ኤርማሳ ቲንቢቴ 31:10 - ጋሞ ማጻፋ

¹⁰ «ኢንቴኖ ካዎቴቶ ጎዳ ቃላ ሲዪቴ! ሃሆን ዲዛ ኣባ ጋጻታንካ፥ ‹ኢስራኤሌ ላሊዳይ ኢዚ ኢስታ ዛሪ ሺሻና፤ ባ ዉዴዛካ ሄንንቻ ማላ ኢዚ ሄማና› ጊዲ ኣዋጂቴ።

Geeshsha Maxaafa

¹⁰ «Intteno kawoteththatoo GODAA qaala siyite! Haahon diza abba gaxatankka, ‹Isra7eele laalliday izi istta zaari shiishshana; ba wudezakka heenththanchcha mala izi heemmana› giidi awajjite.

ኤርማሳ ቲንቢቴ 31:10 ပူးပေါင်းရင်းမြစ်များ

ሜቴ ማጻፋ 10:5

ሃይታንታፌ ኣባ ዶናን ዲዛ ኣሳይ ዉሪ ባ ቢታን ቢታን፥ ባ ቃላን ቃላን፥ ባ ቆሞን ቆሞኒኔ ባ ካዎቴን ካዎቴን ሻኬቲዴስ።

ዬ ማጻፋ 147:2

ጎዳይ ዬሩሳላሜ ኦራጺሳና፤ ኢስራኤሌፔ ቤቲዳይታካ ሺሻና።

ዬ ማጻፋ 23:1

ጎዳይ ታ ሄንንቻ፤ ታስ ኣይኮይካ ፓጬና።

ዬ ማጻፋ 72:10

ታርሴሴ ካዎቲኔ ሃሩሮታ ካዎቲ ኢዛስ ጊራ ኤሃና። ሳባኔ ሳባ ካዎቲ ኢዛስ ኩሼ ጌን ኤሃና።

ሌሚሶ ማጻፋ 27:23

ኔ ዶርሳቲ ዴኢዛ ሃኖታ ሎኤዳ ኤራ፤ ኔ ዉዴካ ዎዚናፔ ሄማ።

ኢሳያሳ ቲንቢቴ 24:14

ኢስቲ ባንታ ቃላ ቁ ሂስቲዲ ኡፋይሳን ዬጻና፤ ኣርሼይ ዉሊዛ ባጋፌ ጎዳ ጊታቴ ዮታና።

ኢሳያሳ ቲንቢቴ 27:12

ሄ ጋላስ ኤፊራጺሴ ሻፋፔ ሃ ባይንዳ ጊብጼ ሻፋ ጋካናስ ጎዳይ ባ ካ ቡካና፤ ኢንቴኖ ኢስራኤሌ ኣሳቶ፥ ኢንቴ ኢሶይ ኢሶይ ሺቃና።

ኢሳያሳ ቲንቢቴ 40:1

ኢንቴ ጾሳይ፥ «ሚንቴ! ታ ዴሬዛ ሚንቴ!

ኢሳያሳ ቲንቢቴ 40:11

ኢዚ ባ ዉዴ ሄንንቻ ማላ ሄሜስ፤ ባ ላቃታካ ባ ቄሴን ቶኬስ፤ ባ ኪኦንካ ኢዲሜስ፤ ንዛይታካ ሎዳራ ካሌስ።

ኢሳያሳ ቲንቢቴ 41:1

ጎዳይ፥ «ኢንቴኖ ሃሩሮቶ፥ ጮኡ ጊቴ፤ ካዎቴቲ ባ ዎልቃ ኦራቶ፤ ሺቂዲ ሃሳዬቶ፤ ኣኔ ፒርዳ ሺሎታ ሲንን ጋይቶስ።

ኢሳያሳ ቲንቢቴ 42:10

ኢንቴኖ ዱጌ ኣባን ዎዛይቶ፥ ሄን ዲዛ ኡባቶ! ኢንቴኖ ሃሩሮቶ! ሄንካ ዲዛ ኡባቶ! ጎዳሲ ኦራ ማዛሙሬ ዬጺቴ፤ ቢታ ጋጻፔ ዶሚዲ ኢዛስ ጋላታ ማዛሙሬ ሺሺቴ።

