ኤርማሳ ቲንቢቴ 44:17 - ጋሞ ማጻፋ

¹⁷ ኑኒ ኦና ጊዳ ሚሽ ኡባ ኦስ፤ ኑኒ፥ ኑ ኣዋቲ፥ ኑ ካዎቲኔ ኑ ሃላቃቲ ዩሁዳ ካታማታኒኔ ዬሩሳላሜ ኦጌታን ካሴ ኦዳ ማላ፥ ኑኒካ ሳሎ ካዎዮ ጌቴቲዛ ኤቃ ጾሳይስ ኤጻኔ ጩዋሶስ፤ ኡሻ ያርሾካ ኢዚስ ያርሾስ፤ ኑኒ ካሴ ሄሳ ኦዛ ዎዴ ኑስ ቲርፓ ካ ዴስ፤ ኑኒ ሎኦ ዱስ ዴኢዶስ ኣቲን ኣይኮ ኢታካ ቤኢቤኮ።

Geeshsha Maxaafa

¹⁷ Nuni ooththana gida miish ubbaa ooththoos; Nuni, nu aawati, nu kawotinne nu halaqati Yuhuda katamataninne Yerusalaame ogetan kase ooththida mala, nunikka salo kawoyo geetettiza eeqa xoossays exaane cuwasoos; ushsha yarshoka izis yarshoos; nuni kase hessa ooththiza wode nuus tirpa kaththi dees; nuni lo7o duus de7idos attiin aykko iitakka be7ibeekko.

ኤርማሳ ቲንቢቴ 44:17 ပူးပေါင်းရင်းမြစ်များ

2ካዎታ ማጻፋ 17:16

ጎዳይ ኢስታ ጾሳይ ኢስታ ኣዛዚዳይሳ ኡባ ፖሊቤቴና፤ ማራ ሚስሌ ናምኣታኔ ኣሼሪ ሚስሌ ኦዳ። ሳሎ ጾሊንቴሲኔ ባኣሌስ ጎይኒዳ።

2ካዎታ ማጻፋ 22:17

ኣሳይ ታና ኣጊዲ ሃራ ኤቃ ጾሳታስ ኤጻኔ ጩዋሲዳ ጊሻስ፥ ኢስቲ ባ ኩሼን ኦዳ ኤቃ ጾሳታን ታና ሃንቄዳ ጊሻስ ታ ሃንቆይ ሃይሳ ሃ ሶሆዛን ታማ ማላ ኤጺሼ ዴኣና ኣቲን ቶኤና› ጌስ ጊዲ ዮቲቴ።

2ታሪኬ ማጻፋ 28:23

ኢዚካ፥ «ኣራሜ ካዎታ ጾሳቲ ኢስታ ማዲዳ ጊሻስ ታናካ ኢስታ ማዳና ማላ ታኒ ኢስታስ ያርሻና» ጊዲ ባና ጾኒዳ ዳማስቆ ጾሳታስ ያርሺዴስ፤ ጊዶ ኣቲን ሄ ጾሳቲ ኢዛሲኔ ኢስራኤሌ ኣሳ ኡባስ ባሽ ኤሂዳ።

ናሂሚያ ማጻፋ 9:34

ካሴ ኑ ኣዋቲኔ ኑ ካዎቲ፥ ኑና ካሌዛይቲኔ ኑ ቄሴቲ ኔ ዎጋ ናጊቤቴና፤ ቃሴ ኔ ኢስታስ ኢሚዳ ኣዛዞታኔ ሴራ ዞሬ ሲዪቤቴና።

ዬ ማጻፋ 106:6

ኑኒ ኑ ኣዋታ ማላ ናጋራ ኦዶስ፤ ሞሮኔ ኢታ ኦዶስ።

ዬ ማጻፋ 12:4

ኢስቲ፥ «ኑኒ ኑ ኢንጻርሳን ጾናና፤ ኑ ዶናይ ኑሳ፤ ኑስ ጎዳይ ኦኔ?» ጌቴስ።

ኬሳ ማጻፋ 16:3

«ጎዳይ ኑና ጊብጼ ቢታን ባ ኩሼን ዎዳኮ ሎኦኮሺን! ሄን ኑኒ ኣሾ ሚዛ ኬሬዛ ዩዪ ኣ ኡቲዲ ኑኒ ኮዪዳ ማላ ካ ካሊ ሚዶስ፤ ጊዶ ኣቲን ኢንቴ ኑና ሄፔ ኬሲዲ ሃይሳ ዴራ ኡባ ጋፋን ዎናስ ሃ ባዞ ኤሂዴታ» ጊዳ።

ኢሳያሳ ቲንቢቴ 48:5

ሄሳ ጊሻስ ሃይታ ሃ ዮኦታ ቤኒ ታ ኔስ ዮታዲስ፤ ኢስቲ ፖሌታናፔ ሲንን ታ ኔና ኤሪሳ ዎዲስ፤ ሄሲካ፥ ‹ታ ኤቃ ጾሳቲ ሃይሳ ኦዳ፤ ሚፌ ማሴቲዳ ሚስሌቲኔ ቢራታፔ ኦሴቲዳ ታ ጾሳቲ ሃይሳ ታስ ኣዛዚዳ› ጎንታ ማላሳ።

