ኤርማሳ ዚላስ 1:9 - ጋሞ ማጻፋ

⁹ ኢዚ ቱናቴ ኢዚ ማይኦ ቦላ ቤቲዴስ፤ ሲንፌ ኢዚ ቦላ ሃናናይሳ ኢዛ ቆፓቤኩ፤ ኢዚ ኩንዴ ዳጋንዛዝ ጊዲዴስ፤ ኢዛ፥ «ታ ጎዳ ጾሶ! ታ ሜቶቲዛ ሜቶዛ ቤኣ፤ ታ ሞርኬቲ ታና ጾኒዳ» ጋ ዎሲንካ ኢዞ ሚንዛይ ኦኒካ ቤቲቤና።

Geeshsha Maxaafa

⁹ Izi tunateththi izi may7o bolla beettides; sinththafe izi bolla hananayssa iza qoppabeekku; izi kundeththi daganththizaaz gidides; iza, «Ta Godaa Xoossoo! Ta metotiza metoza be7a; ta morkketi tana xoonida» ga woossiinkka izo minththeththizay oonikka beettibeenna.

ኤርማሳ ዚላስ 1:9 ပူးပေါင်းရင်းမြစ်များ

2ሳሜላ ማጻፋ 16:12

ጎዳይ ታ ካዉሻቴ ቤኢዲ ሃቻ ዶቄ ጊሻስ ኢዚ ታስ ሎኦ ኦናኮ ኦኔ ኤሪዛይ» ጊዴስ።

2ካዎታ ማጻፋ 14:26

ኣይሌ ጊዲን ዎይኮ ጎቃ ጊዲን ኢስራኤሌን ዲዛይ ኡባይካ ኬሂ ዋዬቲዛይሳ ጎዳይ ቤኢዴስ፤ ኢስታ ማዲዛይካ ዴና።

ናሂሚያ ማጻፋ 9:32

ጊታ፥ ዎልቃማኔ ያሺዛ ኑ ጾሳዉ! ኔኒ ኔ ጫቆ ቃላኔ ሜርና ጋካናዉ ዲዛ ኔ ሲቆ ናጋሳ፤ ኑ ቦላ፥ ኑ ካዎታ ቦላኔ ኑና ካሌዛይታ ቦላ ኑ ቄሴታ ቦላኔ ኑ ናቤታ ቦላ ኑ ኣዋታ ቦላ፥ ቃሴካ ዴሬ ኡባ ቦላ፥ ኣሶሬ ካዎታፔ ዶሚዲ ሃች ጋካናስ ጋኪዳ ሜቶ ኡባ ኔ ቆፓ።

ዬ ማጻፋ 119:153

ታ ቱጋ ቤያዳ ታና ኣሻ፤ ኣይስ ጊኮ ታኒ ኔ ዎጋ ዶጋቤኬ።

ዬ ማጻፋ 140:8

ኣቤት ጎዳዉ! ኢታታ ኣሞይ ፖሌቶፎ፤ ኢስታ ቆፋይ ፖሌታና ማላ ኦፋ!

ዬ ማጻፋ 25:18

ታ ሜቶዛኔ ታ ቱጋ ኔኒ ቤኣ፤ ታ ናጋራ ኡባ ኣቶ ጋ።

ዬ ማጻፋ 69:21

ታኒ ጋፊዳ ዎዴ ታስ ጫሚዛ ካ ኢሚዳ። ታኒ ሳሜቲዳ ዎዴ ታስ ጫላ ጳንቂዳ ኡሹ ኢሚዳ።

ኬሳ ማጻፋ 3:17

ታኒ ኢንቴና ጊብጼ ቢታ ዋዬፔ ኬሳዳ ፑዴ ማኔ ኤሲ ጎጊዛ ካናኔታ፥ ሂቴታ፥ ኣሞሬታ፥ ፓሪዜታ፥ ሂዌታኔ ያቡሴታ ቢታ ኤፋና ጋዲስ› ጊዴስ» ጋዳ ዮታ።

ኬሳ ማጻፋ 3:7

ቃሴካ ጎዳይ፥ «ታኒ ጊብጼ ቢታን ታ ኣሳይ ዋዪዛ ዋዬ ሎኤ ቤያዳ፥ ኢስቲ ባ ጎዳታፔ ዴንዲዳይሳን ዋሲዛ ዋሶ ሲያዲሲኔ ኢስታ ዋዬ ኤራዲስ።

