ኢዩኤሌ ቲንቢቴ 2:13 - ጋሞ ማጻፋ

¹³ ኢንቴ ኢንቴ ካዮ ቤሳናስ ማይኦ ዳኬ ጻላ ጊዴና፤ ሄሳፌ ቦላራ ኢንቴ ዎዚናይ ሜቂን ማሬቲቴ፤ ጎዳ ኢንቴ ጾሳይ ኪያኔ ማሪዛ ጾሳ፥ ሃንቆስካ ኤሶቴና፤ ሜርና ሲቆን ኢዚ ዱሬኔ ቃጻያናስ ኤሶቶንታ ጾሳ፤ ሄሳ ጊሻስ ኢንቴ ኢዛኮ ሲሚቴ።

Geeshsha Maxaafa

¹³ Intte intte kayo bessanaas may7o daaketh xalla gidenna; hessafe bollara intte wozinay meqqiin maarettite; GODAA intte Xoossay kiyanne maariza Xoossa, hanqoska eesotenna; mernaa siiqon izi durenne qaxxayanaas eesotontta Xoossa; hessa gishshas intte izakko simmite.

ኢዩኤሌ ቲንቢቴ 2:13 ပူးပေါင်းရင်းမြစ်များ

ሜቴ ማጻፋ 37:29

ኦሮቤሌይ ኦላኮ ሲሚዲ ዮሴፌይ ሄን ባይንዳይሳ ቤኢዳ ዎዴ ጬጪዲ ባ ማይኦ ዳኪዴስ

ሜቴ ማጻፋ 37:34

ያቆቤይካ ሚሼቲዲ ባ ማይኦ ፔ ዬጊዴስ፤ ማቃ ማይኢዲ ዳሮ ዎዴ ጋካናስ ባ ናዛስ ዬኪዴስ።

2ሳሜላ ማጻፋ 1:11

ሄሳፌ ጉዬ ዳዊቲኔ ኢዛራ ዲዛ ኣሳይ ኡባይ ባንታ ማይኦ ዳኪዳ።

1ካዎታ ማጻፋ 21:27

ኣካቤይ ሃ ዮኦዛ ሲዪዳ ማላ ባ ማይኦ ፖሺ ዬጊዲ ማቃ ማይኢ ጾሚዴስ። ማቃ ማይኢዳ ማላ ኢቺዴስ፤ ጬጪሼካ ዩዪዴስ።

2ካዎታ ማጻፋ 22:11

ካዎዚካ ዎጋ ማጻፋዛ ቃላ ሲዪዲ ባ ማይኦ ዳኪዴስ።

2ካዎታ ማጻፋ 22:19

ኢስቲ ቃንጌታናይሳኔ ያናይሳ ታኒ ሃይሳ ሃ ሶሆዛ ቦላኔ ዴሬዛ ቦላ ካሴ ዮቲዳይሳ ኔኒ ሲያዳ ኔ ዎዚናይ ሜቂን ኔናቴ ጎዳ ሲንን ካዉሻዳኔ ኔ ማይኦካ ዳካዳ ታ ሲንን ኔ ዬኪዳ ጊሻስ ጎዳይ ኔና ሲያዲስ።

2ካዎታ ማጻፋ 5:7

ኢስራኤሌ ካዎዚ ዳብዳቤዛ ናባቢዳ ማላ ባ ማይኦ ዳኪዲ «ታኒ ኢዛ ኢንቺራቻ ሃርጌፌ ፓና ማላ ኢዚ ታኮ ዬዳናስ ታኒ ዎዳ ፓና ዳንዳይዛ ጾሴ? ሃይሳ ኢዚ ታናራ ኦዬታና ኮይዛይሳ ቤኢቴ» ጊዴስ።

2ካዎታ ማጻፋ 6:30

ካዎዚካ ማጫሳያ ጊዛይሳ ሲዪዲ ባ ማይኢዳ ማይኦዛ ዳኪ ዬጊዴስ፤ ካሴ ኢዚ ጊምቤዛ ቦላራ ያኔ ሃ ሲሜሬቲሺን ኢዚ ባ ማይኢዳ ማይኦዛፔ ጋርሳራ ማቃ ማይኢዳይሳ ኣሳይ ቤኢዴስ።

2ታሪኬ ማጻፋ 6:27

ኔኒ ሳሎን ዴኣሼ ሲያ። ኔ ኣይሌታ ናጋራኔ ኔ ዴራ ኢስራኤሌ ናጋራ ኣቶ ጋ። ኢስቲ ሄሜታናስ ቤሲዛ ሎኦ ኦጌዛ ኢስታ ታማርሳ፤ ሂስታዳ ኔኒ ኔ ኣሳስ ጺንጾ ሂስታ ኢሚዳ ቢታን ኢራ ቡኪሳ።

