ኤርማሳ ቲንቢቴ 43:2 - ጋሞ ማጻፋ

² ሆሻኢያ ና ኣዛሪያሲ፥ ቃሬሃ ና ዮሃናኔይኔ ኦቶራንቻቲ ኡባይ ኤርማሳ፥ «ኔኒ ዎርዶ ዮታሳ! ጎዳ ኑ ጾሳይ፥ ‹ሄን ዳናስ ጊብጼ ቦፒቴ› ጋዳ ኔ ዮታና ማላ ኔና ኪቲቤና።

Geeshsha Maxaafa

² Hosha7iya naa Azaariyaasi, Qaareeha naa Yohanaaneynne otoranchchati ubbay Ermaasa, «Neni wordo yootaasa! GODAA nu Xoossay, ‹Heen daanaas Gibxe boopite› gaada ne yootana mala nena kiittibeenna.

ኤርማሳ ቲንቢቴ 43:2 ပူးပေါင်းရင်းမြစ်များ

ሜቴ ማጻፋ 19:14

ሄሳ ጊሻስ ሎጼይ ባ ማጫ ናይታ ኤካናስ ጊግሲዳይታኮ ቢዲ ኢስታስ፥ «ጎዳይ ሃ ካታማ ይሳና ጊዛ ጊሻስ ኤሌሊ ዴንዲዲ ሃይሳፌ ኬዚ ኪቺቴ» ጊዴስ፤ ጊዶ ኣቲን ኢዛ ማጫ ናይታ ጊግሲዳይቲ ኢዚ ቂ ጌስ ጊ ቆፒዳ።

2ታሪኬ ማጻፋ 36:13

ቃሴ ባስ ኣማኔታና ማላ ጾሳ ሱንን ጫቄዳ ካዎ ናቡካዳናጾሬ ቦላ ማካሊዴስ፤ ጎዳ ኢስራኤሌ ጾሳኮ ሲሞንታ ኢጺዲ ባ ዎዚና ሙሚሲዲ ባ ሞርጌ ሚንዴስ።

ዬ ማጻፋ 119:21

ኔ ኣዛዞዛፔ ካሬ ኬዚዛይታ፥ ኦቶሬቲዛይታኔ ቃንጌቲዛይታ ኔኒ ሴራሳ።

ዬ ማጻፋ 12:3

ኣቤት ጎዳዉ! ባሌዛ ዶና ጎርዳ፤ ኦቶሮን ሃሳይዛ ኢንጻርሳታ ቃንጻ፤

ዬ ማጻፋ 123:4

ጬቄቲዛይታፔ ዳሮ ጫሺ ኦቶራንቻታፔ ዳሮ ካይ ኑና ጋኪዴስ።

ኬሳ ማጻፋ 5:2

ሂስቲን ካዎዚ፥ «ታኒ ኢዛስ ኣዛዜታዳ ኢስራኤሌ ዬዳናስ ሄ ጎዳይ ኢዚ ኦኔ? ታኒ ጎዳ ኤሪኬ፤ ኢስራኤሌካ ዬዲኬ» ጊዴስ።

ኬሳ ማጻፋ 9:17

ኔኒ ሃኢካ ኦቶሬታዳ ታ ኣሳ ዬዶንታ ኢጻዳሳ።

ሌሚሶ ማጻፋ 16:5

ጎዳይ ኦቶሬቲዛ ኡባ ሻቴቴስ፤ ኢስቲ ቃጻዬቶንታ ኣቴቴና።

ሌሚሶ ማጻፋ 30:9

ሂስቶንታ ኣጊኮ ታኒ ኬሃ ካላዳ ኔና ካዳና፤ ‹ጎዳይ ኢዚ ኦኔ?› ጋና፤ ዎይኮ ማንቃዳ ካይሳና፤ ሂስታዳ ታኒ ጾሳ ሱን ጫይሳና።

ሌሚሶ ማጻፋ 6:17

ኦቶሬቴን ጼሊዛ ኣይፌ፥ ዎርዶቲዛ ኢንጻርስ፥ ጺሎ ኣሳታ ዎዛ ኩሼ፥

ሌሚሶ ማጻፋ 8:13

ጎዳስ ያሻቴ ኢታ ኢጾ፤ ታኒ ኦቶሮኔ ሃላጫ፥ ሜንጼ ኢታቴኔ ጌላ ሃሳያ ኢጻይስ።

ኢሳያሳ ቲንቢቴ 7:9

ቃሴ ሳማሪያይ ኤፍሬሜ ቢታስ ሁኤ፤ ኤሮሜሊዮ ናይ ሳማሪያስ ሁኤ፤ ኢንቴ ኢንቴ ኣማኖን ሚኒዲ ኤቆንታ ኢጺኮ ሙሌካ ኤቃናስ ዳንዳዬኬታ» ጌስ።

