ኢዩኤሌ ቲንቢቴ 3:13 - ጋሞ ማጻፋ

¹³ ኢስታ ኢታቴ ኬሂ ዳሪዴስ፤ ሄሳ ጊሻስ ካጺዳ ካ ባጫን ጫኬቲዛ ማላ ኢስታ ጫኪቴ፤ ዎይኔ ሚ ኣይፌይ ጉምኤቲዛሶን ኩሚዲ ዬቲዛ ማላ ኢንቴ ኢስታ ዬቲቴ» ጊዴስ።

Geeshsha Maxaafa

¹³ Istta iitateththi keehi darides; hessa gishshas kaxxida kaththi baacan cakettiza mala istta cakkite; woyne miththa ayfey gum7ettizason kumidi yedhettiza mala intte istta yedhettite» gides.

ኢዩኤሌ ቲንቢቴ 3:13 ပူးပေါင်းရင်းမြစ်များ

ሜቴ ማጻፋ 13:13

ሄ ዎዴ ሶዶሜ ኣሳይ ኢታኔ ጎዳ ሲንን ፓላ ናጋራ ኦዛይታ።

ሜቴ ማጻፋ 15:16

ኦይዳን ዬሌታን ኔ ዜሬይ ሃ ቢታ ሲማና፤ ኣይስ ጊኮ ኣሞሬ ዴሬ ኣሳ ናጋራይ ቡሮ ኩሞንታ ጊሻሳ» ጊዴስ።

ሜቴ ማጻፋ 18:20

ጎዳይ ኣብራሃሜ፥ «ሶዶሜኔ ጋሞራ ዋሶይ ኬሂ ዳሪዳ ጊሻሲኔ ኢስታ ናጋራይ ኬሂ ዴጺዳ ጊሻስ ኢስቲ ኦዳይሲ ታኮ ጋኪዳ ዋሶ ማላ ኢታኮኔ ኢታ ጊዶንታኮ ኣኔ ታኒ ዱጌ ዎ ቤያይስ» ጊዴስ።

ኢሳያሳ ቲንቢቴ 17:5

ካ ማጺዛዴይ ኤቂዳ ካ ሺሺዲ ሞ ባ ኩሼን ማጺዛ ማላ ኤራፋይሜ ሾባፌ ማጼቲዛ ፑሹሎ ማላ ጊዳና።

ኢሳያሳ ቲንቢቴ 63:3

«ጉምኢዛሶሆዛን ዎይኔ ታኒ ታርካ ዬዲስ፤ ካዎቴታፔ ኦኒካ ታናራ ዴና፤ ታኒ ኢስታ ታ ሃንቆን ዬዲስ፤ ታ ባሻንካ ኢስታ ዲርጼሬዲስ፤ ኢስታ ሱ ታ ሴሎ ማይኦ ቦላ ጬቲዴስ፤ ታ ማይኦይ ኡባይ ሞሬቲዴስ።

ኤርማሳ ቲንቢቴ 51:33

ኡባፌ ዎልቃማ ጎዳ ኢስራኤሌ ጾሳይ፥ «ባቢሎኔ ማጫ ናይቲ ካ ቡካናስ ጊጊዛ ባሌ ማላ፤ ካ ሺሾ ዎዴይ ኢዚ ቦላ ኤሶን ጋካና» ጌስ።

ኤርማሳ ዚላስ 1:15

«ኑ ጋርሳን ዲዛ ኦላንቻታ ኡባታራ ጾሲ ኤቄቲዴስ፤ ኑ ጊዶፌ ዬላጋታ ይሳናስ ኦላንቻታ ኑ ቦላ ዬዲዴስ። ዎይኔ ሚ ኣይፌ ኡሹ ኬሳናስ ዬዛ ማላ ጎዳይ ቦሼቶንታ ጌላኦ ሚሳቲዛ ዩሁዳ ኣሳ ዬዴስ።

ሆሴኤ ቲንቢቴ 6:11

«ኢንቴኖ ዩሁዳ ኣሳቶ! ታ ኢንቴና ቃጻያና ጋላስ ባራ ዎዲስ።

Maatosa 13:39

ሌሾዛ ዜሪዲ ቢዳ ሞርኬይ ዳቡሎሳ። ማጻ ዎዴይ ኣላሜ ዉርሴ ጊዲሺን ማጺዛይቲ ጾሳ ኪታንቻታ።

ማርቆሳ ሚሺራቾ 4:29

ካይ ካጺዳፔ ጉዬ ቦኔይ ጋኪን ኬ ኣዋይ ሄራካ ማጻ ኦይኬስ» ጊዴስ።

ዛሬ ማጻፋ 16:9

ኢንቴ ካ ሺሻናስ ኮይሮ ዶሚዳ ጋላሳፌ ቢዲ ላፑን ሳሚንታ ኩሜ ቆዲቴ።

ዮሃኒሳ ኣጁታ 14:14

ሄሳፌ ጉዬ ታ ጼሊሺን ታስ ቦ ሻራይ ቤቲዴስ፤ ሄ ሻራ ቦላ ኣሳ ና ሚሳቲዛይ ኡቲዴስ፤ ኢዚ ባ ሁኤ ቦላ ዎርቃ ኣኪሊሌ ዎዴስ፤ ባ ኩሼንካ ቃራ ባጫ ኦይኪዴስ።

ዮሃኒሳ ኣጁታ 19:15

ኣይዛቤታ ኢዛራ ቃንጺዛ ቃራ ማሻይ ኢዛ ዶናፔ ኬዜስ፤ ኢዚ ኢስታ ቢራታ ጉፌራ ሃራና፤ ኢዚ ዉርሲካ ዳንዳይዛ ጾሳ ሚኖ ሃንቆ ቆንጪሲዛ ዎይኔ ጫጄ ዬዛሶን ኢስታ ዬና።