ኤርማሳ ቲንቢቴ 22:18 - ጋሞ ማጻፋ

¹⁸ ሄሳ ጊሻስ ጎዳይ ዩሁዳ ካዎ ኢዮሲያሳ ና ኢዮኣቄሜ ጊሻስ፥ «ዎ ታ ኢሻዉ! ዋይ ዋይ ታ ሚቼ! ቃሴ፥ ‹ታ ጎዳዉ ዎ ዎ! ኔ ጊታቴ ዎ ዎ!› ጊዲ ዚላሌቴና።

Geeshsha Maxaafa

¹⁸ Hessa gishshas GODAY Yuhuda Kawo Iyosiyaasa naa Iyo7aaqeme gishshas, «Woo ta ishawu! Waay waay ta michchee! Qasse, ‹Ta godawu woo woo! Ne gitateththaa woo woo!› giidi zilalettenna.

ኤርማሳ ቲንቢቴ 22:18 ပူးပေါင်းရင်းမြစ်များ

2ሳሜላ ማጻፋ 1:26

ታ ኢሻ ዮናታኔ! ታኒ ኔ ጊሻስ ካዮታዲስ፤ ኔ ታስ ኬሃ ኣልኦኮሺን፤ ኔ ሲቆይ ታና ማላሊሲዛዛኮሺን ማጫ ሲቆፔካ ኬሂ ኣስኮሺን።

1ካዎታ ማጻፋ 13:30

ሂስቲዲ ባስ ጊግሲ ዎዳ ዱፎን ኣሃ ዎዲ፥ «ታ ኢሻዞ! ታ ኢሻዞ!» ጊዲ ኢዛስ ዬኪዳ።

2ካዎታ ማጻፋ 23:36

ኢዮኣቄሜይ ካዎቲዛ ዎዴ ኢዛስ ላይይ 25፤ ኢዚ ዬሩሳላሜን ኡቲዲ 11 ላይ ሃሪዴስ። ኢዛ ኣያ ዜቢዶ ጌቴታዉስ፤ ኢዛ ኡሩሜ ዴሬ ኣስ ፓዳያ ና።

2ካዎታ ማጻፋ 23:6

ኣሼሪ ሚስሌ ጎዳ ኬፌ ኬሲዲ ዬሩሳላሜፔ ካሬራ ዲዛ ጌዴ ቄዲሮኔ ሾባ ኤፊዲ ሄን ጹጊዴስ፤ ጋጪ ሊቂሲዲ ዴራ ዱፎን ላሊዴስ።

2ካዎታ ማጻፋ 24:6

ኢዮኣቄሜይካ ሃይቂዲ ባ ኣዋታን ጋይቲዴስ፤ ኢዛ ና ኢዮኣኪኔይ ኢዛሶሆን ካዎቲዴስ።

1ታሪኬ ማጻፋ 3:15

ኢዮሲያሲ ኦይዱ ኣቱማ ናይታ ዬሊዴስ፤ ባይራዚ ዮሃናኔ፥ ኢዛ ካሎቲ ኢዮኣቄሜ፥ ሴዴቂያሳኔ ሻሎሜ፤

2ታሪኬ ማጻፋ 35:25

ኤርማሲ ኢዮሲያሳስ ዚላሳ ጊንጾ ጻፊዴስ፤ ሃኖ ጋካናስ ዬሆ ዬኪዛ ማጫሳቲኔ ኣቱማሳቲ ኢዮሲያሳ ቆፒ ቆፒዲ ዬኪዛ ዎዴ፥ ሃ ኤርማሲ ኬሲዳ ዚላሳ ጊንጾዛ ዚላሲ ኢስራኤሌ ቢታን ሎሴ ጊዲዴስ፤ ሄ ዚላሳ ጊንጾዚ ኢስራኤሌታ ዚላሳ ጊንጾ ማጻፋን ጻፌቲ ኡቲዴስ።

2ታሪኬ ማጻፋ 36:5

ኢዮኣቄሜይ ካዎቲዛ ዎዴ ኢዛስ ላይይ 25፤ ኢዚ ዬሩሳላሜን ታማኔ ኢሲ ላይ ካዎቲዴስ፤ ጎዳ ባ ጾሳ ሲንን ኢታ ሚሽ ኦዴስ።

ኤርማሳ ቲንቢቴ 16:4

«ኢስቲ ኢታ ሃርጌን ሃይቃና፤ ኢስታስ ዬሆይ ዴና፤ ሞጎካ ሞጌቴቴና፤ ኢስታ ኣሃይ ቢታ ቦላን ቡራ ማላ ዬጌቲ ኣታና፤ ኢስቲ ማሻኒኔ ኮሻን ዉራና፤ ኢስታ ኣሃይ ሳሎ ካፎታሲኔ ዎራ ዶኣታስ ቁማ ጊዳና» ጊዴስ።

ኤርማሳ ቲንቢቴ 16:6

ዱሬቲኔ ማንቆቲ ሃ ቢታይ ቦላ ሃይቃና፤ ኢስቲ ሞጌቴቴና። ኢስታ ዬሆይካ ዬኬቴና፤ ኢስታስ ባ ቦላ ቃጫናይ ዴና፤ ባ ሁኤካ ቡጫናይ ዴና።

ኤርማሳ ቲንቢቴ 21:11

«ቃሴካ ዩሁዳ ካዎ ኬ ኣሳስ፥ ‹ጎዳ ቃላ ሲዪቴ!

ኤርማሳ ቲንቢቴ 22:10

ሃይቂዳ ካዎ ኢዮሲያሳስ ዬኮፍቴ ዎይኮ ካዮቶፍቴ፤ ሄሳ ኣጊዲ ዲኤቲ ቢዳ ሻሉሜስ ሚሼቲዲ ዬኪቴ። ጋሶይካ ኢዚ ሙሌካ ጉዬ ሲሜና፤ ባ ዬሌቲዳ ቢታ ናምኣን ቤኤና።

ኤርማሳ ቲንቢቴ 22:12

ኢዚ ዲኤቲ ቢዳ ቢታን ሄን ሃይቃና፤ ሲሚ ዪዲ ሃ ቢታዮ ቤኤና።

ኤርማሳ ቲንቢቴ 34:5

ኔኒ ሳሮ ሃይቆ ሃይቃና፤ ኔፔ ሲንን ካዎቲዳ ኔ ኣዋቲ ሃይቂን ኢስቲ ቦንቾስ ታማ ኤዳ ማላ ኔኒ ሞጌቲዛ ጋላሲካ ኢስቲ ኔ ቦንቾስ ታማ ኤና፤ ሂስቲዲ «ዎ! ዎ! ኑ ካዎዞ!» ጊዲ ኔስ ዬካና፤ ሃይሳ ሃ ቃላ ዮቲዳይ ታና ጎዳ› ጌስ ጋዳ ዮታ» ጊዴስ።

ኤርማሳ ቲንቢቴ 36:30

ሄሳ ጊሻስ ጎዳይ ዩሁዳ ካዎ ኢዮኣቄሜ ጊሻስ፥ «ዳዊቴ ካዎቴ ኣራታን ኡታናይ ኢዛ ዛሬፔ ቤቴና፤ ኢዛ ኣሃይካ ጋላሳ ኣዋ ሴላሲኔ ኦማርሳ ኬንቾስ ዬጌቲ ኣታና።