ኤርማሳ ቲንቢቴ 20:5 - ጋሞ ማጻፋ

⁵ ሃ ካታማይ ኣቆታ፥ ኢዛ ኦ ዴሚዳ ኡባ፥ ዩሁዳ ካዎታ ኣቆታኔ ኢስታስ ዲዛ ኣልኦ ሚሽ ኡባ ታኒ ኢስታ ሞርኬታስ ኣ ኢማና፤ ኢስቲካ ዲኢ ኤኪዲ ባቢሎኔ ኤፋና።

Geeshsha Maxaafa

⁵ Ha katamay aqota, iza ooththa demmida ubbaa, Yuhuda kawota aqotanne isttas diza al7o miish ubbaa tani istta morkketas aaththa immana; isttika di7i ekkidi Baabiloone efana.

ኤርማሳ ቲንቢቴ 20:5 ပူးပေါင်းရင်းမြစ်များ

2ታሪኬ ማጻፋ 36:10

ኦፊን ዎዴ ካዎ ናቡካዳናጾሬይ ኣስ ኪቲዲ ኢዮኣኪኔኔ ጎዳ ኬን ዲዛ ኣልኦ ሚሻታ ኢዛራ ኢሲፌ ባቢሎኔ ኤፊሲዴስ፤ ሂስቲዲ ኢዛ ኣዋ ኢሻ ሴዴቂያሳ ዩሁዳ ቦላኔ ዬሩሳላሜ ቦላ ካዎዴስ።

ኢሳያሳ ቲንቢቴ 39:6

‹ኔ ካዎቴ ኬን ዲዛ ኡባይ፥ ካሴ ኔ ኣዋቲ ሃች ጋካናስ ሺሺዳ ኡባይ ዲኤቲዲ ባቢሎኔ ባና ዎዴይ ያና፤ ኢሲኖካ ኣሾንታ ማጺ ኤፊዛ ዎዴይ ያና› ጌስ ጎዳይ።

ኤርማሳ ቲንቢቴ 12:12

ባዞን ዲዛ ዙምቡላታ ቦላፌ ይሲዛይቲ ያና፤ ጋሶይካ ጎዳ ማሻይ ቢታ ሃ ጋጻፔ ሄ ጋጻ ጋካናስ ማና። ሄሳ ጊሻስ ኦኒካ ኣታናስ ዳንዳዬና።

ኤርማሳ ቲንቢቴ 15:13

ኔ ዴሬ ኡባን ኦሴቲዳ ናጋራ ጊሻስ ኔ ኣቆታ ኡባ ዲኢዛይታስ ጮ ኣ ኢማና።

ኤርማሳ ቲንቢቴ 17:3

ኔ ቢታን ኦሴቲዳ ናጋራ ጋሶን ዙማታ ቦላኔ ዙምቡላታ ቦላ ዲዛ ኔ ኣቆታ፥ ኔ ዱሬቴኔ ኔ ጎይኖሶታ ታኒ ዲኦስ ኣ ኢማና።

ኤርማሳ ቲንቢቴ 3:24

ኑኒ ዬላጋቴፌ ዶሚን ኑ ኣዋቲ ዳቡሪ ዴሚዳ ኣይፌታ፥ ኢስታ ዶርሳታኔ ሜሄታ፥ ኢስታ ማጫ ናይታኔ ኣቱማ ናይታ ቱና ጾሳቲ ሚ ይሲዳ።

ኤርማሳ ቲንቢቴ 32:24

«ሄኮ ባቢሎኔቲ ካታማዮ ኦይካናስ ጊምቤ ዩሾን ቢታ ዶሪዲ ጊዶዳ፤ ኦላፔ፥ ኮሻፔኔ ኢታ ሃርጌፌ ዴንዲዳይሳን ካታማያ ኢስታራ ኦሌቲዛ ባቢሎኔታ ኩሼን ኣ ኢሜታና ሃናዉስ፤ ኔኒ ሃኢ ቤኢዛይሳ ማላ ኔ ዮቲዳ ኡባይ ፖሌቲሼ ዴስ።