ኢሳያሳ ቲንቢቴ 9:8

ጎዳይ ያቆቤ ዛሬታ ቦላ ፒርዳ ቃላ ኪቲዴስ፤ ኢዚካ ኢስራኤሌ ቦላ ፖሌታና።

ኤርማሳ ቲንቢቴ 13:15

ጎዳይ ዮቲዴስ፤ ዎዚናን ዎ ሲዪቴ፤ ኣጊቴ ኦቶራንቻ ጊዶፒቴ።

ኤርማሳ ቲንቢቴ 18:18

ኢስቲካ፥ «ኣኔ ሃ ዪቴ፤ ኤርማሳ ቦላ ማቄቶስ፤ ዎጋይ ቄሴታ ኣቻን፥ ዞሬይ ኣ ኤራንቻታ ኣቻን፥ ቃላይካ ናቤታ ኣቻን ዬና፤ ኣኔ ሃ ዪቴ፤ ኑ ኢንጻርሳን ኢዛ ቶቾስ፤ ኢዚ ጊዛይሳካ ኡባ ሲዮኮ» ጊዳ።

ኤርማሳ ቲንቢቴ 40:8

ሂስቲዲ ናታኒያ ና ኢስማኤሌይ፥ ቃሬሃ ናይቲ ዮሃናኔይኔ ዮናታኔይ፥ ታኒሁሜታ ና ሳራያ፥ ናጾፌ ካታማፔ ዪዳ ኤፋያ ናይቲኔ ማኢካቴ ካታማ ኣስ ያኢዛኔይ ባንታ ኦላንቻታ ኡባራ ጎዶሊያሳኮ ሚጺጳ ዪዳ።

ኤርማሳ ቲንቢቴ 41:16

ሄሳፌ ጉዬ ቃሬሃ ና ዮሃናኔይኔ ኢዛራ ዲዛ ኦላ ቃራቲ ኡባይ ናታኒያ ና ኢስማኤሌይ ኣኪቃሜ ና ጎዶሊያሳ ዎ ሲሚዲ ሚጺጳፌ ዲኢዲ ኤሂዳ ኦላንቻታ፥ ማጫሳታ፥ ናይታኔ ካዎ ኬን ኦዛ ሹሜታ ኡባ ጌባኦኔፔ ዛሪዲ ኤኪ ቢዳ።

ኤርማሳ ቲንቢቴ 41:18

ኢስቲ ጊብጼ ቢዳይ ባቢሎኔ ኣሳፔ ኬሲ ኤኪ ኣታናሳ፤ ናታኒያ ና ኢስማኤሌይ ባቢሎኔ ካዎይ ቢታዮ ሃራና ማላ ሹሚ ዎዳ ኣኪቃሜ ና ጎዶሊያሳ ዎዳ ጊሻስ ኢስቲ ባቢሎኔታስ ባቢዳ።

ኤርማሳ ቲንቢቴ 42:1

ኦላ ቃራቲ፥ ቃሬሃ ና ዮሃናኔይ፥ ሆሻኢያ ና ኣዛሪያሲኔ ኣሳይ ኡባይ ጉፌ ጊታ ጋካናስ ዪዲ፥

ኤርማሳ ቲንቢቴ 42:20

ኢንቴ ታና፥ ‹ኔኒ ኑ ጊሻስ ጎዳ ኑ ጾሳ ዎሳ፤ ኢዚ ኔስ ዮቲዛይሳ ኡባካ ኑስ ዮታ፤ ኑኒካ ኢዛስ ኣዛዜታና› ጊዲ ታና ጎዳ ኢንቴ ጾሳኮ ኪቲዳ ዎዴ ኢንቴ ሼምፖ ይሲዛ ባላ ሚሽ ኦዴታ።

ኤርማሳ ቲንቢቴ 42:5

ኢስቲ ዛሪዲ ኤርማሳስ፥ «ጎዳ ኔ ጾሳይ ኔ ባጋራ ኑስ ኪቲዛይሳ ኡባ ኑኒ ፖሎንታ ኣጊኮ ጎዳይ ኑ ቦላ ቱሙኔ ኣማኔቲዳ ማርካ ጊዶ።

ኤርማሳ ቲንቢቴ 43:1

ጎዳይ ኪቲዳ ቃላ ኡባ ኤርማሲ ኢስታስ ዮቲዲ ዉርሲዳፔ ጉዬ፥

ኤርማሳ ቲንቢቴ 44:16

«ኔኒ ጎዳ ሱንን ኑስ ዮቲዛይሳ ኡባ ኑኒ ሲዮኮ።

ያቆቤ ኪታ 4:6

ጊዶ ኣቲን ኢዚ ባ ኪያቴ ኑስ ጉጂ ኢሜስ፤ ማጻፋይካ፥ «ጾሲ ኦቶራንቻታራ ኤቄቴስ፤ ኣሽኬታስ ጊዲኮ ባ ኪያቴ ኢሜስ» ጊዳይ ሄሳሳ።

1ጴጽሮሳ ኪታ 5:5

ሄሳካ ኢንቴኖ ናቴቶ! ኢንቴ ጪማታስ ኣዛዜቲቴ፤ ኢንቴ ዉሪካ ኣሽኬቴ ኣፋላ ማላ ማይኢዲ ኢሶይ ኢሳስ ኦቴ። «ጾሲ ኦቶሪዛይታ ኢጼስ፤ ኣሽኬታስ ቃሴ ባ ኪያቴ ኢሜስ» ጌቴቲ ካሴ ጌሻ ማጻፋን ጻፌቲዴስ።