ኬሳ ማጻፋ 4:31

ኢስቲካ ኣማኒዳ። ጎዳይ ኢስታኮ ዪዳይሳኔ ኢስታ ዋዬ ቤኢዳይሳ ሲዪዳ ማላ ቢታ ቦላ ጉፋኒ ጎይኒዳ።

ኤራንቻታ ማጻፋ 4:1

ታኒ ቃሴካ ሳሎ ጉፋንን ዲዛ ቆሆ ኡባ ቤኣዲሲኔ ኣኬካዲስ፤ ቆሄቲዳይታ ኣፉን ቤኣዲስ፤ ኢስታ ሚንዛ ኣሲካ ዴና፤ ዎልቃይ ኢስታ ቆሂዛ ኣሳታ ኩሼን ዴስ፤ ኢስታ ሚንዛ ኣሲካ ዴና።

ኢሳያሳ ቲንቢቴ 3:8

ዬሩሳላሜይ ጋንዲጋራዉስ፤ ዩሁዳይካ ኩንዳና ማታዱስ፤ ጋሶይካ ኢስቲ ባንታ ሃሳያኒኔ ኦሶን ጎዳራ ኤቄቲሼ ኢዛ ቦንቾዛ ቶቼቴስ።

ኢሳያሳ ቲንቢቴ 37:17

ኣቤት ጎዳዉ፥ ኔ ሃይ ሃ ዬጋዳ ኤዝጋ። ኣቤት ጎዳዉ፥ ኔ ኣይፌ ፖጋዳ ሃ ጼላ። ኔና ዴኦ ጾሳ ጫያናስ ሴናኪሬሜይ ኪቲዳ ቃላ ሲያ።

ኢሳያሳ ቲንቢቴ 37:23

ኔ ኦና ጫያይኔ ካዉሻይ? ኦና ቦላ ኔ ቃላ ቁ ሂስታ ሃሳያይ? ኦቶሮ ኣይፌን ኦና ጼላይ? ኢስራኤሌ ጌሻ ቦላ ጊዴኔ!

ኢሳያሳ ቲንቢቴ 37:29

ኔኒ ታ ቦላ ሃንቆን ዴንዴቲዳ ጊሻሲኔ፥ ኔ ሃላጪዛይሲ ታ ሃይን ዎዳ ጊሻስ፥ ታኒ ኔ ሲን ዳፎ ኣና፤ ኔ ዶናንካ ቢጻላ ባርሳና፤ ኔ ዪዳ ኦጌራካ ታ ኔና ጉዬ ዛራ ዬዳና» ጊዴስ።

ኢሳያሳ ቲንቢቴ 37:4

ዴኦ ጾሳ ጫያና ማላ ኢዛ ጎዳ ኣሶሬ ካዎይ ኪቲዳ ኦላ ጋዳዋ ቃላ ጎዳ ኔ ጾሳይ ሲዮንታ ኣጌና። ቃሴ ጎዳ ኔ ጾሳይ ሄ ሲዪዳ ቃላ ጋሶን ኢዛ ቃጻዮንታ ኣጌና። ሄሳ ጊሻስ ኔኒ ሼምፖራ ፓጻ ኣቲዳ ጫሻታ ጊሻስ ዎሳ› ጌስ» ጊዳ።

ኢሳያሳ ቲንቢቴ 40:2

ዬሩሳላሜስካ ሹጎ ቃላራ ዮቲቴ፤ ኢዚስ ኣዋጂቴ፤ ኢዛ ኣይሌቴን ኦዛ ዎዴይ ዉሪዴስ፤ ኢዚ ናጋራ ዋጋይ ጪጌቲዴስ፤ ኢዛ ባ ናጋራ ኡባ ጊሻስ ጎዳፔ ናምኡ ኩሼ ቂጻቴ ኤካዱስ» ጌስ።

