ኤርማሳ ቲንቢቴ 25:30 - ጋሞ ማጻፋ

³⁰ ሄሳ ጊሻስ ጎዳይ ኤርማሳስ፥ «ሃ ቃላ ኡባ ኢስታ ቦላ ቲንቢቴ ዮታ፤ ‹ጎዳይ ቦላፌ ዋሳና፤ ባ ዲዛ ጌሻ ሶሆፔ ዳዳቲዛ ባ ጉን ሲሳና፤ ኢዚ ባ ቢታ ቦላ ኬሂ ዋሳና፤ ዎይኔ ማጺሼ ዬጺዛ ማላ ሳኣን ዲዛ ኡባ ቦላ ኢዚ ጉማና።

Geeshsha Maxaafa

³⁰ Hessa gishshas GODAY Ermaasas, «Ha qaala ubbaa istta bolla tinbite yoota; ‹GODAY bollafe waassana; ba diza geeshsha sohoppe dadattiza ba gunththaa sissana; izi ba biitta bolla keehi waassana; woyne maxishe yexxiza mala sa7an diza ubbaa bolla izi guummana.

ኤርማሳ ቲንቢቴ 25:30 ပူးပေါင်းရင်းမြစ်များ

2ሳሜላ ማጻፋ 15:25

ሄሳፌ ጉዬ ካዎዚ ሳዶቄ፥ «ኔኒ ጾሳ ጫቆ ቃላ ታቦታዛ ኤካዳ ጉዬ ካታማዮ ሲማ። ታኒ ጎዳ ሲንን ኣዮቲዳ ጊዲኮ ኢዚ ታና ዛሪዲ ታቦታዛኔ ኢዛ ኣቆሶዛ ታ ቤኣና ማላ ጋና።

1ካዎታ ማጻፋ 9:3

ሂስቲዲ ጎዳይ ኢዛስ፥ «ኔኒ ታ ሲንን ዎሲዳ ዎሳኔ ሾቤ ታኒ ሲያዲስ፤ ኔኒ ኬጺዳ ጾሳ ኬይ ሜርናስ ታ ሱንይ ኢዛን ጼይጌታና ማላ ኦዳ ታኒ ጌሻዲስ፤ ታ ኣይፌይኔ ታ ዎዚናይ ኡባ ዎዴ ሃ ኬን ዳና።

2ታሪኬ ማጻፋ 30:27

ሄሳፌ ጉዬ ቄሴቲኔ ሌዌቲ ዴንዲ ኤቂዲ ዴራ ኣንጂዳ፤ ጾሳይ ኢስቲ ጊዛይሳ ሲዪዴስ፤ ኢስታ ዎሳይካ ሳሎ ኬ ጾሳኮ ጋኪዴስ።

ዬ ማጻፋ 11:4

ጎዳይ ባ ጌሻ ኬን ዴስ፤ ሳሎን ባ ኣራታን ኡቲዲ ኣሳ ቤኤስ፤ ኢዛ ኣይፌቲ ኣሳ ፒልጊ ጼሌቴስ።

ዬ ማጻፋ 132:14

«ሃና ታስ ሜርናስ ሼምፖሶ ጊዳና፤ ታኒ ኢዞ ዶሲዳ ጊሻስ ኢዚን ዴኣና።

ዬ ማጻፋ 46:6

ካዎቴቲ ማካላን ዴንዲዳ፤ ካዎቲካ ኩንዲዳ፤ ኢዚ ባ ቃላ ቁ ሂስቲ ሲሲዴስ፤ ቢታይካ ሴሪዴስ።

ዬ ማጻፋ 58:5

ሙሬኒዛይሲ ኣይ ማላ ጪንጫ ጊዲኮካ ጎፔ ሾሺ ኢዛ ጬንጉርሳ ሲዬና።

ዬ ማጻፋ 78:65

ሄሳፌ ጉዬ ጎዳይ ስኮፌ ቤጊዛ ማላ ቤጊዴስ፤ ዎይኮ ዎይኔ ኡሹ ኡዪ ማቲዳ ቃራይ ማፌ ቤጊዛ ማላ ዴንዲዴስ።

ኢሳያሳ ቲንቢቴ 16:9

ሴባማ ዎይኔ ሚ ጊሻስ ኢያዜራ ዬኪዛ ማላ ታኒካ ዬካይስ፤ ሃሴቦኔ! ኤልኤሌ! ታኒ ታ ኣፉንን ኢንቴና ሎጺኪሳይስ። ጋሶይካ ኢንቴስ ሚ ኣይፌቲ ጋኪዳ ዎዴ ዲዛ ሆምቦጫይኔ ካ ሺሺዛ ዎዴ ዲዛ ኡፋይሲ ኣቲዴስ።

