ኢዮቤ ማጻፋ 10:7 - ጋሞ ማጻፋ

⁷ ታኒ ቆሆንታይሳኔ ኔ ኩሼፔ ኦኒካ ታና ኣሾንታይሳ ኔ ኤራሳ።

Geeshsha Maxaafa

⁷ Tani qohonttayssanne ne kusheppe oonikka tana ashshonttayssa ne eraasa.

ኢዮቤ ማጻፋ 10:7 ပူးပေါင်းရင်းမြစ်များ

ኢዮቤ ማጻፋ 10:15

ታ ናጋራ ኦዳኮ ኤሶራ ሜቶ ጊዶን ኩንዳና፤ ሎኦ ሚሽ ኦዳ ጊዲኮካ ጋላቴቲኬ፤ ታ ጊልቂን ዬላይ ታና ጋኪዴስ።

ኢዮቤ ማጻፋ 11:4

ኔ ቆፋን፥ ‹ታኒ ጺሎ› ጋሳ፤ ጾሳስካ፥ ‹ኔ ሲንን ታኒ ጌሻ› ጋሳ።

ኢዮቤ ማጻፋ 13:18

ታ ማርሼቴ ሎኤ ጊጊሳዳ ሺሻዲስ፥ ኢዚ ታስ ፒርዳናይሳካ ታ ኤራይስ።

ኢዮቤ ማጻፋ 23:10

ኢዚ ታ ታንጎ ኡባ ኤሬስ፤ ታና ኢዚ ፓጪኮካ ታኒ ዎርቃ ማላ ጌሽ ጊዳ ዲሺን ኢዚ ታና ዴማና።

ኢዮቤ ማጻፋ 23:11

ታ ቶሆቲ ኢዚ ዶሲዛ ኦጌታራ ቤቴስ፤ ባሌን ሃዲርሲካ ኡሻቺካ ጊኬ።

ኢዮቤ ማጻፋ 27:22

ኢዚ ባቃቲዲ ኣቲ ባናስ ባጼቲኮካ ጫርኮዚ ቃቴ ባይንዳ ኢዛ ቦላ ጌዴ ሚናና።

ኢዮቤ ማጻፋ 31:14

ጾሲ ታና ፒርዲዛ ዎዴ ታኒ ዋናኔ? ቃሴ ኢዚ ታና ኦይቺዛ ዎዴ ታኒ ኣይ ዛሮ ኢማኔ?

ኢዮቤ ማጻፋ 31:35

«ታ ጊዛይሳ ሲዪዛዴይ ቤቴሬኔሺን! ታኒካ ቴቄ ቃላ ሺሻናኮሺን! ኡባ ዳንዳይዛ ጾሳይ ታ ጊዛይሳ ዛሮ ኢዚ ኢሞ! ታና ሞቲዛ ሞታንቻይ ታና ሞቲዛይሳ ጻፊ ሺሺን ታ ቤያርኪናሺን!

ኢዮቤ ማጻፋ 31:6

ጾሲ ታና ሱሬ ጌዳራን ጌዳሮ። ታኒ ጺሎ ጊዲዳይሳ ሻኪ ኤሮ።

ኢዮቤ ማጻፋ 32:1

ኢዮቢ፥ «ታኒ ጺሎ ኣሳ» ጊዛ ቆፋ ላሞንታ ጊሻስ ሄ ኣሳቲ ኢዛ ዞሪዛይሳ ኣጊዳ።

ኢዮቤ ማጻፋ 33:9

ኔኒ ሃሳያሼ፥ ‹ታኒ ቆሆይኔ ቦሬይ ባይንዳ ኣሳ፤ ታኒ ናጋራ ኦንታዴኔ ጺሎ ኣሳ።

ኢዮቤ ማጻፋ 40:8

ታና ፒርዳ ጌላሲዛዴ ኬሳዳ ኔና ጺሎ ኣስ ኬሳናስ ዳፌታይ?

ኢዮቤ ማጻፋ 42:7

ጾሲ ኢዮቤራ ሃይታንታ ኡባ ሃሳዬቲዳፔ ጉዬ ቴማኔ ዴሬ ኣስ ኤልፋዜስ፥ «ኢንቴ ታ ኣይሌ ኢዮቤ ማላ ታ ጊሻስ ሊኬ ሃሳዮንታ ጊሻስ ታኒ ኔ ቦላኔ ኔ ላጌታ ቦላ ሃንቄታዲስ።

