ኤርማሳ ቲንቢቴ 50:34 - ጋሞ ማጻፋ

³⁴ ጊዶ ኣቲን ኢስታ ዎዚዛይ ሚኖ፤ ኢዛ ሱንይካ ጎዳ ኡባፌ ዎልቃማ ጾሳ፤ ኢስቲ ቢታስ ሼምፖ ኢማናስ ኬሂ ባጼቴስ፤ ጊዶ ኣቲን ባቢሎኔን ዲዛይታስ ሼምፖ ይሴስ» ጌስ።

Geeshsha Maxaafa

³⁴ Gido attiin istta wozzizay mino; iza sunththayka GODAA Ubbaafe Wolqqama Xoossaa; istti biittas shemppo immanaas keehi baaxetees; gido attiin Baabiloonen dizaytas shemppo dhayssees» gees.

ኤርማሳ ቲንቢቴ 50:34 ပူးပေါင်းရင်းမြစ်များ

2ታሪኬ ማጻፋ 6:39

ኔኒ ኢስታ ዎሳኔ ሾቤ ሳሎን ዳሼ ሲያ። ኢስቲ ኔና ዎሲዳይሳካ ኢስታስ ኢማ፤ ኔና ቆሂዳ ኔ ዴራ ናጋራ ኣቶ ጋ።

ኢዮቤ ማጻፋ 19:25

ጊዶ ኣቲን ታና ኣሺዛይሲ ፓጻ ዴኢዛ ማላ ዉርሴ ዎዴን ታና ዎዛናስ ቢታ ቦላ ኢዚ ኤቃናይሳ ታኒ ኤራይስ።

ዬ ማጻፋ 35:1

ኣቤት ጎዳዉ! ታናራ ኤቄቲዛይታራ ኔኒ ኤቄታ፤ ታናራ ኦሌቲዛይታራ ኔኒ ኦሌታ።

ዬ ማጻፋ 43:1

ኣቤት ጾሳዉ! ኔ ታስ ፒርዳ፤ ጾሳ ኤሮንታ ካዎቴታራ ኔ ታ ጊሻስ ሞቴታ፤ ጪሚዛ ኣሳታፔኔ ኢታ ኣሳታፔ ታና ኣሻ።

ኬሳ ማጻፋ 6:6

«ሄሳ ጊሻስ ኔኒ ኢስራኤሌ ናይታስ፥ ‹ታኒ ጎዳ፤ ታኒ ኢንቴና ጊብጼ ኣሳ ቆሆፔ ኬሳና፤ ታኒ ኢንቴና ኢስታ ኣይሌቴፌካ ጎቻ ኬሳና፤ ቃሴ ታኒ ኢንቴና ታ ጊታ ዎልቃኒኔ ዱማ ዱማ ፒርዳን ዎዛና።

ሌሚሶ ማጻፋ 22:23

ኣይስ ጊኮ ጎዳይ ኢስታ ጊሻስ ሞቴታና፤ ኢስታ ቦንቂዳይታካ ኢዚ ቦንቃና።

ሌሚሶ ማጻፋ 23:11

ኣይስ ጊኮ ኢስታ ኣሺዛ ጎዳይ ሚኖ፤ ኢዚ ኢስታ ጊሻስ ኔናራ ሞቴታና።

ኢሳያሳ ቲንቢቴ 41:14

ኔኖ ጉጹኔዞ ያቆቤ፥ ኔኖ ቄሪ ኢስራኤሌ፥ ‹ያዮፋ ታኒ ኔና ማዳና› ጌስ። ኔና ዎዚዛይ ኢስራኤሌ ጌሻዛ።

ኢሳያሳ ቲንቢቴ 43:14

ጎዳይ ኢንቴና ዎዚዛ ኢስራኤሌ ጌሻይ፥ «ኢንቴ ጊሻስ ባቢሎኔ ቦላ ኦላንቻታ ኪታና፤ ኢስቲ ጬቄቲዛ ማርካቤታን፥ ባቢሎኔታ ኡባ ቤታና ማላ ኦና።

