ኤርማሳ ቲንቢቴ 27:5 - ጋሞ ማጻፋ

⁵ ታ ጊታ ዎልቃኒኔ ሚጬቲዳ ታ ኩሼን ሳኣኔ ሳኣ ቦላ ዲዛ ኣሲኔ ሜሄ ሜዲስ። ኢስታ ታ ዶሲዳዴስ ኢማና።

Geeshsha Maxaafa

⁵ Ta gita wolqqaninne micettida ta kushen sa7anne sa7a bolla diza asinne mehe medhdhadis. Istta ta dosidaades immana.

ኤርማሳ ቲንቢቴ 27:5 ပူးပေါင်းရင်းမြစ်များ

ሜቴ ማጻፋ 1:25

ጾሲ ዶኣታ ኢስታ ቆሞን ቆሞን፥ ሜሄታካ ኢስታ ቆሞን ቆሞኒኔ ቢታራ ጎሼቲዛ ሜቴታካ ኡባ ኢስታ ቆሞን ቆሞን ሜዴስ፤ ሄሲካ ሎኦ ጊዲዳይሳ ጾሲ ቤኢዴስ።

ሜቴ ማጻፋ 9:6

ጾሲ ኣስ ባና ሚሳቲሲዲ ሜዳ ጊሻስ ኣሳ ሱ ጉሲዛ ኦናካ ጊዲኮ ኢዛ ሱካ ኣሳ ኩሼን ጉካና።

1ካዎታ ማጻፋ 8:42

ኣሳይ ሃሆፔ ዪዛይ ኔ ጊታ ሱን ጊሻስ፥ ኔ ሚኖ ቄሴ ጊሻሲኔ ሚጬቲዳ ኔ ኩሼ ጊሻስ ሲዪዳ ጊሻሳ። ሂስቲኮ ሃይሳ ጾሳ ኬን ዎሳናሲኔ ጎይናናስ ዪኮ፥

ኢዝራ ማጻፋ 1:2

ፓሪሴ ካዎ ቂሮሲ ኣዋጃን ኬሲዳ ኣዛዞይ፥ «ጎዳ ሳሎ ጾሳይ ታና ቢታ ካዎቴታ ኡባ ኣይሳና ማታ ታስ ኢሚዴስ፤ ዩሁዳ ቢታን ዲዛ ጾሳ ኬ ዬሩሳላሜን ታ ኢዛስ ኬጻና ማላ ኣዛዚዴስ።

ናሂሚያ ማጻፋ 9:22

«ኢስታ ዴራ ዩዪ ኣ ዲዛ ዴሬታኔ ኢስቲ ካዎቴታ ኡባ ጾኒዲ ሄ ቢታ ኤካና ማላ ኦዳሳ፤ ሄሳ ጊሻስ ካዎ ሲሆኔይ ኣይሲዛ ሃሴቦኔ ጌቴቲዛ ቢታኔ ካዎ ኣጌይ ኣይሲዛ ባሳኔ ጌቴቲዛ ቢታ ጾኒዲ ላቲዳ።

ዬ ማጻፋ 102:25

ኔኒ ቤኒ ሳኣ ሜዳሳ፤ ሳሎቲካ ኔ ኩሼ ኦሶ።

ዬ ማጻፋ 96:5

ዴሬ ኣሳይ ጎይኒዛ ጾሳቲ ኡባይ ኤቃ ጾሳታ፤ ጊዶ ኣቲን ጎዳይ ሳሎታ ሜዳ ጾሳ።

ኬሳ ማጻፋ 20:11

ኣይስ ጊኮ ኡሱፑን ጋላሳን ጎዳይ ሳሎ፥ ሳኣ፥ ኣባኔ ኢስታ ጊዶን ዲዛ ኡባ ሜዲ ላፑን ጋላስ ሼምፒዴስ። ሄሳ ጊሻስ ጎዳይ ሳምባታ ጋላሳ ኣንጂዴሲኔ ዱማሲዴስ።

ኬሳ ማጻፋ 6:6

«ሄሳ ጊሻስ ኔኒ ኢስራኤሌ ናይታስ፥ ‹ታኒ ጎዳ፤ ታኒ ኢንቴና ጊብጼ ኣሳ ቆሆፔ ኬሳና፤ ታኒ ኢንቴና ኢስታ ኣይሌቴፌካ ጎቻ ኬሳና፤ ቃሴ ታኒ ኢንቴና ታ ጊታ ዎልቃኒኔ ዱማ ዱማ ፒርዳን ዎዛና።

