ኤርማሳ ቲንቢቴ 50:46 - ጋሞ ማጻፋ

⁴⁶ ባቢሎኔ ኩንዴ ጊሪሲ ቢታ ቃና፤ ኢዚ ዋሶይ ካዎቴ ኡባ ጋርሳን ኮሹማና» ጌስ።

Geeshsha Maxaafa

⁴⁶ Baabiloone kundeththa giirissi biitta qaaththana; izi waasoy kawoteththa ubbaa garsan kooshumana» gees.

ኤርማሳ ቲንቢቴ 50:46 ပူးပေါင်းရင်းမြစ်များ

ኢሳያሳ ቲንቢቴ 15:5

ታ ዎዚናይ ሞኣቤ ጊሻስ ዬኪዴስ፤ ኢዚፔ ጎዴቲዳ ኣሳቲ ዞኣሬ ጋካናስ፥ ኤጊላቴ-ሻሊሺያ ጋካናስ ባቃቲዳ፤ ኢስቲ ኣፉን ጉሲሼ ፑዴ ሉሂቴ ኬዚዳ፤ ቃሴ ሆሮናይሜ ኤፊዛ ኦጌራ ቢሼ ባንቲ ያናይሳስ ዋሲዳ።

ኢሳያሳ ቲንቢቴ 5:7

ኡባፌ ዎልቃማ ጎዳ ዎይኔ ቶኪዛ ጋዴይ ኢስራኤሌ ኣሳ። ዩሁዳ ኣሳይ ኢዚ ኡፋዬቲዛ ኣታኪልቴ። ኢስቲ ሱሬ ፒርዳ ፒርዳና ጊዲ ናጊዴስ፤ ጊዶ ኣቲን ሱ ጉሲሺን ቤዪዴስ። ኢዚ ጺሎቴ ኮዪዴስ፤ ጊዶ ኣቲን ሜቶ ዋሶ ሲዪዴስ።

ኤርማሳ ቲንቢቴ 10:10

ጊዶ ኣቲን ጎዳይ ቱሙ ጾሳ፤ ኢዚ ዴኦ ጾሳኔ ሜርና ካዎ። ኢዚ ሃንቄቲዛ ዎዴ ቢታይ ቃጼስ፤ ካዎቴቲካ ኢዛ ዪሎ ዳንዳዬቴና።

ኤርማሳ ቲንቢቴ 46:12

ካዎቴቲ ኔ ዬላቴ ሲያና፤ ኔ ዬሆይ ቢታ ኩማና፤ ኦላንቻይ ኦላንቻራ ኦይኬቲ ኩንዳና» ጌስ ጎዳይ።

ኤርማሳ ቲንቢቴ 49:19

ጎዳይ፥ «ጋሞይ ዮርዳኖሴ ዎራታፔ ሜሄ ሄሚዛ ዴምባን ኬዚ ዎዛ ማላ ታኒካ ኤዶሜይ ቆፖንታ ዲሺን ኬዛ ዎና፤ ኢዛ ቢታፌ ታ ኢዛ ጎዳና፤ ታ ዶሪዳይሳ ኢዛ ቦላ ሹማና፤ ታ ማላይ ኦኔ? ታናራ ኤቄታና ዳንዳይዛይ ኦኔ? ታናራ ኤቄታና ዳንዳይዛ ሄንንቻይ ኦኔ?» ጌስ።

ኤርማሳ ቲንቢቴ 49:21

ኤዶሜ ኩንዴ ጊሪሲ ቢታ ቃና፤ ኢስታ ዋሶይካ ዞኦ ኣባ ጋካናስ ኮሹሜስ።

ኤርማሳ ቲንቢቴ 51:29

ባቢሎኔ ኦኒካ ዶንታ ባዞ ቢታ ሂስታናስ ጎዳይ ቆፒዳ ቆፋይ ፖሌታና ዎዴይ ጋኪዳ ጊሻስ ቢታይ ኮኮሬስ፤ ሜቶንካ ፖፖርቁ ጌስ።

ኤርማሳ ቲንቢቴ 51:54

«ባቢሎኔፔ ዋሶይ ሲዬታና፤ ኢስታ ቢታፌ ጊታ ባሻ ጬንጉርሲ ሲዬታና።

ሂዚቄላ ቲንቢቴ 26:18

ሃኢ ኔ ኩንዴ ጋላስ ኣባ ጋጻን ዲዛ ዴሬቲ ሂርጊዳ፤ ኔ ላሌቲዳ ጋሶን ሃሩሮቲካ ቃጺዳ› ጌስ።

ሂዚቄላ ቲንቢቴ 27:28

ኔ ማርካቤ ሶሎሊሲዛይቲ ዋሲሺን፥ ኣባ ጋጻን ዲዛይቲ ያርኪያርኬቴስ።

ሂዚቄላ ቲንቢቴ 31:16

ዱጌ ዱፎን ጌሊዛይታራ ታ ኢዛ ጌልዛ ዎዴ ኢዚ ኩንዲሺን ሲዬቲዳ ጊሪሳይ ካዎቴታ ዳጋንዴስ፤ ሄሳፌ ጉዬ ኤዴኔ ሚቲ፥ ዱማኔ ዶሬቲዳ ሊባኖሴ ሚቲ፥ ሃ ካሊዳ ሚቲ ኡባይ ቢታ ጋርሳን ዲሼ ሚኔቲዳ።

ሂዚቄላ ቲንቢቴ 32:10

ዳሮ ኣሳይ ኔ ቦላ ጋኪዳ ሜቶን ዳጋማና ማላ ታ ኦና፤ ታኒ ታ ማሻ ኢስታ ሲንን ሾዳ ሴሲሺን ኔ ቦላ ጋኪዳ ሃኖዛ ጋሶን ኢስታ ካዎቲ ዳጋማን ኖዡ ጋና፤ ኔኒ ኩንዲዛ ጋላስ ኢሶይ ኢሶይ ባ ሼምፖስ ያሻን ኣይፌ ቂጶን ኮኮራና።