ኤርማሳ ቲንቢቴ 29:32 - ጋሞ ማጻፋ

³² ጎዳይ፥ ‹ታኒ ኔሄላሜ ዴሬ ኣስ ሻማኤኔ ኢዛ ሶ ኣሳ ቃጻያና። ታ ቦላ ኢዚ ማካላ ሚሽ ሃሳይዳ ጊሻስ ሃ ዴራ ጊዶን ኢዛስ ዛሬይ ኣቴና፤ ቃሴ ታኒ ታ ዴራስ ኦና ሎኦ ሚሻካ ጋኪ ቤዬና› ጊዴስ» ጊሼ ዪዴስ።

Geeshsha Maxaafa

³² GODAY, ‹Tani Nehelaame dere as Shama7enne iza soo asaa qaxxayana. Ta bolla izi makkalla miish haasayda gishshas ha deraa giddon izas zarey attenna; qasse tani ta deraas ooththana lo7o miishshaka gakki beyenna› gides» gishe yides.

ኤርማሳ ቲንቢቴ 29:32 ပူးပေါင်းရင်းမြစ်များ

1ካዎታ ማጻፋ 13:18

ጪማ ናቤዚ ጊዲኮ፥ «ታኒካ ኔ ማላ ቲንቢቴ ዮቲዛዴ፤ ኪታንቻይ ጎዳ ቃላን ታና፥ ‹ካ ኢዚ ማና ማላኔ ሃ ኡያና ማላ ኢዛ ዛራዳ ኔ ሶ ኔናራ ኤካ ባ› ጊዴስ» ጊ ዮቲዴስ። ጊዶ ኣቲን ጪማ ናቤዚ ሄሳ ኢዛስ ዎርዶ ዮቲዴስ።

2ካዎታ ማጻፋ 5:27

ሄሳ ጊሻስ ኒኢማኔ ኢንቺራቻይ ኔ ቦላ ኣና፤ ሜርና ጋካናስ ኔስ ዜሬፌ ዜሬን ኣና» ጊዴስ። ሄሳፌ ጉዬ ጊያዜይ ኤልሳኤ ሲንፌ ኬዚ ቢዴስ፤ ኢንቺራቻ ሃርጌይ ኢዛ ቦላ ሻቻ ማላ ቦዴስ።

2ካዎታ ማጻፋ 7:2

ካዎዛስ ኬሂ ማታ ጊዲዳ ኦላንቻታ ሃላቃዚ ናቤዛ፥ «ሃራይ ኣቲን ጎዳይ ሳሎ ማስኮቴ ዶይዳኮካ ሄሲ ሃናኔ?» ጊ ኦይቺዴስ። ኤልሳኢካ ኢዛስ፥ «ኢዚ ሃኒን ኔ ኢዛ ኔ ኣይፌራ ቤኣና፤ ጊዶ ኣቲን ኢዛፔ ኣይኮካ ኔ ዶናን ጌልካ» ጊዴስ።

ኬሳ ማጻፋ 20:5

ኢስታስ ሆኮፋኔ ኢስታስ ጎይኖፋ። ኣይስ ጊኮ ታኒ ጎዳ ኔ ጾሳይ ቃናቲዛ ጾሳኮ፤ ታና ኢጺዛይታ ኣዋታ ናጋራ ጊሻስ ናይታ ሄን ዬሌታኔ ኦይዳን ዬሌታ ጋካናስ ቃጻያይስ።

ኢሳያሳ ቲንቢቴ 14:20

ኔኒ ኢስታራ ዱፎን ዳካ፤ ጋሶይካ ኔ ቢታ ባሻዳሳ፤ ኔ ዴሬዛ ኔ ይሳዳሳ፤ ኢታ ኦዛይታ ዜሬ ሙሌካ ኣኬኬቴና።

ኢሳያሳ ቲንቢቴ 14:22

ኡባፌ ዎልቃማ ጎዳይ፥ «ታኒ ኢስታ ቦላ ዴንዳና፤ ሂስታዳ ኢስታ ሱን፥ ኢስታፌ ኣቲዳይታ፥ ኢስታ ዜሬኔ ዬሌታ ባቢሎኔፔ ይሳና።

ኤርማሳ ቲንቢቴ 17:6

ኢዚ ባዞን ዲዛ ቄሪ ዎራ ማላ ጊዳና፤ ኢዚ ሎኦ ሚሽ ቤኤና፤ ኢዚ ኣሲ ባይንዳ ማጺኔ ቢታን ባዞን ሜላ ሶሆን ኡታና።

ኤርማሳ ቲንቢቴ 20:6

ፓሽኩሬ! ኔኒኔ ኔ ሶሆን ዲዛ ኡባይካ ዲኤቲዲ ባቢሎኔ ባና። ኔኒኔ ኔ ኢስታስ ዎርዶ ቲንቢቴ ዮቲዳ ኔ ላጌቲ ኡባይ ሄን ሃይቃናኔ ሞጌታና› ጌስ» ጊዴስ።

