ኢያሶ ማጻፋ 24:19 - ጋሞ ማጻፋ

¹⁹ ኢያሶይካ ዴራስ፥ «ኢንቴ ጎዳስ ጎይናናስ ዳንዳዬኬታ፤ ኢዚ ጌሻ ጾሳ፤ ኢዚ ቃናቲዛ ጾሳ፤ ኢዚ ኢንቴ ማካላቴኔ ኢንቴ ናጋራ ኣቶ ጌና።

Geeshsha Maxaafa

¹⁹ Iyaasoykka deraas, «Intte GODAAS goynnanaas dandayekketa; izi geeshsha Xoossa; izi qanaatiza Xoossa; izi intte makkallateththaanne intte nagaraa atto geenna.

ኢያሶ ማጻፋ 24:19 ပူးပေါင်းရင်းမြစ်များ

2ታሪኬ ማጻፋ 36:16

ጊዶ ኣቲን ጾሳ ሃንቆይ ኢስታ ቦላ ዪን ፓጻቴ ኢስታስ ቤቶንታ ኢጻናሼ ጋካናስ ኢስቲ ጎዳይ ኪቲዳይታ ቂዳ፤ ኢዛ ቃላ ካዳኔ ናቤታካ ካዉሺዳ።

ዬ ማጻፋ 99:3

ጊታኔ ኬሂፔ ያሺሲዛ ኔ ሱን ኢስቲ ኡባይ ሳቤቶ! ኢዚ ዱማ!

ዬ ማጻፋ 99:5

ኢዚ ዱማ ጊዲዳ ጊሻስ ጎዳ ኑ ጾሳ ቁ ቁ ሂስቲቴ፤ ኢዛ ቶሆ ጋርሳንካ ጉፋኒዲ ኢዛስ ጎይኒቴ።

ዬ ማጻፋ 99:9

ጎዳ ኑ ጾሳ ቁ ቁ ሂስቲቴ፤ ኢዛ ጌሻ ዙማ ቦላን ኢዛስ ጎይኒቴ፤ ኣይስ ጊኮ ጎዳ ኑ ጾሳይ ጌሻ ጾሳ።

ኬሳ ማጻፋ 20:5

ኢስታስ ሆኮፋኔ ኢስታስ ጎይኖፋ። ኣይስ ጊኮ ታኒ ጎዳ ኔ ጾሳይ ቃናቲዛ ጾሳኮ፤ ታና ኢጺዛይታ ኣዋታ ናጋራ ጊሻስ ናይታ ሄን ዬሌታኔ ኦይዳን ዬሌታ ጋካናስ ቃጻያይስ።

ኬሳ ማጻፋ 23:21

ኢዚ ዮቲዛይሳ ኤሮ ጋዳ ኢዛስ ኣዛዜታ፤ ኢዛ ቦላ ማካሎፋ፤ ታ ኢዛ ኪቲዳ ጊሻስ ኢንቴ ናጋራ ኦኮ ኢንቴስ ኢዚ ኣቶ ጌና።

ኬሳ ማጻፋ 34:14

ታኒ ጎዳይ ቃናቲዛ ጾሳ ጊዲዛ ጊሻስ ታፔ ኣቲን ሃራ ኤቃ ጾሳታስ ጎይኖፍቴ።

ኬሳ ማጻፋ 34:7

ታኒ ታ ሜርና ሲቆዛ ሺ ዬሌታ ጋካናስ ናጋይስ፤ ኢታቴ፥ ማካላኔ ናጋራ ኣቶ ጋይስ። ጊዲኮካ ሞሪዛዴ ቃጻዮንታ ኣጊኬ፤ ኣዋታ ናጋራ ጊሻስ ናይታኔ ናይታ ናይታ፥ ሄን ዬሌታኔ ኦይዳን ዬሌታ ጋካናስ ቃጻያይስ» ጊ ኣዋጂሼ ኣዴስ።

ኢሳያሳ ቲንቢቴ 2:9

ሄሳ ጊሻስ ኣሲ ኡባይ ዚቂ ጋናኔ ካዉያና። ኢስታ ቆሆ ኣቶ ጎፓ።

ኢሳያሳ ቲንቢቴ 27:11

ኢዚ ጼራይ ሜሊዲ ሜቃና፤ ማጫሳቲካ ሚጺ ኤና፤ ኣኬካይ ባይንዳ ዴሬ ጊዲዳ ጊሻስ ኢዛ ሜዳይ ኢዛስ ቃቴና፤ ኦዳይሲካ ኢዛ ማሬና።

ኢሳያሳ ቲንቢቴ 30:11

ሃይሳ ኦጋፔ ኪቺቴ፤ ሃ ዎጋ ኦጋፔ ሃኪቴ፤ ኢስራኤሌ ጌሻራ ኑና ቲራን ጋፍቴ» ጋና።

ኢሳያሳ ቲንቢቴ 30:15

ኡባ ሃሪዛ ጎዳይ፥ ኢስራኤሌ ጌሻይ፥ «ኢንቴ ታኮ ሲሞኒኔ ታናን ሼምፖን ኣታና፤ ዎፓኒኔ ኣማኖን ኢንቴ ሚናና፤ ኢንቴ ጊዲኮ ሄሳ ኦቤኬታ።