ኤርማሳ ቲንቢቴ 1:16

«ዩሁዳ ኣሳይ ታና ኣጊዲ፥ ሃራ ኤቃ ጾሳታስ ኤጻኔ ጩዋሲዳ ጊሻስ፥ ባ ኩሼን ኦ ኬሲዳይታ ጎይኒዳ ጊሻስ ታ ዴራ ቦላ ፒርዳ ኣዋጃዲስ።

ኤርማሳ ቲንቢቴ 11:12

ሄ ዎዴ ዩሁዳ ካታማታ ኣሳቲኔ ዬሩሳላሜ ኣሳቲ ቢዲ ባንቲ ኤጻኔ ጩዋሲዛ ኤቃ ጾሳታስ ዋሳና፤ ጊዶ ኣቲን ሜቶ ዎዴ ሄ ጾሳቲ ሙሌካ ኢስታ ማዴቴና።

ኤርማሳ ቲንቢቴ 18:15

ታ ዴሬይ ጊዲኮ ታና ባሊዴስ፤ ኢስቲ ጎኦንታ ጾሳታስ ኤጻኔ ጩዋሴቴስ፤ ባንታ ኦጌራ ቢዲ ጴቲዳ፤ ቤኒ ኦጌፔ ካሬ ኬዚዳ፤ ባሴቶንታ ዲዛ ኩንዱኩርጮ ኦጌራ ቢዳ።

ኤርማሳ ቲንቢቴ 19:13

ባንታ ኬ ካራ ቦላ ሳሎ ሜቴታስ ኤጻኔ ጩዋሲዲኔ ኤቃ ጾሳታስ ኡሹ ሺሺዳይቲ ዬሩሳላሜ ኣሳ ኬቲኔ ዩሁዳ ካዎታ ኬቲ ቶፌቴ ማላ ቱናና› ጌስ።

ኤርማሳ ቲንቢቴ 44:21

«ኢንቴኒኔ ኢንቴ ኣዋቲ፥ ኢንቴ ካዎቲኔ ኢንቴ ሹሜቲ፥ ቃሴ ቢታይን ዲዛ ኣሳይ ኡባይ ዩሁዳ ካታማታኒኔ ዬሩሳላሜ ኦጌታን ኢንቴ ኤጻኔ ጩዋሲዳይሳ ጎዳይ ኤሮንታኔ ዶጊዳ ኢንቴስ ሚሳቲዜ?

ኤርማሳ ቲንቢቴ 44:25

ኡባፌ ዎልቃማ ጎዳ ኢስራኤሌ ጾሳይ ኢንቴኒኔ ኢንቴ ማቼቲ፥ ‹ኑኒ ሳሎ ካዎይስ ኤጻኔ ጩዋሳናሲኔ ኡሻ ያርሾ ሺሻናስ ኑ ኣዲኒዳ ኣዲና ኣዳፌ ኑ ፖላና› ኢንቴ ጊዳ ቃላ ፖሊዴታ፤ ሂስቲኮ ጉዬ ጎፒቴ፤ ኢንቴ ኣዲኒዳ ቃላ ፖሊቴ።

ኤርማሳ ቲንቢቴ 44:9

ካሴ ኢንቴ ኣዋቲ፥ ዩሁዳ ካዎቲኔ ኢስታ ማቼቲ፥ ቃሴ ኢንቴኒኔ ኢንቴ ማቼቲ ዩሁዳ ካታማታኒኔ ዬሩሳላሜ ኦጌታን ኦዳ ኢታቴ ኡባ ዶጊዴቲ?

ኤርማሳ ቲንቢቴ 7:17

ኢስቲ ዩሁዳ ካታማታኒኔ ዬሩሳላሜ ኦጌታን ኣይ ኦዛኮ ኔ ቤኢኪ?

ኤርማሳ ቲንቢቴ 7:18

‹ሳሎ ጎዳቴዮ› ጌቴቲዛ ጾሳይሲ ኡኬ ኡካናስ ማጫሳቲ ሌ ሙኑቄቴስ፤ ናይቲ ሚ ሚጼቴስ፤ ኣዋቲ ታማ ኤቴስ። ኢስቲ ታና ቆሃና ጊዲ ኡሻ ያርሾ ሃራ ጾሳታስ ያርሼቴስ።

ሂዚቄላ ቲንቢቴ 20:32

ኡባ ሃሪዛ ጎዳይ፥ «ኢንቴ፥ ‹ኑኒ ሚሲኔ ሹቻስ ጎይኒዛ ካዎቴ ማላኔ ኣላሜ ቦላ ዲዛ ዴራ ማላ ጊዳና ኮዮስ› ጊዲ ቆፔታ። ጊዶ ኣቲን ኢንቴ ቆፋይ ሙሌካ ኢንቴስ ሃኔና።