ኢሳያሳ ቲንቢቴ 47:7

ኔኒ፥ ‹ታኒ ሜርናስ ጎዳቶ ጊዳና› ጋዳሳ። ጊዶ ኣቲን ሃይታንታ ኣኬካቤካ፤ ኢስታ ዉርሴ ኣይ ጊዳናኮ ቆፓቤካ።

ኢሳያሳ ቲንቢቴ 51:19

ቤኣ ባሻ ቦላ ባሺ ኔ ቦላ ዪዴስ፤ ሂስቲን ኔና ኦኔ ሚንናይ? ኢስቲካ ላሌቴኔ ይስ፥ ኮሻኔ ማሻ።

ኢሳያሳ ቲንቢቴ 54:11

ጎዳይ፥ «ሃኔ ኡንኤቲዳ ካታማዬ! ጎቴ ጫርኮን ሾጬቲዳሬ! ሚኔቶንታሬ! ቤኣ፥ ታኒ ኔና ቦንቼቲዳ ሹቻታን ኣሌቂሳ ኬጻና፤ ሴምፔሬ ሹች ኔስ ዮች ዬጋና።

ኤርማሳ ቲንቢቴ 13:27

ኢንቴ ዙምቡላታ ቦላኔ ዴምባን ኦዳ ሃራሲዛ ኦሶ ታኒ ቤኣዲስ፤ ኢንቴ ላይማቴኔ ኢንቴ ዚታ ሃኖታ ታ ቤኣዲስ፤ ዬሩሳላሜ ኔስ ኣዬ ኣና! ኔኒ ኣይዴ ጋካናስ ኔ ቱናቴፌ ጌዮንታ ዳኔ?» ጌስ።

ኤርማሳ ቲንቢቴ 16:7

ካዮቲዛይታ ሚንናስ ሾች ኤሃናይ ዴና፤ ቃሴካ ኣዋይ ሃይቂዳ ዎይኮ ኣያ ሃይቂዳ ኣስ ሚንናስ ሾቻ ኡሹ ኤሃናይ ዴና።

ኤርማሳ ቲንቢቴ 2:34

ኔ ኢስታ ካይሶቴን ኦይኮንታ ጺሎ ማንቆታ ሱ ኔ ማይኦ ቦላ ቤቲዴስ። ኔኒ ሃይሳ ኡባ ኦ ዎዳካ፥

ኤርማሳ ቲንቢቴ 48:26

«ኢዚ ጎዳ ካዳ ጊሻስ ሞኣቤ ኡሻን ማሲቴ፤ ሞኣቤይ ባ ጮሻ ቦላ ጌንዴሬቶ፤ ቂስ ኣቶ።

ኤርማሳ ቲንቢቴ 5:31

ናቤቲ ዎርዶ ቲንቢቴ ዮቴቴስ፤ ቄሴቲካ ኢስታ ዞሬን ኣይሴቴስ። ታ ኣሳይካ ሄሳ ማላ ሚሽ ዶሴስ! ሂስቲን ዉርሴን ኢንቴ ኣይ ኦኔ?» ጌስ።

ኤርማሳ ቲንቢቴ 50:29

«ዎንዳፌን ኦሊዛይታ ባቢሎኔ ቦላ ጼይጊቴ፤ ኢሳዴይካ ኬሲ ኤኪ ቦንታ ማላ ኢስታ ጊዶዲ ዱንካኒቴ፤ ጎዳ ኢስራኤሌ ጌሻ ካዉሺዳ ጊሻስ ኢዚ ኦሶ ማላ ኢዚስ ዛሪቴ፤ ኢዛ ሃራታ ቦላ ኦዳይሳ ኢዚ ቦላ ኦቴ።

ኤርማሳ ዚላስ 1:17

ጺዮና ባ ኩሼ ሚጫዱስ፤ ኢዞ ሚንዛዴይ ዴና፤ ያቆቤ ዛሬታስ ሾሮቲ ኢዛስ ሞርኬ ጊዳና ማላ ጾሲ ኣዛዞ ኬሲዴስ፤ ዬሩሳላሜይካ ኢስታ ጊዶን ቱና ሚሻ ማላ ቆዴታዱስ።

ኤርማሳ ዚላስ 1:21

«ዴሬይ ታ ዚላሊዛይሳ ሲዪዴስ፤ ጊዶ ኣቲን ኦኒካ ታና ሚንዛዴይ ቤቲቤና፤ ታ ሞርኬቲ ኡባይካ ታ ሜቶቶይሳ ሲዪዳ፤ ኔኒ ኦይሳካ ኤሪዲ ኢስቲ ኡፋዬቲዳ፤ ኔ ኢስታ ቦላ ኤሃና ጋ ቃቺዳ ጋላሳያ ዩ፤ ኢስቲካ ታ ማላ ዚላሌቶ።

ኤርማሳ ዚላስ 2:13

«ሃኔ ዬሩሳላሜ! ታ ኔ ጊሻስ ኣይ ጋናስ ዳንዳያዚና? ታ ኔና ኣዛራ ጊናሳ ጼሎ? ሃኔ ዶሴቲዳ ጺዮኔ ጌላኦዬ! ታ ኔና ዎስታ ሚንናስ ዳንዳያዚና? ኔ ማዱንይ ኣባፌካ ጪማቴስ፤ ኔና ፓናስ ዳንዳይዛይ ኦኔ?