ኤርማሳ ቲንቢቴ 39:2

ሴዴቂያሲ ካዎቲዳ ታማኔ ኢሲን ላይን፥ ኦይዳን ኣጊናን፥ ኡዱፉን ጋላሳን ባቢሎኔ ኦላንቻቲ ካታማይ ጊምቤ ሜንዳ።

ኤርማሳ ቲንቢቴ 39:8

ሄ ዎዴ ባቢሎኔ ኦላንቻቲ ካዎ ኬኔ ኣሳይ ዲዛ ኬታ ኡባ ታማን ጹጊዳ፤ ዬሩሳላሜ ጊምቤካ ላሊዳ።

ኤርማሳ ቲንቢቴ 4:20

ኢታ ሚሺ ኢታ ሚሽ ካሌስ፤ ሙሌ ቢታይ ሞሬቲዴስ፤ ታ ዱንካኔቲኔ ማጋላሻቲ ኤሶን ይዳ።

ኤርማሳ ዚላስ 1:10

ኢዚ ኣቆታ ኡባ ቦላ ሞርኬይ ባ ኩሼ ዬዲዴስ፤ ጾሳ ኣሳ ሺቆን ጌሎንታ ማላ ኔኒ ዲጊዳይቲ ኤቃ ጾሳታስ ጎይኒዛ ኣይዛቤቲ ጌዴ ኢዚ ጾሳ ኬን ጌሊሺን ቤኣዱስ።

ኤርማሳ ዚላስ 1:7

ዬሩሳላሜይ ሜቶቲዳ ዎዴኒኔ ዋዬቲዳ ጋላሳታን ካሴ ኢዚስ ዲዛ ኣቆታ ዩሻ ቆፓዉስ፤ ኢዛ ሞርኬ ኩሼን ኩንዲዳ ዎዴ ኢዞ ማዲዛይ ኦኒካ ባይንዳ ዎዴ፥ ኢዚ ሞርኬቲ ኢዚ ኩንዴ ቤኢዲ ኢዚ ቦላ ሚጪዳ።

ኤርማሳ ዚላስ 4:12

ቢታ ቦላ ዲዛ ካዎታፔ ዎይኮ ኣላሜ ቦላ ዲዛ ኣሳፔ ኦኒካ ኢስታ ሞርኬቲ ዎይኮ ዎራጂዛይቲ ዬሩሳላሜ ፔንጌታ ሜን ጌላና ጊዲ ኦኒካ ቆፒቤና።

ሂዚቄላ ቲንቢቴ 22:25

ኢዚ ዳናቲ ባ ዎዳይሳ ፑዚሼ ጻጊዛ ጋሞ ማላ ኢዚ ጊዶን ዱላቴቴስ፤ ዴራ ዎቴስ፤ ኢስታ ኣቆታኔ ኢስታስ ዲዛ ኣልኦ ሚሻታ ቦንቂ ኤኬቴስ፤ ዳሮ ማጫሳታ ኣምኤታ ሂስቴቴስ።

ዳኔላ ቲንቢቴ 1:2

ጎዳይ ዩሁዳ ካዎ ኢዮኣቄሜ ኣማርዳ ጾሳ ኬ ሚሻታራ ኢዛ ኩሼን ኣ ኢሚዴስ፤ ኢዚካ ባ ጾሳ ኬን ዎና ሳናኦሬ ኤፊዴስ፤ ኢዚ ዲኢ ኤፊዳ ጾሳ ኬ ሚሻ ኡባካ ባ ኤቃ ጾሳታ ሚሼ ዎዛ ኬን ዎዴስ።

ሆሴኤ ቲንቢቴ 13:15

ኢዚ ባ ኢሻታ ጊዶን ዱሬ ጊዲኮካ ጎዳፔ ኪቴቲዳ ጫርኮይ ኣርሼይ ሞኪዛ ባጋራ ባዞ ቢታፌ ዴንዲዲ ያና። ፑልቶይ ቶኣና፤ ሃ ኦላይካ ሜላና፤ ኢዛስ ዲዛ ኣልኦ ኣቆታይ ሚንጃ ኬፌ ቦንቄታና።