ኤርማሳ ቲንቢቴ 51:15 - ጋሞ ማጻፋ

¹⁵ «ጾሲ ባ ዎልቃን ሳኣ ሜዴስ፤ ባ ኣ ኤራቴን ኣላሜ ጊግሲዴስ፤ ሳሎታካ ባ ኣኬካን ሚጪዴስ።

Geeshsha Maxaafa

¹⁵ «Xoossi ba wolqqan sa7a medhdhides; ba aadho erateththan alame giigsides; salotakka ba akeekan miccides.

ኤርማሳ ቲንቢቴ 51:15 ပူးပေါင်းရင်းမြစ်များ

ኢዮቤ ማጻፋ 9:8

ኦኒካ ማዶንታ ዲሺን ሳሎታ ሚጪዳይ ኢዛ፤ ኢዚ ኣባ ዳምባላ ቦላ ሄሜቴስ።

ዬ ማጻፋ 104:2

ኔኒ ኣፋላ ማላ ፖኦ ቁማኣዳሳ፤ ሳሎታካ ዱንካኔ ማላ ቶላዳሳ።

ዬ ማጻፋ 104:24

ኣቤት ጎዳዉ! ኔ ኦሶይ ኣይ ኬና ዳሮ! ኔ ኣ ኤራቴን ኔኒ ኢስታ ኡባ ሜዳሳ፤ ኔ ሜዳ ሜታቲ ቢታ ኩሚዳ።

ዬ ማጻፋ 107:25

ኢዚ ኣዛዚን ጎቴ ጫርኮይ ዴንዲዴስ፤ ሂስቲን ኣባ ዳምባላይ ቃጺዴስ።

ዬ ማጻፋ 136:5

ባ ሂላቴን ሳሎታ ሜዴስ፤ ኢዛ ሲቆይ ሜርናሳ።

ሌሚሶ ማጻፋ 3:19

ጎዳይ ባ ኣ ኤራቴን ሳኣ ሜዴስ፤ ባ ኣኬካንካ ሳሎታ ኢስቲ ዲዛሶን ሚንዴስ።

ኢሳያሳ ቲንቢቴ 40:22

ኢዚ ቢታ ዩሾፔ ቦላራ ባ ኣራታን ኡቴስ፤ ቢታ ቦላ ዲዛ ዴሬይ ቦሌ ማላ፤ ሳሎታ ማጋላሻ ማላ ሚጬስ፤ ዱሳሶ ዱንካኔ ማላ ቶኬስ።

ኢሳያሳ ቲንቢቴ 40:26

ኢንቴ ኣይፌ ቁ ሂስቲዲ ፑዴ ሳሎ ጼሊቴ፤ ሃይታንታ ኡባ ሜዳይ ኦኔ? ሳሎ ጾሊንቴታ ኢሳ ኢሳ ኬሲዛይ፥ ኢስታ ሱንን ሱንን ጼይጊዛይ ኢዛ። ኢዚ ባ ጊታቴኒኔ ባ ኤራቴ ሚኖቴፌ ዴንዲዳይሳን ኢስታፌ ኢሶይካ ዬና።

