ኤርማሳ ዚላስ 1:18 - ጋሞ ማጻፋ

¹⁸ «ጾሲ ጺሎ፤ ታኒ ጊዲኮ ኢዛ ኣዛዞ ቦላ ማካላዲስ፤ ኢንቴ ዉሪካ ሲዪቴ፤ ታ ሜቶዛካ ጼሊቴ፤ ማጫ ናይቲኔ ናቴ ኣቱማ ናይቲ ታፔ ዲኤቲ ቢዳ።

Geeshsha Maxaafa

¹⁸ «Xoossi xillo; tani gidikko iza azazo bolla makkalladis; intte wurikka siyite; ta metozakka xeellite; macca naytinne naateththa attuma nayti taappe di7etti bida.

ኤርማሳ ዚላስ 1:18 ပူးပေါင်းရင်းမြစ်များ

1ካዎታ ማጻፋ 13:21

ሂስቲን ዩሁዳፔ ዪዳ ጾሳ ናቤዛስ፥ «ጎዳይ ኔና፥ ‹ኔኒ ጾሳ ቃላ ካዉሻዳሳ፤ ጎዳ ኔ ጾሳይ ኔና ኣዛዚዳ ኣዛዞካ ናጋቤካ።

ኢዝራ ማጻፋ 9:13

«ሃይሲ ኑ ቦላ ጋኪዳ ሜቶይ ኑ ኦዳ ኢታ ኦሶፔኔ ሞሮፔ ዴንዲዳይሳና፤ ጊዲኮካ ኔኒ ኑ ጾሳይ ኑና ቃጻይዳይ ኑ ቃጻዬታናስ ቤሲዛይሳፌ ጉ፤ ሄሳፌካ ቦላራ ኑ ሃይቆፔ ኣቲዲ ሼምፖራ ፓጻ ዳና ማላ ኦዳሳ።

ናሂሚያ ማጻፋ 9:26

«ጊዶ ኣቲን ኢስቲ ኔ ቦላ ማካሊዳ፤ ‹ኔ ቃላስካ ኣዛዜቶኮ› ጊዳ፤ ኔ ዎጋ ሲዮኮ ጊዲ ኔስ ዞኮ ዛሪዳ፤ ቃሴ ኢስቲ ኔኮ ዛራና ጊዲ ሴሪ ታማርሲዳ ናቤታ ዎዳ፤ ኡባ ዎዴ ኔ ቦላ ጫሻ ቃላ ሃሳይዳ።

ናሂሚያ ማጻፋ 9:33

ኔ ኑና ቃጻያና ጋዳ ኔ ኦዳይሲ ዉሪ ሊኬ፤ ኑኒ ናጋራ ኦኮካ ኔኒ ኔ ኣማኔቴን ሚና ኤቃዳሳ።

ዬ ማጻፋ 107:11

ጋሶይካ ኢስቲ ጾሳ ቃላ ቦላ ማካሊዳኔ ኡባፌ ቃ ጾሳ ዞሬ ካዳ።

ዬ ማጻፋ 119:137

ኣቤት ጎዳዉ! ኔኒ ጺሎ፤ ኔ ፒርዳይካ ሊኬ።

ዬ ማጻፋ 119:75

ኣቤት ጎዳዉ! ኔ ፒርዳይ ጺሎ ጊዲዳይሳኔ ኔኒ ታና ቃጻይዳይ ኣማኔቴን ጊዲዳይሳ ታኒ ኤራይስ።

ዬ ማጻፋ 145:17

ጎዳይ ባ ኦጌ ኡባን ጺሎ፤ ኢዚ ባ ኦሶ ኡባን ኪያ።

ኬሳ ማጻፋ 9:27

ካዎይካ ሙሴኔ ኣሮኔ ጼይጊሲዲ፥ «ሃኢ ሄኮ፥ ታኒ ናጋራ ኦዲስ፤ ጎዳይ ጺሎ፤ ታኒኔ ታ ኣሳይ ዎርዶ።

ኤርማሳ ቲንቢቴ 12:1

ኣቤት ጎዳዉ! ታኒ ኔናራ ፓላሜቲዛ ዎዴ ኡባንካ ኔ ጺሎ። ኢታ ኣሳቲ ኦዛይሲ ኢስታስ ኣይስ ኢንጄቲዜ? ኣማኔቶንታይቲ ኣይስ ኢሻሎ ዱስ ዲዞ?

ኤርማሳ ቲንቢቴ 32:23

ሂስቲን ኢስቲ ሄ ቢታ ጌሊዲ ላቲዳ፤ ጊዶ ኣቲን ኔስ ኣዛዜቲቤቴና፤ ኔ ዎጋካ ናጊቤቴና፤ ኢስቲ ኦና ማላ ኔኒ ኣዛዚዳይሳ ኡባካ ኦቤቴና፤ ሄሳ ጊሻስ ኔኒ ኢስታ ቦላ ሃ ቦሻ ኡባ ኤሃዳሳ።

ኤርማሳ ቲንቢቴ 4:17

ኢዛ ታ ቦላ ማካሊዳ ጊሻስ ካ ናጊዛ ኣሳ ማላ ኢስቲ ዩሁዳ ጊዶና› ጊቴ።

ኤርማሳ ቲንቢቴ 49:12

ጎዳይ፥ «ጻዋ ኡያና ቤሶንታይታስ ጻዋ ኡሺ ኣቶንታይሳ ጊዲኮ ኔኒ ዋና ቂጻቴፔ ኣታኔ? ኔስ ቃጻዬቴ ኣቴና፤ ኔ ኡያናስ ቤሴስ።

ኤርማሳ ዚላስ 1:12

«ጎዳ ጾሲ ባ ዎልቃማ ሃንቆዛ ኑ ቦላ ዬዲዳ ዎዴ ኑ ቦላ ጋኪዳ ሜቶ ማላ ሜቶይ ጋኪዳ ኣሲ ዲዛ ጊዲኮ ኢንቴኖ ኦጌራ ኣ ቢዛ ኡባቶ ኣኔ ቤኢቴ! ሃ ሜቶይ ኢንቴስ ካዉሻ ሚሳቲዜ?