ኢሳያሳ ቲንቢቴ 42:4

ኢዚ ቢታ ቦላ ሱሬ ፒርዳ ኤሃና ጋካናስ ዳቡሬና፤ ሂዶታካ ቃንጼና፤ ሃሩሮቲ ኢዛ ዎጋን ኣማኔታና» ጌስ።

ኢሳያሳ ቲንቢቴ 48:20

ባቢሎኔ ቢታፌ ኬዚቴ፤ ባቢሎኔ ኣሳፔ ባቃቲቴ! ሃይሳ ኢሊሊሳን ኤሪሲቴ፤ ኣዋጂቴ፤ ቢታ ጋጻ ጋካናስ ዮቲቴ፤ «ጎዳይ ባ ኣሽካራ ያቆቤ ዎዚዴስ» ጊቴ።

ኢሳያሳ ቲንቢቴ 54:7

«ጉ ዎዴ ታኒ ኔና ኣጋዲስ፤ ጊዶ ኣቲን ጊታ ቃታን ታ ኔና ዛራ ሺሻና።

ኢሳያሳ ቲንቢቴ 60:9

ቱሙካ ሃሩሮቲ ታናን ሂዶታ ኦቴስ፤ ኢዚ ኔና ባ ቦንቾ ማይዚዳ ጊሻስ፥ ጎዳ ኔ ጾሳ ቦንቾስ፥ ኢስራኤሌ ጌሻስ ሃኮፔ ኔ ኣቱማ ናይታ፥ ኢስታ ቢራራኔ ዎርቃራ ጋ ኤሃናስ ታርሴሴ ማርካቤቲ ሲንቲ ኬዛና።

ኢሳያሳ ቲንቢቴ 66:19

ታኒ ኢስታ ጊዶን ማላታ ኦና፤ ኢስታፌ ኣቲዳ ኢሲ ኢሲኔታ ጌዴ ካዎቴታኮ፥ ታርሴሴ፥ ፑጼ፥ ዎንዳፌን ኦሌቲዛ ኤሬቲዳ ሉዴታኮ፥ ቱባሌኔ ያዋኔ ሄሳካ ታ ጎባቴ ሲዮንታይታኮኔ ታ ቦንቾ ቤዮንታይታኮ ሃኮን ዲዛ ኣባ ጊዶን ዲዛ ሃሩሮታኮ ታ ዬዳና፤ ታ ቦንቾ ካዎቴታ ጊዶን ዮታና።

ኤርማሳ ቲንቢቴ 23:4

ታኒ ሎኤ ሄሚዛ ሄንንቻታ ኢስታስ ዴንና፤ ኢስቲ ናምኣን ባቤቴናኔ ዳጋሜቴና፤ ኢስታፌ ኢሳዴይካ ዬና» ጌስ።

ኤርማሳ ቲንቢቴ 25:22

ጺሮሴኔ ሲዶና ኣባፌ ሄ ፒን ጋጻን ዲዛ ካዎታ፥

ኤርማሳ ቲንቢቴ 3:15

«ሄሳፌ ጉዬ ታኒ ታ ዎዚና ማላ ኢንቴና ኤራቴኒኔ ኣኬካን ሄሚዛ ሄንንቻታ ኢንቴስ ኢማና።

ኤርማሳ ቲንቢቴ 50:17

«ኢስራኤሌይ ጋሞይ ጎዲዲ ላሊዳ ዉዴ ማላ ጊዲዴስ፤ ኮይሮ ኣሶሬ ካዎይ ፑዜሬ ሚዴስ፤ ጉዬፔ ባቢሎኔ ካዎ ናቡካዳናጾሬይ ሜቄ ጊዴስ» ጌስ ጎዳይ።

ኤርማሳ ቲንቢቴ 50:19

ጊዶ ኣቲን ታኒ ኢስራኤሌ ካሴ ኢዚ ሄሜቲዛሶ ኢዛ ዛራና፤ ቃርሜሎሴኒኔ ባሳኔ ዴሬን ኢዚ ሄሜታና፤ ቃሴ ኢዚ ኤፍሬሜ ዙምቡላታ ቦላኔ ጋላኣዴ ዙምቡላታ ቦላ ካላናሼ ጋካናስ ማና» ጌስ።