ኢሳያሳ ቲንቢቴ 42:5

ሳሎታ ሜዳይ፥ ኢስታ ሚጪዳይካ፥ ሳኣኔ ኢዚን ዲዛ ኡባ ጊግሲዳይ፥ ባ ዴሬስ ፔኖ ኢዚን ዴኢዛ ኣሳታስ ሼምፖ ኢሚዛ ጎዳ ጾሳይ፥

ኢሳያሳ ቲንቢቴ 44:24

ኔና ኣዪ ኡሎን ሜዲ ዎዚዳ ጎዳይ፥ «ኡባ ሜዳ ሳሎታ ታርካ ፒዲሲዳይ፥ ሳኣካ ሚጪዳይ ታና ጎዳ።

ኢሳያሳ ቲንቢቴ 45:12

ሳኣ ኦዳይ ታና፤ ኣሲካ ኢዚ ቦላ ሜዲስ። ሳሎታ ታኒ ታ ኩሼን ቶላዲስ፤ ኢስታ ቦላ ሳሎ ሜታታ ዎዲስ።

ኢሳያሳ ቲንቢቴ 48:13

ቢታስ ዮች ዬጊዳይ ታ ኩሼ፤ ሳሎታ ሚጪዳይ ታ ኡሻቻ ኩሼ። ታ ኢስታ ጼይጊዛ ዎዴ ኢስቲ ኡባይካ ኢሲ ቦላ ኤቄቴስ።

ኢሳያሳ ቲንቢቴ 51:13

ኔና ሜዳይሳ፥ ሳሎታ ቶሊዳይሳ፥ ሳኣስ ዮች ዬጊዳይሳ ኔ ባላዳሳ፤ ኔና ይሳናስ ጊጌቲዳ ሜንጼ ኢታዛ ጋሶፔ ዴንዲዳይሳን ኡባ ጋላስ ሺሮን ዳሳ፤ ሂስቲን ሄ ሜንጼ ኢታዛ ሃንቆይ ሃኢ ኣዋን ዲዜ?

ኤርማሳ ቲንቢቴ 27:4

ኢስቲ ባንታ ጎዳታ ኤሪሳና ማላ ኢስታስ ኡባፌ ዎልቃማ ጎዳ ኢስራኤሌ ጾሳይ ኢንቴ ጎዳታስ ሃይሳ ዮቲቴ።

ኤርማሳ ቲንቢቴ 32:17

«ኣቤት ኡባፌ ዎልቃማ ጎዳዉ! ኔኒ ሳሎታኔ ሳኣ ኔ ጊታ ዎልቃኒኔ ሚጬቲዳ ኔ ኩሼን ሜዳሳ፤ ኔና ጾኒዛ ኢሲ ሚሺካ ዴና።

ኤርማሳ ቲንቢቴ 51:15

«ጾሲ ባ ዎልቃን ሳኣ ሜዴስ፤ ባ ኣ ኤራቴን ኣላሜ ጊግሲዴስ፤ ሳሎታካ ባ ኣኬካን ሚጪዴስ።

ዳኔላ ቲንቢቴ 2:38

ኢዚ ኔኒ ቢታ ኡባ ሃራና ማላ ኦዴስ፤ ኢዚ ኔስ ኣሳ፥ ሜሃ፥ ዶኣታኔ ካፎታ ቦላ ጎዳቴ ኢሚዴስ፤ ሄሳ ጊሻስ ዎርቃ ሁኤዚ ኔና።

ዳኔላ ቲንቢቴ 4:14

ኢዚካ ባ ቃላ ቁ ሂስቲዲ፥ ‹ሃይሳ ሚዛ ቃንጺቴ፤ ኢዛ ሃጋታ ኡባ ጉሪቴ፤ ኢዛ ሃይ ኡባ ዩዲቴ፤ ኢዛ ኣይፌዛ ላሊቴ፤ ኢዛ ኩዋ ጋርሳን ዲዛ ዶኣቲኔ ኢዛ ሃጋታ ቦላ ዲዛ ካፎቲ ባቃቴቶ።

ዳኔላ ቲንቢቴ 4:17

« ‹ሃ ፒርዳ ቃሾይ ጌሻ ኪታንቻታ ባጋራ ቆንጪ ዮቴቲዴስ፤ ሄሲካ ኡባፌ ቃ ጾሳስ ሳኣ ካዎታ ቦላ ኢዛስ ጎዳቴ ዲዛይሳኔ ካዎቴታካ ባ ዶሲዳዴስ ኢሚዛይሳ፥ ኣሳፔ ካቲዳይታ ኢስታ ቦላ ኢዚ ሹሚዛይሳ፥ ሜታ ኡባይ ኤራና ማላሳ› ጊዴስ።