ናሂሚያ ማጻፋ 9:17

ኔስ ኣዛዜቲቤቴና፤ ኔ ኢስታስ ኦዳ ጊታ ማላታካ ኡባ ዶጊዳ፤ ዎዚና ሙሜ ጊዲዳ፤ ቃሴ ጉዬ ጊብጼ ኣይሌቴን ዛራና ማላ ባንታና ካሌዛ ኣስ ዶሪዳ። ጊዶ ኣቲን ኔኒ ሲቆን ኩሚዳ ጾሳ፥ ሃንቆስ ታኪዛ ጾሳ፥ ኣቶ ጊዛ ጾሳ፥ ኪያኔ ማሪዛ ጎዳ ጊዲዳ ጊሻስ ኔ ኢስታ ኣጋቤካ።

ኢዮቤ ማጻፋ 1:20

ሄሳፌ ጉዬ ኢዮቢ ዴንዲዲ ካዮቲዲ ባ ማይኦዛ ዳኪዴስ፤ ባ ሁኤ ቡሉሲዴስ፤ ቢታን ጉፋኒ ጎይኒዴስ።

ዬ ማጻፋ 103:8

ጎዳይ ቃቲዛዴኔ ማሪዛዴ፤ ኢዚ ሃንቄታናስ ኤሶቶንታዴ፤ ኢዛ ሲቆይ ኬሂፔ ዳሮ።

ዬ ማጻፋ 106:45

ኢስታ ጊሻስ ባ ጫቆ ቃላ ሃሳኢዴስ፤ ኣጎንታ ባ ሲቆ ዳሮን ኢስታ ማሪዴስ።

ዬ ማጻፋ 34:18

ጎዳይ ዎዚናይ ሜቂዳይታስ ማታን ዴስ፤ ቃሴ ሂዶታ ቃንጺዳይታካ ኣሼስ።

ዬ ማጻፋ 51:17

ጾሳስ ሺቂዛ ያርሾይ ኣሽኬ ኣያና፤ ኣቤት ጾሳዉ! ሜቂዳ ዎዚና ኔ ካካ።

ዬ ማጻፋ 86:15

ጊዶ ኣቲን ኣቤት ጎዳዉ! ኔኒ ቃቲዛዴኔ ማሪዛ ጾሳ፤ ሃንቄታናስ ጋምኢዛ ጾሳ፤ ኔ ሲቆይኔ ኔ ኣማኔቴይ ኬሂ ዳሮ።

ዬ ማጻፋ 86:5

ኣቤት ጎዳዉ! ኔኒ ኑስ ኪያኔ ኣቶ ጊዛዴ፤ ኔና ዎሲዛ ኡባስ ኔ ሜርና ሲቆ ቤሳሳ።

ኢሳያሳ ቲንቢቴ 57:15

ቁ ጊዳይሲ፥ ኡባ ሃሪዛይሲ፥ ኢዛስ ሱንይካ ጌሽ ጌቴቲዳይሲ፥ ሜርናስ ዴኢዛይሲ፥ «ካዉዪዳይታ ኣያና ዴንናስ፥ ዎዚናይ ሜቂዳይታ ሚንናስ፥ ቁ ጊዳ ጌሻሶሆን ታ ዴኣይስ፤ ቃሴካ ዎዚናይ ሜቂዳይታራኔ ኣያናን ኣሽኬ ጊዲዳይታራ ታኒ ዴኣና።

ኢሳያሳ ቲንቢቴ 58:5

ታኒ ዶሪዳይ ሃይሳ ማላ ጾማ? ኣሲ ባና ካዉሻናይ ሃይሳ ማላ ጋላስ ጻላ? ሻጫ ማላ ባና ዚቂ ሂስቴ? ዎይኮ ማቃ ማይኢዲ ቢዲን ቦላ ቡሉሌቴ? ሂስቲን ኔ ጾማ ጋ ጼይጊዛይሲ ሃይሴ? ጎዳይ ሄሳ ማላን ኡፋዬቲዜ?

ኢሳያሳ ቲንቢቴ 66:2

ሃይታ ኡባ ታ ኩሼይ ኦቤኔ? ሃይቲ ቤታና ማላ ኦዳይ ታና ጊዲኪና? ታኒ ኣሽኬ፤ ዎዚናይ ሜቂዳዴኔ ታ ቃላስካ ኮኮሪዛዴኮ ታ ጼላይስ።

ኤርማሳ ቲንቢቴ 36:7

ሃይሳ ዴራ ቦላ ጎዳይ ዮቲዳ ሃንቆይኔ ቦሻይ ዴጾ ጊዲዳ ጊሻስ ኢስታፌ ኢሶይ ኢሶይ ባ ናጋራ ጎዳ ሲንን ፓጺዲ ባንታ ኢታ ኦጌፔ ኢስቲ ሲማናኮ ኦኔ ኤሪዛይ?» ጊዴስ።

ኤርማሳ ቲንቢቴ 41:5

ሴኬሜፔ፥ ሴሎፔኔ ሳማሪያፔ ኦስፑን ታሙ ኣሳቲ ካዮቲሼ፥ ባንታ ቡች ሜዲዲ፥ ባንታ ማይኦ ዳኪዲኔ ባንታ ቦላካ ፑዚዲ ካ ያርሾኔ ኤጻኔ ጎዳ ኬ ኤኪ ዪዳ።

ኤርማሳ ቲንቢቴ 42:10

‹ታ ኢንቴ ቦላ ኤሂዳ ባሻ ጋሶን ጬጪዳ ጊሻስ ኢንቴ ሃ ቢታን ኡቲኮ ታኒ ኢንቴና ኬጻናፔ ኣቲን ላሊኬ፤ ቶካናፔ ኣቲን ሾዲኬ።

ሂዚቄላ ቲንቢቴ 9:4

ጎዳይ ጼይጊዲ ኢዛ፥ «ዬሩሳላሜ ካታማ ኡባ ባዳ ኢዚ ጊዶን ኦሴቲዳ ሃራሲዛ ኤቃ ጾሳታ ጊሻስ ሚሼቲዲ ዬኪዛ ኣሳታ ሊጴ ቦላ ማላታ ዎ» ጊዴስ።

ሆሴኤ ቲንቢቴ 14:1

ኢስራኤሌ ዴሬዞ! ኢንቴ ኢንቴ ናጋራ ጋሶን ኩንዲዳ ጊሻስ ጎዳ ኢንቴ ጾሳኮ ሲሚቴ።

ዮናሳ ቲንቢቴ 3:9

ሂስቲኮ ጾሳይ ኑስ ቃቲዲ ኑ ዮንታ ማላ ባ ዎልቃማ ሃንቆፌ ሲማናኮ ኦኔ ኤሪዛይ» ጊዴስ።

ዮናሳ ቲንቢቴ 4:2

ሄሳፌ ጉዬ ጎዳ፥ «ኣቤት ጎዳዉ! ታኒ ቡሮ ታ ዴሬን ዳሼ ጊዳይሲ ሃይሳ ጊዴኔ? ታ ኔ ሲንፌ ቤታዳ ታርሴሴ ባናስ ኤሶቲዳይሲ ሄሳሳ፤ ቃታይኔ ማሮታይ ኔናን ኩሚዳ ጾሳ ኔ ጊዲዳይሳ፥ ሃንቆስ ኤሶቶንታይሳኔ ኣጎንታ ሲቆን ኩሚዳይሳ፥ ቃሴ ኤሃና ጊዳ ኢታ ሚሺካ ኣጊዛ ጾሳ ኔ ጊዲዳይሳ ታኒ ካሴካ ኤራይስ።

ሚኪያሳ ቲንቢቴ 7:18

ይሼ ኣቲዳ ዜሬ ናጋራ ኣቶ ጊ ማሪዛ ኔ ማላ ጾሲ ኦኔ? ኔኒ ሜርናስ ሃንቄታካ፤ ማሮ ጌሊዛይሳን ኔ ኡፋዬታሳ።

ናሆሜ ቲንቢቴ 1:3

ጎዳይ ሃንቄታናስ ኤሶቴና፤ ኢዛ ዎልቃይካ ጊታ። ጎዳይ ሞራንቻ ቃጻዮንታ ኣጌና፤ ጎቴ ጫርኮይኔ ኣባ ዳምባላይ ኢዛስ ኦጌ፤ ሻራይ ኢዛ ቶሆ ጉዱላ።

ኦሮሜ ኣሳስ 2:4

ዎይኮ ጾሳ ኪያቴ ኔና ማሮቴኮ ካሌዛይሳ ሻካ ኤሮንታ ዳሼ ኢዛ ጊታ ኪያቴኔ ኢዛ ዳንዳያ ዱሬቴ ኔ ሌቃይ?

ኤፌሶኔ ኣሳስ 2:4

ጊዶ ኣቲን ጾሲ ኬሂ ሲቂዳ ጊሻስ ባ ማሮ ዳሮን ኑኒ ኑ ቆሆ ዳሮቴን ሃይቂዳይታ ጊዲ ዲሺን ኪርስቶሳ ባጋራ ኑና ኣሺዴስ፤ ኢንቴ ፓጺዳይ ኢዛ ኪያቴና።

1ጺምቶሳስ 4:8

ኣሳቴ ኣሾ ኦጌን ዶሲሶይ ጉ ዎዴስ ጎኤስ ሺን ቱሙ ኣያና ዱሳስ ባና ታማርሶይ ጊዲኮ ሃይሳ ሃ ኣላሜዛሲኔ ቡሮ ያና ዱሳስ ሂዶታይ ዲዛ ጊሻስ ኡባስ ጎኤስ።