ኤርማሳ ቲንቢቴ 8:12 - ጋሞ ማጻፋ

¹² ቱና ኦሶ ኦዲ ዬላቲዶ? ቺ! ሙሌካ ዬላቲቤቴና። ኢስቲ ዬላይ ኣዛኮካ ኤሬቴና። ሄሳ ጊሻስ ኢስቲካ ኩንዲዳይታራ ኢሲፌ ኩንዳና፤ ታ ኢስታ ቃጻዪዛ ዎዴ ኢስቲ ካዉያና» ጌስ።

Geeshsha Maxaafa

¹² Tuna ooso ooththidi yeellatidoo? Chii! Mulekka yeellatibeettenna. Istti yeellay aazakkoka erettenna. Hessa gishshas isttika kundidaytara issife kundana; ta istta qaxxayiza wode istti kawuyana» gees.

ኤርማሳ ቲንቢቴ 8:12 ပူးပေါင်းရင်းမြစ်များ

ሜቴ ማጻፋ 19:34

ዎንቴ ጋላስ ባይራያ ካሎዮ፥ «ሲያ! ቃማ ታኒ ኑ ኣዋራ ኣቃዲስ፤ ሃች ኦማርስ ቃሴ ዎይኔ ኡሹ ኡሺኮ ኔኒ ጌላዳ ኢዛራ ኣቃ፤ ሂስቲዲ ኑኒ ኑ ኣዋፔ ኑስ ዜሬ ኤሶስ» ጋዱስ።

ዬ ማጻፋ 52:1

ሃይሶ ዎልቃማዞ! ጾሲ ኔና ካቺዴስ፤ ኔ ኣይስ ኢታ ኦሶን ናሼታይ? ኣይስ ኡባ ጋላስ ጬቄታይ?

ዬ ማጻፋ 52:7

«ጾሳ ባስ ዜምፖ ኦንታዴ፥ ባ ዱሬቴ ዳሮን ኣማኔቲዛዴ ባ ኢታ ኦሶን ሚኒዛዴ ሃይሳ ቤኢቴ!» ጋና።

ኢሳያሳ ቲንቢቴ 24:2

ኡባ ሚሺካ ኢሲ ማላ ጊዳና፤ ዴሬዛ ቦላ ሃንዛይሲ ቄሴዛ ቦላ ሃናና፤ ኣይሌ ቦላ ሃንዛይሲ ጎዳ ቦላ ሃናና፤ ኣሽካራይ ቦላ ሃንዛይሲ ጎዳቴይ ቦላ ሃናና፤ ሻሚዛይሳ ቦላ ሃንዛይሲ ባይዚዛይሳ ቦላ ሃናና፤ ታልኤ ኤኪዛይሳ ቦላ ሃንዛይሲ ታልኤ ኢሚዛይሳ ቦላ ሃናና፤ ኣጮ ጪጊዛይሳ ቦላ ሃንዛይሲ ኣጮ ጪጊሲዛይሳ ቦላ ሃናና።

ኢሳያሳ ቲንቢቴ 3:9

ኢስታ ኣይፌሶይ ኢስታ ቦላ ማርካቴስ፤ ኢስቲ ሶዶሜ ኣሳ ማላ ባንታ ናጋራ ቆቶንታ ቆንጬን ሃሳዬቴስ፤ ኢስቲ ባንታ ቦላ ኢታ ሚሽ ኤሂዛ ጊሻስ ኢስታስ ኣዬ ኣና!

ኤርማሳ ቲንቢቴ 10:15

ኢስቲ ጮ ቂስ ሜቲዳ ሚሻ። ፒርዳይ ኢስታ ቦላ ጋኪዛ ዎዴ ኢስቲ ያና።

ኤርማሳ ቲንቢቴ 14:15

ሄሳ ጊሻስ ታ ኪቶንታ ዲሺን፥ ‹ኦላይኔ ኮሻይ ሃ ቢታይ ቦላ ዬና› ጊዲ ታ ሱንን ዎርዶ ቲንቢቴ ዮቲዛ ናቤታ ታኒ ኦላኒኔ ኮሻን ይሳና።