ኢሳያሳ ቲንቢቴ 44:6

ኢስራኤሌ ካዎይኔ ኢስታ ዎዚዛይ፥ ጎዳይ ኡባፌ ዎልቃማ ጾሳይ፥ «ኮይሮይ ታና፤ ዉርሴካ ታና። ታፔ ሃራ ጾሲ ባዋ።

ኢሳያሳ ቲንቢቴ 47:4

ኑና ዎዚዛ ኢስራኤሌ ጌሻስ፥ ሱንይ ጎዳ ኡባፌ ዎልቃማ ጾሳ።

ኢሳያሳ ቲንቢቴ 49:25

ጊዶ ኣቲን ጎዳይ፥ «ቱሙካ ኦላንቻቲ ዲኢ ኤፊዳ ሚሽ ኬሲ ኤካናስ፥ ሜንጼ ኢታታ ኩሼፔ ዲኤቲዳይታ ኣሻናስ ዳንዳዬቴስ፤ ኔናራ ኦሌቲዛይታራ ታ ኦሌታና፤ ኔ ናይታካ ታኒ ኣሻና።

ኢሳያሳ ቲንቢቴ 51:22

ባ ዴራ ኣሺዛ ኔ ጎዳይ ኡባፌ ዎልቃማ ጾሳይ፥ «ቤኣ፤ ኔና ጋንዲጋርሲዛ ኡሻ ኔ ኩሼፔ ታ ኤካዲስ፥ ታ ሃንቆ ጹኣፔ ናምኣን ኡያካ።

ኢሳያሳ ቲንቢቴ 54:5

ኔና ሜዳይሲ ኔስ ኣዚና፤ ኢዛ ሱንይካ ኡባፌ ዎልቃማ ጎዳ። ኔና ዎዚዳይ ኢስራኤሌ ጌሻ፤ ኢዚ ቢታ ኡባ ጾሳ ጌቴቴስ።

ኤርማሳ ቲንቢቴ 10:16

ጊዶ ኣቲን ያቆቤ ቃዳይ ሄይታ ማላ ጊዴና። ጋሶይካ ኢዚ ኡባ ሜዳይሳ፤ ኢስራኤሌይ ዶሬቲዳ ዴሬ። ኢዛ ዶሪዳይሳ ሱንይ ኡባፌ ዎልቃማ ጎዳ ጾሳ።

ኤርማሳ ቲንቢቴ 15:21

ኢታታ ኩሼፔ ታኒ ኔና ዎዛና፤ ሜንጼ ኢታታ ቆሆፔካ ታ ኔና ኣሻና» ጌስ።

ኤርማሳ ቲንቢቴ 30:20

ኢስታ ዜሬይ ቤኒ ዎዴ ዲዛ ማላ ዳና፤ ኢስታ ማባራይካ ታ ሲንን ሚኒ ኤቃና፤ ኢስታ ኡንኤዛ ኡባካ ታኒ ቃጻያና።

ኤርማሳ ቲንቢቴ 31:11

ጋሶይካ ጎዳይ ያቆቤ ዎዛና፤ ኢዛፔ ሚኒዛይታ ኩሼፔ ኢዛ ኬሲ ኤካና።

ኤርማሳ ቲንቢቴ 31:35

ጋላሳን ፖኢሳና ማላ ኣርሼ ዎዳይ፥ ኦማርሳን ፖኢሳና ማላ ኣጊናኔ ጾሊንቴታ ኣዛዚዳይ፥ ዳምባላይ ጉማና ማላ ኣባ ቃዛይ ኢዛ ሱንይ ጎዳ ኡባፌ ዎልቃማ ጾሳ ጌቴቲዛይሲ፥

