ኤርማሳ ቲንቢቴ 49:29 - ጋሞ ማጻፋ

²⁹ ኢስታ ዱንካኔታኔ ኢስታ ዉዴታ ኤኪቴ! ኢስታ ኣቆሶይኔ ኢስታ ጋሜላቲ ኡባይ ኣቶንታ ኤኬታና፤ ሂስቲዲ ኢስታስ፥ ‹ኢስታ ቦላ ሺሮ ቦላ ሺሮይ ዪዴስ› ጊዲ ዋሳና።

Geeshsha Maxaafa

²⁹ Istta dunkaanetanne istta wudeta ekkite! Istta aqosoynne istta gaamellati ubbay attontta ekettana; Histtidi isttas, ‹Istta bolla shiro bolla shiroy yides› giidi waassana.

ኤርማሳ ቲንቢቴ 49:29 ပူးပေါင်းရင်းမြစ်များ

ሜቴ ማጻፋ 37:25

ኢስቲ ባ ቁማ ማናስ ኡቲዳሼ ኢስማኤሌ ዴሬ ኣሳቲ ጊብጼ ባናስ ጋላኣዴፔ ዪዛይታ ቁ ጊዲ ቤኢዳ፤ ኢስቲ ባ ጋሜላን ሳዎ፥ ባላሳኔ ጌቴቲዛ ሌኔ ካርቤ ጫኒ ዎዳ።

ኢዮቤ ማጻፋ 1:3

ሃሮ ባጋራካ ኢዛስ 7,000 ዶርሳቲ፥ 3,000 ጋሜላቲ፥ 500 ዋ ቦራቲኔ 500 ሃሬቲ ዴቴስ፤ ቃሴካ ኬሂ ዳሮ ኣይሌቲ ዴቴስ። ኣርሼይ ሞኪዛሶ ባጋራ ኢዛ ማላ ዱሬኔ ጊታ ኣሲ ሃራይ ዴና።

ዬ ማጻፋ 120:5

ታ ሜሼኬ ዴራ ጊዶን ዳይስ፤ ቄዳሬ ዱንካኔንካ ኡቲዳ ጊሻስ ታስ ኣዬ ኣና!

ዬ ማጻፋ 31:13

ታኒ ዳሮቲ ሳሱኬቲሺን ሲያዲስ፤ ዳጋማይ ኡባሶራ ዴስ፤ ኢስቲ ታ ቦላ ጌኔን ዱላቴቴስ፤ ታና ዎናዉካ ማቄቴቴስ።

ኢሳያሳ ቲንቢቴ 13:20

ሄ ቢታን ሙሌካ ኣሲ ዴኤና፤ ኢዚን ኡቲዛ ኣሲካ ዴና፤ ኣራቤ ኣሲካ ሄን ባ ዱንካኔ ቶኬና፤ ሜሄ ሄሚዛይቲካ ባንታ ዉዴ ሄን ሼምፒሴቴና።

ኢሳያሳ ቲንቢቴ 60:7

ቄዳሬፔ ዶርሳታ ዉዴይ ኡባይ ኔኮ ሺቃና፤ ኔባዮቴ ዴሬ ርሾቲ ኔና ጎኣና፤ ሃይታንቲ ታስ ያርሾ ያርሺዛሶዛ ቦላ ኤኬቲዳ ያርሾታ ጊዳና፤ ታኒካ ታ ቦንቾ ኬ ፑላሳና።

ኤርማሳ ቲንቢቴ 10:20

ታ ዱንካኔይ ላሌቲዴስ፤ ኢዛ ዎዶሮይ ኡባይ ዱጼሬቲዴስ። ታ ናይቲ ኡባይ ታፔ ሻኬቲዲ ቢቺዳ፤ ሃይሳፌ ጉዬ ሲሜቴና፤ ታ ዱንካና ዛሪዲ ቶላናስ ዎይኮ ታ ማጋላሻ ካቃናስ ሃኢ ኢሲ ኣሲኔ ኣቲቤና።

ኤርማሳ ቲንቢቴ 4:20

ኢታ ሚሺ ኢታ ሚሽ ካሌስ፤ ሙሌ ቢታይ ሞሬቲዴስ፤ ታ ዱንካኔቲኔ ማጋላሻቲ ኤሶን ይዳ።

ኤርማሳ ቲንቢቴ 46:5

ጊዶ ኣቲን ሃይሲ ታኒ ቤኢዛይ ኣዜ? ኬሂ ያዪዲ ጉዬ ኡንዱዴቴስ፤ ዎልቃማ ኢስታ ኦላንቻቲ ጾኔቲዳ፤ ጉዬ ሲሚ ጼሎንታ ኤሶን ባቃቴቴስ፤ ኡባሶን ሺሮይ ዴስ።

