ኤርማሳ ቲንቢቴ 52:7 - ጋሞ ማጻፋ

⁷ ሄ ካታማይ ጊምቤይ ላሌቲዴስ፤ ኦላ ኣሳይ ኡባይካ ኬዚ ባቃቲዴስ። ባቢሎኔ ዴሬ ኣሳይ ሄ ካታማይ ዩሾን ዲኮካ ካዎዛ ኣታኪልቴ ኣቻን ናምኡ ጊምቤታ ጊዶን ዲዛ ፔንጌዛራ ጊዶ ካታማይፔ ኬሲ ኤኪ ባቃቲዲ ኣራቤ ጌቴቲዛሶ ቢዳ።

Geeshsha Maxaafa

⁷ He katamay gimbey laalettides; ola asay ubbayka kezi baqatides. Baabiloone dere asay he katamay yuushon diikkoka kawoza atakilte achchan nam7u gimbeta giddon diza pengezara giddoth katamayppe kessi ekki baqatidi Arabe geetettizaso bida.

ኤርማሳ ቲንቢቴ 52:7 ပူးပေါင်းရင်းမြစ်များ

2ካዎታ ማጻፋ 25:4

ባቢሎኔ ኦላንቻቲ ካታማዮ ጊዶ ኡቲዲ ኢሲ ባጋራ ካታማይ ጊምቤ ሜን ጌሊዳ፤ ዩሁዳ ኦላንቻቲ ኡባይካ ካዎ ኣታኪልቴ ኣቻን ዲዛ ናምኡ ጊምቤታ ጊዶራ ዲዛ ፔንጌዛራ ካንዲ ኦማርሳራ ዱጌ ዮርዳኖሴ ሾባ ጋካናስ ባቃቲዳ።

ኤርማሳ ቲንቢቴ 34:22

ታኒ ኢስታ ኣዛዛና፤ ኢስቲ ሃ ካታማዮ ኦላና ማላ ታኒ ዛራ ኤሃና፤ ኢስቲካ ካታማዮ ኦሊ ኦይካናኔ ታማን ጹጋና፤ ታኒ ዩሁዳ ካታማታ ኣሲ ባይንዳሶ ቡላ ኬሳና» ጌስ።

ኤርማሳ ቲንቢቴ 39:2

ሴዴቂያሲ ካዎቲዳ ታማኔ ኢሲን ላይን፥ ኦይዳን ኣጊናን፥ ኡዱፉን ጋላሳን ባቢሎኔ ኦላንቻቲ ካታማይ ጊምቤ ሜንዳ።

ኤርማሳ ቲንቢቴ 49:26

ሄ ዎዴ ኢዚስ ናቴ ኣቱማ ናይቲ ኡባይ ኬኢዳሶን ኬኢዳሶን ኦጌ ቦላ ኩንዳና፤ ኦላንቻቲ ኡባይካ ሃይቂ ዉራና።

ኤርማሳ ቲንቢቴ 51:32

ሻፋ ፒኒዛ ፑርዴቲ ኦይኬቲዳይሳ፥ ሻፋ ማታን ዲዛ ሚጻቲ ጹጌቲዳይሳ፥ ኢስታ ዎታዳራቲ ባቦን ቡልኣኬቲዳይሳ፥ ዳጋሚዳይሳ ዮታናስ ዎጼሬቴቴስ» ጌስ።

ኤርማሳ ቲንቢቴ 6:5

ሄሳ ጊሻስ ዴንዲቴ! ኣኔ ኦማርስ ኦሎስ፤ ሂስቲዲ ኢዚ ሚጻካ ኣኔ ላሎስ› ጊዲ ማቄቲዳ» ጌስ።

ሂዚቄላ ቲንቢቴ 12:12

«ኢስታ ጊዶን ዲዛ ሃላቃይ ኦማርሳራ ባስ ዲዛ ሚሽ ሺሺ ቶኪዲ ኬዛና፤ ኢዚ ባቃቲ ባና ማላ ጊምቤይ ሉኬታና፤ ቢታ ቤኦንታ ማላ ባ ኣይፌሶ ካማና።

ሂዚቄላ ቲንቢቴ 12:4

ጋላስ ኢስቲ ጼሊሺን ኔስ ዲዛ ሚሽ ጎዴቲ ቢዛ ኣሳ ማላ ኬሳ፤ ኦማርሲካ ኢስቲ ጼሊሺን ዲኤቲ ቢዛ ኣሳ ማላ ኬዛ።

ሂዚቄላ ቲንቢቴ 33:21

ኑኒ ዲኤቲዳ ታማኔ ናምኣን ላይን፥ ታማን ኣጊናን፥ ኢቻሻን ጋላሳን፥ ዬሩሳላሜፔ ኬሲ ኤኪ ዪዳ ኢሲ ኣሲ ካታማይ ኩንዲዳይሳ ታስ ዮቲዴስ።

ሌዌታ ማጻፋ 26:17

ታኒ ኢንቴ ቦላ ሃንቆን ዴንዲዛ ጊሻስ ኢንቴ ጾኔታና፤ ኢንቴ ኢጺዛ ኢንቴ ሞርኬቲ ኢንቴና ሃራና፤ ኦኒካ ኢንቴና ጎዶንታ ኢንቴ ኢንቴርካ ባቃታና።

ሌዌታ ማጻፋ 26:36

« ‹ኢንቴ ቤቴ ቢታን ዲዛይቲ ዉሪካ ጫርኮይ ቃዛ ቆናሼ ጊሪስ ሲዪዲ ዳጋማን ፒራ ባቃታና ማላ ታ ኦና፤ ሞርኬይ ኦላሶን ጎዲን ዎጺዛ ማላ ኢንቴ ዎጻና፤ ኣይ ሞርኬይካ ኢንቴ ኣቻን ባይንዳ ኢንቴ ጴቲ ኩንዳና።

ኣሞጼ ቲንቢቴ 4:3

«ኢንቴፌ ኢሶይ ኢሶይ ኢንቴ ማታን ዲዛ ሉኮራ ጎሼቲ ጎሼቲ ኬዚዲ ጌዴ ሄሪሞኔን ዬጌታና» ጊ ጫቂዴስ።

ዛሬ ማጻፋ 28:25

ጎዳይ ኔ ሞርኬታ ሲንን ኔኒ ጾኔታና ማላ ኦና፤ ኔኒ ኢስታ ቦላ ኢሲ ኦጌራ ባናሺን ኢስታፌ ኣታናስ ላፑናሶራ ባቃታና፤ ቢታ ቦላ ዲዛ ካዎቴቲ ኡባይ ኔ ቦላ ጋኪዛይሳ ቤኢዲ ሂርጋን ኮኮራና።

ዛሬ ማጻፋ 32:30

ኢስታ ሜዳይሲ ኢስታ ኣ ኢሞንታኮ፥ ጎዳይ ኢስታ ዬጊ ኣጎንታኮ፥ ኢሳዴይ 1,000 ኣስ ዎስቲ ጎዳንዴ? ዎይኮ ናምኣቲ 10,000 ኣስ ዎስቲ ጎዳኔ?