ዮሃኒሳ ሚሺራቾ 16:22 - ጋሞ ማጻፋ

²² ሄሳ ኢንቴካ ሃኢ ሙዞቴታ፤ ቃሴ ታ ኢንቴና ቤያና ኢንቴ ዎዚናይካ ኡፋዬታና፤ ኢንቴ ኡፋይሳ ዛሪ ኤካናዴይ ዴና።

Geeshsha Maxaafa

²² Hessaththo intteka ha7i muuzotteeta; qasse ta inttena beyana intte wozinaykka ufayettana; intte ufayssaa zaari ekkanaadey deenna.

Gamo Geesha Maxxafa New Testamen

²² Hesatho inteeka hii mchchetista (yekista) qase ta intena beyana inte wozinaykka uhaaththaaeistana inte uhaaththaaysa zarii ekanadeey deena.

ዮሃኒሳ ሚሺራቾ 16:22 ပူးပေါင်းရင်းမြစ်များ

ኢዮቤ ማጻፋ 34:29

ጾሲ ጮኡ ጊኮ ኦኔ ኢዛ ቦላ ፒርዳናይ? ኢዚ ባ ዞኮ ዛሪኮ ኦኔ ኢዛ ቤያናይ?

ዬ ማጻፋ 146:2

ታ ዴኦ ላይ ኡባን ታኒ ጎዳ ጋላታና፤ ታኒ ሼምፖራ ፓጻ ዲዛ ዎዴ ኡባን ታ ጾሳ ሳባና።

ዬ ማጻፋ 33:21

ኑኒ ጌሽ ጊዲዳ ኢዛ ሱንን ኣማኔቶስ፤ ኑ ዎዚናይካ ኢዛን ኡፋዬቴስ።

ኢሳያሳ ቲንቢቴ 25:9

ሄ ጋላስ ኢስታስ፥ «ቤኢቴ ኑ ጾሳይ ሃይሳ፤ ኑኒ ኢዛን ኣማኔቲዶስ፤ ኢዚካ ኑና ኣሺዴስ፤ ሃይሲ ጎዳ፤ ኑኒ ኢዛን ኣማኔቲዶስ፤ ኢዚ ኣሺዳይሳን ኡፋዬቶስ፤ ኡፋይሳን ሆምቦጮስ» ጋና።

ኤርማሳ ቲንቢቴ 31:12

ኢስቲ ዪዲ ጺዮኔ ዙማ ቦላ ኡፋይሳ ማዛሙሬ ዬጻና፤ ኢስቲ ጎዳ ኪያቴ ጊዲዳ ካን፥ ዎይኔ ኡሻን፥ ዛይቴን፥ ዴይሻኒኔ ዶርሳ ላቃታን፥ ዎፋኖታኒኔ ኡሳታን ኡፋዬታና፤ ኢስቲ ሃ ፓጮንታ ኣታኪልቴ ሶሆ ማላ ጊዳና፤ ሃይሳፌ ጉዬ ኢስቲ ሙዞቴቴና።

Maatosa 28:8

ማጫሳቲካ ባቦኒኔ ኡፋይሳን ኩሚዲ ኢዛ ካሊዛይታስ ዮታናስ ኤሌሊዲ ዎን ዱፎዚ ዲዛሶ ዬጊ ኣጊዲ ቢዳ።

ሉቃሳ ሚሺራቾ 10:42

ኮሺዛይ ጊዲኮ ኢሲ ሚሽ ጻላ፤ ማራማካ ሎኦ ኤጻ ዶራዱስ፤ ሄሲካ ኢዚፔ ኤኬቴና» ጊዴስ።

ሉቃሳ ሚሺራቾ 16:25

«ጊዶ ኣቲን ኣብራሃሜይ፥ ‹ታ ናዞ ኔኒ ቢታ ቦላ ዳሼ ሎኦ ዱስ ዴኢዳይሳ ማላ ኣላዛሬይ ካሴ ዋዬ ቤኢዳይሳ ኔ ቆፓ፤ ጊዶ ኣቲን ሃኢ ኢዚ ኡፋዬቲሺን ኔኒ ዋዬታሳ።