ሂዚቄላ ቲንቢቴ 11:16

«ሄሳ ጊሻስ ኔኒ፥ ‹ኡባ ሃሪዛ ጎዳይ፡ ታኒ ኢስታ ሃሆን ዲዛ ካዎቴታ ጊዶን ዬዲኮካ፥ ዴሬታ ጊዶን ላሊኮካ፥ ኢስቲ ቢዳ ዴሬ ኡባን ጉ ዎዴ ታኒ ኢስታራ ጊዳና› ጊዴስ።

ሂዚቄላ ቲንቢቴ 20:34

ካዎቴታ ጊዶፌ ታኒ ኢንቴና ኬሳና፤ ኢንቴ ላሌቲዳ ቢታ ኡባፌ ታ ሚኖ ቄሴኒኔ ሚጬቲዳ ታ ኩሼን ሃንቆ ጉሳሼ ኢንቴ ላሌቲ ቢዳ ዴሬ ኡባፌ ታ ኢንቴና ሺሻና።

ሂዚቄላ ቲንቢቴ 34:12

ሄንንቻይ ባ ዉዴታራ ዲሼ ላሌቲዳ ዉዴታ ኮይዛ ማላ ታኒካ ታ ዉዴታ ኮያና፤ ሻራ ጋላሲኔ ማ ጋላስ ኢስቲ ላሌቲዳሶ ኡባፌ ታ ኢስታ ሺሻና።

ሂዚቄላ ቲንቢቴ 37:24

« ‹ታ ኣይሌ ዳዊቲ ኢስታ ቦላ ካዎታና፤ ኡባሲካ ኢሲ ሄንንቻይ ዳና፤ ኢስቲ ታ ዎጋ ካላና፤ ታ ማራካ ሚን ናጋና።

ሂዚቄላ ቲንቢቴ 5:10

ሄሳፌ ዴንዲዳይሳን ኔ ጊዶን ኣዋቲ ባንታ ናይታ፥ ናይቲ ባንታ ኣዋታ ማና፤ ታ ኔ ቦላ ፒርዳ ኤሃና፤ ኔፔ ኣቲዳይታ ታኒ ጫርኮን ላላና።

ሂዚቄላ ቲንቢቴ 5:2

ኔ ዶዲዛ ዎዴይ ዉርሺን ኔኒ ሻኪዳ ቢናናስ ኢሲ ኩሼዛ ዬሩሳላሜ ካታማ ሚስሌ ጊዶን ጹጋ፤ ናምኣን ኩሼዛ ካታማይ ዩሾን ጊ ማሻን ቃንጼሬ ዬጋ፤ ኣቲዳ ሄን ኩሼዛ ጫርኮ ቦላ ላላ፤ ታኒ ኢስታ ማሻን ዬዴሬና።

ዳኔላ ቲንቢቴ 11:18

ሄሳፌ ጉዬ ኣባ ኣቻን ዲዛ ዴሬታ ቦላ ሜቶ ጋዲ ኢስታ ሃራና፤ ጊዶ ኣቲን ኦላንቻታ ሃላቃይ ኢዛ ኦቶሬቴ ፑርሺሳና፤ ኢዚ ኦዳ ኡባ ኢዛ ቦላ ዛራና።

ሌዌታ ማጻፋ 26:33

ታ ኢንቴ ቦላ ኦላ ኤሃዳ ኢንቴና ኣይዛቤታ ጊዶን ላላና፤ ታኒ ታ ማሻ ኬሳዳ ኢንቴና ጎዳና፤ ኢንቴ ካዎቴይ ኣሲ ባይንዳ ቢታ ጊዳና፤ ኢንቴ ካታማቲካ ላሌታና።

ሚኪያሳ ቲንቢቴ 2:12

«ያቆቤ! ቱማፔ ታ ኢንቴና ኢሲሶ ሺሻና፤ ኢስራኤሌታፔ ኣቲዳይታ ታ ኢሲ ቦላ ኤሃና፤ ዪሬ ጊዶን ዲዛ ሜሄ ማላኔ ዴምባን ሄሜቲዛ ሜሄ ማላ ታኒ ኢንቴና ኢሲ ቦላ ሺሻና፤ ኢንቴ ዴሬይ ዉሪ ኣስ ጻላ ጊዳና።

