ኤርማሳ ቲንቢቴ 51:6 - ጋሞ ማጻፋ

⁶ «ባቢሎኔፔ ባቃቲ ኬዚቴ! ኤሌሊዲ ኢንቴ ሼምፖ ኣሺቴ፤ ኢዚ ናጋራ ጋሶን ዮፒቴ፤ ሃይሲ ጎዳይ ሃሎ ኬሲዛ ዎዴ ኢዚ ኦሶ ማላ ኢዚስ ኢማና።

Geeshsha Maxaafa

⁶ «Baabilooneppe baqati kezite! Elelidi intte shemppo ashshite; izi nagara gaason dhayopite; hayssi GODAY halo kessiza wode izi ooso mala izis immana.

ኤርማሳ ቲንቢቴ 51:6 ပူးပေါင်းရင်းမြစ်များ

ዬ ማጻፋ 94:1

ኣቤት ጎዳዉ! ኔኒ ሃሎ ኬሲዛ ጾሳ፤ ኣቤት ሃሎ ኬሲዛ ጾሳዉ! ኔ ቦንቾ ቆንጪሳ።

ሌሚሶ ማጻፋ 13:20

ኣ ኤራንቻታራ ሄሜቲዛ ኣሲ ኣ ኤራንቻ ጊዴስ፤ ጊዶ ኣቲን ኤያታራ ሄሜቲዛ ኣሲ ሜቶን ጌሌስ።

ኢሳያሳ ቲንቢቴ 48:20

ባቢሎኔ ቢታፌ ኬዚቴ፤ ባቢሎኔ ኣሳፔ ባቃቲቴ! ሃይሳ ኢሊሊሳን ኤሪሲቴ፤ ኣዋጂቴ፤ ቢታ ጋጻ ጋካናስ ዮቲቴ፤ «ጎዳይ ባ ኣሽካራ ያቆቤ ዎዚዴስ» ጊቴ።

ኢሳያሳ ቲንቢቴ 63:4

ታኒ ሃሎ ኬሳና ጋላሳይ ታ ዎዚናን ዴስ፤ ታ ዎዛና ጋላሳይካ ጋኪዴስ።

ኤርማሳ ቲንቢቴ 25:14

ባቢሎኔ ዴሬይ ዳሮ ካዎቴታሲኔ ጊታ ካዎታስ ኣይሌ ጊዳና፤ ኢስታ ኩሼ ኦሶ ማላ ታ ኢስታስ ቃንጻና» ጌስ።

ኤርማሳ ቲንቢቴ 25:16

ኢስቲ ኡዪዳ ዎዴ ጋንዲጋራና፤ ኢስታ ቦላ ታ ዬዲዳ ኦላ ጋሶን ኢስቲ ጎያና» ጊዴስ።

ኤርማሳ ቲንቢቴ 27:7

ኢዛ ዴሬይ ሃራስ ሃሬታና ጋካናስ ካዎቴቲ ኡባይ ኢዛስ፥ ኢዛ ናሲኔ ኢዛስ ና ናስ ሃሬታና። ሄሳፌ ጉዬ ዳሮ ካዎቴቲኔ ጊታ ካዎቲ ኢዛ ሃራና።

ኤርማሳ ቲንቢቴ 46:10

ሄ ጋላሳይ ጎዳ ኡባፌ ዎልቃማ ጾሳ ጋላሳ፤ ኢዚ ባ ሞርኬታ ቦላ ሃሎ ኬሲዛ ጋላሳ፤ ማሻይ ካላና ጋካናስ ማና፤ ሳሞ ኣላና ጋካናስካ ሱ ኡያና፤ ጎዳይ ኡባፌ ዎልቃማ ጾሳይ ፑዴሃ ባጋን ኤፊራጺሴ ሻፋ ማታን ኢስታስ ያርሾ ጊግሲ ዎዴስ።

ኤርማሳ ቲንቢቴ 48:6

ባቃቲዲ ኢንቴ ሼምፖ ኣሺቴ፤ ባዞን ቱሻ ዎራ ጊዲቴ።

ኤርማሳ ቲንቢቴ 50:15

ኡባ ባጋራካ ኢዚ ቦላ ማጉሊቴ! ኢዛ ኢንቴስ ኩሼ ኢማና፤ ኢዚ ሚጻቲኔ ጊምቤቲ ላሌታና፤ ሃይሲ ጎዳይ ሃሎ ኬሲዛ ኦጌ ጊዲዳ ጊሻስ ኢንቴ ኢዚ ቦላ ሃሎ ኬሲቴ፤ ኢዛ ሃራታ ቦላ ኦዳ ማላ ኢንቴ ኢዚ ቦላ ኦቴ።

ኤርማሳ ቲንቢቴ 50:28

«ጎዳ ኑ ጾሳይ ሃሎ ኬሲዳይሳ፥ ጾሳ ኬ ጊሻስ ሃሎ ኬሲዳይሳ ባቢሎኔፔ ቤቲዳይቲኔ ጎዴቲዳይቲ ጺዮኔን ሃሳይዛይሳ ሲዪቴ።

ኤርማሳ ቲንቢቴ 50:31

ጎዳይ ኡባፌ ዎልቃማ ጾሳይ፥ «ኔኖ ኦቶራንቻዞ! ታኒ ኔ ቦላ ዴንዳዲስ፤ ኔኒ ቃጻዬታና ዎዴይኔ ጋላሳይ ጋኪዴስ።

ኤርማሳ ቲንቢቴ 50:8

«ባቢሎኔፔ ባቃቲቴ! ኢስታ ቢታካ ዬዲቴ! ዉዴ ካሌዛ ዴይሻ ኦርጌ ማላ ጊዲቴ።

ኤርማሳ ቲንቢቴ 51:11

«ቶራታ ሌፍቴ፤ ጎንዳሌታካ ጊግሲቴ፤ ጎዳይ ባቢሎኔ ይሳና ቆፒዳ ጊሻስ ሜዶኔ ካዎታ ዴንዴስ፤ ጎዳይ ሃሎ ኬሳና፤ ባ ኬ ጊሻስ ሃሎ ኬሳና።

