ኤርማሳ ቲንቢቴ 29:13 - ጋሞ ማጻፋ

¹³ ኢንቴ ታና ኮያና፤ ኢንቴ ታና ኩሜ ዎዚናፔ ኮይኮ ዴማና።

Geeshsha Maxaafa

¹³ Intte tana koyana; intte tana kumeththa wozinappe koykko demmana.

ኤርማሳ ቲንቢቴ 29:13 ပူးပေါင်းရင်းမြစ်များ

1ካዎታ ማጻፋ 2:4

ጎዳይ ታስ፥ ‹ኔ ዜሬቲ ባንታ ኦጌ ናጊኮ፥ ታ ሲንን ባንታ ኩሜ ዎዚናፔኔ ባንታ ኩሜ ሼምፖፌ ኣማኔቲዲ ሄሜቲኮ ኔ ዜሬፌ ኢስራኤሌ ካዎታ ኣራታን ኡቲዛ ኣስ ሙሌካ ይሲኬ› ጊዳ ሂዶታ ቃላ ፖላና።

2ካዎታ ማጻፋ 23:3

ካዎዚ ዎርቃ ቱሳ ኣቻን ጎዳ ሲንን ኤቂዲ ጎዳ ካላናስ ኢዛ ኣዛዞታ፥ ማራታኔ ዎጋታ ባ ኩሜ ዎዚናፔ ኩሜ ሼምፖፌ ናጋናስ ሃይሳ ማጻፋዛን ጻፌቲዳ ጫቆዛ ሚንናስ ጎዳ ሲንን ኦራጺሲዴስ። ሄሳፌ ጉዬ ዴሬዚ ኡባይካ ጫቆ ቃላዛስ ባንታ ኣማኔቴ ቆንጪሲዳ።

1ታሪኬ ማጻፋ 22:19

ሄሳ ጊሻስ ጎዳ ኢንቴ ጾሳ ኮያናስ ኢንቴ ዎዚናኔ ኢንቴ ሼምፖ ኢሚቴ፤ ጎዳ ጾሳ ቦንቾስ ኬጼቲዳ ኬን ጾሳ ታቦታኔ ጾሳስ ዱማቲዳ ሚሻታ ኤሂዲ ዎና ማላ ኢንቴ ዴንዲዲ ጎዳ ኬ ኬጺቴ» ጊ ኣዛዚዴስ።

1ታሪኬ ማጻፋ 28:9

«ታ ና ሶሎሞኔ፥ ኔ ኣዋ ጾሳ ኤራ! ኔኒ ኩሜ ዎዚናኒኔ ሎኦ ቆፋን ኢዛስ ኦ፤ ጎዳይ ዎዚና ኡባ ፒልጊ ጼሌስ፤ ጊዶ ቆፋ ኡባ ኢዚ ኤሬስ፤ ኔኒ ኢዛ ኮይኮ ኢዚ ኔስ ቤታና፤ ጊዶ ኣቲን ኔ ኢዛ ኣጊዛ ጊዲኮ ኢዚካ ኔና ሜርናስ ኣጋጋና።

2ታሪኬ ማጻፋ 22:9

ሄሳፌ ጉዬ ኢዩይ ኣካዚያሳ ኮያና ቢዴስ፤ ኣካዚያሲ ሳማሪያን ቆቴቲ ኡቲዳሶሆፔ ኣሳቲ ኢዛ ዴሚዲ ኢዮኮ ኤሂ ዎዳ፤ ኢዚ «ባ ኩሜ ዎዚናፔ ጎዳ ኮዪዳ ኢዮሳፊጼ ና» ጊዲ ሞጊዳ። ሄሳ ጋሶን ኣካዚያሳ ሶ ኣሳፔ ካዎቴ ኦይካናስ ዳንዳይዛይ ኦኒካ ዴና።

