ኤርማሳ ቲንቢቴ 31:23 - ጋሞ ማጻፋ

²³ ኡባፌ ዎልቃማ ጎዳ ኢስራኤሌ ጾሳይ፥ «ታኒ ኢስታፌ ዲኤቲዳ ሚሻ ታ ኢስታስ ዛሪዛ ዎዴ ኢስቲ ዩሁዳ ቢታኒኔ ኢዚ ካታማታን፥ ‹ኔኖ ጺሎቴ ኣቂዛ ጌሻ ዙማዞ! ጎዳይ ኔና ኣንጆ!› ጊዛ ቃላ ዛሪ ጎኤታና።

Geeshsha Maxaafa

²³ Ubbaafe Wolqqama GODAA Isra7eele Xoossay, «Tani isttafe di7ettida miishshaa ta isttas zaariza wode istti Yuhuda biittaninne izi katamatan, ‹Nenoo xilloteththi aqiza geeshsha zumazoo! GODAY nena anjjo!› giza qaala zaari go7ettana.

ኤርማሳ ቲንቢቴ 31:23 ပူးပေါင်းရင်းမြစ်များ

ዬ ማጻፋ 128:5

ጎዳይ ኔና ጺዮኔፔ ኣንጆ! ኔኒ ዴኢዳ ላይ ኡባን ኢዚ ኔና ዬሩሳላሜ ሎኤቴ ቤሶ!

ዬ ማጻፋ 129:8

ሄ ኦጌራ ኣዛይቲ፥ «ጾሲ ዎልቃ ኢሞ» ቡጪዛይቲካ፥ «ጾሲ ኣንጆ» ጎፔቶ።

ዬ ማጻፋ 134:3

ሳሎኔ ሳኣ ሜዳ ጎዳይ ኢንቴና ጺዮኔፔ ኣንጆ።

ዬ ማጻፋ 28:9

ጎዳዉ! ኔ ዴራ ኣሻ፤ ኔስ ጊዲዛይታ ኣንጃ፤ ኢስታ ሄንንቻይ ኔና ጊዳ፤ ኔኒ ኢስታ ሜርናስካ ቶካ።

ኢሳያሳ ቲንቢቴ 1:21

ካሴ ኣማኔቲዳ ካታማያ ዋናዳ ላይማ ጊዳዴ? ካሴ ኢዚን ሱሬ ፒርዳይ ኩሚዳራኔ ጺሎቴ ኢዚን ኩሚዳራ ሃኢ ጊዲኮ ሼምፖ ዎዛይታስ ዱሳሶ ጊዳዱስ።

ኢሳያሳ ቲንቢቴ 1:26

ካሴ ኔና ኣይሲዛይታ ማላ ሃራ ኔና ኣይሳናይታኔ ዞራናይታ ታኒ ኔስ ዴንና፤ ሄሳፌ ጉዬ ኔኒ፥ ‹ጺሎቴ ዲዛ ኣማኔቲዳ ካታማዮ› ጌቴታና።

ኢሳያሳ ቲንቢቴ 11:9

ጌሺ ጊዲዳ ታ ዙማ ቦላ ቆሄቴና ዎይኮ ኦኒካ ዬና፤ ሃ ኣባ ኩሚዛ ማላ ሳኣ ኡባይ ጎዳ ኤሮን ኩማና።

ኢሳያሳ ቲንቢቴ 32:16

ሄሳፌ ጉዬ ባዞ ቢታን ሱሬ ፒርዳይ ዴኣና፤ ኣራዳ ቢታንካ ጺሎቴ ዳና።

ኢሳያሳ ቲንቢቴ 33:5

ጎዳይ ቦላ ሳሎን ዴኢዛ ጊሻስ፥ ቁ ቁ ጊዴስ፤ ኢዚ ጺዮኖ ሱሬ ፒርዳኒኔ ጺሎቴን ኩንና።

ኢሳያሳ ቲንቢቴ 60:21

ኔ ኣሳይ ኡባይ ጺሎ ጊዳና፤ ቢታዮካ ሜርናስ ላታና፤ ኢስቲ ታ ቦንቾ ቆንጪሳናስ ታኒ ቶኪዳ ፑቴታኔ ታ ኩሼ ኦሶታ።

ኤርማሳ ቲንቢቴ 29:14

ታኒካ ኢንቴስ ቤታና። ታ ኢንቴ ዲኤቲ ቢዳ ቢታፌ ዛራና፤ ታኒ ኢንቴና ላላ ዬዲዳ ካዎቴፌኔ ሶሆ ኡባፌ ሺሻና፤ ሂስታዳ ታኒ ኢንቴና ዲኦስ ዬዳናፔ ካሴ ኢንቴ ዴኢዳ ሶሆ ጉዬ ዛራዳ ኤሃና› ጌስ።

ኤርማሳ ቲንቢቴ 30:18

ጎዳይ፥ «ታኒ ያቆቤ ኬ ዛራ ኬጻና፤ ኢዚ ዲዛሶስካ ቃታና፤ ካታማያካ ካሴ ባ ላሌቲዳሶን ሲማ ኬጼታና፤ ካዎቴ ኬይካ ካሴ ባ ዲዛሶን ሲሚ ኬጼታና።

ኤርማሳ ቲንቢቴ 32:44

ታኒ ኢስታፌ ዲኤቲዳ ሚሽ ዛሪዛ ጊሻስ ቢኒያሜ ዴሬን፥ ዬሩሳላሜ ዩሾን ዲዛ ጉታታን፥ ዩሁዳ ካታማታኒኔ ጌዜ ቢታን ዲዛ ካታማታን፥ ኣርሼይ ዉሊዛ ባጋን ዲዛ ዙማታስ ዱጌ ባጋኒኔ ኔጌቤን ዲዛ ቢታይ ሳቂሌ ቢራን ሻሜታና፤ ዉሌዚ ፓራሜቲዲ ማርካታ ሲንን ጎርዴታና» ጌስ።

ኤርማሳ ቲንቢቴ 50:7

ዴሚዳ ኡባይ ኢስታ ቆሄስ፤ ኢስታ ሞርኬቲ፥ ‹ኑ ቦላ ሞሮይ ባ፤ ሃይሲ ሜቶይ ኢስታ ጋኪዳይ ባንታ ኣዋታስ ሂዶታ ጊዲዳ ጎዳ፥ ቱማፔ ኢስታስ ዱሳሶ ጊዲዳ ጎዳ ቆሂዳ ጊሻሳ› ጊዳ።

ኣብዲዩ ቲንቢቴ 1:17

«ጺዮኔ ዙማን ሜቶፔ ኣታናይ ዳና፤ ሄ ዙማያካ ጌሽ ጊዳና፤ ያቆቤ ዴሬይ ቦንቄቲዳ ባ ሃሮ ዛሪ ኤካና።

ሚኪያሳ ቲንቢቴ 4:1

ዉርሴ ዎዴ ጾሳ ኬ ኢዛ ቦላ ዲዛ ዙማይ ሃራ ዙማ ኡባፌ ኣ ቤታና፤ ሃራ ዙማታፔ ቦላራ ቁ ጋና፤ ዴሬይካ ኢዛኮ ጎቻና።

ዛካራሳ ቲንቢቴ 8:3

ጎዳይ፥ «ታ ጌዴ ጺዮኒኮ ሲማና፤ ዬሩሳላሜንካ ዴኣና። ዬሩሳላሜይካ ቱሙ ካታማ ጌቴታዉስ፤ ኢዛካ ኡባፌ ዎልቃማ ጎዳስ ጌሻ ዙማ ጌቴታና» ጌስ።

ኡሩቲ ማጻፋ 2:4

ሄ ዎዴካ ቦኤዜይ ቤቴሊሄሜ ካታማፔ ጋኪ ዎዲ ካ ማጺዛ ኣሳ፥ «ጎዳይ ኢንቴስ ዎልቃ ኢሞ» ጊዴስ። ኢስቲካ ዛሪዲ፥ «ጎዳይ ኣንጆ» ጊዳ።