ኢዮቤ ማጻፋ 9:12

ኢዚ ባ ኮዪዳይሳ ኤኪኮ ኦኒካ ኢዛ ዲጌና፤ ‹ኣይስ ሃይሳ ኦይ?› ጊዲ ኢዛ ኦይቻናስ ጻሊዛይ ዴና።

ኢዮቤ ማጻፋ 9:21

«ኣይኮካ ታኒ ቦሬይ ባይንዳዴ ጊዲኮካ ታ ጊሻስ ቆፒኬ፤ ታ ሼምፖዮካ ሃራሴታይስ።

ኢዮቤ ማጻፋ 9:22

ጾሲ ጺሎዛኔ ቆሃንቻዛካ ይሲዛ ጊሻስ ኣይኮ ዱማቴካ ዴና ታ ጊዳይ ሄሳ ጊሻሳ።

ዬ ማጻፋ 1:6

ኣይስ ጊኮ ጎዳይ ጺሎታ ኦጌ ኤሬስ፤ ጊዶ ኣቲን ኢታታ ኦጌይ ኢስታ ዮን ጋስ።

ዬ ማጻፋ 17:3

ኔኒ ቃማን ታና ጾሞሳዳሳ፤ ታ ዎዚና ፓጫዳሳ፤ ኔ ፓጪዳ ጊዲኮካ ታ ቦላ ኣይኮካ ዴማቤካ። ታ ኢንጻርሳይ ኢታ ሃሳይቤና።

ዬ ማጻፋ 50:22

«ኢንቴኖ ጾሳ ዶጊዛይቶ! ሃይሳ ኣኬኪቴ፤ ኢንቴ ኢጺስ ጊኮ ታኒ ኢንቴና ሜንሬና፤ ሄ ዎዴ ኢንቴና ኦኒካ ኣሼና።

ዬ ማጻፋ 7:3

ኣቤት ጎዳዉ ታ ጾሳዉ! ታኒ ኣስ ቆሂዳ ጊዲኮ፥ ታስ ሎኦ ኦዳዴስ ኢታ ዛሪዳ ጊዲኮ፥ ዎይኮ ጋሶይካ ባይንዳ ታ ሞርኬፌ ቦንቂዳ ጊዲኮ፥ ሄይታ ማላ ዮኦታፔ ኢሲኖካ ታኒ ኦዳ ጊዲኮ፥

ኢሳያሳ ቲንቢቴ 43:13

ቤኒሶፌ ዶማዳ ታኒ ታና፤ ታ ኩሼፔ ኬሲ ኤካናይ ዴና፤ ታ ኦዛይሳ ላማናዉ ዳንዳይዛይ ኦኔ?» ጌስ ጎዳይ።

ዳኔላ ቲንቢቴ 3:15

ሃኢካ ዛዬ፥ ዲንኬ፥ ማሲንቆኔ ዲ፥ ባጋናኔ ሱሱልኤ፥ ዬ ጊሪስ ኡባ ኢንቴ ሲዪዲ ታ ኤሲዳ ሚስሌዛ ሲንን ቢታ ቦላ ጉፋኒዲ ኢንቴ ጎይኒኮ ኢንቴስ ኪያ ጊዳና፤ ኢንቴ ጎይኖንታ ኢጺኮ ሄ ላጪዛ ኢቶኔ ታማን ሄራካ ዬጌታና፤ ኢንቴና ታ ኩሼፔ ኣሻና ጾሲ ኢንቴስ ባይንዳይሳ ኢንቴ ኤሪቴ!» ጊዴስ።

ሆሴኤ ቲንቢቴ 2:10

ኢዚ ላጌታ ሲንን ታ ኢዞ ካሎ ኣሻና፤ ኢዞ ታ ኩሼፔ ኣሻናይ ዴና።

ሆሴኤ ቲንቢቴ 5:14

ሄሳፌ ዴንዲዳይሳን ታኒ ኢስራኤሌስ ጋሞ ማላ ዩሁዳስካ ዎዳላ ጋሞ ማላ ጊዳና፤ ታ ኢስታ ኒፊፊ ሂስታ ሜንሬ ዬጋና፤ ቦንቃ ኤካዳ ባና፤ ኦኒካ ኢስታ ታ ኩሼፔ ኣሻናስ ዳንዳዬና።

ዮሃኒሳ ሚሺራቾ 21:17

ሄን፥ «ዮና ና ሲሞና! ኔ ታና ዶሳይ?» ጊዴስ። ኢዚ ሄን፥ «ኔ ታና ዶሳይ?» ጊዳ ጊሻስ ጴጽሮሲ ሚሼቲዲ፥ «ጎዶ! ኔ ኡባ ኤራሳ፤ ታ ኔና ዶሲዛይሳካ ኔ ኤራሳ» ጊዴስ፤ ዬሱሲካ ቃሴካ፥ «ታ ዶርሳታ ሄማ።

2ቆሮንቶሴ ኣሳስ 1:12

ሂስቲኮ ኑ ጬቄቴ ሃይሳ ማላ፤ ሃ ኣላሜዛን ሃራፔካ ኢንቴሳራ ኑሳራ ዲዛ ጋይቶቴን ጾሳፌ ጊዲዳ ጌሻቴኒኔ ሱሬቴን ኑ ዴኢዳይሳ ኑ ዎዚናይ ኑስ ማርካቴስ፤ ሄሲካ ኣሳ ጪንጫቴን ጊዶንታ ጾሳ ኪያቴና።

ዛሬ ማጻፋ 32:39

«ታኒ ጻላ ጾስ ጊዲዳይሳ ኤሪቴ፤ ታፔ ሃራ ጾሲ ዴና፤ ዎዛይካ ፓጻ ዎዛይካ ታና፤ ታኒ ማዱንይሲኔ ፓይስ፤ ታ ኩሼፔ ኦኒካ ኢንቴና ኣሼና።

1ታሶሎንቄ ኣሳስ 2:10

ኑ ኢንቴናራ ኣማኒዛይታራ ዲዛ ዎዴ ጺሎቴኒኔ ጌሻቴን ቃሴካ ዎሶይ ባይንዳ ኑ ዋኒ ዴኢዳኮ ኢንቴካ ጾሲካ ኑስ ማርካ።

ኢያሶ ማጻፋ 22:22

«ጎዳይ ዎልቃማ ጾሳይ! ጎዳይ ዎልቃማ ጾሳይ! ኑኒ ሃይሳ ኣይስ ኦዳኮ ኢዚ ኤሬስ! ኑኒ ኣይስ ኦዳኮ ኢንቴካ ኤራና ማላ ኮዮስ። ኑኒ ሃይሳ ኦዳይ ማካላቴኒኔ ጎዳስ ኣዛዜቴ ኢጾን ጊዲኮ፥ ሃች ኑና ማሮፒቴ።