ዳኔላ ቲንቢቴ 4:22

«ካዎ! ሄ ሚይ ኔና፤ ኔ ጊታቴይ ዲጪዲ ሳሎ ጋኪዴስ፤ ኔ ካዎቴይካ ቢታ ጋጻ ጋኪዴስ።

ዳኔላ ቲንቢቴ 4:25

ኔኒ ኔ ዴሬዛፔ ሻኬታዳ ጎዴታና፤ ኔስ ዱሳሶይካ ዎራ ዶኣታራ ጊዳና፤ ላፑን ላይ ፖሌታና ጋካናስ ኔኒ ሜሄ ማላ ማታ ማና፤ ኔኒ ኬንቾን ሙሳና፤ ሄሲ ዉሪ ኔና ጋካናይ ኡባፌ ቃ ጾሳይ ካዎታ ኡባ ቦላ ኢዛስ ጎዳቴ ዲዛይሳኔ ኢዚ ካዎቴ ዉርሲካ ባ ዶሲዳዴስ ኢሚዛይሳ ኔ ሻካ ኤራና ጋካናሳ።

ዳኔላ ቲንቢቴ 5:18

«ካዎ! ኡባፌ ቃ ጾሳይ ካሴ ኔ ኣዋ ናቡካዳናጾሬስ ካዎቴኔ ጊታቴ፥ ቦንቾኔ ቴማቴ ኢሚዴስ።

ሃዋሬታ ኦሶ 14:15

«ሃይቶ ኣሳቶ! ሃይሳ ኣዛስ ኦቲ? ኑኒካ ኢንቴ ማላ ኣሳኮ! ኢንቴካ ቃሴ ሃይሳ ሜላ ሃዳ ዮኦፔ ሃኪዲ ሳሎኔ ሳኣ፥ ኣባካ፥ ኣባታ ጊዶን ዲዛይታ ኡባ ሜዳ ዴኦ ጾሳኮ ኢንቴ ሲማና ማላ ኢንቴስ ሚሺራቾ ቃላ ሳባኮስ።

ሃዋሬታ ኦሶ 17:24

ሃይሳ ኣላሜዛኔ ኢዛ ጊዶንካ ዲዛይሳ ኡባ ሜዳ ጾሲ ኢዚ ሳሎኔ ሳኣ ጎዳ፤ ሄሳ ጊሻስ ኢዚ ኣሳ ኩሼን ኬጼቲዳ ኬን ዴና።

ሃዋሬታ ኦሶ 17:26

ኣሳ ዜሬ ኡባ ኢሳዴፌ ሜዲ ኣሲ ቢታ ቦላ ዳና ማላ ኦዴስ፤ ኣሳይ ዳና ዎዴኔ ዉርሴ ስ ዎዴስ።

ዛሬ ማጻፋ 2:19

ሄሳፌ ካሊዲ ሎጼ ዜሬ ጊዲዳ ኣሞኔ ኣሳታ ዋዪሶፒቴ፤ ኢስታራ ኦሌታናስ ኢስታ ዴንፍቴ፤ ታኒ ኣሞኔ ቢታ ኢስታስ ዱሳሶ ሂስታ ኢሚዳ ጊሻስ ኢስታ ጺንጾፌ ኣይኮካ ኢንቴስ ኢሚኬ።»

ዛሬ ማጻፋ 2:21

ኢስቲካ ኤናቄ ዜሬ ማላ ጉባኒኔ ጌሳን ጊታታ፥ ዎልቃማኔ ዳሮ ዴሬ፤ ጊዶ ኣቲን ጎዳይ ኢስታ ይሲን ኣሞኔቲ ኢስታ ቢታ ላቲዲ ሄን ኬጺ ኡቲዳ።

ዛሬ ማጻፋ 2:7

ጎዳ ኢንቴ ጾሳይ ኢንቴ ኦዳ ኡባ ኢንቴስ ኬሂ ኣንጂዴስ፤ ኢንቴ ሃይሳ ዎልቃማ ባዞዛራ ካን ቢዛ ዎዴ ኢሻልሲ ኦይኪዴስ፤ ሃ ኦይዱ ታሙ ላይ ኩሜን ጎዳ ኢንቴ ጾሳይ ኢንቴናራ ዲዛ ጊሻስ ኣይኮይካ ኢንቴስ ፓጪቤና።

