ኤርማሳ ቲንቢቴ 31:25 - ጋሞ ማጻፋ

²⁵ ታኒ ላባኒዳ ሼምፖዮ ኦራጺሳና፤ ዳቡርዳሮካ ሚንና» ጌስ።

Geeshsha Maxaafa

²⁵ Tani labbanida shemppoyo ooraxissana; daaburdaarokka minththana» gees.

ኤርማሳ ቲንቢቴ 31:25 ပူးပေါင်းရင်းမြစ်များ

ዬ ማጻፋ 107:9

ኣይስ ጊኮ ኢዚ ሳሜቲዳይታ ኡሺ ኣሊሴስ፤ ጋፊዳይታካ ሎኦ ሚሻን ካልሴስ።

ዬ ማጻፋ 23:3

ታ ዴኦ ኦራጺሴስ። ባ ሱን ጊሻስ ታና ጺሎቴ ኦጌን ካሌስ።

ኢሳያሳ ቲንቢቴ 32:2

ኣሲ ሁኤን ሁኤን ጫርኮፌ ጌሚዛሶሆ፥ ጎቴፔካ ባቃቲ ኣቲዛሶሆ ጊዳና፤ ባዞ ቢታን ሃ ፑልቶ ማላ፥ ሳሜቲዳ ቢታን ዎጋ ዛላ ኩዋ ማላ ጊዳና።

ኢሳያሳ ቲንቢቴ 40:29

ሚኖቴ ባይንዳዴስ ሚኖቴ ኢሜስ፤ ዳቡርዳይሳስ ዎልቃ ጉጄስ።

ኢሳያሳ ቲንቢቴ 41:17

ሂዬሳቲኔ ሜቶታንቻቲ ሃ ኮያና፤ ጊዶ ኣቲን ኣይኮካ ዴሜቴና፤ ሃ ሳሞን ኢስታስ ፖራንዴይ ሜሊዴስ፤ ጊዶ ኣቲን ታኒ ጎዳይ ኢስታስ ዛሮ ኢማና፤ ታኒ ኢስራኤሌ ጾሳይ ኢስታ ዬጋ ኣጊኬ።

ኢሳያሳ ቲንቢቴ 50:4

ኡባ ሃሪዛ ጎዳይ ታስ ኢንጻርሳ ኤራቴ ኢሚዴስ፤ ሄሳ ጊሻስ ዳቡራንቻታስ ታ ኣይ ጋና ቤሲዛኮ ታ ኤራይስ፤ ማላዶ ማላዶ ታና ቤጎስ፤ ታማርሼ ዲዛ ታማሬ ማላ ሲያናስ ታ ሃይ ዶዬስ።

ኤርማሳ ቲንቢቴ 31:12

ኢስቲ ዪዲ ጺዮኔ ዙማ ቦላ ኡፋይሳ ማዛሙሬ ዬጻና፤ ኢስቲ ጎዳ ኪያቴ ጊዲዳ ካን፥ ዎይኔ ኡሻን፥ ዛይቴን፥ ዴይሻኒኔ ዶርሳ ላቃታን፥ ዎፋኖታኒኔ ኡሳታን ኡፋዬታና፤ ኢስቲ ሃ ፓጮንታ ኣታኪልቴ ሶሆ ማላ ጊዳና፤ ሃይሳፌ ጉዬ ኢስቲ ሙዞቴቴና።

ኤርማሳ ቲንቢቴ 31:14

ታኒ ቄሴታ ኬሃ ኣንጃና፤ ታ ዴሬዛካ ኪያቴ ካላና» ጌስ።

ሂዚቄላ ቲንቢቴ 34:14

ታኒ ኢስታ ሎኦ ቆሮን ሄማና፤ ቃ ኢስራኤሌ ዙማቲ ኢስቲ ሄሜቲዛሶሆ ጊዳና፤ ሎኦ ቆሮይ ዲዛ ማታን ኢስቲ ኢቻና፤ ሄን ኢስራኤሌ ዙማታ ቦላ ጪሊላሶን ኢስቲ ሄሜታና።

Maatosa 11:28

«ቶሆይ ዴጺዳይቶ፥ ዳቡርዳይቶ፥ ኢንቴ ዉሪካ ታኮ ሃ ዪቴ፤ ታኒካ ኢንቴስ ሼምፖ ኢማና።

Maatosa 5:6

ጺሎቴ ጋፊዛይቲኔ ሳሜቲዛይቲ ኣንጄቲዳይታ፤ ኣይስ ጊኮ ኢስቲ ካላና።

ሉቃሳ ሚሺራቾ 1:53

ጋፊዳይታ ሎኦ ሚሻን ካልሲዴስ፤ ዱሬታ ጊዲኮ ሜላ ኩሼ ዬዲዴስ።

ዮሃኒሳ ሚሺራቾ 4:14

ታ ኢሚዛ ሃ ኡዪዛዴይ ጊዲኮ ሜርናስ ሙሌካ ሳሜቴና፤ ጋሶይካ ታ ኢሚዛ ሃ ኡዪዛዴስ ሜርና ዴኦስ ፑልቲዛ ፑልቶ ሃ ጊዳና» ጊዴስ።

2ቆሮንቶሴ ኣሳስ 7:6

ጊዶ ኣቲን ሙዞቲዳይታ ሚንዛ ጎዳይ ቲቶሳ ዩሳን ኑና ሚንዴስ።