ኢዩኤሌ ቲንቢቴ 2:17 - ጋሞ ማጻፋ

¹⁷ ጎዳስ ኦዛ ቄሴቲካ ያርሾ ያርሺዛሶዛሲኔ ኣሲ ሲሜሬቲዛሶ ጊዶን ኤቂዲ ዬኬቶ፤ ጎዳዉ! ኔኒ ኔ ዴሬዛስ ቃታ፤ ካዎቴቲ ኢስታ ጾሳይ ኣዋን ዲዜ? ጊዲ ኑና ካናሲኔ ኢስቲ ኑ ቦላ ሚጪ ካኣና ማላ ኔ ኢስታ ኦፋ» ጌቶ።

Geeshsha Maxaafa

¹⁷ GODAAS ooththiza qeesetikka yarsho yarshizasozassinne asi simerettizaso giddon eqqidi yeekketto; GODAWU! Neni ne derezas qadhetta; kawoteththati istta Xoossay awan dizee? giidi nuna kadhanaassinne istti nu bolla miicci kaa7ana mala ne istta ooththofa» getto.

ኢዩኤሌ ቲንቢቴ 2:17 ပူးပေါင်းရင်းမြစ်များ

1ካዎታ ማጻፋ 6:3

ጾሳ ኬ ዳራንቻዛ ጎምፓይ 20 ዋ ጊዲሺን ኢዛስ ኣዱሳቴይ 10 ዋ ካሬ ኬዜስ።

1ካዎታ ማጻፋ 9:7

ኢስራኤሌ ዴራ ካሴ ታኒ ኢሚዳ ቢታፌ ቃላና፤ ታኒ ታ ሱንስ ዱማሲዳ ሃ ጾሳ ኬካ ኣጋጋና፤ ሄሳፌ ጉዬ ኢስራኤሌ ኣሳይ ካዎቴታ ኡባ ጊዶን ቂሲኔ ሚቻስ ኣታና።

2ታሪኬ ማጻፋ 7:20

ታኒ ካሴ ኢንቴስ ኢሚዳ ቢታፌ ኢንቴና ቃላና፤ ታኒ ታ ሱንስ ዱማሲዳ ኬካ ዬጋ ኣጋና፤ ታኒ ኢዛ ካዎቴታ ኡባ ጊዶን ቂሲኔ ቂልጫስ ኬሳና።

2ታሪኬ ማጻፋ 8:12

ሶሎሞኔይ ሄ ዎዴ ጾሳ ኬ ሲንን ጎዳስ ጊግሲዳ ያርሾ ያርሺዛሶን ጹጌቲዛ ያርሾ ያርሺዴስ።

ናሂሚያ ማጻፋ 9:36

ሄሳፌ ዴንዲዳይሳን ኔ ኑ ኣዋቲ ኣይፌዮ ማና ማላኔ ሎኦ ሚሻን ኡፋዬታና ማላ ኔ ኢስታስ ኢሚዳ ቢታን ሃች ኑ ኣይሌ ጊዲዶስ።

ዬ ማጻፋ 115:2

ካዎቴቲ ኣይስ፥ «ኢስታ ጾሲ ኣዋን ዲዜ?» ጊዞ?

ዬ ማጻፋ 42:10

ታ ሞርኬቲ ታና ኡባ ዎዴ፥ «ኔ ጾሳይ ኣዋን ዲዜ?» ጊዲ ዮኦን ታና ጫዴቴስ፤ ሜቄካ ሜን ጫዬቴስ።

ዬ ማጻፋ 42:11

ታኒ ኣይስ ሂዶታ ቃንጻዚና? ቃሴ ኣይስ ጬጫዚና? ታኒ ጾሳን ኣማኔታይስ፤ ታና ኣሺዛ ታ ጾሳ ታ ቡሮ ጋላታና።

ዬ ማጻፋ 42:3

ኣሳይ ኡባቶ፥ «ኔ ጾሲ ኣዋን ዲዜ?» ጊዛ ዎዴ ታስ ጋላሲኔ ኦማርስ ኣፉን ቁማ ጊዲዴስ።

ዬ ማጻፋ 42:4

ታ ዎዚናያ ጬጬን ጊዶራ ሴራሼ ሃይታንታ ኣኬካዱስ፤ ዳሮ ዎዴ ታ ጾሳ ኬ ካሌሼ ኢሊሊሳኒኔ ጋላታ ዬን ባኣሌ ቦንቻና ሺቂዳ ዳሮ ኣሳ ጊዶራ ታ ዋና ቢዛኮ ኣሙሳዲስ።

ዬ ማጻፋ 74:10

ኣቤት ጾሳዉ! ኔ ሞርኬቲ ኣዉዴ ጋካናዉ ኔ ቦላ ቂልጫኔ? ኢስቲ ኔ ሱን ሜርናስ ካሼ ዳኔ?

