ኤርማሳ ቲንቢቴ 50:26 - ጋሞ ማጻፋ

²⁶ ያራ ሃራ ኢዚ ቦላ ዎራጂቴ፤ ኢዚ ጎታራታ ላሊቴ፤ ዲኤቲዳ ሚሻ ካ ማላ ዶሪቴ፤ ሙሌራ ኢዞ ይሲቴ፤ ኢዚን ኣይኮይካ ኣቶፎ።

Geeshsha Maxaafa

²⁶ Yaara haara izi bolla worajjite; izi gootarata laallite; di7ettida miishsha kaththa mala doorite; mulera izo dhayssite; izin aykkoyka attofo.

ኤርማሳ ቲንቢቴ 50:26 ပူးပေါင်းရင်းမြစ်များ

ኢሳያሳ ቲንቢቴ 10:6

ኢስታ ኣቆታ ቦንቃና ማላ፥ ባንታስ ዲኦ ቡሪ ሺሻና ማላ፥ ኢስቲ ኦጌ ኡርቃ ዬታና ማላ፥ ጾስ ኤሮንታ ካዎቴ ቦላ ኪታና። ታና ሃንቄዳ ኣሳ ቦላ ታኒ ኣሶሬታ ዬዳና።

ኢሳያሳ ቲንቢቴ 14:23

ታኒ ባቢሎኔ ቁጻርሳ ኣቆሶኔ ጫሬ ኬሳና፤ ባሻ ፔይጻን ታኒ ኢዞ ፒታ ይሳና» ጌስ።

ኢሳያሳ ቲንቢቴ 25:10

ጎዳ ኩሼይ ሃ ዙማ ቦላ ሼምፓና። ጊዶ ኣቲን ኡቱላይ ኡርቃን ዬቲዛ ማላ ሞኣቤይካ ዬታና።

ኢሳያሳ ቲንቢቴ 45:3

ኔና ኔ ሱንን ጼይጊዳ ጎዳይ፥ ኢስራኤሌ ጾሳይ ታና ጊዲዳይሳ ኔ ኤራና ማላ፥ ጌማሶን ዳጋቲዳ ኣቆታ፥ ማሶን ዲዛ ሃሮ ታ ኔስ ኢማና።

ኢሳያሳ ቲንቢቴ 5:26

ጎዳይ ሃኮን ዴኢዛ ካዎቴታስ ማላታ ቃን ኤሴስ፤ ሳኣ ጋጻን ዴኢዛ ሞርኬታስካ ዋይቄስ፤ ኢስቲካ ኤሶን ቢቻሪሼ ፑቱ ጋና።

ኤርማሳ ቲንቢቴ 50:10

ባቢሎኔ ቢታይ ቦንቄታና፤ ኢዞ ቦንቂዛይቲ ባስ ጊዳናሼ ጋካናስ ቦንቃና» ጌስ።

ኤርማሳ ቲንቢቴ 50:13

ጎዳ ሃንቆ ጋሶን ኢዛ ባዞ ጊዳና ኣቲን ኣሲ ኢዚን ዴና፤ ኢዚ ቦላ ጋኪዳ ባሻ ጋሶን ባቢሎኔራ ኣ ቢዛ ኡባይ ማላሌቲሼ ኢዛ ቂና።

ኤርማሳ ቲንቢቴ 50:15

ኡባ ባጋራካ ኢዚ ቦላ ማጉሊቴ! ኢዛ ኢንቴስ ኩሼ ኢማና፤ ኢዚ ሚጻቲኔ ጊምቤቲ ላሌታና፤ ሃይሲ ጎዳይ ሃሎ ኬሲዛ ኦጌ ጊዲዳ ጊሻስ ኢንቴ ኢዚ ቦላ ሃሎ ኬሲቴ፤ ኢዛ ሃራታ ቦላ ኦዳ ማላ ኢንቴ ኢዚ ቦላ ኦቴ።

ኤርማሳ ቲንቢቴ 50:23

ኣላሜ ኡባ ሊቂሲዛ ማዶሻይ ዋኒ ሜቂዴ? ዋኒ ሊቂዴ? ካዎቴታ ጊዶን ዋና ባቢሎኔይ ቡላ ጊዳዴ?

ኤርማሳ ቲንቢቴ 50:41

«ቤኢቴ! ፑዴሃ ባጋፌ ኣሳይ ዬ ቦላ ዴስ፤ ኢሲ ዎልቃማ ካዎቴኔ ዳሮ ካዎቲ ሳኣ ጋጻፔ ዴንዲዳ።

ኤርማሳ ቲንቢቴ 51:44

ቤሌ ታኒ ባቢሎኔን ቃጻያና፤ ኢዚ ሚቲዳይሳካ ታ ጮሻና፤ ሃይሳፌ ካዎቴይ ኢዛኮ ጎጌና፤ ባቢሎኔ ጊምቤይ ኩንዳና።

ኤርማሳ ቲንቢቴ 51:64

ሂስታዳ፥ ‹ባቢሎኔይካ ታ ኢዚ ቦላ ኤሂዛ ባሻፌ ዴንዲዳይሳን ሃይሳ ሚቴታና፤ ናምኣን ሲማ ዴንዱኩ፤ ኢዚ ኣሳይካ ኩንዳና› ጋ» ጌስ። ኤርማሲ ሃሳይዳ ቃላይ ሃይሳን ፖሌቲዴስ።

ሚኪያሳ ቲንቢቴ 7:10

ታ ሞርኬዛካ ሄሳ ቤያንዱስ፤ ኢዛ ዬላታና። ታና፥ «ጎዳ ኔ ጾሳይ ኣዋን ዲዜ?» ጊዳሪ ኩንዴ ታ ኣይፌቲ ቤያና፤ ኦጌ ኡርቃ ማላ ኢዛ ዬታና።

Maatosa 6:26

ኣኔ ሳሎ ካፎታ ጼሊቴ! ዜሬቴና፤ ማጼቴና፤ ዲኤን ቆሌቴና፤ ጊዶ ኣቲን ኢንቴ ሳሎ ኣዋይ ኢስታ ሚዜስ። ኢንቴ ኢስታፌ ኬሂ ኣኬቲ?

ዮሃኒሳ ኣጁታ 14:19

ኪታንቻዚካ ባጫዛ ዱጌ ቢታ ቦላ ዬዲዲ ቢታን ዲዛ ዎይኔ ሚ ኣይፌዛ ጫኪዲ ጾሳ ሃንቆይ ኢዛን ቆንጪዛ ዎይኔ ኣይፌ ኢዛን ጉምኢዛ ዎጋ ኦላን ዬጊዴስ።

ዮሃኒሳ ኣጁታ 19:15

ኣይዛቤታ ኢዛራ ቃንጺዛ ቃራ ማሻይ ኢዛ ዶናፔ ኬዜስ፤ ኢዚ ኢስታ ቢራታ ጉፌራ ሃራና፤ ኢዚ ዉርሲካ ዳንዳይዛ ጾሳ ሚኖ ሃንቆ ቆንጪሲዛ ዎይኔ ጫጄ ዬዛሶን ኢስታ ዬና።