ኤርማሳ ዚላስ 1:17 - ጋሞ ማጻፋ

¹⁷ ጺዮና ባ ኩሼ ሚጫዱስ፤ ኢዞ ሚንዛዴይ ዴና፤ ያቆቤ ዛሬታስ ሾሮቲ ኢዛስ ሞርኬ ጊዳና ማላ ጾሲ ኣዛዞ ኬሲዴስ፤ ዬሩሳላሜይካ ኢስታ ጊዶን ቱና ሚሻ ማላ ቆዴታዱስ።

Geeshsha Maxaafa

¹⁷ Xiyoona ba kushe miccadus; izo minththeththizaadey deenna; Yaaqoobe zaretas shooroti izas morkke gidana mala Xoossi azazo kessides; Yerusalaameykka istta giddon tuna miishsha mala qoodettadus.

ኤርማሳ ዚላስ 1:17 ပူးပေါင်းရင်းမြစ်များ

1ካዎታ ማጻፋ 8:22

ሄሳፌ ጉዬ ሶሎሞኔይ ጎዳስ ያርሾ ያርሺዛሶ ሲንን ኩሜ ኢስራኤሌ ዴራ ዱላታይ ዲዛሶን ኤቂዲ ባ ኩሼ ፑዴ ሳሎ ዴንዴስ፤

1ካዎታ ማጻፋ 8:38

ኔ ዴሬ ኢስራኤሌፔ ኦኒካ ባ ዎዚናን ኡንኤቲዳይሳ ኤሪዲ ባ ኩሼታ ሃ ጾሳ ኬኮ ሚጪዲ ሾቢ ዎሲኮ፥

2ካዎታ ማጻፋ 25:1

ዩሁዳ ካዎ ሴዴቂያሲ ካዎቲዳ ኡዱፉን ላይን ታማን ኣጊናን ታማን ጋላስ ባቢሎኔ ካዎ ናቡካዳናጾሬይ ባ ኦላንቻታ ኡባ ኤኪዲ ዬሩሳላሜ ቦላ ዎራጂዴስ፤ ካታማይ ጊምቤፌ ካሬ ባጋራ ዩዪ ኣ ጊዶ ኡቲዳ።

ኤራንቻታ ማጻፋ 4:1

ታኒ ቃሴካ ሳሎ ጉፋንን ዲዛ ቆሆ ኡባ ቤኣዲሲኔ ኣኬካዲስ፤ ቆሄቲዳይታ ኣፉን ቤኣዲስ፤ ኢስታ ሚንዛ ኣሲካ ዴና፤ ዎልቃይ ኢስታ ቆሂዛ ኣሳታ ኩሼን ዴስ፤ ኢስታ ሚንዛ ኣሲካ ዴና።

ኢሳያሳ ቲንቢቴ 1:15

ኢንቴ ኢንቴ ኩሼ ዎሳስ ታኮ ሚጪኮ ታኒ ታ ኣይፌ ኢንቴፌ ሃራሶ ዛራና፤ ኢንቴ ኩሼን ሱ ኩሚዳ ጊሻስ ኢንቴ ኬሂ ዎሲኮካ ታ ኢንቴ ዎሳ ሲዪኬ።

ኢሳያሳ ቲንቢቴ 54:11

ጎዳይ፥ «ሃኔ ኡንኤቲዳ ካታማዬ! ጎቴ ጫርኮን ሾጬቲዳሬ! ሚኔቶንታሬ! ቤኣ፥ ታኒ ኔና ቦንቼቲዳ ሹቻታን ኣሌቂሳ ኬጻና፤ ሴምፔሬ ሹች ኔስ ዮች ዬጋና።

ኤርማሳ ቲንቢቴ 12:9

ታ ጺንጾያ ጲርጮቲ ማና ጊዶዳ ካፎ ማላ ጊዳቤኬ? ቢዲ ዎራ ዶኣታ ኡባ ሺሺቴ፤ ኢስቲ ኢዞ ዱ ማና ማላ ጼይጊቴ።

ኤርማሳ ቲንቢቴ 15:5

«ሃኔ ዬሩሳላሜ! ኔስ ኦኔ ቃታናይ? ኔስ ሚሼታናይ ኦኔ? ኔ ሎኤቴ ጌሊ ኦይቻናይ ኦኔ?» ጌስ።

ኤርማሳ ቲንቢቴ 16:6

ዱሬቲኔ ማንቆቲ ሃ ቢታይ ቦላ ሃይቃና፤ ኢስቲ ሞጌቴቴና። ኢስታ ዬሆይካ ዬኬቴና፤ ኢስታስ ባ ቦላ ቃጫናይ ዴና፤ ባ ሁኤካ ቡጫናይ ዴና።

ኤርማሳ ቲንቢቴ 34:22

ታኒ ኢስታ ኣዛዛና፤ ኢስቲ ሃ ካታማዮ ኦላና ማላ ታኒ ዛራ ኤሃና፤ ኢስቲካ ካታማዮ ኦሊ ኦይካናኔ ታማን ጹጋና፤ ታኒ ዩሁዳ ካታማታ ኣሲ ባይንዳሶ ቡላ ኬሳና» ጌስ።