ኤርማሳ ቲንቢቴ 22:30

ጎዳይ፥ «ዩሁዳ ኣይሳናስ ኣሲ ባይንዳ ጊሻስ፥ ዳዊቴ ኣራታን ኡታና ኢሳዴይካ ኬኦንታ ጊሻስ፥ ኢሲ ፓጻ ኣሲ ኬዞንታ ጊሻስ ኢዛስ ዴኦ ላይ ኡባን ኢንጄቶንታ ን ኣስ ጊዲ ጻፍቴ» ጌስ።

ኤርማሳ ቲንቢቴ 28:16

ሄሳ ጊሻስ ጎዳይ፥ ‹ታኒ ኔና ሃ ሳኣ ቦላፌ ዲጋና፤ ኔኒ ጎዳ ቦላ ማካላ ሃሳይዳ ጊሻስ ኔ ሃ ላይ ሃይቃና› ጌስ» ጊዴስ።

ኤርማሳ ቲንቢቴ 29:24

ኔሄላሜ ዴሬ ኣስ ሻማኤስ፥

ኤርማሳ ቲንቢቴ 30:1

ጎዳፔ ኤርማሳኮ ዪዳ ቃላይ ሃይሳፌ ካሊዛይሳ።

ኤርማሳ ቲንቢቴ 35:19

ኤሬካቤ ና ኢዮናዳቤይ ታስ ጎዳስ ኦዛ ኣቱማ ኣሲ ኣይዴካ ዬና› ጌስ» ጊዴስ።

ኤርማሳ ቲንቢቴ 36:31

ኢዛኔ ኢዛ ናይታ፥ ኢዛ ሹሜታ ኢስታ ኢታቴ ጊሻስ ታ ኢስታ ቃጻያና፤ ታ ጊዛዝ ኢስቲ ሲዮንታ ኢጺዳ ጊሻስ ታ ኢስታ ቦላ ኤሃና ጊዳ ባሽ ኡባ ኢስታ ቦላ፥ ዬሩሳላሜኒኔ ዩሁዳን ዲዛ ኣሳ ቦላ ኤሃና» ጌስ።

ሂዚቄላ ቲንቢቴ 20:38

ታ ቦላ ማካሊዳይታኔ ታና ቆሂዳይታ ታኒ ኢንቴ ጊዶፌ ዲጋና፤ ሃኢ ኢስቲ ዲዛ ቢታፌካ ታ ኢስታ ኬሳና፤ ጊዶ ኣቲን ኢስቲ ኢስራኤሌ ቢታ ጌሌቴና። ታኒ ጎዳ ጊዲዳይሳ ኢንቴ ሄ ዎዴ ኤራና» ጌስ።

ኣሞጼ ቲንቢቴ 7:17

ሄሳ ጊሻስ ኣማሲያሳ! ኔ ጊሻስ ጎዳይ፥ ‹ኔ ማቼያ ካታማ ጊዶን ላይማ ማጫስ ጊዳና፤ ኔስ ማጫ ናይቲኔ ኣቱማ ናይቲካ ኦላን ሃይቃና፤ ኣላጋቲ ኔ ቢታ ዎዶሮን ዋ ጊሼቲ ኤካና፤ ኔኒካ ኣላጋ ቢታን ሃይቃና፤ ኢስራኤሌ ኣሳይ ባ ቢታፌ ዲኤቲዲ ኣላጋ ዴሬ ባና› ጌስ» ጊ ዮቲዴስ።

ኣሞጼ ቲንቢቴ 9:10

‹ኑ ቦላ ኣይኮ ኢታይካ ጋኬና ዎይኮ ኑና ቦቼና› ጊዛ ታ ዴሬ ኣሳ ጋርሳን ዲዛ ናጋራንቻቲ ኡባይ ኦላን ሃይቃና» ጌስ ጎዳይ።

ዛሬ ማጻፋ 13:5

ካሴ ኢንቴ ኣይሌቴን ዲዛ ጊብጼፔ ኢንቴና ዎዚ ኬሲዲ ኣሺዳ ጎዳ ኢንቴ ጾሳ ቦላ ኢንቴ ማካላና ማላ ኣጉሞ ዮቲዛዴ ዎይኮ ታ ናቤ ጊዛ ኡባ ዎቴ፤ ሄሳ ማላ ኣሳቲ ጎዳ ኢንቴ ጾሳይ ኢንቴና ሚኒ ኤቃና ማላ ኣዛዚዳ ኦጌፔ ካሬ ኬሳናስ ቆፔቴስ፤ ሄሳ ጊሻስ ሃይታ ኢታታ ኢንቴ ጊዶፌ ዲጊቴ።