ኤርማሳ ቲንቢቴ 51:36

ሄሳ ጊሻስ ጎዳይ፥ «ኔ ጊሻስ ታ ሞቴታና፤ ኔ ሃሎካ ኬሳና፤ ኢዚ ኣባኔ ፑልቶ ሃታ ታ ሜሊሳና።

ኤርማሳ ቲንቢቴ 51:45

ታ ዴሬቶ! ኢዚፔ ኬዚቴ፤ ኢንቴ ሼምፖ ኣሺቴ፤ ያሺዛ ጎዳ ሃንቆፌ ኬሲ ኤኪ ኣቲቴ።

ኤርማሳ ቲንቢቴ 51:50

ኢንቴኖ ማሻፌ ኬሲ ኤኪ ኣቲዳይቶ! ቢቴ፤ ሃይሳን ታኮፍቴ፤ ሃኮ ቢታን ዲዛይቶ ጎዳ ኣኬኪቴ፤ ዬሩሳላሜካ ቆፒቴ።

ኤርማሳ ቲንቢቴ 51:56

ባቢሎኔ ይሲዛ ሚሺ ያና፤ ኢዚ ኦላንቻቲ ዲኤታና፤ ኢስታ ዎንዳፌይካ ሜቃና፤ ጎዳይ ጌኔ ኦሶ ጊሻስ ሃሎ ኬሲዛዴኔ ኢዚ ሃኒዛ ሚሽ ኡባስ ቤሲዛ ዋጋ ቃንጺዛ ጾሳ።

ኤርማሳ ቲንቢቴ 51:9

«ኣሳይ፥ ‹ኑኒ ባቢሎኔ ፓናስ ባጼቲዶስ፤ ኢዛ ጊዲኮ ፓጻና ዳንዳዩኩ፤ ኢዚ ፒርዳይ ፑዴ ሳሎ ጋኪዳ ጊሻስ ሻራን ጋካናስካ ቁ ጊዳ ጊሻስ ኢዞ ኣጋጊዲ ኣኔ ኑ ዴሬ ዴሬ ሲሞስ።

ኤርማሳ ዚላስ 3:64

ታ ጎዳዉ! ኔ ኢስታስ ኢስታ ኦሶ ማላ ኢማ።

ታይቦ ማጻፋ 16:26

ዴሬዛስካ፥ «ኢንቴ ሃይታ ማካላ ኣሳታ ዱንካኔታፔ ሃኪ ኤቂቴ፤ ኢስታ ሚሽ ጊዲዳዝ ኣይኮካ ቦቾፍቴ፤ ሂስቶንታ ኣጊኮ ኢስታ ናጋራ ጋሶን ኢንቴ ዉሪካ ኢስታራ ኢሲፌ ፒቴቲ ያና» ጊዴስ።

ዛሬ ማጻፋ 32:25

ኦጌ ኡባን ኢስታ ናይታ ኦላይ ዉርሳና፤ ኢስታ ኬ ጊዶንካ ሂርጋይ ኩማና፤ ፓንቲኔ ጌላኦቲ፥ ጉ ናይቲኔ ጪማቲ ኡባይ ዉራና።

ዛሬ ማጻፋ 32:41

ዋዋጪ ጊዛ ታ ጊ ማሻ ሌፋና፤ ታ ኩሼይ ፒርዳስ ኦይካና፤ ታ ሞርኬታ ቦላ ሃሎ ኬሳና፤ ታና ኢጺዛይታስ ታ ኢስታ ኦሶ ማላ ኢስታስ ኢማና።

ዛሬ ማጻፋ 32:43

«ኢንቴኖ ካዎቴቶ! ጎዳይ ባ ኦሳንቻታ ሱ ኣጫና፤ ሞርኬታ ቦላ ሃሎ ኬሳና፤ ባና ኢጺዛይታ ቃጻያና፤ ባ ዴሬዛ ናጋራ ዉርሳና፤ ቢታዮካ ቱናቴፌ ጌሻና፤ ሄሳ ጊሻስ ኢንቴ ኢዛ ኣሳራ ኢሲፌ ኡፋዬቲቴ» ጊዲ፥

1ጺምቶሳስ 5:22

ጾሳ ኦሶስ ዶራናስ፥ ኦና ቦላካ ኔ ኩሼ ዎ ዎሳናስ ኤሶቶፓ፤ ቃሴ ሃራታራ ናጋራ ኦናስ ዙፔቶፓ፤ ናጋራፔ ኔና ጺሎቴን ናጋ።

ዮሃኒሳ ኣጁታ 16:19

ዎጋ ካታማያ ሄ ኬዛ ሻኬታ ዎዱስ፤ ኣይዛቤታ ካታማቲ ላሌቲዳ ጾሲ ዎጋ ካታማዮ ባቢሎኔ ዛሪ ቆፒዴስ፤ ሚኖ ሃንቆ ጹኣን ኩሚ ኣቲዳ ዎይኔ ጫጄ ኡሹ ኡያና ማላ ኦዴስ።