ኤርማሳ ዚላስ 2:12 - ጋሞ ማጻፋ

¹² ኦላሶን ማዱንጺ ኩንዲዳ ኣሳታ ማላ ካታማይ ጊዶን ኢስቲ ዳቡርዳ፤ ኢስቲ ባንታ ኣዬታ፥ «ካኔ ሃ ኑስ ኣዋን ዲዜ?» ጊ ኦይቺሼ ኢስቲ ቄሴ ቦላ ቦርኮቲዲ ሼምፖ ኬዚዳ።

Geeshsha Maxaafa

¹² Olason madunxi kundida asata mala katamay giddon istti daaburda; istti bantta aayeta, «Kaththinne haaththi nuus awan dizee?» gi oychchishe istti qese bolla borkotidi shemppo kezida.

ኤርማሳ ዚላስ 2:12 ပူးပေါင်းရင်းမြစ်များ

ኢዮቤ ማጻፋ 30:16

«ታ ሼምፖያ ኬሃ ጬጫዱስ፤ ሃይቆስካ ማታዱስ።

ዬ ማጻፋ 42:4

ታ ዎዚናያ ጬጬን ጊዶራ ሴራሼ ሃይታንታ ኣኬካዱስ፤ ዳሮ ዎዴ ታ ጾሳ ኬ ካሌሼ ኢሊሊሳኒኔ ጋላታ ዬን ባኣሌ ቦንቻና ሺቂዳ ዳሮ ኣሳ ጊዶራ ታ ዋና ቢዛኮ ኣሙሳዲስ።

ዬ ማጻፋ 62:8

ኣሶ! ኡባ ዎዴ ጾሳን ኣማኔቲቴ፤ ኢዚ ኑስ ቆቴቲ ኣቲዛሶ ጊዲዳ ጊሻስ ኢንቴ ዎዚና ቆፋ ኢዛስ ዮቲቴ።

ኢሳያሳ ቲንቢቴ 51:20

ኔ ኣቱማ ናይቲ ዳቡርዳ፤ ዎጺማዴን ኦይኬቲዳ ጌኔሳ ማላ ኦጌ ጋጻን ኡባን ኢቺዳ። ጎዳ ሃንቆይኔ ኔ ጾሳ ሴራይ ኢስታ ቦላ ኩሚዴስ።

ኢሳያሳ ቲንቢቴ 53:12

ሄሳ ጊሻስ ኢዛ ጋኪዛ ጊሻ ጊታ ኣሳታ ጊሻራ ኢሲፌ ሂስታና፤ ዲኢ ኤሂዳይሳ ዎልቃማታራ ኢዚ ኢሲፌ ጊሼታና፤ ኢዚ ባ ሼምፖ ሃይቆስ ኣ ኢሚዲ፥ ኢታ ኦዛይታራ ኢሲፌ ቆዴቲዳ ጊሻስ፥ ዳሮታ ናጋራ ቶኪዴስ፤ ቆሂዳይታ ጊሻስ ጋናቲዴስ» ጋና።

ኤርማሳ ቲንቢቴ 5:17

ኢስቲ ኢንቴ ካኔ ቁማ ፒቲ ማና። ኢንቴ ኣቱማ ናይታኔ ማጫ ናይታ ዎና። ኢንቴ ዶርሳኔ ሚዛ ቦንቂዲ ማና። ኢንቴ ዎይኔ ቴራኔ ባላሴ ቴራ ቦንቂዲ ማና። ኢንቴ ኣማኔቲዛ ጊምቤቲዳ ካታማታካ ኢስቲ ባንታ ማሻን ይሳና» ጌስ።

ኤርማሳ ዚላስ 1:11

ኢዚ ኣሳይ ሚዛ ካ ዴማናስ ኮሻን ዳቡሬስ፤ ሼምፖራ ፓጻ ዳናስ ባስ ዲዛ ኣቆታ ማና ካራ ላሜቴስ፤ ዬሩሳላሜ ኣሳይ፥ «ኣቤት ጎዳዉ! ኑኒ ካዉዪዶስ፤ ኑና ጼላዳ ኑስ ቆፓ።

ኤርማሳ ዚላስ 4:4

ዳሮ ሳሜቲዳ ጊሻስ ጉ ናይታ ኢንጻርሲ ፑዴ ጎንጊራራ ኦይኬቲዴስ፤ ናይቲ ካ ዎሲዳ ሺን ኦኒካ ኢስታስ ኢሚቤና።

ሂዚቄላ ቲንቢቴ 30:24

ታኒ ባቢሎኔ ካዎ ቄሴ ሚንዳ ታ ማሻካ ኢዛ ኦይና። ጊዶ ኣቲን ፓሮኔ ቄሴዛ ታ ሜንና፤ ኢዚካ ባ ሞርኬዛ ሲንን ኢታ ማዱንጺዳ ኣሳ ማላ ቶቃና።