ሚኪያሳ ቲንቢቴ 4:6

ጎዳይ፥ «ታኒ ሄ ጋላስ ጉንዲዳይታ ሺሻና፤ ቤቴ ቢዳይታኔ ሙዞታና ማላ ታ ኣ ኢሚዳይታ ኡባ ኢሲሶ ሺሻና።

ሚኪያሳ ቲንቢቴ 5:4

ጎዳ ዎልቃን ጎዳ ባ ጾሳ ሱን ጊታቴን ሚኒ ኤቃናኔ ባ ሜሄ ኢዚ ሄማና፤ ሄ ዎዴ ኢዛ ዎልቃቴይ ቢታ ጋጻ ጋካና ጊሻስ ኣሳይ ጊጋ ዱስ ዳና።

ሶፎናሳ ቲንቢቴ 2:11

ጎዳይ ሄ ቢታ ኤቃ ጾሳታ ኡባ ይሲዛ ዎዴ ኢዚ ኢስታ ያሺሲዛይሳ ጊዳና፤ ኣባ ኣቻን ዲዛ ዴሬቲ ኡባይ ኢሶይ ኢሶይ ባ ዲዛሶን ዲሼ ኢዛስ ጎይናና።

ሶፎናሳ ቲንቢቴ 3:19

ሄ ዎዴ ኔና ኡንኤዳይታ ታ ቃጻያና። ዎቤታ ታ ኣሻና፤ ላሌቲዳይታካ ታ ሺሻና። ኢስቲ ካዉዪዳ ዴሬ ኡባን ታ ኢስታ ቦንቾሲኔ ሳባስ ጋና።

ዛካራሳ ቲንቢቴ 10:8

ታኒ ኢስታ ዋይቄን ጼይጋዳ ኢሲ ቦላ ሺሻና፤ ቱማፔ ታ ኢስታ ዎዛና፤ ካሴ ማላ ታ ኢስታ ዳርሳና።

ዛካራሳ ቲንቢቴ 2:6

ጎዳይ ባ ዴራ፥ «ታ ካሴ ኢንቴና ኦይዱ ባጋ ላላዲስ፤ ሃኢ ጊዲኮ ፑዴሃ ባጋፌ ባቃቲ ኬዚቴ፤ ሃ ዪቴ።

ዛካራሳ ቲንቢቴ 9:16

ሄ ዎዴ ጎዳይ ኢስታ ጾሳይ ባ ዴራ ባስ ዉዴ ሜሄ ሂስቲ ኣሻና፤ ካላቻ ቦላ ዲዛ ሴሎይ ጾልቂዛ ማላ ኢስቲካ ጾሳ ዴሬን ጶላና።

ሉቃሳ ሚሺራቾ 12:32

«ኢንቴኖ ጉ ዉዴ ሜሄ ማላ ጊዲዳይቶ! ካዎቴ ኢንቴስ ኢማናስ ኢንቴ ኣዋስ ሎኦ ቆፋ ጊዲዳ ጊሻስ ባቦፍቴ።

ዮሃኒሳ ሚሺራቾ 10:27

ታ ዶርሳቲ ታ ቃላ ሲዬቴስ። ታኒካ ኢስታ ኤራይስ፤ ኢስቲካ ታና ካሌቴስ።

ዮሃኒሳ ሚሺራቾ 11:52

ኢዚ ሃይቃናይ ሄ ዴሬ ኣሳስ ጻላ ጊዶንታ ካሴ ላሌቲዳ ጾሳ ናይታካ ኢሲ ቦላ ሺሻናሳ።

ዛሬ ማጻፋ 30:4

ኢንቴ ቢታ ጋጻ ጋካናስ ላሌቲኮካ ሄፔ ጎዳ ኢንቴ ጾሳይ ኢንቴና ኢሲ ቦላ ሺሺዲ ዛሪ ኤሃና።

ዛሬ ማጻፋ 32:26

ታኒ ኢስታ ኡባ ላላና፤ ሄሳፌ ጉዬ ኢስታራ ሃሳኣና ኣሲ ዴና።