ኤርማሳ ቲንቢቴ 33:11 - ጋሞ ማጻፋ

¹¹ ኡፋይሳ ጬንጉርሲ፥ ሚሺራታ ጬንጉርሲ ሄሳካ ቡላቺዛይሳኔ ቡላቼቲዛሪ ቃላይ፥ « ‹ጎዳይ ኪያ፤ ኢዛ ማሮቴይካ ሜርናሳ፤ ጎዳ ኡባፌ ዎልቃማ ጾሳ ጋላቲቴ› ጊዛ ጋላታ ያርሾ ኤኪዲ ጾሳ ኬ ዪዛ ኣሳታ ጬንጉርሲ ሴቴታና፤ ሄ ቢታይፌ ዲኤቲዳ ሚሽ ካሴ ዲዛሶታ ዛራና» ጌስ።

Geeshsha Maxaafa

¹¹ Ufayssa cenggurssi, mishirata cenggurssi hessaththoka bullachchizayssanne bullachchettizaari qaalay, « ‹GODAY kiya; iza maaroteththayka mernaassa; GODAA Ubbaafe Wolqqama Xoossaa galatite› giza galata yarsho ekkidi Xoossa Keeth yiza asata cenggurssi seetettana; he biittayfe di7ettida miish kase dizasota zaarana» gees.

ኤርማሳ ቲንቢቴ 33:11 ပူးပေါင်းရင်းမြစ်များ

1ታሪኬ ማጻፋ 16:34

ጎዳይ ኪያ፤ ኢዛ ማሮቴይካ ሜርናሳ፤ ሄሳ ጊሻስ ጎዳ ጋላቲቴ።

1ታሪኬ ማጻፋ 16:8

ጎዳ ጋላቲቴ፤ ኢዛ ሱን ጼይጊቴ፤ ኢዚ ኦዳ ኡባ ካዎቴታስ ዮቲቴ።

2ታሪኬ ማጻፋ 20:21

ኢዮሳፊጼይ ኣሳራ ዞሬቲዳፔ ጉዬን ዬ ዬጺዛይታኔ ጎዳ ጌሻቴ ቦንቾዛ ሳቢዛይቲ ባንታ ሴሎ ማይኦ ማይኢዲ ኦላንቻታ ሲንራ ቢሼ፥ «ጎዳ ጋላቲቴ! ኢዛ ማሮቴይ ሜርናሳ» ጊዲ ዬጻና ማላ ኣዛዚዴስ።

2ታሪኬ ማጻፋ 29:31

ሄሳፌ ጉዬ ሂዝቂያሲ ኣሳ፥ «ሃኢ ኢንቴ ኢንቴና ጎዳስ ዱማሲዴታ፤ ኢንቴ ሺቂዲ ያርሾኔ ጋላታ ኢሞታ ጾሳ ኬ ኤሂቴ» ጊዴስ፤ ሄሳ ጊሻስ ሺቂዳ ኣሳይ ያርሾኔ ጋላታ ኢሞታ ኤሂዳ፤ ቃሴ ኣማርዳ ኣሳቲ ባ ሼኔን ጹጌቲዛ ያርሾ ኤሂዳ።

2ታሪኬ ማጻፋ 5:13

ኢስቲ ኡባይ ጹሩምባ ፑኒሼ ዳላታ ቃሼ፥ ዲታ ዲጺሼኔ ሃራ ካኢዛ ሚሻታን ካኢሼ፥ «ጎዳይ ኪያ! ኢዛ ማሮቴካ ሜርናሳ» ጊ ዬን ሳቢዳ። ሄ ዎዴ ጾሳ ኬ ሻራይ ኩሚዴስ።

2ታሪኬ ማጻፋ 7:3

ኢስራኤሌ ኣሳይ ኡባይ ታማይ ሳሎፔ ዎሺኒኔ ጎዳ ቦንቾይ ጾሳ ኬ ኩሚሺን ቤኢዲ ቢታን ጉፋኒዲ ጎይኒሼ፥ «ጎዳይ ኪያ! ኢዛ ማሮቴካ ሜርናሳ» ጊዲ ጎዳ ጋላቲዴስ።

ኢዝራ ማጻፋ 6:22

ጾሳይ ኣሶሬ ካዎ ላሚዲ ኢስራኤሌ ጎዳይ ኢዛን ጋላቴቲዛ ጾሳ ኬ ዛሪ ኬጻና ማላ ኢስታ ኦሶን ማዲዳ ጊሻስ ላፑን ጋላስ ኩሜ ኡኬ ባኣሌ ኡፋይሳን ቦንቺዳ።