ሂዚቄላ ቲንቢቴ 20:8

«ኢስቲ ኢሶይ ኢሶይ ጊዲኮ ታ ቦላ ማካሊዳ፤ ታ ዮቲዛይሳካ ሲያና ኮዪቤቴና፤ ኢስቲ ባንታ ኣይፌታ ኢስታ ቦላ ዎዳ ቱና ሚስሌታ ዲጊቤቴና፤ ጊብጼ ኤቃ ጾሳታካ ኣጊቤቴና። ሄሳ ጊሻስ ኢስቲ ጊብጼን ዲሺን ታኒ ታ ሃንቆ ኢስታ ቦላ ጉሳና፤ ፖላና ጋካናሼ ኢስታ ቦላ ዬዳናስ ቃቻዲስ።

ሂዚቄላ ቲንቢቴ 23:41

ሎኢ ጊጊዳ ኣርጄታን ኡታዳሳ፤ ታ ኤጻኔዛኔ ዛይቴዛ ኔ ዎዳ ጻራጴዛ ኣርጄታ ሲንን ዎዳሳ።

ሂዚቄላ ቲንቢቴ 8:16

ሄሳፌ ጉዬ ኢዚ ታና ጎዳ ኬስ ሶ ባጋ ዛጎ ኤፊዴስ፤ ሄሳን ጾሳ ኬ ፔንጌን ዳራንቻፌኔ ያርሺዛሶሆፔ ጊዶን ናምኡ ታማኔ ኢቻሽ ጊዲዛ ኣቱማሳቲ ዴቴስ፤ ኢስቲ ባንታ ዞኮ ጎዳ ኬኮ፥ ባንታ ኣይፌሶ ኣርሼይ ሞኪዛ ባጋ ዛሪዲ ኣርሼስ ጉፋኒ ጎይኔቴስ።

ኢምባቆ ቲንቢቴ 1:16

ሄሳንካ ሼምፒዲ ዲዛ ጊሻሲኔ ኢዚ ሚዛ ቁማይ ሞ ጊዲዳ ጊሻስ ባ ኦይኪዳ ጊቴዛስ ያርሾ ያርሼስ፤ ቃሴካ ባ ሺሺዛሶዛስ ኤጻኔ ጩዋሴስ።

ታይቦ ማጻፋ 30:12

ኢዚ ኣዚናይ ሄ ዮኦዛ ሲዪዲ ኢዞ ዲጊዛ ጊዲኮ ኢዛ ኣዲኔቲዳ ኣዲናይ ዎይኮ ኢዛ ጫቃ ጌፒዳ ቃላይ ኢዚስ ጎሜ ጊዴና፤ ጋሶይካ ኢዚ ኣዚናይ ኢዞ ዲጊዳ ጊሻስ ጎዳይ ኢዞ ማራና።

ታይቦ ማጻፋ 30:2

ኢሲ ኣሲ ጎዳስ ኢሲ ሚሽ ኦናስ ኣዲኔቲኮ ዎይኮ ኢሳዴይ ጫቂ ጌፒዲ ባና ባርካ ባ ቃላን ቃቺኮ ኢዚ ባ ጌሊዳ ቃላ ኡባ ፖላና ቤሴስ ኣቲን ባ ጊዳይሳ ኣጋናስ ቤሴና።

ማርቆሳ ሚሺራቾ 6:26

ካዎይ ሄ ዮኦዛን ዳሮ ሞቲዴስ፤ ጊዶ ኣቲን ጼይጌቲዳ ኢማ ጊሻሲኔ ጫቂዳ ቃላ ጊሻስ ኢዚስ ኣካይ ጋናስ ኮዪቤና።

ዛሬ ማጻፋ 23:23

ጊዶ ኣቲን ጎዳ ኔ ጾሳስ ኔ ዶሳን ኢማና ጋዳ ኔ ጌሊዳ ማላ ኔ ኢንጻርሳፌ ኬዚዳይሳ ፖላ።

ፒሊጲሲዮሴ ኣሳስ 3:19

ኢስታ ዉርሴ ዮ፤ ኢስታ ኡሎይ ኢስታ ጾሳ፤ ኢስታስ ካዉሻቴይ ኢስታስ ቦንቾ፤ ኢስታ ዎዚናይ ሼምፒዳይ ሃ ቢታ ዱሳና።

1ጴጽሮሳ ኪታ 1:18

ኢንቴ ካሴ ኢንቴ ኣዋታፔ ላቲዳ ሃዳ ዱሳፌ ዎዜቲዳይ ይዛ ቢራን ዎይኮ ዎርቃን ጊዶንታይሳ ኢንቴ ኤሬታ።

ዳናታ ማጻፋ 11:36

ናያ፥ «ታ ኣዋዉ! ኔኒ ጎዳስ ኣዲና ኣዲኔቲዳ ጊዲኮ ጎዳይ ኔ ሞርኬ ኣሞኔ ዴራ ቦላ ኔ ሃሎ ኬሲዳ ጊሻስ ኔኒ ቃላ ጌሊዳይሳ ታ ቦላ ፖላ!» ጋዱስ።