ኤርማሳ ቲንቢቴ 32:18

ኔኒ ኔ ሲቆኔ ኪያቴ ሺ ዬሌታ ጋካናስ ቤሳሳ፤ ጊዶ ኣቲን ኣዋታ ሞሮ ኢስታ ናይታ ቦላ ዛራሳ። ኣቤት ጊታኔ ዎልቃማ ጾሳዉ! ኔ ሱንይ ጎዳ ኡባፌ ዎልቃማ ጾሳ።

ኤርማሳ ቲንቢቴ 48:15

ቤኢቴ ሞኣቤ ቢታይ ያና፤ ኢዚ ካታማቲካ ዎራጄታና፤ ዶሬቲዳ ኢዚ ዬላጋ ናይቲካ ሹኬታናስ ዱጌ ዎና፤ ኢዛ ሱንይ ጎዳይ ኡባፌ ዎልቃማ ጾሳይ፥

ኤርማሳ ቲንቢቴ 51:19

ያቆቤ ቃዳይ ጊዲኮ ሄይታንታ ማላ ጊዴና፤ ኢዚ ኡባ ሜዳይሳ፤ ኢስራኤሌ ኣሳይ ኢዚ ባስ ዶሪዳ ዴሬ፤ ኢዛ ሱን ጎዳ ኡባፌ ዎልቃማ ጾሳ» ጌስ።

ኤርማሳ ቲንቢቴ 51:36

ሄሳ ጊሻስ ጎዳይ፥ «ኔ ጊሻስ ታ ሞቴታና፤ ኔ ሃሎካ ኬሳና፤ ኢዚ ኣባኔ ፑልቶ ሃታ ታ ሜሊሳና።

ኤርማሳ ዚላስ 3:58

ጎዶ! ኔ ታስ ሞቴታዳ ታና ኣሻዳሳ።

ኢዩኤሌ ቲንቢቴ 2:11

ጎዳይ ባ ኦላንቻታ ሲንን ዳዳ ማላ ጉማና፤ ኢዛ ኦላንቻቲ ኣይ ማላ ዳሮ! ኢዛ ኣዛዞ ኦዛይቲ ኣይ ማላ ዎልቃማ! ቱማፔካ ጎዳ ጋላሳይ ኬሂ ዎልቃማ፤ ኬሂ ባቢሲዛ ሄ ጋላሳ ዳንዳይ ኤቃናይ ኦኔ?

ሚኪያሳ ቲንቢቴ 4:10

ሃኔ ጺዮኔ ማጫ ናዬ! ሚጻቲዛ ማጫሳይ ማላ ኔ ሜቶታና፤ ሃኢ ቃሴ ኔ ካታማፔ ጌዴ ኬዛዳ ጮ ዴምባን ዴኣና ቤሲዛ ጊሻስ ባቢሎኔ ባና፤ ኔ ሄ ባዳ ሄን ኔ ሞርኬታ ኩሼፔ ኣታና፤ ጎዳይ ኔና ሄን ኔ ሞርኬታፔ ኣሻና።

ሚኪያሳ ቲንቢቴ 7:9

ታ ኢዛ ቆሂዳ ጊሻስ ኢዚ ታ ጊሻስ ኤቃና ጋካናሲኔ ታስ ፒርዳና ጋካናስ ጾሳይ ሃንቄቲኮካ ታ ዳንዳያና፤ ኢዚ ታና ፖኦን ኬሳና፤ ታኒካ ኢዛ ጺሎቴ ቤያና።

ዮሃኒሳ ኣጁታ 18:8

ሄሳ ጊሻስ ኢዚ ቦላ ቦሻይ ዉሪካ ኢሲ ጋላስ ጋካና፤ ሃይቆይ፥ ሙዞቴኔ ጋፋይ ኢዞ ጋካና፤ ኢዛ ታማን ጹጌታና፤ ኢዚ ቦላ ፒርዲዛ ጎዳይ ጾሲ ኢዚ ሚኖ» ጊሺን ታኒ ሲያዲስ።