ኢሳያሳ ቲንቢቴ 33:3

ኔ ጬንጉርሳይ ዳዳ ማላ ጉሚዛ ዎዴ ዴሬይ ባቃቴስ፤ ኔኒ ዴንዳ ኤቂዛ ዎዴ ካዎቴቲ ላሌቴቴስ።

ኢሳያሳ ቲንቢቴ 42:13

ጎዳይ ኦላ ቃራ ማላ ኬዛና፤ ኦላንቻ ማላ ሆኤቲ ዴንዳና። ጬቄቴ ጋይሮ ሲሳና፤ ባ ሞርኬታካ ኦሊ ጾናና።

ኤርማሳ ቲንቢቴ 17:12

ኑ ጾሳ ኬ ዲዛሶይ ቤኒፔ ዶሚዲ ቁ ጊዳ ቦንቾ ኣራታ።

ኤርማሳ ቲንቢቴ 25:38

ጋሞይ ባ ኣቂዛሶፔ ዬጊ ቢዛ ማላ ኡንኤዛይሳ ማሻፌኔ ጎዳ ሃንቆፌ ዴንዲዳይሳን ኢስታ ቢታያ ቡላ ጊዳና።

ኤርማሳ ቲንቢቴ 48:33

ሞኣቤን ኣታኪልቴሶፔኔ ጎሻ ጋዴፔ ሃሹ ሂስቲዛዚኔ ኡፋይሲ ይዴስ፤ ዎይኔ ኡሺ ጉምኢን ዎንታ ማላ ሜሊሳዲስ፤ ኦኒካ ኢዛ ኢሊሊሼ ጉምኤና፤ ሄን ኣሳ ቃላይ ሲዬቲኮካ ኢሊሊሳ ጬንጉርስ ጊዴና።

ሆሴኤ ቲንቢቴ 11:10

«ታኒ ጎዳይ ኢስታ ኣሻናስ ጻጊዛ ጋሞ ማላ ታኒ ታ ቃላ ሲሲሺን ኢስቲ ታና ካላና፤ ታ ናይቲ ኮኮሪሼ ኣርሼይ ሞኪዛ ባጋፌ ያና።

ሆሴኤ ቲንቢቴ 5:14

ሄሳፌ ዴንዲዳይሳን ታኒ ኢስራኤሌስ ጋሞ ማላ ዩሁዳስካ ዎዳላ ጋሞ ማላ ጊዳና፤ ታ ኢስታ ኒፊፊ ሂስታ ሜንሬ ዬጋና፤ ቦንቃ ኤካዳ ባና፤ ኦኒካ ኢስታ ታ ኩሼፔ ኣሻናስ ዳንዳዬና።

ኢዩኤሌ ቲንቢቴ 3:16

ጎዳይ ጺዮኔ ዙማ ቦላ ዬሩሳላሜን ዲሼ ባቢሲዛ ባ ቃላ ጊሪስ ሲሳና፤ ሳሎይኔ ሳኣይ ቃጻና፤ ጎዳይ ጊዲኮ ባ ዴሬ ኢስራኤሌስ ሺቂ ኣቲዛሶ ጊዳና።

ኣሞጼ ቲንቢቴ 1:2

ኣሞጼይ፥ «ጎዳይ ጺዮኔፔ ባ ቃላ ቁ ሂስቲ ሲሴስ፤ ዬሩሳላሜፔ ጊሬስ፤ ሜሄይ ሄሜቲዛሶቲ ሜላና፤ ቃርሜሎሴ ዙማን ዲዛ ጪሊላቲ ሹላና» ጊዴስ።

ኣሞጼ ቲንቢቴ 3:8

ጋሞይ ጻጊን ሲዪዲ ዳጋሞንታይ ኦኔ? ጎዳይ ባ ጹራ ኢዛስ ዮቲን ቲንቢቴ ሃሳዮንታይ ኦኔ?

ዛካራሳ ቲንቢቴ 2:13

ጎዳይ ጌሽ ጊዲዳ ባሶዛፔ ዴንዲዳ ጊሻስ ኣሾ ማይኢዳ ኡባይ ኢዛ ሲንን ጮኡ ጎ።

ዛሬ ማጻፋ 26:15

ኔኒ ሳሎን ዴኢዛ ጌሻ ሶሆፔ ሃ ዱጌ ጼላ፤ ኔ ዴሬ ኢስራኤሌኔ ካሴ ኑ ኣዋታስ ኔ ኢማና ጋዳ ጫቂዳ ማላ ኑስ ኢሚዳ ሃ ማኔ ኤሲ ጎጊዛ ቢታዮ ኣንጃ» ጋ።

ዮሃኒሳ ኣጁታ 19:15

ኣይዛቤታ ኢዛራ ቃንጺዛ ቃራ ማሻይ ኢዛ ዶናፔ ኬዜስ፤ ኢዚ ኢስታ ቢራታ ጉፌራ ሃራና፤ ኢዚ ዉርሲካ ዳንዳይዛ ጾሳ ሚኖ ሃንቆ ቆንጪሲዛ ዎይኔ ጫጄ ዬዛሶን ኢስታ ዬና።