ሉቃሳ ሚሺራቾ 19:26

«ኢዚካ፥ ‹ዲዛዴስ ኡባስ ሃራይ ጉጄታና፤ ባይንዳዴስ ካሴ ዲዛይሲ ኢዛፔ ኤኬቲቻና። ጊዶ ኣቲን ታኒ ኢስታ ቦላ ካዎቶንታ ማላ ኮዪዳይታ ሃይታ ታ ሞርኬታ ታኮ ሃ ኤሂዲ ታ ሲንን ሹኪቴ› ጊ ዛሪዴስ» ጊዴስ።

ሉቃሳ ሚሺራቾ 24:41

ኢስቲካ ኡፋይሳ ዳሮፔኔ ማላሌቴፌ ዴንዲዳይሳን ቡሮ ኣማኖንታ ዲሺን ዬሱሲ፥ «ሄሳን ኣይኮ ሚዛዚ ዲዜ?» ጊዲ ኢስታ ኦይቺዴስ።

ዮሃኒሳ ሚሺራቾ 14:1

ካሌዲካ ዬሱሲ፥ «ኢንቴ ዎዚናይ ሜቶቶፖ፤ ጾስ ኣማኒቴ፤ ታናካ ኣማኒቴ።

ዮሃኒሳ ሚሺራቾ 14:19

ጉ ዎዴፔ ጉዬ ዴሬ ኣሳይ ታና ቤዬና፤ ኢንቴ ጊዲኮ ቤያንዴታ፤ ታኒ ዴኦን ዲዛ ጊሻስ ኢንቴካ ዴኦን ዳንዴታ።

ዮሃኒሳ ሚሺራቾ 14:27

«ታ ኢንቴስ ሳሮቴ ኣጋዳ ባይስ፤ ታ ሳሮቴካ ታ ኢንቴስ ኢማና፤ ታ ኢንቴስ ኢሚዛ ሳሮቴ ኣላሜይ ኢሚዛ ሳሮቴ ማላ ዴና፤ ኢንቴ ዎዚናይ ሂርጎፎኔ ባቦፎ።

ዮሃኒሳ ሚሺራቾ 16:16

ዬሱሲ ጉጂዲ፥ «ጉ ዎዴፔ ጉዬ ኢንቴ ታና ቤዬኬታ፤ ቃሴካ ጉ ዎዴፔ ጉዬ ኢንቴ ታና ቤያና» ጊዴስ።

ዮሃኒሳ ሚሺራቾ 16:20

ታ ኢንቴስ ቱማ ጋይስ፤ ኢንቴ ዋሳናኔ ዬካናሺን ኣላሜይ ጊዲኮ ኡፋዬታና። ኢንቴ ሙዞቲሺን ኢንቴ ሙዞይ ኡፋይሳን ላሜታና።

ዮሃኒሳ ሚሺራቾ 16:6

ጊዶ ኣቲን ሃይሳ ዉርሳ ታ ኢንቴስ ዮቲዳ ጊሻስ ኢንቴ ዎዚናይ ሙዞቴስ።

ዮሃኒሳ ሚሺራቾ 21:7

ሄ ዎዴ ዬሱሳ ካሊዛይታፔ ኢዚ ሲቂዛ ኢሶይ ጴጽሮሳስ፥ «ሄሲ ጎዳኮ!» ጊዴስ። ሲሞና ጌቴቲዛ ጴጽሮሲ፥ «ሄሲ ጎዳኮ!» ጊዛ ቃላ ሲዪዳ ማላ ኦሶ ዲጎፎ ጊዲ ማይኦ ቃሪ ዎዲ ካሎ ዲዛ ጊሻስ ሄራካ ማይኦ ኤኪ ማይኢዲ ኣባዛ ጊዶ ጉፒ ጌሊዴስ።

