ዮናሳ ቲንቢቴ 4:8 - ጋሞ ማጻፋ

⁸ ኣርሼይ ሞኪዛ ዎዴ ጾሳይ ጹጊዛ ጫርኮ ኣርሼይ ሞኪዛ ባጋፌ ዬዲዴስ፤ ሄሳፌ ዴንዲዳይሳን ዮናሲ ዳቡራና ጋካናስ ኣዋይ ዮናሳ ሁኤ ጹጊዴስ፤ ሂስቲን ኢዚ፥ «ፓጻ ዳናፔ ታስ ሃይቆይ ሎኦ» ጊዴስ።

Geeshsha Maxaafa

⁸ Arshey mokkiza wode Xoossay xuuggiza carko arshey mokkiza baggafe yeddides; hessafe dendidayssan Yoonaasi daaburana gakkanaas away Yoonaasa hu7e xuuggides; histtiin izi, «Paxa daanaappe taas hayqoy lo7o» gides.

ዮናሳ ቲንቢቴ 4:8 ပူးပေါင်းရင်းမြစ်များ

ሜቴ ማጻፋ 41:6

ኢስታፌ ካሊዲ ኣይፌ ላፋኔ ጫርኮን ሹሊዲ ሜሊዳ ላፑን ቲያቲ ኬዚዳ።

1ካዎታ ማጻፋ 19:4

ኢሲ ጋላሳ ኦጌ ባዞን ሄሜቲዴስ። ቢሼ ሳንካራ ሚ ኩዋ ጋርሳን ኡቲዲ፥ «ኣቤት ጎዳዉ! ታስ ጊዳና፤ ታኒ ታ ኣዋታፔ ኣኬ። ታ ሼምፖዮ ኔ ኤካ» ጊዲ ሃይቆ ኣሞቲ ዎሲዴስ።

1ካዎታ ማጻፋ 21:4

ኢዝራኤሌ ኣስ ናቡቴይ፥ «ታኒ ታ ኣዋታፔ ላቲዳ ጺንጾ ኔስ ኢሚኬ» ጊዳ ጊሻስ ኣካቤይ ዪሎቲሼኔ ላንጪሼ ባ ሶ ቢዴስ። ሂስቲዲ ባ ሂጻን ጎዳኮ ሲሚ ኢቺዲ ካ ሞንታ ኢጺዴስ።

ኢዮቤ ማጻፋ 2:10

ኢዮቢካ፥ «ዋናዳ ኤያ ማጫሳ ሃሳያ ሃሳያይ? ጾሲ ሎኦ ሚሽ ኢሚዛ ዎዴ ኡፋይሳን ኤኮስ፤ ሃኢ ጊዲኮ ኢታ ኢዚ ኑ ቦላ ኤሂሺን ኢዛ ቦላ ዙዙማናስ ቤሲዜ?» ጊዴስ። ኢዮቢ ሃ ኡባ ሜቶይኔ ዋዬይ ኢዛ ቦላ ጋኪንካ ኢዚ ጾሳ ቦላ ኢታ ሚሽ ሃሳይዲ ናጋራ ኦቤና።

ኢዮቤ ማጻፋ 7:15

ሃይሳ ሜቶይ ዳሪዳ ኣሳቴ ቶካዳ ዳናፔ ታ ጩሌታ ሃይቃናይሳ ዶራይስ።

ዬ ማጻፋ 121:6

ጋላሳ ኣዋይ ኔና ጹጌና፤ ኦማርሳ ኣጊናይካ ኔና ቆሄና።

ዬ ማጻፋ 39:9

ሃይሳ ኡባ ኦዳይ ኔና ጊዲዳ ጊሻስ ታኒ ጮኡ ጋና፤ ዶናካ ፖጊኬ።

ኤራንቻታ ማጻፋ 7:9

ኤያታ ሃንቆይ ኢስታ ኪኦ ጋርሳን ዲዛ ጊሻስ ኔኒ ሃንቆስ ኤሶቶፓ።

Siiqo Saba 1:6

ታ ሜ ካሬዳይ ኣዋ ሴላ፤ ታኒ ካሬ ጊዲዳ ጊሻስ ታና ካፒቴ። ታ ኣዪ ና ኢሻቲ ታናራ ኦዬቲዲ ታና ዎይኔ ኣታኪልቴ ናጋናስ ዎዳ፤ ሄሳ ጊሻስ ታኒ ታይሳ ናጋቤኬ።