ኤርማሳ ዚላስ 4:1

ዎርቃይ ዋኒ ታሲዴስ፤ ዋላካይ ባይንዳ ሙሩታ ዎርቃይ ዋኒ ላሜቲዴ! ጾሳ ኬ ኬጼቲዳ ቦንቾ ሹቻቲ ኦጌ ዶናን ላሌቲዳ።

ኤርማሳ ዚላስ 5:1

ኣቤት ጎዳዉ! ኑ ቦላ ጋኪዳይሳ ኔ ቆፓ፤ ኑ ካዉሻቴካ ጼላ።

ሆሴኤ ቲንቢቴ 2:14

«ሄሳ ጊሻስ ታ ኢዞ ማቃዳ ባዞ ኤፋና፤ ሄን ታ ኢዚራ ሲቆ ቃላን ሃሳይሳና።

ሶፎናሳ ቲንቢቴ 2:10

ባንታ ኦቶሮቴፌ ዴንዲዳይሳን ኢስቲ ኡባፌ ዎልቃማ ጾሳ ዴራ ጫዪዳ ጊሻሲኔ ቂዳ ጊሻስ ሄሲ ኢስታ ቦላ ጋካና።

ዮሃኒሳ ሚሺራቾ 11:19

ኢስታ ኢሻይ ሃይቂዳ ጊሻስ ማራሞኔ ማርታ ሚንናስ ዳሮ ኣይሁዳ ኣሳይ ኢስታኮ ሺቂዴስ።

ዛሬ ማጻፋ 26:7

ሂስቲን ኑኒ ጎዳ ኑ ኣዋታ ጾሳኮ ዋሲዶስ፤ ኢዚካ ኑ ዋሶዛ ሲዪዲ ኑ ዋዬዛ፥ ኑ ዳቡራዛኔ ኑኒ ቆሄቲዳይሳ ቤኢዴስ።

ዛሬ ማጻፋ 32:27

ጊዶ ኣቲን ኢስታ ሞርኬቲ፥ ‹ኑኒ ኑ ዎልቃን ኢስታ ጾኒዶስ ኣቲን ጾሴ ጊዴና› ጊዲ ኦቶሬቴን ጬቄቲዲ ታና ሃንቄናኮ ጋዳ ቆፓይስ።

ዛሬ ማጻፋ 32:29

ኢስቲ ኤራታ ጊዲዳኮ ሃይሳ ኢስቲ ካሴቲዲ ቆፓና፤ ባንታ ዉርሴንካ ሃናናይሳ ዩሺ ቆፓናሺን!

1ጴጽሮሳ ኪታ 4:17

ፒርዳይ ዶሜታናስ ዎዴይ ማቲዴስ፤ ሄ ፒርዳይ ዶሜታናይ ኮይሮ ጾሳ ኣሳ ቦላኮ! ሂስቲን ፒርዳይ ኑናን ዶሚኮ ጾሳ ሚሺራቾ ቃላስ ኣዛዜቶንታ ኢጺዳ ኣሳ ዉርሴ ኣይ ጊዳኔ?

1ሳሜላ ማጻፋ 1:11

ኢዛካ፥ «ኡባፌ ዎልቃማ ጎዳዉ ታና ኔ ኣይሌይ ካዉሻቴ ኔ ሃ ጼላዳ ታና ኔ ቆፒኮኔ ታና ኔ ኣይሌዮ ባሎንታ ኔ ታስ ኣቱማ ና ኢሚኮ ኢዚ ባ ዴኦ ላይ ኡባን ኔስ ጊዳና ማላ ታኒ ኢዛ ጎዳስ ኢማና፤ ማጋላይካ ኢዛ ሁኤ ቢናና ቦቼና» ጋዉስ።