ዛሬ ማጻፋ 2:9

ጾሳይካ ታስ፥ «ሎጼ ዜሬ ሞኣቤ ኣሳታ ዋዪሶፒቴ፤ ኢስታራ ኦሌታናስ ኢስታ ዴንፍቴ፤ ታኒ ኤሬ ካታማ ኢስታስ ዱሳሶ ሂስታ ኢሚዳ ጊሻስ ኢስታ ጺንጾፌ ኣይኮካ ኢንቴስ ኢሚኬ» ጊዴስ።

ዛሬ ማጻፋ 32:8

«ኡባፌ ቃ ጾሳይ ካዎቴታስ ቢታ ጊሼቺዳ ዎዴ፥ ኣሳ ናይታ ኢስታ ዛሬን ዛሬን ሻኪዳ ዎዴ፥ ኢስራኤሌ ኣሳ ቆዳ ኬና ካዎቴታስ ስ ዎዴስ።

ዛሬ ማጻፋ 4:17

ቢታ ቦላ ዴኢዛ ሜሄኔ ዶኣ ሌሚሶ ዎይኮ ሳሎ ጉፋንን ፒራዛ ካፎ ጊዲን፥

ዛሬ ማጻፋ 4:25

«ኢንቴ ሄ ቢታይን ናይታኔ ናይታ ናይታ ዬሊዲ ኡፋይሳን ዴኢዛ ላይ ኡባን ኢንቴናቴ ቱኒሲዲ ኣይ ሜን ጊዲኮካ ሚስሌ ሚሳቲሲ ሜዲ ጎዳ ኢንቴ ጾሳ ሲንን ሄሳ ማላ ኢታ ኦዲ ኢዛ ሃንቄፍቴ።

ዛሬ ማጻፋ 4:32

«ጾሳይ ኣሴ ቢታ ቦላ ሜሶፌ ዶሚዲ ኢንቴ ዬሌታናፔ ካሴ ኣዳ ዎዴታ ጾሞሲቴ፤ ቢታ ጋጻፔ ጋጻ ጋካናስ ፒልጊ ጼሊቴ፤ ሃይሳፌ ካሴ ሃይሳ ማላ ጊታ ሚሺ ሙሌካ ሃኒ ኤሪዜ? ዎይኮ ሲዬቲ ኤሪዜ?

ዛሬ ማጻፋ 4:35

ጎዳይ ኢዛ ጻላ ጊዲዳይሳ ኢንቴ ኤራና ማላ ሃይሳ ኢዚ ኢንቴና ቤሲዴስ፤ ኢዛፔ ኣቲን ሃራ ጾሲ ዴና።

ዛሬ ማጻፋ 5:16

« ‹ታኒ ጎዳ ኔ ጾሳይ ኔና ኣዛዚዳ ማላ ኔ ኣዋኔ ኔ ኣዮ ቦንቻ፤ ኔ ሄሳ ኦኮ ጎዳ ኔ ጾሳይ ኔስ ኢሚዛ ቢታይን ኔ ላይ ኣዱቃናኔ ኔስ ኢንጄታና።

ዛሬ ማጻፋ 9:29

ጊዶ ኣቲን ሃ ኣሳይ ኔኒ ኔ ጊታ ዎልቃኒኔ ኔ ሚኖ ቄሴን ኔስ ጊዳና ማላ ኔ ዶራ ኬሲዳ ዴሬ።

ቆላሲያሴ ኣሳስ 1:16

ሜቴ ዉሪ ኢዛን ሜቲዴስ። ሳሎኒኔ ሳኣን ዲዛይቲ፥ ኣይፌን ቤቲዛይቲኔ ቤቶንታይቲ ጊዲንካ፥ ዎልቃማታ ጊዲንካ፥ ሃሪዛይቲ ጊዲንካ ዎይኮ ጎዳቴ ዲዛይቲ ሃኒዳይ ዉሪካ ኢዛን ኢዛስ ሜቲዳ።

Ibirawe 1:2

ቃሴ ሃይሳ ዉርሴ ዎዴ ቦላ ዉርሲ ላቲሲዳዴኔ ሃ ኣላሜዛ ሜዳ ባ ናዛ ባጋራ ኑስ ዮቲዴስ።

ዮሃኒሳ ኣጁታ 4:11

«ኑ ጎዳ ጾሶ! ኔኒ ኡባ ሜዳ ጊሻስ ሜቴ ዉሪካ ሜቲዳይኔ ሼምፖራ ዲዛይ ኔ ሼኔን ጊዲዳ ጊሻስ ጊታቴ፥ ቦንቾይኔ ዎልቃይካ ኔስ ቤሴስ» ጊዳ።