ኤርማሳ ቲንቢቴ 2:25 - ጋሞ ማጻፋ

²⁵ ኔ ቶሆይ ኣርጋጫና ጋካናስ ዎጾፋ፤ ኔ ዶናይ ሳሞን ሜላና ጋካናስ ቶይላቶፋ፤ ኔ ጊዲኮ፥ «ጮ ዳቡሮፓ፤ ታኒ ኤቃ ጾሳታ ዶሳዲስ፤ ታኒ ኢስታ ካላና» ጋዳሳ።

Geeshsha Maxaafa

²⁵ Ne tohoy argacana gakkanaas woxxofa; ne doonay saamon melana gakkanaas toylattofa; ne gidikko, «Coo daaburoppa; tani eeqa xoossata dosadis; tani istta kaallana» gadasa.

ኤርማሳ ቲንቢቴ 2:25 ပူးပေါင်းရင်းမြစ်များ

2ታሪኬ ማጻፋ 28:22

ካዎ ኣካዜይ ሜቶቲዳ ዎዴ ጎዳስ ኣማኔታናይሳ ኣጊ ኣጊ ቢዴስ።

2ታሪኬ ማጻፋ 28:23

ኢዚካ፥ «ኣራሜ ካዎታ ጾሳቲ ኢስታ ማዲዳ ጊሻስ ታናካ ኢስታ ማዳና ማላ ታኒ ኢስታስ ያርሻና» ጊዲ ባና ጾኒዳ ዳማስቆ ጾሳታስ ያርሺዴስ፤ ጊዶ ኣቲን ሄ ጾሳቲ ኢዛሲኔ ኢስራኤሌ ኣሳ ኡባስ ባሽ ኤሂዳ።

ኢሳያሳ ቲንቢቴ 2:6

ጎዳዉ! ኔኒ ኔ ኣሳ ያቆቤ ዛሬታ ኣጋዳሳ። ኢስቲ ኣርሼይ ሞኪዛ ባጋራ ዲዛ ኣሳታ ማላ ቢታን ኩሚዳ፤ ፊሊስጼሜ ኣሳ ማላ ሙሬኔቴስ። ኢስቲ ኣላጋራ ኢሲፌ ዙፔቴቴስ።

ኢሳያሳ ቲንቢቴ 57:10

ኔ ኦጌ ዳሮፔ ዴንዲዳይሳን ዳቡራዳሳ፤ ጊዶ ኣቲን፥ ‹ሂዶታይ ባዋ› ጋቤካ። ኔ ዎልቃይ ሃ ኦራጺዴስ፤ ሄሳ ጊሻስ ኣርጋጫቤካ።

ኤርማሳ ቲንቢቴ 13:21

ኔኒ ኔስ ዳቦ ጊዳና ማላ ኮዪዳይቲ ኔና ጾኒዲ ሃሪዛ ዎዴ ኔ ኣይ ጋኔ? ዬሎ ሚጻይ ኦይኪዳ ማጫሳ ማላ ኔና ሚጻይ ኦይኬኔ?

ኤርማሳ ቲንቢቴ 13:22

ኔኒ ኔ ዎዚናን፥ ‹ሃይሲ ኡባይ ታ ቦላ ኣይስ ጋኪዴ?› ጊኮ፥ ኔ ማይኦይ ቃሬቲን ኔ ሱጌቲዳይ፥ ኔ ኣሳ ኩሼን ዋዬ ቤኢዳይ ኔ ናጋራይ ዳሪዳ ጊሻሳ።

ኤርማሳ ቲንቢቴ 14:10

ሃ ኣሳታ ጊሻስ ጎዳይ፥ «ኢስቲ ቶይላቴቴ ኬሂ ዶሴቴስ፤ ባንታ ቶሆ ናጌቴና። ሄሳ ጊሻስ ጎዳይ ኢስታን ኡፋዬቴና፤ ሃኢ ኢዚ ኢስታ ቆሆ ቆፔስ፤ ኢስታ ናጋራ ጋሶን ኢስታ ቃጻዬስ» ጌስ።

ኤርማሳ ቲንቢቴ 18:12

ጊዶ ኣቲን ኢስታስ፥ ‹ዳቡሮፓ፤ ኑ ሃልቺዳ ኦጌራ ባና፤ ኑኒ ኢሶይ ኢሶይ ኑ ኢታ ዎዚና ቆፋ ካላና› ጌቴስ» ጊዴስ።

ኤርማሳ ቲንቢቴ 2:31

ኢንቴኖ ሃ ዎዴ ዬሌታቶ! ጎዳ ቃላ ዩሺ ቆፒቴ፤ «ታኒ ኢንቴስ ኢስራኤሌ ኣሳስ ባዞ ማላ ዎይኮ ሳካና ማይ ዲዛ ቢታ ማላ ጊዳዲና? ሂስቲን ኣይስ ታ ኣሳይ፥ ‹ኑኒ ኑ ሼኔ ማላ ሃናና፤ ሲሚዲካ ኔኮ ዮኮ› ጊዜ?

ኤርማሳ ቲንቢቴ 22:20

ጎዳይ ዬሩሳላሜ፥ «ፑዴ ሊባኖሴ ባዳ ዋሳ፤ ኔ ቃላካ ባሳኔን ሲሳ፤ ኣባሪሜን ኤቃዳ ዋሳ፤ ጋሶይካ ኔስ ኦላ ላጌቲ ኡባይ ዉሪዳ።

ኤርማሳ ቲንቢቴ 22:21

ኔኒ ሳሮ ዲሺን ታ ኔስ ሚን ዮታዲስ፤ ጊዶ ኣቲን ኔኒ፥ ‹ሲዪኬ› ጋዳሳ። ዬላጋቴፌ ዶሚን ኔ ኦጌይ ሃይሳ፤ ኔኒ ታስ ኣዛዜቶንታ ኢጻዳሳ።

ኤርማሳ ቲንቢቴ 3:13

ጊዲኮኔ ኔኒ፥ ‹ጎዳ ኔ ጾሳ ቦላ ማካላቴን፥ ኔ ቦንቾካ ኣላጋ ጾሳታስ ዳሻ ሚታ ጋርሳን ኣ ኢሞኒኔ ታስ ኣዛዜቶንታ ኢጾን ኔኒ ሞራንቻ ጊዲዳይሳ ጻላ ኣማና› ጌስ ጎዳይ» ጊዴስ።

ኤርማሳ ቲንቢቴ 44:17

ኑኒ ኦና ጊዳ ሚሽ ኡባ ኦስ፤ ኑኒ፥ ኑ ኣዋቲ፥ ኑ ካዎቲኔ ኑ ሃላቃቲ ዩሁዳ ካታማታኒኔ ዬሩሳላሜ ኦጌታን ካሴ ኦዳ ማላ፥ ኑኒካ ሳሎ ካዎዮ ጌቴቲዛ ኤቃ ጾሳይስ ኤጻኔ ጩዋሶስ፤ ኡሻ ያርሾካ ኢዚስ ያርሾስ፤ ኑኒ ካሴ ሄሳ ኦዛ ዎዴ ኑስ ቲርፓ ካ ዴስ፤ ኑኒ ሎኦ ዱስ ዴኢዶስ ኣቲን ኣይኮ ኢታካ ቤኢቤኮ።

ኤርማሳ ዚላስ 1:2

ኢዛ ጊዶ ጫሞ ዬሆ ዬካዉስ፤ ኢዚስ ኣፉንይካ ሻጋላራ ጎጌስ፤ ኢዚ ላጌታፔ ኢዞ ሚንዛይ ኦኒካ ዴና፤ ኡባቲካ ኢዞ ካዲዳ፤ ዛሪዲካ ኢዚስ ሞርኬ ጊዲዳ።

ኤርማሳ ዚላስ 4:4

ዳሮ ሳሜቲዳ ጊሻስ ጉ ናይታ ኢንጻርሲ ፑዴ ጎንጊራራ ኦይኬቲዴስ፤ ናይቲ ካ ዎሲዳ ሺን ኦኒካ ኢስታስ ኢሚቤና።

ሂዚቄላ ቲንቢቴ 20:32

ኡባ ሃሪዛ ጎዳይ፥ «ኢንቴ፥ ‹ኑኒ ሚሲኔ ሹቻስ ጎይኒዛ ካዎቴ ማላኔ ኣላሜ ቦላ ዲዛ ዴራ ማላ ጊዳና ኮዮስ› ጊዲ ቆፔታ። ጊዶ ኣቲን ኢንቴ ቆፋይ ሙሌካ ኢንቴስ ሃኔና።

ሆሴኤ ቲንቢቴ 2:3

ኢዛ ሲሞንታ ኢጺኮ ኢዛ ባ ኣዬይ ኡሎፔ ካሎ ዬሌቲዳ ማላ ታ ኢዞ ጺሬ ካሎ ኣሻና። ባዞ ማላኔ ሜላ ቢታ ማላ ታ ኢዞ ኦና። ታ ኢዞ ሃ ሳሞን ዎና።

ሆሴኤ ቲንቢቴ 2:5

ኢስታ ኣያ ላይማ፤ ካዉሻ ሃኖን ሻራዱስ። ኢዛ ባ ዶናራ፥ ‹ታኒ ታ ላጌታኮ ባይስ፤ ኢስቲ ታስ ካኔ ሃ፥ ሱፌፔኔ ሌኤ ሃሬፔ ዳዴቲዳ ማይኦ፥ ዎጋራ ዛይቴኔ ዎይኔ ኡሹ ኢማና› ጋዱስ።

ሚልካሳ ቲንቢቴ 3:14

ቃሴካ ኢንቴ፥ ‹ጾሳስ ኦሶይ ሃዳ፤ ኢዛ ኣዛዞታ ናጎይኔ ሜቴ ጎዳ ሲንን ሙዞቲዛ ኣሳ ማላ ዴኦይ ኑና ኣይ ማዲዴ?

ሉቃሳ ሚሺራቾ 15:22

«ጊዶ ኣቲን ኣዋይ ኣሽካራታስ፥ ‹ኤሶቲዲ ኡባፌ ዶሬቲዳ ማይኦ ኤሂዲ ማይዚቴ፤ ኢዛ ቢራን ሚጊዶ፥ ኢዛ ቶሆንካ ጫማ ኣቴ።

ሉቃሳ ሚሺራቾ 16:24

«ዱሬ ኣዴዚ፥ ‹ኣዋ ኣብራሃሜ! ሃይሳን ዋዬቲዛ ታስ ሚሼታርኪ! ጊ ኣላዛሬይ ባ ቢራ ጼራ ኢርጻ ሃን ቦቺዲ ታ ኢንጻርስ ኢርጺሳና ማላ ሃ ዬዳርኪ!› ጊ ዋሲዴስ።

ኦሮሜ ኣሳስ 8:24

ሃይሳ ሃ ሂዶታን ጻላ ኣቲዶስ፤ ሂዶታይ ኣይፌን ቤቲዛ ሚሽ ጊዲኮ ቡሮፔ ናጋና ኮሼና፤ ሃኢ ባ ኣይፌን ቤኢዛ ሚሺ ቡሮፔስ ናጊዛይ ኦኔ?

ዛሬ ማጻፋ 28:48

ሄሳ ጊሻስ ኔኒ ጋፋን፥ ሳሞን፥ ካሎቴኒኔ ሜቶ ኡባን ጎዳይ ኔ ቦላ ዬዲዛ ኔ ሞርኬታስ ኔ ሃሬታና፤ ጎዳይ ኔና ይሳና ጋካናስ ኔ ሞርጌን ቢራታ ቃምባራ ዋጻና።

ዛሬ ማጻፋ 32:16

ኢስቲ ኤቃ ጾሳታስ ጎይኒዲ ጾሳ ሚሺሲዳ፤ ባንታ ኢታ ኦሶንካ ኢዛ ሃንቄዳ።