ዮሃኒሳ ሚሺራቾ 4:14

ታ ኢሚዛ ሃ ኡዪዛዴይ ጊዲኮ ሜርናስ ሙሌካ ሳሜቴና፤ ጋሶይካ ታ ኢሚዛ ሃ ኡዪዛዴስ ሜርና ዴኦስ ፑልቲዛ ፑልቶ ሃ ጊዳና» ጊዴስ።

ሃዋሬታ ኦሶ 13:52

ኣማኒዛይቲ ኡፋይሳኒኔ ጺሎ ኣያናን ኩሚዳ።

ሃዋሬታ ኦሶ 16:25

ጊዲ ጊዶ ጊዲሺን ጳዉሎሲኔ ሲላሲ ዎሳኒኔ ዬን ጾሳ ጋላቲሺን ቃሾ ኣሳይ ኢስታ ዬኔ ጋላታ ኤዝጊ ሲዪዴስ።

ሃዋሬታ ኦሶ 2:46

ጋላስ ጋላስ ጾሳ ኬን ኢሲፌ ሺቄቴስ፤ ባ ኬንካ ቁማ ኢሲፌ ኡፋይሳኒኔ ሱሬ ዎዚናን ኢሲፌቴን ሜቴስ።

ሃዋሬታ ኦሶ 5:41

ሃዋሬቲካ ኢዛ ሱን ጊሻስ ካዉያናስ ቤሲዛ ጊሻስ ዳሮ ኡፋዬቲሼ ዴሬ ጪማታ ኣቻፌ ኬዚ ቢዳ።

2ቆሮንቶሴ ኣሳስ 6:10

ሙዞይ ኑና ጋኪኮካ ኡባ ዎዴ ኡፋዬቶስ፤ ኑኒ ማንቆኮ ሺን ዳሮ ማንቆታ ዱሬ ኬሶስ፤ ኑስ ኣይኮይካ ባይንዳይታ ሺን ዉሪካ ኑስ ዴስ።

2ታሶሎንቄ ኣሳስ 2:16

ኢዚ ኑ ጎዳ ዬሱስ ኪርስቶሲ ቃሴ ኑና ሲቂዳይኔ ባ ኪያቴን ሜርና ሚንኔ ሎኦ ሂዶታ ኢዚ ኑስ ኢሚዳ ኑ ኣዋ ጾሳይ፥

Ibirawe 10:34

ኢንቴ ኢንቴስ ሃራፔ ኣዛ ሜርናስ ዳና ሃሮይ ዲዛይሳ ኤሪዛ ጊሻስ ቃሼቲዳይታስ ሚሼቲዴታኔ ኢንቴ ሃሮይ ቦንቄቲሺን ኡፋይሳን ዳንዳይዴታ።

Ibirawe 6:18

ጾሲ ኣይ ዎዴካ ዎርዶታናስ ዳንዳዬና፤ ኢዚ ላሜቶንታ ናምኡ ሚሻታን ኑ ሲንን ዲዛ ሂዶታ ኦይካናስ ኢዛኮ ሺቂዳ ኑኒ ጊታ ሚኖቴ ዴማና ማላ ኦዴስ።

1ጴጽሮሳ ኪታ 1:8

ኢንቴ ዬሱስ ኪርስቶሳ ኣይፌራ ቤኦንታ ኣጊኮካ ኢንቴ ኢዛ ዶሴታ፤ ሃኢካ ኢንቴ ኢዛ ቤኦንታ ኣጊኮካ ኢዛ ኣማኔታ፤ ጮ ቃላን ቆንጪሳና ዳንዳዮንታ ጊታ ቦንቾ ኡፋይስ ኢንቴ ኡፋዬቴታ።