ኤርማሳ ቲንቢቴ 15:14 - ጋሞ ማጻፋ

¹⁴ ታ ሃንቆይ ኢንቴ ቦላ ታማ ማላ ኤጻና፤ ሄሳ ጊሻስ ኔኒ ኔ ኤሮንታ ቢታን ኔ ሞርኬታስ ታኒ ኔና ኣይሌሳና» ጊዴስ።

Geeshsha Maxaafa

¹⁴ Ta hanqoy intte bolla tama mala eexxana; hessa gishshas neni ne erontta biittan ne morkketas tani nena ayllesana» gides.

ኤርማሳ ቲንቢቴ 15:14 ပူးပေါင်းရင်းမြစ်များ

ዬ ማጻፋ 21:9

ኔኒ ቆንጪዛ ዎዴ ጮጬን ኤጺዛ ታማ ማላ ኔ ኢስታ ጹጋና፤ ጎዳይ ባ ሃንቆዛ ሱሌን ኢስታ ጹጋና፤ ኢዛ ታማይካ ኢስታ ሚ ይሳና።

ኢሳያሳ ቲንቢቴ 42:25

ሄሳ ጊሻስ ኤጺዛ ባ ሃንቆዛ፥ ኢታ ኦላ ኢስታ ቦላ ዬዲዴስ፤ ታማ ላጮን ኢስታ ጊዶዴስ፤ ኢስቲ ጊዲኮ ሄሳ ኣኬኪቤቴና፤ ኢስታ ጹጊዴስ ሺን ኢስቲ ዎዚናን ዎቤቴና።

ኤርማሳ ቲንቢቴ 14:18

ታኒ ጋጻሬ ቢኮ፥ ማሻን ሃይቂዳይታ ቤኣይስ፤ ካታማ ጌሊኮ ኮሻይ ዉርሲዳይታ ቤኣይስ። ናቤቲኔ ቄሴቲ ባ ኤሮንታ ዴሬ ባቃቲዳ› ጌስ ጎዳይ» ጊዴስ።

ኤርማሳ ቲንቢቴ 15:4

ሂዝቂያሳ ና፥ ዩሁዳ ካዎ ሚናሴይ ዬሩሳላሜን ኦዳ ፓላ ጊሻስ ታኒ ኢስታ ቦላ ሳኣ ካዎቴታ ኡባስ ዳጋንዛዝ ኦና› ጌስ ጋዳ ዮታ» ጊዴስ።

ኤርማሳ ቲንቢቴ 16:13

ሄሳ ጊሻስ ታኒ ኢንቴና ሃ ቢታይፌ ዴንዳ ኢንቴ ዎይኮ ኢንቴ ኣዋቲ ኤሮንታ ቢታ ኤፋ ኦላና፤ ሄን ኢንቴ ኤቃ ጾሳታስ ጋላሲኔ ኦማርስ ጎይናና። ታኒ ሙሌካ ኢንቴስ ቃቲኬ› ጋና» ጊዴስ።

ኤርማሳ ቲንቢቴ 17:4

ኔ ሞሮ ጋሶን ታ ኔስ ኢሚዳ ጺንጾዛፔ ኔ ሜላ ኣታና፤ ኔና ታኒ ኔ ኤሮንታ ቢታን ኔ ሞርኬታስ ኣይሌሳና። ጋሶይካ ሜርናስ ታማ ማላ ኤጺዛ ታ ሃንቆዛ ኔ ዴንዳሳ» ጌስ።

ኤርማሳ ቲንቢቴ 4:4

ኢንቴኖ ዩሁዳ ኣሳቶ፥ ዬሩሳላሜን ዲዛይቶ! ጎዳስ ኢንቴ ቃጻሬቲቴ፤ ኢንቴ ዎዚና ኢታቴ ዲጊቴ፤ ሂስቶንታ ኣጊኮ ኢንቴ ኦዳ ኢታቴ ጊሻስ ታ ሃንቆይ ታማ ማላ ኤጺ ኬዛና፤ ኦኒካ ኢዛ ቶይሳናስ ዳንዳዬና» ጌስ።

ኤርማሳ ቲንቢቴ 52:27

ካዎዚካ ኢስታ ሄን ኤሬቢላን ዲፒ ሂስቲ ዎዴስ፤ ዩሁዳይካ ሄሳ ማላን ባ ቢታፌ ዲኤታ ባዱስ።

ኣሞጼ ቲንቢቴ 5:27

ታኒ ኢንቴና ዳማስቆፌ ጌዴ ሃሳ ጎዳና» ጌስ ጎዳይ ሳሎ ጾሳይ።

ዛሬ ማጻፋ 28:25

ጎዳይ ኔ ሞርኬታ ሲንን ኔኒ ጾኔታና ማላ ኦና፤ ኔኒ ኢስታ ቦላ ኢሲ ኦጌራ ባናሺን ኢስታፌ ኣታናስ ላፑናሶራ ባቃታና፤ ቢታ ቦላ ዲዛ ካዎቴቲ ኡባይ ኔ ቦላ ጋኪዛይሳ ቤኢዲ ሂርጋን ኮኮራና።

ዛሬ ማጻፋ 28:36

ጎዳይ ኔናኔ ኔኒ ኔ ቦላ ካዎሳና ካዎዛ ሃ ቢታፌ ዴንዲ ካሴ ኔኒኔ ኔ ኣዋቲ ኤሮንታ ሃራ ካዎቴ ኤፋና፤ ኢንቴ ሄን ሚፌኔ ሹቻፌ ኦሴቲዳ ኤቃ ጾሳታስ ጎይናና።

ዛሬ ማጻፋ 28:64

ጎዳይ ኔና ኩሜ ኣላሜን ዲዛ ኣሳ ጊዶን ቢታስ ጋጻፔ ጋጻ ጋካናስ ላላና፤ ሄን ኔኒኔ ኔ ኣዋቲ ካሴ ጎይኒ ኤሮንታ ሚፌኔ ሹቻፌ ኦሴቲዳ ኤቃ ጾሳታስ ኢንቴ ጎይናና።

ዛሬ ማጻፋ 29:23

ሄ ቢታያ ሙሌራ ጹጌቲዳ ማጺኔኔ ዲኔ ጌቴቲዛ ቢዲን ጊዳና፤ ኢሲ ሚሺካ ኢዚን ቶኬቴና፤ ኣይ ሚሺካ ኢዚን ሞኬና፤ ኢዚን ፑዴ ዲጪዛ ሚሺ ቤቴና፤ ኢዚ ቦላ ጋካና ኩንዴ ጎዳይ ኬሂ ሼኔቲዲ ሙሌራ ይሲዳ ሶዶሜ ማላኔ ጋሞራ ማላ፥ ኣዳማ ማላኔ ጻቦይሜ ማላ ጊዳና።

ዛሬ ማጻፋ 32:22

ታ ሃንቆይ ታማ ማላ ኤጻና፤ ቢታኔ ቢታ ቦላ ዲዛ ኡባ ጹጋና፤ ሄ ታማይ ሲኦሌ ጪማ ጋካናስ ኤጻና፤ ታማዚ ዙማስ ዮች ጋካናስ ማና።

Ibirawe 12:29

ኑ ጾሳይ ጹጊዛ ታማ ማላ።