ዳናታ ማጻፋ 11:24 - ጋሞ ማጻፋ

²⁴ ኔስ ኔ ጾስ ካሞሼይ ኢሚዛይሳ ኤካዳ ሼምፓ ኡቲኪ? ኑኒ ጊዲኮ ጎዳ ኑ ጾሳይ ኑስ ኢሚዳይሳ ኡባ ላታና።

Geeshsha Maxaafa

²⁴ Nees ne xoos kamooshey immizayssa ekkada shempa uttikii? Nuni gidikko GODAA nu Xoossay nuus immidayssa ubbaa laattana.

ዳናታ ማጻፋ 11:24 ပူးပေါင်းရင်းမြစ်များ

1ካዎታ ማጻፋ 11:7

ሄሳፌ ጉዬ ሶሎሞኔይ ሃራሲዛ ሞኣቤታ ጾሳ ካሞሼሲኔ ኣሞኔታ ጾሳ ሞሎኬስ ዬሩሳላሜፔ ኣርሼይ ሞኪዛ ባጋን ዲዛ ዙምቡላታ ቦላ ጎይኒዛሶታ ጊግሲዴስ።

ዬ ማጻፋ 44:2

ካዎቴታ ኔኒ ኔ ኩሼን ጎዳ ኬሳዳሳ፤ ኑ ኣዋታ ኢስታ ቢታን ቶካዳሳ፤ ዴራ ሊቂሳዳሳ፤ ጊዶ ኣቲን ኔ ካዎቴታ ኣሳዳሳ።

ዬ ማጻፋ 78:55

ኢዚ ኢስታ ሲንፌ ካዎቴ ጎዲዲ ኢስታ ቢታ ኢስራኤሌ ዛሬታስ ጊሼሬ ኢሚዲ ኢስታ ላቲሲዴስ፤ ኢስራኤሌ ኣሳ ኢስታ ሞርኬታ ኬን ዎዴስ።

ኤርማሳ ቲንቢቴ 48:13

ኢስራኤሌ ኣሳይ ቤቴሌን ኣማኔቲ ዲሼ ዬላቲዳይሳ ሞኣቤ ኣሳይካ ባ ጾሳን ካሞሼን ዬላታና።

ኤርማሳ ቲንቢቴ 48:46

ሞኣቤ ኔስ ኣዬ ኣና! ካሞሼስ ጎይኒዛ ዴሬይ ዉሪ ዉሪዴስ። ኔ ኣቱማ ናይቲ ኡባይ ዲኤቲዳ፤ ማጫ ናይቲ ኡባይካ ዲኤቲ ቢዳ።

ኤርማሳ ቲንቢቴ 48:7

ኢንቴ ኦዳ ኦሶኒኔ ኢንቴ ኣቆታን ኢንቴ ኣማኔቲዛ ጊሻስ ኢንቴካ ዲኤታና፤ ካሞሼይካ ባ ቄሴታራኔ ባ ሹሜታራ ዲኤቲ ባና።

ሚኪያሳ ቲንቢቴ 4:5

ሃንኮ ዴሬይ ባ ኤቃ ሱንን ቤስ፤ ኑኒ ቃሴ ሜርናፔ ሜርና ጋካናስ ኑ ጎዳ ሱንን ባና።

ታይቦ ማጻፋ 21:29

ሃኔ ሞኣቤ ኔስ ኣዬ ