ኢዩኤሌ ቲንቢቴ 2:1 - ጋሞ ማጻፋ

¹ ጺዮኔን ዛዬ ዛዪቴ፤ ጌሻ ዙማ ቦላ ዋሲቴ! ጎዳ ዩሳ ጋላሲ ጋኪዳ ጊሻስ ቢታ ቦላ ዲዛይ ዉሪካ ኮኮሮ።

Geeshsha Maxaafa

¹ Xiyoonen zaye zayite; geeshsha zuma bolla waassite! GODAA yuussa gallassi gakkida gishshas biitta bolla dizay wurikka kokkoro.

ኢዩኤሌ ቲንቢቴ 2:1 ပူးပေါင်းရင်းမြစ်များ

1ታሪኬ ማጻፋ 15:28

ሂስቲዲ ኢስራኤሌ ኡባይ ሆምቦጪሼ ጹሩምባኔ ዛዬ ፑኒሼ፥ ዳላ ጊሪሲሼ፥ ዲኔ ማሲንቆ ዲጺሼ ጎዳ ታቦታ ኤሂዳ።

ዬ ማጻፋ 119:120

ታ ኣሾይ ኔስ ያዪዲ ኮኮሬስ፤ ታካ ኔ ፒርዳስ ያያይስ።

ዬ ማጻፋ 87:1

ጎዳ ካታማይ ጌሻ ዙማ ቦላ ኬጼቲዴስ።

ኬሳ ማጻፋ 10:14

ቦሌይ ጊብጼ ቢታ ኩሜ ማይኢዴስ። ሃይሳ ላጌ ቦሌ ቦሻይ ሄ ቢታን ሃይሳፌ ካሴ ሃኒቤና፤ ሃይሳፌ ሲንንካ ኢዛ ማላይ ሃኔና።

ኢሳያሳ ቲንቢቴ 13:6

ጎዳ ጋላሲ ማቲዳ ጊሻስ ዬኪቴ! ሄ ጋላስ ኡባ ዳንዳይዛ ጾሳ ማታፔ ባሺ ያና።

ኢሳያሳ ቲንቢቴ 13:9

ቤኢቴ ጎዳ ጋላሳይ ሜንጼ ኢታ፤ ቢታ ሜላ ኣሻናስ ኢዚን ዲዛ ናጋራንቻታ ይሳናስ ባሻራኔ ጊታ ሃንቆራ ያና።

ኢሳያሳ ቲንቢቴ 2:12

ኡባፌ ዎልቃማ ጎዳይ ኦቶራንቻታ፥ ሞቲዛይታኔ ጬቄቲዛይታ ካዉሻናስ ጋላስ ባሪ ዎዴስ።

ኢሳያሳ ቲንቢቴ 66:2

ሃይታ ኡባ ታ ኩሼይ ኦቤኔ? ሃይቲ ቤታና ማላ ኦዳይ ታና ጊዲኪና? ታኒ ኣሽኬ፤ ዎዚናይ ሜቂዳዴኔ ታ ቃላስካ ኮኮሪዛዴኮ ታ ጼላይስ።

ኢሳያሳ ቲንቢቴ 66:5

ኢንቴኖ ቃላስ ኮኮሪዛይቶ፥ ሃይሳ ጎዳ ቃላ ሲዪቴ፤ «ኢንቴ ኢሻንቲ ኢንቴና ኢጺዳይቶ፥ ታ ሱን ጊሻስ ኢንቴና ኬሲ ዬጊዳይቶ! ኢንቴና፥ ‹ኣኔ ጎዳይ ቦንቼቶ! ኣኔ ኢንቴ ኡፋይሳካ ቤኦስ› ጊዳ፤ ጊዲኮካ ኢስቲ ዬላታናይሲ ኣቴና።

ኤርማሳ ቲንቢቴ 16:10

«ኔኒ ሃ ቃላ ኡባ ሃ ኣሳስ ዮቲዛ ዎዴ ኢስቲ ኔና፥ ‹ጎዳይ ኣይስ ሃይሳ ማላ ጊታ ባሽ ኑ ቦላ ኣዋጂዴ? ኑኒ ኣይ ሞሪዶኒ? ጎዳ ኑ ጾሳስ ኣይ ናጋራ ኦዶኒ?› ጊ ኦይቻና።

ኤርማሳ ቲንቢቴ 16:7

ካዮቲዛይታ ሚንናስ ሾች ኤሃናይ ዴና፤ ቃሴካ ኣዋይ ሃይቂዳ ዎይኮ ኣያ ሃይቂዳ ኣስ ሚንናስ ሾቻ ኡሹ ኤሃናይ ዴና።

ኤርማሳ ቲንቢቴ 4:5

ጎዳይ፥ « ‹ቢታ ኡባን ዛዬ ፑኒቴ!› ጊዲ ዩሁዳን ዮቲቴ። ዬሩሳላሜንካ ኣዋጂቴ፤ ‹ኢሲፌ ሺቂቴ! ኣኔ ጊምቤቲዳ ካታማታኮ ባቃቶስ!› ጊ ዋሲቴ።

ኤርማሳ ቲንቢቴ 5:22

ኢንቴ ታስ ያያናስ ቤሴኔ? ኢንቴ ታ ሲንን ኮኮራናስ ቤሴኔ? ኣይስ ጊኮ ኢዚ ሜርናስ ካን ቦንታ ማላ፥ ታኒ ኣንጮ ኣባስ ዛዋ ኦዲስ። ዳምባላይ ቡላኬቲኮካ ዛዋፔ ኣና፤ ኢዚ ጉሚኮካ ፒናናስ ዳንዳዬና።

ሂዚቄላ ቲንቢቴ 12:23

ሄሳ ጊሻስ ኢስታስ ኔኒ፥ ‹ኡባ ሃሪዛ ጎዳይ፡ ታኒ ሃይሳ ሃ ቶሴዛ ዲጋና፤ ኢስቲ ዛሬዲ ሃይሳ ሃ ቶሴዛ ኢስራኤሌ ቢታን ጎኤቴቴና› ጌስ ጋ። ቃሴካ ኔኒ ኢስታስ፥ ‹ኣጁታይ ኡባይካ ፖሌታና ዎዴይ ማቲዴስ።

ሂዚቄላ ቲንቢቴ 21:12

ሃይሶ ኣሳ ናዉ! ሃይሲ ታ ዴሬ ቦላ ኢስራኤሌ ዳናታ ኡባ ቦላ ዪዴስ፤ ሄሳ ጊሻስ ዬሆኔ ዋሶ ሲሳ፤ ኢስቲ ታ ዴሬዛራ ኢሲፌ ማሻስ ኢሜቲዳ፤ ሄሳስ ኔ ጊሻስ ኔ ቲራ ኢጫ።

ሂዚቄላ ቲንቢቴ 30:3

ጋላሳይ ማቲዴስ! ጎዳ ጋላሳይ ጋኪዴስ! ሄ ጋላሳይ ሻራ ጋላሳ፤ ካዎቴታ ኡባስ ባሻ ጋላሳ።

ሂዚቄላ ቲንቢቴ 33:3

ኢዚካ ቢታይ ቦላ ማሻይ ዪሺን ቤኢዲ ዴራ ሚን ኤሪሳናስ ዛዬ ፑኒኮ፥

ሂዚቄላ ቲንቢቴ 33:6

ጊዶ ኣቲን ዎሼ ኣዴዚ ማሻይ ዪዛይሳ ቤኢዲ ዴራ ኤሪሳናስ ዛዬ ፑኖንታ ኣጊኮ ኢስታ ጊዶፌ ኢሲ ኣሳ ሼምፖ ማሻይ ዎኮ ኢዛዴይ ባ ናጋራ ጊሻስ ሃይቃና፤ ጊዶ ኣቲን ኢዛ ሱ ጊሻስ ዎሼ ኣዴዚ ኦይሼታና ማላ ታኒ ኦና› ጋ ዮታ።

ሂዚቄላ ቲንቢቴ 7:10

« ‹ሄኮ ጋላሳ! ሄ ጋላሳይ ጋኪዴስ! ኢንቴ ባሻይ ኢንቴ ፔንጌን ዴስ! ኢታቴ ጉፌይ ጉምቢዴስ፤ ኦቶሬቴ ጪዪዴስ።

ሂዚቄላ ቲንቢቴ 7:12

ዎዴዚ ጋኪዴስ፤ ጋላሳይካ ማቲዴስ! ሃንቆይ ዴሬ ኡባ ቦላ ጋኪዳ ጊሻስ ባይዚዛይ ጬጮፖ፤ ሻሚዛይካ ኡፋዬቶፎ።

ዳኔላ ቲንቢቴ 6:26

ታ ካዎቴን ዲዛ ዴሬይ ዉሪካ ዳኔላ ጾሳስ ያያና ማላኔ ኢዛ ቦንቻና ማላ ታኒ ኣዋጃ ኬሳዲስ፤ ኢዚ ሜርናስ ዴኢዛ ዴኦ ጾሳ፤ ኢዛ ካዎቴ ዮንታ ካዎቴ፤ ኢዛ ካዎቴስካ ዉርሴ ዴና።

ዳኔላ ቲንቢቴ 9:16

ኣቤት ጎዳዉ! ኔኒ ካሴ ኦዳ ጺሎ ኦሶዛ ጊሻስ ጋዳ ኔ ካታማ ዬሩሳላሜፔ፥ ኔ ጌሻ ዙማፔ ኔ ሃንቆዛ ዛራ፤ ኑ ናጋራኔ ኑ ኣዋታ ቆሆ ጋሶን ዬሩሳላሜይኔ ኔ ዴሬይ ኑ ዩሾን ዲዛ ዴራ ጊዶን ቂስ ኣቲዶስ።

ዳኔላ ቲንቢቴ 9:20

ታኒ ታ ናጋራኔ ታ ዴሬ ኢስራኤሌ ኣሳ ናጋራ ፓጻሼ ጌሻ ዙማ ጊሻስ ጎዳ ታ ጾሳ ሲንን ኣጎንታ ዎሳዲስ።

ሆሴኤ ቲንቢቴ 5:8

ኣሳይ ኦላስ ኬዛና ማላ ጊቢኣን ዛዬ ዛዪቴ፤ ኤራማን ጹሩምባ ፑኒቴ። ቤቲ-ኣዌኔን፥ ‹ቢኒያሜ ባጋቶ! ኑ ኢንቴናራ ዶስ› ጊሼ ዋሲቴ።

ሆሴኤ ቲንቢቴ 8:1

«ኣሳይ ታናራ ዲዛ ጫቆ ቃላ ላሊዴስ፤ ታ ዎጋ ቦላካ ማካሊዴስ። ሄሳ ጋሶን ሞርኬይ ኣርጋን ማላ ጎዳ ኬ ቦላ ኣላንስ። ሄሳ ጊሻስ ኢስቲ ናጌታና ማላ ዛዬ ፑና!

ኢዩኤሌ ቲንቢቴ 1:15

ኣዬ ኣና! ጎዳ ጋላሲ ማቲዴስ። ኡባ ዳንዳይዛ ጾሳይ ይሲዛዝ ኤሂዛ ጋላሲ ጋኪዴስ። ሄ ጋላሳይስ ኣዬ ኣና!

ኢዩኤሌ ቲንቢቴ 2:11

ጎዳይ ባ ኦላንቻታ ሲንን ዳዳ ማላ ጉማና፤ ኢዛ ኦላንቻቲ ኣይ ማላ ዳሮ! ኢዛ ኣዛዞ ኦዛይቲ ኣይ ማላ ዎልቃማ! ቱማፔካ ጎዳ ጋላሳይ ኬሂ ዎልቃማ፤ ኬሂ ባቢሲዛ ሄ ጋላሳ ዳንዳይ ኤቃናይ ኦኔ?

