኣስ ኡባስ ኢዚ ሃሳይዳ ቃላይ ኢዛስ ቶሆ ጊዲዛ ጊሻስ ዴኦ ጾሳ፥ ኡባፌ ዎልቃማ ጎዳ ኑ ጾሳ ቃላ ኢንቴ ቦኪሴታ።

ኤርማሳ ቲንቢቴ 28:15

ሄሳፌ ጉዬ ናቤ ኤርማሲ ናቤ ሃናኒያስ፥ «ሃናኒያ ሲያ! ጎዳይ ኔና ኪቲቤና፤ ጊዶ ኣቲን ኔኒ ሃ ኣሳይ ዎርዶ ሚሻን ኣማኔታና ማላ ኦዳሳ።

ኤርማሳ ቲንቢቴ 29:21

ኡባፌ ዎልቃማ ጎዳ ኢስራኤሌ ጾሳይ ታ ሱንን ዎርዶ ቲንቢቴ ኢንቴስ ዮቲዛ ቆላያ ና ኣካቤ ጊሻሲኔ ማኢሳያ ና ሴዴቂያሳ ጊሻስ ታኒ ኢስታ ባቢሎኔ ካዎ ናቡካዳናጾሬስ ኣ ኢማና፤ ኢንቴ ጼሊሺን ኢዚ ኢስታ ዎና።

ኤርማሳ ቲንቢቴ 37:19

‹ኣኔ ባቢሎኔ ካዎይ ኢንቴናኔ ሃ ቢታዮ ዪዲ ኦሌና› ጊዲ ኢንቴስ ቲንቢቴ ዮቲዳ ናቤቲ ሃኢ ኣዋን ዲዞ?

ኤርማሳ ቲንቢቴ 5:31

ናቤቲ ዎርዶ ቲንቢቴ ዮቴቴስ፤ ቄሴቲካ ኢስታ ዞሬን ኣይሴቴስ። ታ ኣሳይካ ሄሳ ማላ ሚሽ ዶሴስ! ሂስቲን ዉርሴን ኢንቴ ኣይ ኦኔ?» ጌስ።

ኤርማሳ ዚላስ 4:13

ሃይሲ ሃኒዳይ ናቤቲኔ ቄሴቲ ኦዳ ናጋራ ጋሶና፤ ቃሴ ኢስቲ ጺሎታ ሱ ጉሲዳ ጊሻሳ።

ሂዚቄላ ቲንቢቴ 13:22

ታኒ ቆሆንታ ጺሎዛ ኢንቴ ዎርዶራ ጬጪሲዳ ጊሻስ፥ ናጋራንቻይ ባ ኢታ ኦጌፔ ሲሚዲ ባ ሼምፖ ኣሾንታ ማላ ኢንቴ ኢዛ ኢዛ ናጋራን ሚንዴታ።

ሂዚቄላ ቲንቢቴ 22:25

ኢዚ ዳናቲ ባ ዎዳይሳ ፑዚሼ ጻጊዛ ጋሞ ማላ ኢዚ ጊዶን ዱላቴቴስ፤ ዴራ ዎቴስ፤ ኢስታ ኣቆታኔ ኢስታስ ዲዛ ኣልኦ ሚሻታ ቦንቂ ኤኬቴስ፤ ዳሮ ማጫሳታ ኣምኤታ ሂስቴቴስ።

ሂዚቄላ ቲንቢቴ 22:28

ኢዚ ናቤቲ ጎዳ ኣኖን ቲዪዛ ማላ ዎርዶ ኣጁታኒኔ ሙሬኖን ኢስታስ ቡሪ ሺሼቴስ፤ ኢስታስ ጎዳይ ዮቶንታ ዲሺን፥ ‹ኡባ ሃሪዛ ጎዳይ ሃይሳ ማላ ጌስ› ጌቴስ።

ሂዚቄላ ቲንቢቴ 23:36

ጎዳይ ታስ፥ «ሃይሶ ኣሳ ናዉ! ኦሆሊ ቦላኔ ኦሆሊቢ ቦላ ኔ ፒርዳኔ? ሂስቲኮ ሃራሲዛ ኢስታ ኦሶዛ ኔ ኢስታስ ዮታ።

ሆሴኤ ቲንቢቴ 9:7

ቃጻያና ዎዴይ ጋኪዴስ፤ ፒርዳ ጋላሲካ ጋኪዴስ፤ ሄሳ ኢስራኤሌ ኣሳይ ኤሮ። ኢንቴ ኦዳ ናጋራይ ዳሮ ጊዲዳ ጊሻሲኔ ኢንቴ ሞርኬቴ ጊታ ጊዲዳ ጊሻስ ናቤይ ኤያ ማላ፥ ጾሳ ኣያናይ ኢዛ ቦላ ሼምፒዳዴይ ጎሻ ማላ ቆዴቲዴስ።

ሚኪያሳ ቲንቢቴ 2:11

ባሌዛ ዎርዶ ኣሲ ዪዲ፥ ‹ዳሮ ዎይኔ ኡሹ ጊሻሲኔ ማሲዛ ኡሻ ጊሻስ ጊዲ ቲንቢቴ ኢንቴስ ዮታና› ጊኮ ሃይሳ ዴሬዛስ ዶሴቲዳ ናቤ ጊዳና።

ሚኪያሳ ቲንቢቴ 3:8

ታ ቃሴ ያቆቤስ ኢዛ ቆሆዛ፥ ኢስራኤሌሲካ ኢዛ ናጋራ ዮታናስ ዎልቃን፥ ጾሳ ኣያናን፥ ቱማ ፒርዳኒኔ ሚኖቴን ኩማዲስ።

ሶፎናሳ ቲንቢቴ 3:4

ኢዚን ዲዛ ናቤቲ ኦቶራንቻታኔ ኣስ ባሌዛይታ። ቄሴቲ ጾሳ ኬ ቱኒሴቴስ፤ ዎጋ ቦላካ ማካሌቴስ።