ናሂሚያ ማጻፋ 12:43

ሄ ጋላስ ኣሳይ ዳሮ ያርሾ ሺሺዴስ፤ ጾሳይ ኢዛ ኡፋይሲዳ ጊሻስ ዴሬዚ ኬሂ ኡፋዬቲዴስ፤ ማጫሳይኔ ናይቲካ ኢስታራ ኢሲፌ ኡፋዬቲዳ፤ ዬሩሳላሜን ሃኒዳ ኢሊሊሳ ቃላይ ሃሆን ሲዬቲዴስ።

ናሂሚያ ማጻፋ 8:12

ኣሳይ ባ ሲዪዳ ቃላ ሎኤ ኤሪዳ ጊሻስ ባሶ ቢዲ ካ ሚዲኔ ሃ ኡዪ ኡፋዬቲዲ ባስ ዲዛ ካፌ ሃራታስ ሻኪ ኢሚዴስ።

ዬ ማጻፋ 106:1

ጎዳ ጋላቲቴ! ኢዚ ኪያ ጊዲዳ ጊሻስ፥ ኢዛ ሲቆይካ ሜርናስ ጊዲዳ ጊሻስ ጎዳ ጋላቲቴ።

ዬ ማጻፋ 107:1

ኢዚ ኪያኔ ኢዛ ሲቆይ ሜርናስ ጊዲዳ ጊሻስ ጎዳ ጋላቲቴ።

ዬ ማጻፋ 107:22

ኢስቲ ኢዛስ ጋላታ ያርሾ ያርሼቶ፤ ቃሴካ ኡፋይሳ ዬን ኢዚ ኦዳ ኦሶ ቆንጪሴቶ።

ዬ ማጻፋ 116:17

ኣቤት ጎዳዉ! ታኒ ጋላታ ያርሾ ኔስ ያርሻና፤ ሂስታዳ ኔ ሱን ጼይጋና።

ዬ ማጻፋ 147:13

ኢዚ ኔ ፔንጌ ኮላታ ሚንስ፤ ኔ ጊዶን ዲዛ ኔ ናይታ ኣንጄስ።

ዬ ማጻፋ 85:7

ኣቤት ጎዳዉ! ኔ ሜርና ሲቆዛ ኑና ቤሳ፤ ኔኒ ኑና ኣሻ።

ኢሳያሳ ቲንቢቴ 35:10

ጎዳይ ማዲዳይቲ ሲማና፤ ኢስቲ ዬጺሼ ጺዮኔ ጌላና፤ ሜርና ኡፋይሳ ካላቻ ማላ ጎጻና፤ ኢንጄኔ ኡፋይስ ዴማና፤ ጬጬይኔ ካዮይ ሄፔ ባቃታና።

ኢሳያሳ ቲንቢቴ 51:11

ጎዳይ ዎዚዳይቲ ሲማና፤ ዬጺሼካ ጺዮኔ ጌላና፤ ሜርና ኡፋይሳ ካላቻ ሁኤን ጎጻና፤ ኢስቲ ኢንጄኔ ኡፋይሳ ዱስ ዴማና፤ ጬጬይኔ ዬሆይ ኢስታፌ ባቃታና።

ኢሳያሳ ቲንቢቴ 51:3

«ጎዳይ ጺዮኖ ቱሙ ሚንና፤ ኢዚ ላሌቴ ቃታን ጼላና፤ ኢዚ ባዞ ቢታዛ ኤዴኔ ማላ፥ ኢዚ ባዞ ቢታዛ ጎዳ ኣታኪልቴሶሆ ማላ ኦና፤ ኢሻሎይኔ ኡፋይሲ፥ ጋላታይኔ ዬ ጬንጉርሲ ኢዚን ሴቴታና።

ኢሳያሳ ቲንቢቴ 52:8

ሃኔ ሲያ! ኔና ናጊይዛይቲ ባንታ ቃላ ቁ ሂስቲዳ። ኢሲ ቦላ ኢሊሊሼ ዬጼቴስ፤ ጎዳይ ጺዮኔ ሲሚዛ ዎዴ፥ ኢስቲ ኢዛ ባንታ ኣይፌራ ቤኣና።