ኢሳያሳ ቲንቢቴ 42:5

ሳሎታ ሜዳይ፥ ኢስታ ሚጪዳይካ፥ ሳኣኔ ኢዚን ዲዛ ኡባ ጊግሲዳይ፥ ባ ዴሬስ ፔኖ ኢዚን ዴኢዛ ኣሳታስ ሼምፖ ኢሚዛ ጎዳ ጾሳይ፥

ኢሳያሳ ቲንቢቴ 44:24

ኔና ኣዪ ኡሎን ሜዲ ዎዚዳ ጎዳይ፥ «ኡባ ሜዳ ሳሎታ ታርካ ፒዲሲዳይ፥ ሳኣካ ሚጪዳይ ታና ጎዳ።

ኢሳያሳ ቲንቢቴ 45:12

ሳኣ ኦዳይ ታና፤ ኣሲካ ኢዚ ቦላ ሜዲስ። ሳሎታ ታኒ ታ ኩሼን ቶላዲስ፤ ኢስታ ቦላ ሳሎ ሜታታ ዎዲስ።

ኢሳያሳ ቲንቢቴ 48:13

ቢታስ ዮች ዬጊዳይ ታ ኩሼ፤ ሳሎታ ሚጪዳይ ታ ኡሻቻ ኩሼ። ታ ኢስታ ጼይጊዛ ዎዴ ኢስቲ ኡባይካ ኢሲ ቦላ ኤቄቴስ።

ኢሳያሳ ቲንቢቴ 51:13

ኔና ሜዳይሳ፥ ሳሎታ ቶሊዳይሳ፥ ሳኣስ ዮች ዬጊዳይሳ ኔ ባላዳሳ፤ ኔና ይሳናስ ጊጌቲዳ ሜንጼ ኢታዛ ጋሶፔ ዴንዲዳይሳን ኡባ ጋላስ ሺሮን ዳሳ፤ ሂስቲን ሄ ሜንጼ ኢታዛ ሃንቆይ ሃኢ ኣዋን ዲዜ?

ኤርማሳ ቲንቢቴ 27:5

ታ ጊታ ዎልቃኒኔ ሚጬቲዳ ታ ኩሼን ሳኣኔ ሳኣ ቦላ ዲዛ ኣሲኔ ሜሄ ሜዲስ። ኢስታ ታ ዶሲዳዴስ ኢማና።

ኤርማሳ ቲንቢቴ 32:17

«ኣቤት ኡባፌ ዎልቃማ ጎዳዉ! ኔኒ ሳሎታኔ ሳኣ ኔ ጊታ ዎልቃኒኔ ሚጬቲዳ ኔ ኩሼን ሜዳሳ፤ ኔና ጾኒዛ ኢሲ ሚሺካ ዴና።

ዛካራሳ ቲንቢቴ 12:1

ሳሎ ሚጪዳ ጎዳይ፥ ሳኣ ሜዳ ጎዳይ ኣሳ ናይታስ ዴኦ ሼምፖ ኢሚዳ ጎዳይ ኢስራኤሌ ናይታስ ዮቲዳ ቃላይ ሃይሳፌ ካሊዛይሳ፤

ሃዋሬታ ኦሶ 14:15

«ሃይቶ ኣሳቶ! ሃይሳ ኣዛስ ኦቲ? ኑኒካ ኢንቴ ማላ ኣሳኮ! ኢንቴካ ቃሴ ሃይሳ ሜላ ሃዳ ዮኦፔ ሃኪዲ ሳሎኔ ሳኣ፥ ኣባካ፥ ኣባታ ጊዶን ዲዛይታ ኡባ ሜዳ ዴኦ ጾሳኮ ኢንቴ ሲማና ማላ ኢንቴስ ሚሺራቾ ቃላ ሳባኮስ።

ሃዋሬታ ኦሶ 17:24

ሃይሳ ኣላሜዛኔ ኢዛ ጊዶንካ ዲዛይሳ ኡባ ሜዳ ጾሲ ኢዚ ሳሎኔ ሳኣ ጎዳ፤ ሄሳ ጊሻስ ኢዚ ኣሳ ኩሼን ኬጼቲዳ ኬን ዴና።

ኦሮሜ ኣሳስ 1:20

ኣላሜይ ሜቶሶፌ ሃ ሲሚን ኣሳ ኣይፌን ቤቲ ኤሮንታ ጾሳ ሃኖቴ ሄሲካ ኢዛስ ዲዛ ሜርና ዎልቃይኔ ጾሳቴይ ኢዚ ሜዳ ሜቴን ቆንጬን ቤቴስ፤ ሄሳ ጊሻስ ኣሳይ ሺሻና ጋሶይካ ዴና።

ኦሮሜ ኣሳስ 11:33

ጾሳ ዱሬቴ፥ ኣ ኤራቴይኔ ኢዛ ኤራቴይ ኣይ ማላ ጪማ! ኢዛ ፒርዳይ ኣይ ማላኮ ፓጬቴና፤ ኢዚ ኣዳ ጌዶይካ ኤሬቴና።

ዮሃኒሳ ኣጁታ 4:11

«ኑ ጎዳ ጾሶ! ኔኒ ኡባ ሜዳ ጊሻስ ሜቴ ዉሪካ ሜቲዳይኔ ሼምፖራ ዲዛይ ኔ ሼኔን ጊዲዳ ጊሻስ ጊታቴ፥ ቦንቾይኔ ዎልቃይካ ኔስ ቤሴስ» ጊዳ።