ኢዩኤሌ ቲንቢቴ 2:15

ጺዮኔ ዙማ ቦላ ዛዬ ፑኒቴ፤ ዴሬዛ ኣያና ሺቆስ ጼይጊቴ፤ ጾማካ ኣዋጂቴ።

ኢዩኤሌ ቲንቢቴ 2:31

ጊታ ባቢሲዛ ጎዳ ጋላሳይ ያናፔ ካሴቲዲ ኣርሼይ ማና፤ ኣጊናይካ ሱ ኣና።

ኢዩኤሌ ቲንቢቴ 3:14

ዮኦ ፒርዲዛ ዙሌን ጎዳይ ፒርዲዛ ጋላሲ ጋኪዴስ፤ ሄሳ ጊሻስ ዳሮ ዴሬይ ሄን ሺቂ ኡቲዴስ።

ኢዩኤሌ ቲንቢቴ 3:17

«ኢስራኤሌ ኣሳዉ! ሄ ዎዴ ታኒ ጎዳ ኢንቴ ጾሳ ጊዲዳይሳ ኢንቴ ኤራና፤ ታኒ ጌሽ ጊዲዳ ታ ዙማ ጺዮኔ ቦላ ዴኣና፤ ዬሩሳላሜይ ኣንጄቲዳ ካታማ ጊዳና፤ ሄሳፌ ጉዬ ሃራ ኣላጋ ዎታዳራይ ኢዞ ዎራጄና።

ኣሞጼ ቲንቢቴ 3:6

ካታማ ጊዶን ኦላስ ዛዬይ ፑኔቲሺን ባቦን ኮኮሮንታ ኣሲ ዲ ኤሪዜ? ጎዳ ሼኔይ ባይንዳ ዲሺን ካታማ ቦላ ኢታ ሚሺ ጋኪ ኤሪዜ?

ኣሞጼ ቲንቢቴ 5:18

ኢንቴኖ ጎዳ ጋላስ ናጊዛይቶ! ኢንቴስ ኣዬ ኣና! ሄ ጋላሳይ ማፔ ኣቲን ፖኦ ጋላስ ጊዶንታ ጊሻስ ኢንቴ ኣይስ ሄ ጋላሳ ኮዬቲ?

ኣሞጼ ቲንቢቴ 8:2

ጎዳይ ታና፥ «ሄሲ ኔ ቤኢዛይሲ ኣዜ?» ጊ ኦይቺዴስ፤ ታኒካ ኢዛስ፥ «ቴራራ ዲዛ ዳቾ ቤያይስ» ጋዲስ፤ ቃሴካ ጾሲ ታስ፥ «ታ ዴሬ ኢስራኤሌስ ዉርሴ ጋኪዴስ፤ ሃይሳፌ ጉዬን ታኒ ኢስታ ቃጻዮንታ ኣጊኬ።

ኣብዲዩ ቲንቢቴ 1:15

«ታ ጾሳይ ኣሳ ኡባ ቦላ ፒርዲዛ ዎዴይ ጋኪዳ ጊሻስ ኤዶሜ! ኔ ኦዳ ኢታ ኦሶይ ኔ ቦላ ሲማና፤ ሄሳ ጊሻስ ኔ ኦሶ ማላ ኔ ኤካና።

ሶፎናሳ ቲንቢቴ 1:14

«ጎዳፔ ያና ጊታ ጋላሳይ ማቲዴስ፤ ሄሲካ ኤሶን ያና፤ ጎዳ ጋላሳን ሲዬታና ዬሆይ ጫሞ፤ ሄን ኦላንቻቲ ጫሞ ዋሶ ዋሳና።

ሶፎናሳ ቲንቢቴ 1:16

ሄ ጋላሳይ ጊምቤቲዳ ካታማታ ቦላኔ ኣዱሳ ጊምቤታ ቦላ ኦላ ዛዬይኔ ኦላ ዋሶይ ሲዬቲዛ ጋላስ ጊዳና።

ሶፎናሳ ቲንቢቴ 1:7

ጎዳ ጋላሳይ ማቲዳ ጊሻስ ኡባ ሃሪዛ ጎዳ ሲንን ጮኡ ጊቴ፤ ጎዳይ ያርሾ ጊግሲዴስ፤ ባ ጼይጊዳይታ ባስ ዱማሲዴስ።

ሶፎናሳ ቲንቢቴ 3:11

ኢንቴ ታ ቦላ ፖሊዳ ቆሆ ኡባፌ ዴንዲዳይሳን፤ ሄ ጋላስ ዬላቴኬታ፤ ባ ኦቶሬቴን ኡፋዬቲዛይታ፥ ሃኖ ሃ ካታማይፔ ታ ዲጋና። ሄሳፌ ጉዬ ታ ጌሻ ዙማን፥ ኢንቴ ታ ቦላ ኦቶሬቴኬታ።