2ታሪኬ ማጻፋ 31:21

ሂዝቂያሲ ጾሳ ኬስ ኦዳ ኦሶ ኡባን ዎጋኒኔ ኣዛዞን ጻፌቲዳይሳ ማላ ጾሳ ባ ኩሜ ዎዚናፔ ኮዪዳ ጊሻስ ኢዛስ ኡባ ሚሺ ኢንጄቲዴስ።

ዬ ማጻፋ 119:10

ታኒ ታ ኩሜ ዎዚናፔ ኔና ኮያይስ፤ ኔ ኣዛዞታፔ ካሬ ኬዞንታ ማላ ታና ናጋ።

ዬ ማጻፋ 119:145

ኣቤት ጎዳዉ! ታኒ ኩሜ ዎዚናፔ ኔኮ ዋሳዲስ፤ ታና ኣላ። ታኒ ኔ ኣዋጃታስ ኣዛዜታና።

ዬ ማጻፋ 119:2

ኢዚ ዮቲዳይሳ ኦዛይቲኔ ባ ኩሜ ዎዚናፔ ኢዛ ኮይዛይቲ ኣንጄቲዳይታ።

ዬ ማጻፋ 119:58

ታኒ ኩሜ ዎዚናፔ ኔና ኮያይስ፤ ኔኒ ጊዳ ቃላ ማላ ታስ ቃታ።

ዬ ማጻፋ 119:69

ኦቶራንቻቲ ታ ሱን ዎርዶራ ሞሪዳ፤ ጊዶ ኣቲን ታኒ ኔ ዎጋ ታ ኩሜ ዎዚናፔ ናጋይስ።

ዬ ማጻፋ 145:18

ጎዳይ ባና ጼይጊዛይታስ ኡባስ ማታ፤ ዎዚናፔ ጼይጊዛ ኡባስ ማታን ዴስ።

ዬ ማጻፋ 32:6

ሄሳ ጊሻስ ጺሎ ኣሲ ኔኒ ቤቲዛ ዎዴ ኔና ዎሶ፤ ዲኦይ ኢዚ ዲዛ ሄራ ሜጪ ኤፊኮካ ኢዛ ቦቼና።

ዬ ማጻፋ 91:15

ኢዚ ታና ጼይጊዛ ዎዴ ታኒ ኢዛስ ኮያና፤ ኢዚ ሜቶቲዳ ዎዴ ታኒ ኢዛራ ኢሲፌ ጊዳና፤ ታኒ ኢዛ ኣሻናኔ ቦንቻና።

ኢሳያሳ ቲንቢቴ 45:19

ታ ማ ቢታን ጌማን ዮታቤኬ፤ ያቆቤ ዜሬታስ፥ «ታና ጮ ሃዳ ኮዪቴ» ጋቤኬ። ታኒ ጎዳይ ቱማ ሃሳያይስ፤ ሱሬ ዮኦ ኣዋጃይስ።

ኢሳያሳ ቲንቢቴ 65:10

ታና ሚን ኮይዛ ታ ዴሬዛስ፥ ላሻሮኔይ ዶርሳ ዉዴይ ሄሜቲዛሶ፥ ኣኮሬ ዙሌይ ዉዴ ሜሄይ ፔኢዛሶ ጊዳና።

ኤርማሳ ቲንቢቴ 24:7

ታኒ ጎዳ ጊዲዳይሳ ኤሪዛ ዎዚና ኢስታስ ኢማና፤ ኢስቲ ባንታ ኩሜ ዎዚናፔ ታኮ ሲማና ጊሻስ ኢስቲ ታ ዴሬ ጊዳና፤ ታኒካ ኢስታ ጾስ ጊዳና።

ኤርማሳ ቲንቢቴ 3:10

ሄሳን ኡባንካ ኢዚ ሚቺያ፥ ኣማኔቶንታ ዩሁዳይ ጮ ሲሚዳ ሚሳታዉሲፌ ኣቲን ኩሜ ዎዚናፔ ታኮ ሲማቤኩ» ጊዴስ።

ኤርማሳ ቲንቢቴ 50:4

ጎዳይ፥ «ሄ ዎዴኒኔ ሄ ጋላሳታን ኢስራኤሌ ኣሳይኔ ዩሁዳ ኣሳይ ኢሲፌ ያና፤ ጎዳ ባንታ ጾሳ ኮዪሼኔ ዬኪሼ ያና።

ሆሴኤ ቲንቢቴ 5:15

ኢስቲ ባ ባላ ኤሪዲ ታኮ ሲማና ጋካናስ ታኒ ኢስታፌ ሃካና። ኢስታ ቦላ ሜቶይ ዳሪዛ ዎዴ ኢስቲ ታና ሚን ኮያና» ጌስ።

ኢዩኤሌ ቲንቢቴ 2:12

ጎዳይ፥ «ሃኢካ ጊዲኮ ጾማን ዬሆኒኔ ጬጬን ኢንቴ ኩሜ ዎዚናፔ ሃ ታኮ ሲሚቴ።

Maatosa 7:7

«ዎሲቴ ኢንቴስ ኢሜታና፤ ኮዪቴ ኢንቴ ዴማና፤ ካሬ ቆጺቴ ኢንቴስ ዶዬታና።

ሃዋሬታ ኦሶ 8:36

ኢስቲ ኢሲፌ ቢሼ ሃ ዲዛሶ ጋኪዳ፤ ኣዴዚካ፥ «ሄኮ ሃ ሃይሳን ዴስ፤ ሂስቲን ታ ጻማቄቶንታ ማላ ታና ዲጊዛይ ኣዜ?» ጊዴስ።