ኤርማሳ ቲንቢቴ 49:24

ዳማስቆይ ዳቡራዱስ፤ ባቃታናስ ጉዬ ሲማዱስ፤ ኮኮራዱስ፤ ሚጻይ ኦይኪዳ ማጫሳ ማላ ጬጬይኔ ቱጋይ ኢዞ ኦይኪዴስ።

ኤርማሳ ቲንቢቴ 49:5

ታኒ ኔ ዩሾን ዲዛይታፔ ኔ ቦላ ሺሮ ኤሃና፤ ኢንቴ ኡባይካ ጎዴታና፤ ባቃታ ቦላ ዲዛይታ ሺሻና ኣሲ ቤቴና።

ኤርማሳ ቲንቢቴ 6:25

ሞርኬይ ማሻ ጊጺዴስ፤ ኡባሶን ሺሮይ ኩሚዴስ፤ ሄሳ ጊሻስ ካሬ ኬዞፒቴ፤ ኦጌንካ ሄሜቶፍቴ።

ኢምባቆ ቲንቢቴ 3:7

ቶጵያ ዱንካኔቲ ሜቶቴቲሺን፥ ሚዲያሜታ ዱሳሶይ ቡልኣኬቲሺን ታ ቤያዲስ።

2ቆሮንቶሴ ኣሳስ 4:8

ኣዋ ባጋራካ ኑና ሱጊኮካ ኑኒ ቲን ጊ ሜቆኮ፤ ኑስ ዮኦይ ቲፒ ጊኮካ ሂዶታ ቃንጾኮ።

2ቆሮንቶሴ ኣሳስ 7:5

ኑኒ ማቂዶኒያ ጋኪዳ ዎዴካ ዱማ ዱማ ባጋራ ሜቶይ ኑና ጋኪዴስ ኣቲን ኑኒ ኣይኮካ ሼምፖ ዴሚቤኮ፤ ኑስ ሶራ ሂርጋይ፥ ካሬራ ቃሴ ኦሺ ዴስ።

ዳናታ ማጻፋ 6:5

ባንታ ሜሄታኔ ባንታ ዱንካኔታ ኤኪዲ ቦሌይ ዪዛ ማላ ዳሪዲ ዬቴስ፤ ኢስታኔ ኢስታ ጋሜላታ ቆዳናስ ዳንዳዬቴና፤ ኢስታ ዩሳይካ ቢታ ይሳናሳ።

ዳናታ ማጻፋ 7:12

ሄ ዎዴ ቦሌ ማላ ጮራቲዳ ሚዲያሜ ኣሳይ ኣማሌቄ ኣሳይኔ ኣርሼ ኬሳ ባጋራ ዲዛ ኣሳይ ኡባይ ሾባ ጊዶን ዱንካኒ ኡቲዴስ። ኢስታ ጋሜላቲ ኣባ ዶናን ዲዛ ኣጬ ማላ ቆዳፔ ዳሮ።

ዳናታ ማጻፋ 8:21

ሄሳፌ ጉዬ ዜባሃይኔ ጻልሙናይ ጌዶኔ፥ «ሃይቆይ ኣቶንታሼ ዴንዳዳ ኑና ኔኒ ዎ» ጊዳ፤ ሄሳ ጊሻስ ጌዶኒ ዴንዲዲ ኢስታ ዎዴስ፤ ኢስታ ጋሜላታ ቆን ዲዛ ኣሌቆ ሚሻታ ኡባ ኤኪዴስ።

ዳናታ ማጻፋ 8:26

ሄሲካ ሃራ ኣሌቆታ፥ ቆን ኣዛ ጎዝዳታ፥ ሚዲያሜታ ካዎቲ ማይኢዛ ኦቻ ቴራ ሚሳቲዛ ማይኦታኔ ኢስታ ጋሜላታ ቆፔ ኤኬቲዳ ኣሌቆታ ጉጆንታ ጌዶኒ ኤኪዳ ሃይ ዎርቃይ 20 ኪሎ ጊራሜ ጊዲዛዛ።