ኤርማሳ ቲንቢቴ 4:31

ታኒ ኮይሮ ባይራ ና ዬላናስ ሚጻቲዛ ማጫሳ ማላ ኔ ዋሲሺን ታ ሲያዲስ፤ ዬሩሳላሜ ማጫ ናያ ፔኖይ ቱጬታናሼ ጋካናስ ዋሲሺኒኔ ባ ኩሼ ሚጫዳ፥ «ታ ዋኖ! ሄኮ ታና ዎና ጌቴስ!» ጊሺን ሲያዲስ።

ኤርማሳ ቲንቢቴ 6:3

ሄንንቻቲ ባንታ ዉዴ ኤኪዲ ኢዚ ቦላ ያና፤ ሂስቲዲ ኢዚ ዩሾን ባንታ ዱንካኔ ቶካና፤ ባንታ ዉዴ ባንታ ሶሆን ሶሆን ሄማና።

ኤርማሳ ቲንቢቴ 8:18

ታ ጬጪዛ ዎዴ ታና ሚንዛይሶ! ታ ዎዚናይ ኬሂ ሜቂዴስ።

ኤርማሳ ዚላስ 1:16

«ሞርኬይ ኑ ቦላ ጎቢዴስ፤ ኑ ናይቲካ ባርካ ኣቲዳ፤ ኑና ዞሪ ሚንዛይቲ ኑፔ ሃኪዳ፤ ሄሳ ጊሻስ ታ ዬካይሲኔ ኣፉን ጉሳይስ።

ኤርማሳ ዚላስ 1:19

ታኒ ታ ዶሲዛይታ ጼይጋዲስ፤ ኢስቲ ጊዲኮ ታና ካዲዳ፤ ታ ቄሴቲኔ ጪማቲ ባ ሼምፖ ኣሻናስ ካ ኮዪሼ ካታማይ ጊዶን ዉሪዳ።

ኤርማሳ ዚላስ 1:2

ኢዛ ጊዶ ጫሞ ዬሆ ዬካዉስ፤ ኢዚስ ኣፉንይካ ሻጋላራ ጎጌስ፤ ኢዚ ላጌታፔ ኢዞ ሚንዛይ ኦኒካ ዴና፤ ኡባቲካ ኢዞ ካዲዳ፤ ዛሪዲካ ኢዚስ ሞርኬ ጊዲዳ።

ኤርማሳ ዚላስ 1:21

«ዴሬይ ታ ዚላሊዛይሳ ሲዪዴስ፤ ጊዶ ኣቲን ኦኒካ ታና ሚንዛዴይ ቤቲቤና፤ ታ ሞርኬቲ ኡባይካ ታ ሜቶቶይሳ ሲዪዳ፤ ኔኒ ኦይሳካ ኤሪዲ ኢስቲ ኡፋዬቲዳ፤ ኔ ኢስታ ቦላ ኤሃና ጋ ቃቺዳ ጋላሳያ ዩ፤ ኢስቲካ ታ ማላ ዚላሌቶ።

ኤርማሳ ዚላስ 1:8

ዬሩሳላሜይ ዳሮ ዴጾ ናጋራ ኦዱስ፤ ካስካ ኣታዱስ፤ ኢዛ ካሎ ዲሺን ቤኢዳ ጊሻስ ካሴ ኢዞ ቦንቺዳይቲ ኡባይ ኢዞ ካዳ፤ ኢዛካ ባ ባጋራ ዬላታዳ ቢታ ጼላሼ ጉዬ ሲማዱስ።

ኤርማሳ ዚላስ 1:9

ኢዚ ቱናቴ ኢዚ ማይኦ ቦላ ቤቲዴስ፤ ሲንፌ ኢዚ ቦላ ሃናናይሳ ኢዛ ቆፓቤኩ፤ ኢዚ ኩንዴ ዳጋንዛዝ ጊዲዴስ፤ ኢዛ፥ «ታ ጎዳ ጾሶ! ታ ሜቶቲዛ ሜቶዛ ቤኣ፤ ታ ሞርኬቲ ታና ጾኒዳ» ጋ ዎሲንካ ኢዞ ሚንዛይ ኦኒካ ቤቲቤና።

ኤርማሳ ዚላስ 4:15

ሄሳ ጊሻስ ኣሳይ ኢስታ ቦላ፥ «ኪቺቴ! ኢንቴ ቱና! ሃኪቴ! ኑና ቦቾፍቴ!» ጊ ዋሳና። ሄሳ ጋሶን ኢስቲ ባቃቲዲ ካዎቴ ጊዶን ቶይላቲሼ ኣሳይ ኢስታስ፥ «ኢንቴ ኑናራ ሃይሳን ዳናስ ዳንዳዬኬታ» ጊዳ።

ሂዚቄላ ቲንቢቴ 36:17

«ሃይሶ ኣሳ ናዉ! ኢስራኤሌ ኣሳይ ባንታ ቢታን ዲዛ ዎዴ ባንታ ኦሶኒኔ ባንታ ዱሳን ቢታዮ ቱኒሲዳ፤ ማጫሳይ ኣጊና ዎጋይ ዪዛ ዎዴ ቱኒዛ ማላ ኢስታ ካንዶይ ታ ሲንን ቱና።

ሆሴኤ ቲንቢቴ 8:8

ኢስራኤሌይ ሃራ ካዎቴታ ጊዶን ሂራይሶ ሚሻ ማላ ጊዲዳ።