ኤርማሳ ቲንቢቴ 50:44 - ጋሞ ማጻፋ

⁴⁴ ጋሞይ ዮርዳኖሴ ዎራታፔ ሜሄ ሄሚዛ ዴምባን ኬዚ ዎዛ ማላ ታኒካ ባቢሎኔይ ቆፖንታ ዲሺን ኬዛ ዎና፤ ኢዚ ቢታፌ ታ ኢዞ ጎዳና፤ ታ ዶሪዳይሳ ኢዚ ቦላ ሹማና፤ ታ ማላይ ኦኔ? ታናራ ኤቄታና ዳንዳይዛይ ኦኔ? ታናራ ኤቄታና ዳንዳይዛ ሄንንቻይ ኦኔ?

Geeshsha Maxaafa

⁴⁴ Gaammoy Yordaanoose woratappe mehe heemmiza demban kezi wodhdhiza mala tanikka Baabilooney qoppontta dishin keza wodhdhana; izi biittafe ta izo gooddana; ta dooridayssa izi bolla shuumana; ta malay oonee? tanara eqettana dandayzay oonee? tanara eqettana dandayza heenththanchchay oonee?

ኤርማሳ ቲንቢቴ 50:44 ပူးပေါင်းရင်းမြစ်များ

ዬ ማጻፋ 89:6

ሳሎን ጎዳራ ሊኬታናስ ዳንዳይዛይ ኦኔ? ሳሎ ሜቴታ ጊዶንካ ጎዳ ማላይ ኦኔ?

ዬ ማጻፋ 89:8

ኣቤት ጎዳዉ! ኡባፌ ዎልቃማ ጾሳዉ! ኔ ማላ ዎልቃማይ ኦኔ? ኣቤት ጎዳዉ! ኔኒ ኡባ ሚሻን ኣማኔቲዳዴ።

ኬሳ ማጻፋ 15:11

«ኣቤት ጎዳዉ! ኤቃ ጾሳታ ጊዶን ኔ ማላይ ኦኔ? ጌሻቴን ቦንቼቲዛይ፥ ቦንቾን ባቢሲዛይኔ፥ ማላሊሲዛ ሚሽ ኦዛይ ኔ ማላይ ኦኔ?

ኢሳያሳ ቲንቢቴ 40:18

ሂስቲን ኢንቴ ጾሳ ኦናራ ጊኒሴቲ? ኣይ ሚስሌራ ጋ ጊኒሴቲ?

ኢሳያሳ ቲንቢቴ 40:25

ጌሻዚ ኢስታስ፥ «ታና ኦናራ ጊኒሴቲ? ታናራ ጊናቲዛይ ኦኔ?» ጌስ።

ኢሳያሳ ቲንቢቴ 41:25

«ታኒ ፑዴሃ ባጋፌ ኢሳ ዴንዲስ፤ ኢዚካ ዬስ። ኣርሼይ ሞኪዛ ባጋራ ዪዛይሲ ታ ሱን ጼይጊዛይሳ፤ ማናይ ኡርቃ ዬዛ ማላ ኢዚ ካሌዛይታካ ዬስ።

ኢሳያሳ ቲንቢቴ 43:10

«ኢንቴ ታና ኤራና ማላኔ ኣማናና ማላ፥ ኢዚ ታና ጊዲዳይሳ ኢንቴ ኣኬካና ማላ፥ ታ ማርካቲኔ ታ ዶሪዳ ታ ኣይሌቲ ኢንቴና። ታፔ ካሴ ሃራ ጾሲ ኦሴቲቤና፤ ታፔ ጉዬንካ ሃራ ጾሲ ዴና።

ኢሳያሳ ቲንቢቴ 46:11

ኣርሼይ ሞኪዛ ባጋፌ ቦንቂዛ ኣርጋን፥ ሃሆ ቢታፌ ታ ቆፋ ፖሊዛ ኣስ ታኒ ጼይጋና። ታ ዮቲዳይሳ ታ ኦና፤ ታ ሃልቺዳይሳ ታ ፖላና።

ኢሳያሳ ቲንቢቴ 46:9

ካሴ ቤኒ ዎዴ ሃኒዳ ዮኦታ ኣኬኪቴ፤ ታኒ ጾሳ፤ ታፔ ሃራይ ዴና፤ ታኒ ጾሳ፤ ታ ማላይ ኦኒካ ዴና።

ኢሳያሳ ቲንቢቴ 48:14

«ኢንቴ ኡባይካ ኢሲ ቦላ ሺቂዲ ሲዪቴ፤ ኤቃ ጾሳታፔ ካሴ ሃይታንታ ዮቲዳይ ኦኔ? ጎዳስ ዶሬቲዳ ላጌይ ኢዚ ባቢሎኔ ቦላ ሃልቺዳይሳ ፖላና፤ ኢዛ ቄሴይካ ባቢሎኔታ ቦላ ጊዳና።

ኤርማሳ ቲንቢቴ 12:5

ጎዳይ ኤርማሳስ፥ «ኔኒ ቶሆን ዎጺዛ ኣሳታራ ዎጻዳ ዳቡርኮ ፓራራ ዋና ጋዴ ዎጻኔ? ኔኒ ሳሮ ቢታን ጴቲኮ፥ ዮርዳኖሴ ዎራ ጋርሳን ዋና ሄሜታኔ?

ኤርማሳ ቲንቢቴ 25:38

ጋሞይ ባ ኣቂዛሶፔ ዬጊ ቢዛ ማላ ኡንኤዛይሳ ማሻፌኔ ጎዳ ሃንቆፌ ዴንዲዳይሳን ኢስታ ቢታያ ቡላ ጊዳና።

ኤርማሳ ቲንቢቴ 30:21

ኢስታ ካሌዛይ ኢስታ ባጋፌ ጊዳና፤ ኢስታ ኣይሲዛይ ኢስታ ጊዶፌ ዴንዳና፤ ታኒ ኢዛ ታኮ ሺሻና፤ ኢዚካ ታኮ ሺቃና። ታ ሺሾንታ ዲሺን ጻሊዲ ታኮ ሺቃናይ ኦኔ?

ኤርማሳ ቲንቢቴ 50:15

ኡባ ባጋራካ ኢዚ ቦላ ማጉሊቴ! ኢዛ ኢንቴስ ኩሼ ኢማና፤ ኢዚ ሚጻቲኔ ጊምቤቲ ላሌታና፤ ሃይሲ ጎዳይ ሃሎ ኬሲዛ ኦጌ ጊዲዳ ጊሻስ ኢንቴ ኢዚ ቦላ ሃሎ ኬሲቴ፤ ኢዛ ሃራታ ቦላ ኦዳ ማላ ኢንቴ ኢዚ ቦላ ኦቴ።

ዛካራሳ ቲንቢቴ 11:3

ሄን ናይታ ዋሶ ሲዪቴ፤ ኢስታ ቦንቾይ ቃሬቲዴስ፤ ዮርዳኖሴ ሻፋ ዶናን ዲዛ ፒ ጊዳ ዎራይ ዉሪዳ ጊሻስ ጋሞታ ጻጎ ሲዪቴ።

ታይቦ ማጻፋ 16:5

ቆሬሲኔ ኢዛ ካሊዛይታስ፥ «ዎንቶ ማላዶ ጎዳይ ኢዛስ ዱማቲዳይቲ ኦናንታኮ ኢዚ ሻኪ ኑና ቤሳና፤ ሄሲካ ባስ ጊዲዛይታኔ ባ ዶሪዳይታ ባስ ኦና ማላ ባኮ ሺሺ ኤካና።