ዬ ማጻፋ 79:10

ካዎቴቲ፥ ኣይስ «ኢስታ ጾሲ ኣዋን ዲዜ?» ጋኔ? ኔ ኣይሌታ ሱ ኢስቲ ጉሲዳይሳ ኔኒ ሃሎ ኬሲዛይሳ ኑ ኣይፌይ ቤኢሺን ካዎቴታ ኤሪሳ።

ዬ ማጻፋ 79:4

ኑ ሾሮታስ ኑኒ ቂልጫስ ጊዲዶስ፤ ኑ ሄራን ዲዛይታስ ቂሲኔ ሚቻስ ኣቲዶስ።

ዬ ማጻፋ 89:41

ኦጌራ ኣዛ ኡባቲ ኢዛ ቦንቂዳ፤ ኢዚ ባ ሾሮታስ ቂስ ኣቲዴስ።

ዬ ማጻፋ 89:51

ኣቤት ጎዳዉ! ኔ ሞርኬቲ ኔ ዶራዳ ቲይዳ ካዎዛ ጫዪዛይሳ፥ ኢዚ ቢዳሶ ኡባን ኢዛ ቂልጪዛይሳ ቆፓ።

ኬሳ ማጻፋ 34:9

«ኣቤት ጎዶ! ኔኒ ታናን ኡፋዬቲዳ ጊዲኮ ኔ ኑናራ ኢሲፌ ባና ማላ ታ ኔና ዎሳይስ። ሃይሲ ኣሳይ ዎዚና ሙሜ ጊዲኮካ ኑ ኢታቴኔ ኑ ናጋራ ኣቶ ጋዳ ኑና ኔ ኣስ ሂስታ» ጊዴስ።

ኢሳያሳ ቲንቢቴ 22:12

ሄ ጋላስ ጎዳይ ኡባፌ ዎልቃማ ጾሳይ ኢንቴ ዬካና ማላኔ ዋሳና ማላ፥ ኢንቴ ሁኤ ቢናና ቡጫና ማላኔ ማቃ ማይኣና ማላ ጼይጊዴስ።

ኢሳያሳ ቲንቢቴ 37:20

ሃኢካ ኣቤት ጎዳዉ፥ ኑ ጾሳዉ ኔኒ ጎዳይ ጻላ ጾሳ ጊዲዳይሳ ሳኣ ካዎቴቲ ኡባይ ኤራና ማላ ኑና ኢዛ ኩሼፔ ኣሻ!» ጊ ዎሲዴስ።

ሂዚቄላ ቲንቢቴ 20:9

ጊዶ ኣቲን ኢስቲ ካሴ ዲዛ ካዎቴ ጊዶኒኔ ኢስራኤሌ ኣሳ ጊብጼፔ ዎዛናስ ታኒ ቃላ ጌሊዛ ዎዴ ኢስታ ማታን ታ ቆንጪዳ ካዎቴታ ሲንን ታ ሱን ቱኖንታ ማላ ታ ሱን ጊሻስ ጌንጫዲስ።

ሂዚቄላ ቲንቢቴ 8:16

ሄሳፌ ጉዬ ኢዚ ታና ጎዳ ኬስ ሶ ባጋ ዛጎ ኤፊዴስ፤ ሄሳን ጾሳ ኬ ፔንጌን ዳራንቻፌኔ ያርሺዛሶሆፔ ጊዶን ናምኡ ታማኔ ኢቻሽ ጊዲዛ ኣቱማሳቲ ዴቴስ፤ ኢስቲ ባንታ ዞኮ ጎዳ ኬኮ፥ ባንታ ኣይፌሶ ኣርሼይ ሞኪዛ ባጋ ዛሪዲ ኣርሼስ ጉፋኒ ጎይኔቴስ።

ሆሴኤ ቲንቢቴ 14:2

ፓጼ ቃላ ኤኪ ጎዳኮ ሲሚዲ፥ «ኑ ናጋራ ኡባ ኣቶ ጋ፤ ኑኒ ኑ ዶናፔ ጋላታ ሺሻና ማላ ኔ ማሮቴን ኑና ኤካ።

ኢዩኤሌ ቲንቢቴ 1:13

ኢንቴ ኢንቴ ጾሳ ያርሾ ሺሺዛ ካ ጊዲን ዎይኮ ዎይኔ ኡሺ ባይንዳ ጊሻስ ኢንቴኖ ታ ጎዳ ኦሳንቻታ ጊዲዳ ቄሴቶ! ኣኔ ሃ ዪዲ ማቃ ማይኢዲ ኩሜ ኦማርስ ዬኪቴ። ኢንቴኖ ያርሾ ያርሺዛሶን ኦዛይቶ! ኢንቴ፥ «ዉ! ዉይ!» ጊ ዋሲቴ።