ኤርማሳ ቲንቢቴ 23:12

ሄሳ ጊሻስ ኢስታ ኦጌይ ሃሊጻና፤ ኢስቲካ ማን ኩንዳና፤ ኢስቲ ጋንዲጋርዲ ኩንዳና፤ ኢስቲ ቃጻዬቲዛ ዎዴ ታ ኢስታ ቦላ ፓላ ሚሽ ኤሃና።

ኤርማሳ ቲንቢቴ 3:3

ሄሳ ጊሻስ ፑሴይካ ፑሶንታ ማላ ዲጌቲዴስ፤ ባልጎ ኢራይካ ቡኮንታ ኣጊዴስ፤ ኔ ጊዲኮ ሃኖ ጋካናስ ላይማቴ ኣጋቤካ፤ ኔኒ ዬላቶንታካ ኢጻዳሳ።

ኤርማሳ ቲንቢቴ 44:10

ኢንቴ ሃች ጋካናስ ኢንቴናቴ ዚቂሲዲ ታስ ቦንቾ ኢሚቤኬታ፤ ቃሴ ታኒ ኢንቴሲኔ ኢንቴ ኣዋታስ ዎዳ ዎጋኔ ማራ ካሊቤኬታ› ጌስ።

ኤርማሳ ቲንቢቴ 6:15

ሃ ሃራሲዛ ኦሶዛ ጊሻስ ኢስቲ ዬላቲዶ? ኣካይ ሙሌካ ዬላቲቤቴና፤ ኢስቲ ዬላይ ኣዛኮ ኤሬቴና። ሄሳ ጊሻስ ኢስቲ ኩንዲዛይታራ ኢሲፌ ኩንዳና፤ ታኒ ኢስታ ቃጻዪዛ ዎዴ ኢስቲ ካዉያና» ጌስ።

ኤርማሳ ቲንቢቴ 6:21

ሄሳ ጊሻስ ጎዳይ፥ «ታኒ ሃ ዴራ ሲንን ጲዛ ሚሽ ዎና፤ ኣዋቲኔ ኣቱማ ናይቲ ኢዛን ጴታና፤ ሾሮቲኔ ላጌቲ ያና» ጌስ።

ሂዚቄላ ቲንቢቴ 23:18

ኢዛ ቆንጬን ላይማቲዳፔኔ ባ ካሎቴ ቃሪዳ ዎዴ፥ ታኒ ኢዚ ሚቼይፌ ሃራሶ ሼርኢ ጊዳ ማላ ኢዞ ኢጻዳ ኢዚፔ ሼርኢ ጋዲስ።

ሆሴኤ ቲንቢቴ 5:9

ቂጻቴይ ዪዛ ዎዴ ኤፍሬሜይ ቡላ ጊዳና፤ ሃይሲ ኢስራኤሌ ቦላ ጋካናይሳ ታ ሎኤ ኤሪሳይስ» ጌስ።

ሶፎናሳ ቲንቢቴ 3:5

ኢዚን ዲዛ ጎዳይ ኢዚ ጺሎ። ሙሌካ ባሌቲ ኤሬና፤ ማላዶ ማላዶ ሱሬ ፒርዴስ፤ ኡባ ጋላሲካ ዳቡሪ ኤሬና፤ ጊዶ ኣቲን ማካላንቻታስ ዬላይ ዴና።

ዛሬ ማጻፋ 32:35

ኢስታ ሞርኬታ ቦላ ሃሎ ኬሳናይ ታና፤ ኡባሲካ ታ ኢስታ ኦሶ ኦሶ ማላ ኢማና፤ ኢስታስ ዮ ጋላሲ ጋኪዳ ጊሻስ ኢስቲ ጴታና፤ ኤሶንካ ያና።»

ፒሊጲሲዮሴ ኣሳስ 3:19

ኢስታ ዉርሴ ዮ፤ ኢስታ ኡሎይ ኢስታ ጾሳ፤ ኢስታስ ካዉሻቴይ ኢስታስ ቦንቾ፤ ኢስታ ዎዚናይ ሼምፒዳይ ሃ ቢታ ዱሳና።