ኢሳያሳ ቲንቢቴ 49:10

ኢስቲ ጋፌቴቴና ዎይኮ ሳሜቴቴና፤ ኢስታ ባዞ ቢታ ሴላይ ዎይኮ ኣዋ ሴላይ ቆሄና። ኢስታስ ቃቲዛይ ኢስታ ካሌና፤ ሃ ፑልቶይ ዲዛሶን ኢስታ ሄማና።

ሂዚቄላ ቲንቢቴ 19:12

ጊዶ ኣቲን ሃንቆን ቃሌታዱስ፤ ዱጌ ቢታን ኦሌታዱስ፤ ኣርሼይ ሞኪዛ ባጋ ጫርኮይ ኢዞ ሜሊሲዴስ፤ ኢዛ ኣይፊዳ ኣይፌዛ ቆቆፊዴስ፤ ሚኖ ኢዚ ሃጋቲ ዳጋሚዳ፤ ታማይካ ኢስታ ሚዴስ።

ሆሴኤ ቲንቢቴ 13:15

ኢዚ ባ ኢሻታ ጊዶን ዱሬ ጊዲኮካ ጎዳፔ ኪቴቲዳ ጫርኮይ ኣርሼይ ሞኪዛ ባጋራ ባዞ ቢታፌ ዴንዲዲ ያና። ፑልቶይ ቶኣና፤ ሃ ኦላይካ ሜላና፤ ኢዛስ ዲዛ ኣልኦ ኣቆታይ ሚንጃ ኬፌ ቦንቄታና።

ሌዌታ ማጻፋ 10:3

ሙሴይ ቃሴ ኣሮኔስ፥ «ጎዳይ፥ ‹ታ ሲን ሺቂዲ ታስ ኦዛይታስ ታኒ ታ ጌሻቴ ቆንጪሳና፤ ታኒካ ታ ዴሬዛ ኣቻን ቦንቼቲዳዴ ጊዳና› ጊዲ ኢዚ ኣሳ ካሴ ቆፍሲዳይሲ ሃይሳ» ጊዴስ። ኣሮኔይካ ኣይ ዛሮካ ኢሞንታ ጮኡ ጊዴስ።

ዮናሳ ቲንቢቴ 1:17

ዮናሳ ሚታና ማላ ኢሲ ጊታ ሞሌ ጎዳይ ጊግሲን ሄ ሞሌዛ ኡሎን ዮናሲ ሄ ጋላሲኔ ሄ ኦማርስ ኣቂዴስ።

ዮናሳ ቲንቢቴ 1:4

ማርካቤዚ ቢሺን ጎዳይ ኣባ ቦላ ጎቴ ጫርኮ ዴንን ኣባ ዳምባላይ ኬሂ ዳሪዳ ጊሻስ ማርካቤዚ ሜቃና ጋኪዴስ።

ዮናሳ ቲንቢቴ 4:3

ኣቤት ጎዳዉ! ሃኢ ታ ሼምፖ ኤካ፤ ፓጻ ዱሳፌ ታስ ሃይቆይ ሎኦ» ጊ ዎሲዴስ።

ዮናሳ ቲንቢቴ 4:9

ሂስቲን ጾሳይ ዮናሳስ፥ «ቱሙ ኔኒ ሃ ጎሴይ ጊሻስ ሃንቄታናስ ታስ ቤሲዜ?» ጊዴስ። ዮናሲካ፥ «ኤ! ሃይቃና ጋካናስ ሃንቄታናስ ቤሴስ» ጊዴስ።

ዮሃኒሳ ኣጁታ 3:19

ታኒ ታ ዶሲዛይታ ዉርሳ ሃንቃይሲኔ ቃጻያይስ፤ ሄሳ ጊሻስ ኔኒ ሚና፤ ማሮቴንካ ጌላ።

ዮሃኒሳ ኣጁታ 7:16

ሃይሳፌ ጉዬ ኢስቲ ጋፌቴና፤ ሳሞቴቴና፤ ኣርሼ ሴላይካ ኢስታ ቦቼናኔ ሆምቤይካ ኢስታ ሆምቤና።

1ሳሜላ ማጻፋ 3:18

ሄሳ ጊሻስ ሳሜሊ ኢሲ ሚሺካ ቆቶንታ ኡባካ ኢዛስ ዮቲዴስ፤ ኤሌይካ ኢዛስ፥ «ኢዚ ጎዳ ጊዲዳ ጊሻስ ባና ሎኢዳ ማላ ኦ» ጊዴስ።