ኢሳያሳ ቲንቢቴ 5:16

ጊዶ ኣቲን ኡባፌ ዎልቃማ ጎዳይ፥ ሱሬ ፒርዳን ቁ ቁ ጋና፤ ጌሻ ጾሳይ ባ ጌሻቴ ባ ጺሎቴን ቤሳና።

ሌዌታ ማጻፋ 10:3

ሙሴይ ቃሴ ኣሮኔስ፥ «ጎዳይ፥ ‹ታ ሲን ሺቂዲ ታስ ኦዛይታስ ታኒ ታ ጌሻቴ ቆንጪሳና፤ ታኒካ ታ ዴሬዛ ኣቻን ቦንቼቲዳዴ ጊዳና› ጊዲ ኢዚ ኣሳ ካሴ ቆፍሲዳይሲ ሃይሳ» ጊዴስ። ኣሮኔይካ ኣይ ዛሮካ ኢሞንታ ጮኡ ጊዴስ።

ሌዌታ ማጻፋ 11:44

ታኒ ጎዳ ኢንቴ ጾሳ፤ ታኒ ሃራፔ ዱማ ጊዲዳ ጊሻስ ኢንቴካ ዱማ ጊዲቴ፤ ባ ቲራን ጎሼቲዛይታ ሚዲ ኢንቴርካ ኢንቴና ቱኒሶፒቴ።

ሌዌታ ማጻፋ 11:45

ኢንቴስ ጎዳ ጊዳናስ ጊብጼፔ ኢንቴና ካሌ ኬሲዳይ ኢንቴ ጾሳይ ታና፤ ሄሳ ጊሻስ ታኒ ዱማ ጊዲዳ ማላ ኢንቴካ ዱማ ጊዲቴ።

ሌዌታ ማጻፋ 19:2

«ሃይሳ ኢስራኤሌ ናይታስ ዮታ፥ ‹ታኒ ጎዳይ ኢንቴ ጾሳይ ዱማ ጊዲዳ ማላ ኢንቴካ ዱማ ጊዲቴ።

ሌዌታ ማጻፋ 20:26

ኢንቴ ታስ ዱማ ሻኬቲዳይታ ጊዲቴ፤ ጋሶይካ ታኒ ጎዳይ ዱማ ጾሳ፤ ኢንቴ ታ ዴሬታ ጊዳና ማላ ኣይዛቤታ ጊዶፌ ታኒ ኢንቴና ታስ ዱማሳ ሻካዲስ።

ሌዌታ ማጻፋ 20:7

« ‹ኢንቴ ኣሳቴ ኡባ ጌሺቴ፤ ዱማቲቴ፤ ጋሶይካ ታኒ ጎዳ ኢንቴ ጾሳ።

ናሆሜ ቲንቢቴ 1:2

ጎዳይ ዚልኤቲዛኔ ሃሎ ኬሲዛ ጾሳ፤ ጎዳይ ሃሎ ኬሲዛኔ ሃንቆን ኩሚዳ ጾሳ። ጎዳይ ሃሎ ኬሲዛዴኔ ፓላ ሚሺ ኢዛን ኩሚዳዴ። ጎዳይ ባ ባልጋራታ ቦላ ሃሎ ኬሴስ፤ ባ ሞርኬታ ቦላ ባ ሃንቆ ኤሄስ።

ኢምባቆ ቲንቢቴ 1:13

ኔ ኣይፌቲ ኢታ ጼሎንታ ማላ ኬሂ ጌሻ፤ ኔኒ ቆሆ ጮኡ ጋ ጼላናስ ዳንዳያካ፤ ሂስቲን ኣስ ባሌዛይታ ኣዛስ ጮኡ ጋዲ? ሄ ኣሳቲ ባፔ ኬሂ ጺሊዛ ኣሳታ ይሲሺን ኔ ኣዛስ ጮኡ ጋይ?

Maatosa 6:24

«ኢሲ ኣሲ ናምኡ ጎዳስ ኦና ዳንዳዬና። ኢሳ ኢጺዲ ናምኣንዛ ዶሳና፤ ዎይኮ ኢሳ ቦንቺዲ ናምኣንዛ ሌቃና፤ ጾሳሲኔ ሚሻስ ናምኣታስ ጋ ኦናስ ዳንዳዬቴና።

ኢያሶ ማጻፋ 24:18

ቃሴ ጎዳይ ሄ ቢታን ዲዛ ኣሞሬታራ ጉጂን ዴራ ኡባ ኑ ሲንፌ ጎዲዴስ፤ ሄሳ ጊሻስ ኑኒ ጎዳስ ጎይናና፤ ኢዚ ኑ ጾሳ» ጊዴስ።

ኢያሶ ማጻፋ 24:23

ኢያሶይ፥ «ሂስቲኮ፥ ኢንቴ ጊዶን ዲዛ ኣላጋ ጾሳታ ዲጊቴ፤ ኢንቴ ዎዚና ጎዳ ኢስራኤሌ ጾሳኮ ዛሪቴ» ጊዴስ።

ኡሩቲ ማጻፋ 1:15

ኑሃማ ኢዚስ ዛራዳ፥ «ቤያ፥ ኔ ኣዚና ኢሻ ማቼያ ባ ኣሳታኮኔ ባ ኤቃ ጾሳታኮ ሲማዱስ። ኔኒካ ኢዚራ ሲማ ባ» ጋዱስ።

1ሳሜላ ማጻፋ 3:14

ሄሳ ጊሻስ፥ ‹ኤሌሶ ኣሳ ቆሆይ ያርሾን ዎይኮ ሞጎታን ሙሌካ ዉሬና› ጋዳ ካሴ ኤሌሶ ኣሳ ቦላ ጫቃ ዎዲስ» ጊዴስ።

1ሳሜላ ማጻፋ 6:20

ሄሳ ጊሻስ ቤቲ-ሼሚሼ ኣሳይ፥ «ሂስቲን ሃይሳ ጎዳ፥ ጌሻ ጾሳ ሲንን ኤቃናስ ዳንዳይዛይ ኦኔ? ጫቆ ቃላ ታቦታዚ ሃይሳፌ ኬዚዲ ኦናኮ ባኔ?» ጊዳ።