ኢሳያሳ ቲንቢቴ 52:9

ኢንቴኖ ዬሩሳላሜን ቆሌቲዳ ሶሆቶ! ኢንቴ ኢሲ ቦላ ኢሊሊሳን ዬጺቴ፤ ጎዳይ ባ ዴራ ሚንዴስ፤ ዬሩሳላሜ ካታማካ ዎዚዴስ።

ኤርማሳ ቲንቢቴ 16:9

ታኒ ኢስራኤሌ ጾሳይ ኡባፌ ዎልቃማ ጎዳይ፥ ‹ሄኮ፥ ታኒ ኡፋይሲኔ ኢሊሊሳ ጬንጉርስ፥ ሚሺራዛ ጬንጉርሲኔ ሚሺራይ ጬንጉርሲ ሃይሳፌ ታ ዲጋና፤ ሄሳ ኢንቴ ዎዴን ኢንቴ ኢንቴ ኣይፌራ ቤኣና› ጌስ።

ኤርማሳ ቲንቢቴ 17:26

ኣሳይ ጹጌቲዛ ያርሾኔ ሃራ ያርሾ፥ ካ ያርሾ፥ ኤጻኔኔ ጋላታ ያርሾ ኤኪዲ፥ ዩሁዳ ካታማታፔ፥ ዬሩሳላሜ ዩሾን ዲዛ ሞታፔ፥ ቢኒያሜ ቢታፌ፥ ጋፔኔ ጌዜፌ ቃሴካ ኔጌቤ ቢታፌ ጎዳ ኬ ያና።

ኤርማሳ ቲንቢቴ 25:10

ታኒ ኢስታፌ ኡፋይሲኔ ኢሊሊሳ ጬንጉርሳ፥ ሚሺራዛኔ ሚሺራይ ጬንጉርሳ፥ ዎጻ ጊሪሲኔ ጾምፔ ፖኦ ይሳና።

ኤርማሳ ቲንቢቴ 29:14

ታኒካ ኢንቴስ ቤታና። ታ ኢንቴ ዲኤቲ ቢዳ ቢታፌ ዛራና፤ ታኒ ኢንቴና ላላ ዬዲዳ ካዎቴፌኔ ሶሆ ኡባፌ ሺሻና፤ ሂስታዳ ታኒ ኢንቴና ዲኦስ ዬዳናፔ ካሴ ኢንቴ ዴኢዳ ሶሆ ጉዬ ዛራዳ ኤሃና› ጌስ።

ኤርማሳ ቲንቢቴ 30:19

ኢስታፌ ጋላታ ዬይኔ ኢሊሊሳ ጬንጉርሲ ሲዬታና፤ ታኒ ኢስታ ዳርሳና፤ ኢስታ ቆዳይካ ፓጬና፤ ታኒ ኢስታ ቦንቼቲዳ ዴሬ ኦና፤ ኢስቲ ካቲዳይታ ጊዴቴና።

ኤርማሳ ቲንቢቴ 30:3

ታኒ ታ ዴሬ ኢስራኤሌኔ ዩሁዳ ካሴ ኢስታ ኣዋታስ ታ ኢሚዳ ቢታ ኢስታስ ዛራ ኤሃና ዎዴይ ጋኪዴስ፤ ኢስቲካ ላታና» ጌስ።

ኤርማሳ ቲንቢቴ 32:44

ታኒ ኢስታፌ ዲኤቲዳ ሚሽ ዛሪዛ ጊሻስ ቢኒያሜ ዴሬን፥ ዬሩሳላሜ ዩሾን ዲዛ ጉታታን፥ ዩሁዳ ካታማታኒኔ ጌዜ ቢታን ዲዛ ካታማታን፥ ኣርሼይ ዉሊዛ ባጋን ዲዛ ዙማታስ ዱጌ ባጋኒኔ ኔጌቤን ዲዛ ቢታይ ሳቂሌ ቢራን ሻሜታና፤ ዉሌዚ ፓራሜቲዲ ማርካታ ሲንን ጎርዴታና» ጌስ።

ኤርማሳ ቲንቢቴ 33:26

ታኒ ያቆቤ ዜሬታኔ ታ ኣይሌ ዳዊቴ ዜሬታ ኣጋጋና፤ ዳዊቴ ዛሬፔ ኣብራሃሜ፥ ዪሳቃኔ ያቆቤ ዛሬታ ቦላ ካዎታና ማላ ዶሪኬ፤ ታኒ ኢስታስ ቃታና፤ ኢስታፌ ዲኤቲዳይሳካ ኢስታስ ዛራና» ጌስ።

