ኤርማሳ ቲንቢቴ 51:11 - ጋሞ ማጻፋ

¹¹ «ቶራታ ሌፍቴ፤ ጎንዳሌታካ ጊግሲቴ፤ ጎዳይ ባቢሎኔ ይሳና ቆፒዳ ጊሻስ ሜዶኔ ካዎታ ዴንዴስ፤ ጎዳይ ሃሎ ኬሳና፤ ባ ኬ ጊሻስ ሃሎ ኬሳና።

Geeshsha Maxaafa

¹¹ «Toorata leefte; gondalletakka giigsite; GODAY Baabiloone dhayssana qoppida gishshas Meedoone kawota denththeththides; GODAY halo kessana; ba Keeththa gishshas halo kessana.

ኤርማሳ ቲንቢቴ 51:11 ပူးပေါင်းရင်းမြစ်များ

1ካዎታ ማጻፋ 11:14

ሄሳፌ ጉዬ ጎዳይ ኤዶሜ ካዎታ ዛሬፔ ሃዳዴ ሞርኬ ሂስቲ ሶሎሞኔ ቦላ ዴንዴስ።

1ካዎታ ማጻፋ 11:23

ሄሳካ ጾሳይ ጾባ ካዎ ሃዳዲኤዜሬፔ ባቃቲ ቢዳ ኤልኣዳ ና ኤራዞኔ ጌቴቲዛይሳ ሶሎሞኔ ቦላ ሞርኬ ሂስቲ ዴንዴስ።

1ታሪኬ ማጻፋ 5:26

ሄሳ ጊሻስ ኢስራኤሌ ጾሳይ ኣሶሬ ካዎ ፑሌ ዎይኮ ቴሊጌሊቴሊፌሊሶሬ ዴንዲ ኦሮቤሌ ቆሞታ፥ ጋዴ ቆሞታኔ ሚናሴ ቆሞታፔ ባጋ ዲኢ ኤፋና ማላ ኦዴስ፤ ኢዚ ሄይታንታ ኣላሄ፥ ሃቦሬ፥ ሃራኔ ጎዛኔ ሻፋ ሄራን ዴኣና ማላ ኦዴስ፤ ኢስቲ ሃች ጋካናስ ሄን ዴቴስ።

2ታሪኬ ማጻፋ 36:22

ፓሪሴ ካዎ ቂሮሲ ካዎቲዳ ኮይሮ ላይን ናቤ ኤርማሳ ባጋራ ጎዳይ ሃሳይዳይሳ ፖሊዴስ። ፓሪሴ ካዎ ቂሮሲ ባ ካዎቴ ጊዶን ኡባሶን ኣዋጃይ ኣዋጄቲዲ ጻፌቲ ኡታና ማላ ጎዳይ ኢዛ ኣያና ዴንዴስ።

ኢዝራ ማጻፋ 1:1

ቂሮሲ ፓሪሴ ዴሬን ካዎቲዳ ኮይሮ ላይ ጾሳይ ቂሮሳ ኣያና ዴንዲ ኢዚ ባ ካዎቴ ኡባን ኣዋጃ ኣዋጂዲኔ ሄ ኣዋጃ ጻፊ ዎና ማላ ኦዴስ፤ ሄሲካ ሃኒዳይ ካሴ ናቤ ኤርማሳ ባጋራ ጾሲ ዮቲዳ ቃላይ ፖሌታና ማላሳ።

ኢሳያሳ ቲንቢቴ 10:26

ኡባፌ ዎልቃማ ጎዳይ፥ «ሚዲያሜ ኣሳ ሄሬቤ ዛላ ኣቻን ሾጮይሳ ኢዚ ኢስታ ጹርቃፌራ ዋና፤ ኢዚ ጊብጼታ ቦላ ኦዳይሳ ባ ጉፌዛ ኣባ ቦላ ዴንና።

ኢሳያሳ ቲንቢቴ 21:2

ያሺዛ ኣጁታ ታ ቤኣዲስ፤ ኣ ኢሚዛይሲ ኣ ኢሜስ፤ ዲኢዛይሲ ዲኤስ። ኤላሜ ዴንዳ! ሜዶኔ ጊዶ! ኢዛ ጋዳ ዋዬ ኡባ ታ ኤሳና።

ኢሳያሳ ቲንቢቴ 21:5

ኢስቲ ማዳ ጊግሲዳ፤ ኡቲዛሶ ጊግሲዳ፤ ሚዳኔ ኡዪዳ። ኢንቴኖ ሹሜቶ ዴንዲቴ! ጎንዳሌዛ ዛይቴን ቁጪቴ!