ኢዩኤሌ ቲንቢቴ 1:9

ጎዳ ኬን ያርሾስ ሺቃና ካ ጊዲን ዎይኮ ዎይኔ ኡሻይ ባይንዳ ጊሻስ ጎዳስ ኦዛ ቄሴቲ ዬኬቴስ።

ኣሞጼ ቲንቢቴ 7:2

ቦሌዚካ ቢታ ቦላ ዲዛ ጪሊላ ኡባ ፒቲ ሚዳይሳ ታኒ ቤያዳ፥ «ኡባፌ ዎልቃማ ጎዳዉ! ኔ ዴሬ ቆሆዛ ማራርኪ! ኔ ዴሬ ኢስራኤሌስ ዎልቃይ ባይንዳ ጊሻስ ኢዚ ሃይሳ ዎስቲ ኤቄቲ ዳንዳያኔ?» ጋ ዎሳዲስ።

ኣሞጼ ቲንቢቴ 7:5

ሄ ዎዴ ታኒ፥ «ኡባፌ ዎልቃማ ጎዳዉ! ሃይሳ ታማ ቶይሳርኪ! ኔ ዴሬ ኢስራኤሌስ ዎልቃይ ባይንዳ ጊሻስ ኢዚ ሃይሳ ዎስቲ ኤቄቲ ዳንዳያኔ?» ጋ ዎሳዲስ።

ሚኪያሳ ቲንቢቴ 7:10

ታ ሞርኬዛካ ሄሳ ቤያንዱስ፤ ኢዛ ዬላታና። ታና፥ «ጎዳ ኔ ጾሳይ ኣዋን ዲዜ?» ጊዳሪ ኩንዴ ታ ኣይፌቲ ቤያና፤ ኦጌ ኡርቃ ማላ ኢዛ ዬታና።

ሚልካሳ ቲንቢቴ 1:9

«ሃኢ ቃሴ ኢዚ ኑስ ሚሼታና ማላ ጾሳ ዎሲቴ፤ ሄሳ ማላ ያርሾ ኢንቴ ሺሺን ጾሲ ኢንቴፌ ኤካንዴ?» ጌስ ኡባፌ ዎልቃማ ጎዳ ጾሳይ።

ታይቦ ማጻፋ 25:6

ሙሴይኔ ኩሜ ማባራይ ጋይቶቴ ዱንካኔ ፔንጌን ሺቂዲ ዬኪሺን ኢስራኤሌ ኣሳ ጋርሳፌ ኢሳዴይ ኢሲ ሚዲያሜ ማጫሳዮ ኤኪዲ ዴራ ሲንራ ኣ ጌዴ ባሶ ኣሳኮ ቢዴስ።

Maatosa 23:35

ሄሳ ጊሻስ ጺሎ ኣቤሌ ሱፌ ሃ ሲሚን ጾሳ ኬኒኔ ያርሾ ያርሺዛሶ ጊዶን ኢንቴ ዎዳ ባራኪዮ ና ዛካራሳ ሱ ጋካናስ ቢታ ቦላ ጉኪዳ ጺሎታ ሱ ኡባስ ኢንቴ ኦይሼታና።

Maatosa 27:43

ጾሳን ኣማኔቲዴስ፤ ባና ጾሳ ና ጊዳ ማላ ጾሲ ኢዛ ዶሲዛ ጊዲኮ ኣኔ ሃኢ ኢዛ ኣሾ» ጊዳ።

ዛሬ ማጻፋ 28:37

ጎዳይ ኔኒ ላሌታ ቢዛ ካዎቴታ ኡባ ጊዶን ኔና ቂልጫስ፥ ሚቻሲኔ ካስ ኬሳና።

ዛሬ ማጻፋ 32:27

ጊዶ ኣቲን ኢስታ ሞርኬቲ፥ ‹ኑኒ ኑ ዎልቃን ኢስታ ጾኒዶስ ኣቲን ጾሴ ጊዴና› ጊዲ ኦቶሬቴን ጬቄቲዲ ታና ሃንቄናኮ ጋዳ ቆፓይስ።

ኢያሶ ማጻፋ 7:9

ካናኔ ኣሳይኔ ሃ ቢታን ዲዛ ሃራ ኣሳይ ዉሪ ሃ ዮኦዛ ሲዪዲ ኑና ዶዳና፤ ቢታ ቦላፌ ኑ ሱን ይሳና፤ ሂስቲን ኔ ጊታ ሱን ጊሻስ ጋዳ ኔ ኣይ ኦኔ?» ጊዴስ።