ዛካራሳ ቲንቢቴ 14:1

ሄኮ ጎዳይ ፒርዲዛ ጋላሲ ጋኪዴስ፤ ኔፔ ቦንቂዳ ሚሻ ኔ ኣይፌይ ቤኢሺን ኢስቲ ጊሼቲ ኤካና።

ዛካራሳ ቲንቢቴ 8:3

ጎዳይ፥ «ታ ጌዴ ጺዮኒኮ ሲማና፤ ዬሩሳላሜንካ ዴኣና። ዬሩሳላሜይካ ቱሙ ካታማ ጌቴታዉስ፤ ኢዛካ ኡባፌ ዎልቃማ ጎዳስ ጌሻ ዙማ ጌቴታና» ጌስ።

ሚልካሳ ቲንቢቴ 4:1

«ሄኮ ጮጬ ታማ ማላ ኤጺዛ ጋላሲ ያና፤ ኦቶራንቻቲኔ ኢታ ኦዛይቲ ዉሪካ ሜላ ሃፓ ማላ ጊዳና፤ ሄ ያና ጋላሳይካ ኢስታ ጹጋና፤ ጼራካ ጻጶካ ኣሼና» ጌስ ኡባፌ ዎልቃማ ጎዳ ጾሳይ።

ታይቦ ማጻፋ 10:2

«ዴሬዛ ኢሲ ቦላ ሺሻናስ ጊዲን ዎይኮ ኣሳይ ዱንካኒ ዲዛሶፔ ዴንናስ ፑኒዛ ናምኡ ዛዬታ ቢራፔ ቆጻ ኬሳ።

ታይቦ ማጻፋ 10:3

ናምኡ ዛዬቲ ፑኔቲዛ ዎዴ ኩሜ ማባራይ ጋይቶቴ ዱንካኔዛ ፔንጌን ኔ ዲዛሶ ሺቆ።

1ቆሮንቶሴ ኣሳስ 14:8

ቃሴካ ጹሩምባይ ኣዛስ ፑኔቲዛኮ ዎይኮ ዛዬይ ኣዛስ ዛዬቲዛኮ ሻኪ ኤሬቶንታ ኦጌራ ፑኔቲኮ ኦኒ ኦላስ ጊጌታኔ?

ፒሊጲሲዮሴ ኣሳስ 2:12

ሄሳ ጊሻስ ታ ኢሻቶ! ኢንቴ ካሴ ኡባ ዎዴ ኣዛዜቲዛይታ ጊዲዳ ማላ ሃኢካ ታኒ ማታን ዶንታ ኢንቴፌ ሃሆን ዲኮካ ኢንቴ ኣቶቴይ ኩሜ ጊዳና ማላ ያሻቴኒኔ ቦንቾን ፖሊቴ።

1ታሶሎንቄ ኣሳስ 5:2

ካይሶይ ቃማን ዪዛ ማላ ጎዳ ጋላሲካ ሄሳ ማላ ያናይሳ ኢንቴ ኢንቴ ባጋራ ሎኤ ኤሬታ።

ያቆቤ ኪታ 5:8

ኢንቴካ ሄሳ ዳንዳይቴ፤ ኢንቴ ዎዚና ሚንቴ፤ ጋሶይካ ጎዳ ዩሳ ጋላሲ ማቲዴስ።

1ጴጽሮሳ ኪታ 4:7

ሄሳ ጊሻስ ዎዴ ዉርሴ ማቲዴስ፤ ኢንቴ ሚኒ ዎሳናስ ዳንዳያና ማላ ዎጋራ ዲቴኔ ዎፑ ጊዳ ቆፋይ ኢንቴስ ዴኦ።

ዮሃኒሳ ኣጁታ 6:17

ዎልቃማ ሃንቆ ጋላሳይ ጋኪዴስ፤ ኢዛ ኦኔ ዳንዳያናይ?» ጊዳ።