ኢሳያሳ ቲንቢቴ 41:25

«ታኒ ፑዴሃ ባጋፌ ኢሳ ዴንዲስ፤ ኢዚካ ዬስ። ኣርሼይ ሞኪዛ ባጋራ ዪዛይሲ ታ ሱን ጼይጊዛይሳ፤ ማናይ ኡርቃ ዬዛ ማላ ኢዚ ካሌዛይታካ ዬስ።

ኢሳያሳ ቲንቢቴ 45:1

«ታ ቲይዳይሳስ፥ ኡሻቻ ታ ኦይኪዳይሳስ፥ ካዎታ ጊ ቢርሻና ማላኔ ካዎቴቲ ኢዛ ሲንን ሃሬታና ማላ፥ ፔንጌቲ ጎርዴቶንታ ማላ ኢዛ ሲንን ፔንጌታ ዶያናስ ቂሮሴስ ጎዳይ፥

ኢሳያሳ ቲንቢቴ 45:5

ታኒ ጎዳ፤ ታፔ ሃራይ ኦኒካ ዴና፤ ታፔ ሃራ ጾሲ ዴና፤ ኔ ታና ኤሮንታ ኣጊኮካ ታ ኔና ሚንና።

ኢሳያሳ ቲንቢቴ 46:11

ኣርሼይ ሞኪዛ ባጋፌ ቦንቂዛ ኣርጋን፥ ሃሆ ቢታፌ ታ ቆፋ ፖሊዛ ኣስ ታኒ ጼይጋና። ታ ዮቲዳይሳ ታ ኦና፤ ታ ሃልቺዳይሳ ታ ፖላና።

ኤርማሳ ቲንቢቴ 25:25

ዚሚሬ፥ ኤላሜኔ ሜዶኔ ካዎታ ኡባ ኡሻዲስ።

ኤርማሳ ቲንቢቴ 46:3

«ኢንቴ ዎጋ ጎንዳሌኔ ቄሪ ጎንዳሌ ጊግሲቴ፤ ሂስቲዲ ኦላስ ኬዚቴ!

ኤርማሳ ቲንቢቴ 46:4

ኢንቴ ፓራታ ኮሪዲ ቶጊቴ፤ ኢንቴ ሁኤን ቢራታ ቆቤ ዎዲ፥ ኢንቴ ሶሆ ሶሆ ኦይኪቴ! ኢንቴ ቶራ ሌፍቴ፤ ኢንቴ ኦላ ማይኦካ ማይኢቴ!

ኤርማሳ ቲንቢቴ 46:9

ፓራቶ ጉፒ ኬዚቴ፤ ፓራ-ጋሬቶ ኣዳራሲቴ፤ ጎንዳሌ ኦይኪዳ ቶጵያ ኣሳይኔ ፑጼ ኣሳይ፥ ዎንዳፌ ዋጺ ኦይኪዳ ሚኖ ጊዲዳ ሉዲሜ ኣሳቲ፥ ኢንቴ ሚኖ ኦላንቻቲ ኦላስ ዴንዲቴ።

ኤርማሳ ቲንቢቴ 50:25

ጎዳይ ባ ኦላ ማሳራ ዎዛ ሚንጃ ኬ ዶይዴስ፤ ባ ሃንቆ ኦላ ማሳራ ኬሲዴስ፤ ጎዳይ ኡባፌ ዎልቃማ ጾሳይ ባቢሎኔ ቢታን ኦዛ ኦሶይ ዴስ።

ኤርማሳ ቲንቢቴ 50:3

ፑዴሃ ባጋፌ ኢሲ ካዎቴይ ዪዲ ባቢሎኔ ቢታ ኦላና፤ ሄሳፌ ዴንዲዳይሳን ኣሲኔ ሜሄይ ባቃታና፤ ቢታዮካ ቡላ ኬሳና፤ ኦኒካ ኢዚን ዴና።»

ኤርማሳ ቲንቢቴ 50:45

ሄሳ ጊሻስ ጎዳይ ባቢሎኔ ቦላ ሃልቺዳ ሃልቾ፥ ባቢሎኔ ቢታ ቦላ ቆፒዳ ቆፋ ሲዪቴ! ጉ ዉዴይ ጎሼቲ ባና፤ ኢስታ ጋሶን ሄሚዛሶሆዛ ሙሌራ ይሳና።