ኤርማሳ ዚላስ 3:42

«ኑ ጎዳዉ! ኑኒ ማካሊዶስ፤ ናጋራካ ኦዶስ፤ ሄሳ ጊሻስ ኔኒ ኑና ማራቤካ።

ኤርማሳ ዚላስ 5:16

ካላቻይ ኑ ሁኤፔ ኩንዲዴስ፤ ኑ ናጋራ ኦዳ ጊሻስ ኣዬ ኣና!

ዳኔላ ቲንቢቴ 9:5

ኑኒ ጊዲኮ ናጋራ ኦዶስ፤ ኔና ቆሂዶስ፤ ኢታ ሚሽ ኦዶስ፤ ማካሊዶስ፤ ኔ ኣዛዞታፔኔ ኔ ዎጋፔ ካሬ ኬዚዶስ።

ዳኔላ ቲንቢቴ 9:7

«ኣቤት ጎዳዉ! ኔኒ ጺሎ፤ ኑኒ ጊዲኮ ኔስ ኣማኔቶንታ ጊሻስ ኑና ቢታ ኡባ ቦላን ኔ ላሊዳ ዩሁዳ ኣሳይ፥ ዬሩሳላሜ ኣሳይኔ ኩሜ ኢስራኤሌ ኣሳይ ማታን ጊዲን ሃሆን ዲዛ ኡባይ ሃኢ ዬላቲዶስ።

ኣሞጼ ቲንቢቴ 8:13

ሄ ዎዴ ሎኦ ጌላኦቲኔ ሚኖ ፓንቲ ሳሞፔ ዴንዳናይሳን ዳቡራና።

ሶፎናሳ ቲንቢቴ 3:5

ኢዚን ዲዛ ጎዳይ ኢዚ ጺሎ። ሙሌካ ባሌቲ ኤሬና፤ ማላዶ ማላዶ ሱሬ ፒርዴስ፤ ኡባ ጋላሲካ ዳቡሪ ኤሬና፤ ጊዶ ኣቲን ማካላንቻታስ ዬላይ ዴና።

ዛካራሳ ቲንቢቴ 1:6

ጊዶ ኣቲን ታኒ ታ ናቤታ ባጋራ ዮቲዳ ቃላቲኔ ዎጋቲ ኢንቴ ኣዋታ ቦላ ጋኪቤቴኔ? ‹ኢስቲካ ማሮቴን ጌልሼ ኡባፌ ዎልቃማ ጎዳይ ባ ኮዪዳ ማላ ኑ ኦሶ ማላኔ ኑ ኦጌ ማላ ኑስ ቤሲዛዝ ኑ ቦላ ኦዴስ› » ጊዳ።

ኦሮሜ ኣሳስ 2:5

ጊዶ ኣቲን ኔኒ ኔ ዎዚና ሙሜቴኒኔ ማሮቴ ኮዮንታ ኔ ዎዚና ጋሶን ጾሳ ቱማ ፒርዳይ ቆንጪዛ ዎዴ ጾሳ ሃንቆ ጋላሳስ ኔ ቦላ ዳሮ ሃንቆ ሺሻሳ።

ኦሮሜ ኣሳስ 3:19

ሄሳ ጊሻስ ዶናይ ዉሪካ ጎርዴታና ማላ ዴሬይ ኩሜ ጾሳስ ዛሮ ኢማና ማላ ዎጋይ ጊዛይ ዉሪካ ዎጋፔ ጊዶራ ዲዛይታስ ጊዲዳይሳ ኑ ኤሮስ።

ዛሬ ማጻፋ 32:4

«ኢዚ ኑስ ሚጻ፤ ኢዛ ኦሶቲካ ኩሜ፤ ኢዛ ኦጌቲ ዉሪካ ሱሬ፤ ኢዚ ባሌቶንታ ኣማኔቲዳ ጾሳ፤ ኢዚ ሱሬኔ ጺሎ ጾሳ።

ዳናታ ማጻፋ 1:7

ሂስቲን ኣዶኒ-ቤዜቄይ፥ «ኩሼ ማን ቢራታኔ ቶሆ ማን ቢራታ ታኒ ቃንጻ ቃንጻ ዬጊዳ ላፑን ታሙ ካዎቲ ታ ማዳፌ ዎዳ ሱፓ ማጺ ሺሺዲ ሜቴስ። ካሴ ኢስታ ቦላ ታ ኦዳ ጌኔ ማላ ጾሲ ታ ቦላ ኦዴስ» ጊዴስ። ኢዛ ዬሩሳላሜ ኤሂን ሄን ሃይቂዴስ።

1ሳሜላ ማጻፋ 15:23

ማካላይ ማሮ ማላ ናጋራ፤ ኣጋ ኢጻይ ኤቃ ጾሳስ ጎይኖ ማላ ኢታ፤ ኔኒ ጎዳ ቃላ ካዳ ጊሻስ ኢዚካ ኔኒ ካዎ ጊዶንታ ማላ ኔና ካዴስ» ጊዴስ።