ኤርማሳ ቲንቢቴ 46:25 - ጋሞ ማጻፋ

²⁵ ኡባፌ ዎልቃማ ጎዳ ኢስራኤሌ ጾሳይ፥ «ቴቤሴ ጾሳ ኣሞኔ ቦላ፥ ፓሮኔ ቦላ፥ ጊብጼ ቦላኔ ኢዚ ኤቃ ጾሳታ ቦላ፥ ኢዚ ካዎታ ቦላኔ ፓሮኔን ኣማኔቲዛይታ ቦላ ታኒ ቂጻቴ ኤሃና።

Geeshsha Maxaafa

²⁵ Ubbaafe Wolqqama GODAA Isra7eele Xoossay, «Teebeese xoossa Amoone bolla, Paaroone bolla, Gibxe bollanne izi eeqa xoossata bolla, izi kawota bollanne Paaroonen ammanettizayta bolla tani qixaate ehana.

ኤርማሳ ቲንቢቴ 46:25 ပူးပေါင်းရင်းမြစ်များ

ኬሳ ማጻፋ 12:12

«ታኒ ሄ ጋላስ ቃማራ ጊብጼ ቢታራ ሄሜታሼ ባይራ ዬሌቲዳ፥ ኣሴካ ሜሄካ ኡባ ዎና። ጊብጼ ኤቃታ ኡባ ቦላካ ታኒ ፒርዳና፤ ታኒ ጎዳ ጊዲኪና?

ኢሳያሳ ቲንቢቴ 19:1

ጊብጼ ጊሻስ ዮቴቲዳ ቃላይ፥ «ቤኢቴ፥ ጎዳይ ኤሶቲዛ ሻራ ቶጊዲ ጊብጼ ዬስ። ጊብጼ ኤቃ ጾሳቲ ኢዛ ሲንን ኮኮሬቴስ፤ ጊብጼ ዎዚናይ ኢስታ ጊዶን ሴሬስ» ጌስ።

ኤርማሳ ቲንቢቴ 44:30

ሄሲካ፥ ‹ታኒ ዩሁዳ ካዎ ሴዴቂያሲ ኢዛስ ሞርኬ ጊዲዲ ኢዛ ዎናስ ኮይዛ ባቢሎኔ ካዎ ናቡካዳናጾሬ ዎናስ ኮይዛ ኢዛ ሞርኬታስ ታ ኣ ኢማና› ጌስ ጎዳይ» ጊዴስ።

ኤርማሳ ቲንቢቴ 49:3

ሃኔ ሃሴቦኔ! ኣዬ ካታማይ ይዳ ጊሻስ ዬካ፤ ኤራባ ማጫ ናይቶ ዋሲቴ፤ ማቃ ማይኢዲ ዬኪቴ፤ ጋሶይካ ሚልኮሜይ ባ ቄሴታራኔ ባ ሹሜታራ ዲኤቲዲ ባና፤ ዲርሳ ጊዶን ያኔ ሃ ዎጼሬቲቴ።

ሂዚቄላ ቲንቢቴ 30:22

ሄሳ ጊሻስ ኡባ ሃሪዛ ጎዳይ፥ ‹ታኒ ጊብጼ ካዎ ፓሮኔ ቦላ ዴንዳዲስ፤ ኢዛስ ፓጻ ቄሴዛራኔ ሜቆ ቄሴዛራ ናምኣ ጋ ሜንና፤ ኢዛ ማሻይ ኢዛ ኩሼፔ ኬሲ ኤኪ ዎና ማላ ታ ኦና።

ሶፎናሳ ቲንቢቴ 2:11

ጎዳይ ሄ ቢታ ኤቃ ጾሳታ ኡባ ይሲዛ ዎዴ ኢዚ ኢስታ ያሺሲዛይሳ ጊዳና፤ ኣባ ኣቻን ዲዛ ዴሬቲ ኡባይ ኢሶይ ኢሶይ ባ ዲዛሶን ዲሼ ኢዛስ ጎይናና።