ኤርማሳ ቲንቢቴ 33:7

ታኒ ዩሁዳ ኣሳኔ ኢስራኤሌ ኣሳ ዲኤቲ ኢስቲ ቢዳሶፔ ዛራና፤ ኢስቲ ካሴ ዲዛ ማላ ታ ኢስታ ሎኤ ዎና።

ኤርማሳ ቲንቢቴ 7:34

ታኒ ኢሊሲ፥ ኡፋይሳ ጬንጉርሲኔ ሚሺራታ ጬንጉርስ ዩሁዳ ካታማታፔኔ ዬሩሳላሜ ኦጌታፔ ይሳና፤ ቢታያካ ቡላ ጊዳ ኣታና» ጌስ።

ኣሞጼ ቲንቢቴ 9:14

ዲኤቲ ቢዳ ኢስራኤሌ ኣሳ ሃ ኢስታ ዴሬ ዛራ ኤሃና፤ ላሌቲዳ ካታማታ ዛሪ ኬጺዲ ኢዛን ዴኣና፤ ኢስቲ ዎይኔ ቶኪዲ ኢዛፔ ኣጌቲዳ ኡሹ ኡያና፤ ዱማ ዱማ ኣይፊዛ ሚ ቶኪዲ ኢዛ ኣይፌ ማና።

ዮናሳ ቲንቢቴ 2:9

ጊዶ ኣቲን ታ ጋላታ ኔስ ያርሻና፤ ታ ኣዲኔቲዳይሳ ኡባካ ጋና፤ ኣይስ ጊኮ ኣቶቴ ጎዳፔ ዬስ» ጊ ዎሲዴስ።

ናሆሜ ቲንቢቴ 1:7

ጎዳይ ሎኦ፤ ሜቶ ጋላሲካ ቆቴቲ ኣቲዛሶ። ኢዛን ኣማኔቲዛይታ ናጌስ።

ሶፎናሳ ቲንቢቴ 3:14

ሃኔ ጺዮኔ ናዬ ኣኔ ዬጻ! ኢስራኤሌ ኣሳዉ ኣኔ ኢሊሊቴ! ሃኔ ዬሩሳላሜ ናዬ! ኩሜ ዎዚናፔ ኡፋዬታ! ኡፋዬታሼ ሃሹ ጋ!

ዛካራሳ ቲንቢቴ 10:7

ኤፍሬሜ ኣሳይ ዎልቃማ ኣሳ ማላ ጊዳና፤ ኢስታ ዎዚናይ ዎይኔ ኡሹ ኡዪዳ ኣሳ ማላ ኡፋዬታና፤ ኢስታ ናይቲ ኢስታ ቤያናኔ ኡፋዬታና፤ ኢስቲካ ጎዳን ኡፋዬታና።

ዛካራሳ ቲንቢቴ 8:19

«ኦይዳን ኣጊናን፥ ኢቻሻን ኣጊናን፥ ላፑን ኣጊናኒኔ ታማን ኣጊናን ኢንቴ ጾሚዛ ጾማይ ዩሁዳ ዴራስ ኡፋይሳ ጋላሲኔ ባኣሌ ጋላስ ጊዳና፤ ሄሳ ጊሻስ ኢንቴ ቱማቴኔ ሳሮቴ ኮዪቴ።»

ዛካራሳ ቲንቢቴ 9:17

ኢስቲ ኣይ ማላ ሎኦኔ ፑላ ኣስ ጊዳኔሻ! ካ ናቴታ ዎይኔ ኡሺ ጌላኦታ ኣንቃርሳና።

ዮሃኒሳ ሚሺራቾ 3:29

ሳርጌ ዎዴ ኤካና ሚሺራይ ዲዛዴይ ኢዚካ ሚሺራ፤ ሚሺራ ላጌይ ጊዲኮ ሚሺራዛ ኣቻን ኤቂዲ ሚሺራዚ ጊዛዝ ሲዬስ፤ ሚሺራዛ ቃላ ሲዪዲ ኡፋዬቴስ፤ ሄሳ ጊሻስ ታ ኡፋይሲ ሃኢ ፖሌቲዴስ።

Ibirawe 13:15

ሄሳ ጊሻስ ኡባ ዎዴ ጋላታ ያርሾ ሄሲካ ኢዛ ሱንስ ማርካቲዛ ኑ ዶናፔ ቤቲዛ ኣይፌ ጊዲዳዝ ዬሱሳ ባጋራ ጾሳስ ኣኔ ሺሾስ።

ዮሃኒሳ ኣጁታ 18:23

ታማ ፖኦይ ሃይሳፌ ጉዬ ኔናን ፖኤና፤ ኣዴኔ ማጫ ሚሺራ ቃላይ ሃይሳፌ ጉዬ ኔናን ሴቴቴና፤ ኔ ዛልኣንቻቲ ካሴ ኣላሜን ኤሬቲዳይታ፤ ኔኒ ቃሴ ኣሳ ዉርሳ ሙሬኖን ባሌዳሳ።