ኤርማሳ ቲንቢቴ 50:9

ታኒ ፑዴሃ ባጋፌ ዎልቃማ ካዎቴታ ባቢሎኔ ቦላ ዴንና፤ ኢስቲካ ኢዚ ቦላ ሳልፋና፤ ሂስቲዲ ኢዞ ሄፔ ኦይካና፤ ኢስታ ዎንዳፌይ ዬዶንታ ሎሂዳ ኦላንቻታ ማላ።

ኤርማሳ ቲንቢቴ 51:12

ባቢሎኔ ጊምቤታ ቦላ ማላታ ኤሲቴ፤ ሚን ናጊቴ፤ ዛቤ ናጊዛይታ ኤሲቴ፤ ዛማዲ ኡቲዲ ኦሊዛይታ ጊግሲቴ። ጎዳይ ባቢሎኔ ኣሳ ቦላ ቆፒዳ ቆፋኔ ባ ሃልቾ ፖላና።

ኤርማሳ ቲንቢቴ 51:24

ጎዳይ፥ «ጺዮኔ ቦላ ኢስቲ ኦዳ ኢታ ኦሶ ጊሻስ ባቢሎኔሲኔ ኢዚን ዲዛ ኡባስ ኢንቴ ኢንቴ ኣይፌን ቤኢሺን ኢስታ ኦሶ ማላ ታ ኢስታስ ኢማና» ጌስ።

ኤርማሳ ቲንቢቴ 51:35

ሄሳ ጊሻስ ጺዮኔ ኣሳይ፥ «ኑ ቦላ ጋኪዳ ጌኔይ ባቢሎኔ ቦላ ጋኮ» ጌስ፤ ዬሩሳላሜይ፥ «ኑ ሱ ባቢሎኔን ዲዛ ኣሳታ ቦላ ጊዶ» ጋዉስ።

ኤርማሳ ቲንቢቴ 51:36

ሄሳ ጊሻስ ጎዳይ፥ «ኔ ጊሻስ ታ ሞቴታና፤ ኔ ሃሎካ ኬሳና፤ ኢዚ ኣባኔ ፑልቶ ሃታ ታ ሜሊሳና።

ዳኔላ ቲንቢቴ 5:30

ሄ ጋላሳ ኦማርስ ባቢሎኔ ካዎ ቤሊሻጾሬይ ኣሳ ኩሼን ሃይቂዴስ።

ኢዩኤሌ ቲንቢቴ 3:10

ማራሻ ጊ ማሻ ቆጺቴ፤ ባጫ ቃሴ ቶራ ቆጺቴ፤ ላፋይካ ባና፥ ‹ታኒ ሚኖ ኣሳ› ጎ።

ኢዩኤሌ ቲንቢቴ 3:9

«ሃይሳ ኡባ ካዎቴታስ ኣዋጂቴ! ኦላስ ጊጌቲቴ! ኦላ ቃራታ ዴንቴ! ኢንቴ ኦላንቻቲ ኡባይ ኬዚዲ ሞርኬታ ኦሌቶ!

ሌዌታ ማጻፋ 26:25

ኢንቴ ታናራ ጫቂዳ ቃላ ላሊዳ ጊሻስ ታ ኢንቴና ቃጻያናስ ኢንቴ ቦላ ኦላ ዬዳና፤ ኢንቴ ኢንቴ ካታማታን ሺቂዛ ዎዴ ታ ኢንቴ ጊዶን ኢታ ሃርጌ ኪታና፤ ኢንቴ ሞርኬታስ ኢንቴ ኣ ኢሜታና።

ዛካራሳ ቲንቢቴ 14:12

ዬሩሳላሜ ኦላና ዴንዲዛ ዴሬ ቦላ ጎዳይ ቦሻ ሃርጌ ኤሃና፤ ኢስታ ሼምፖራ ፓጻ ዲሺን ኢስታ ኣሾይ ዎቃና፤ ኢስታ ኣይፌይኔ ኢንጻርሳይ ሄን ባ ዲዛሶን ዎቃና።

ዛካራሳ ቲንቢቴ 14:2

ዬሩሳላሜ ኦላና ማላ ካዎቴታ ኡባ ታ ሺሻና፤ ካታማያካ ኦይኬታና፤ ኬ ጊዶን ዲዛ ሚሺ ቦንቄታና፤ ማጫሳታራካ ዎልቃን ኢቻና፤ ካታማ ኣሳፔ ባጋይ ዲኤታና፤ ኣቲዳ ዴሬይ ቃሴ ካታማይፔ ኬዜና።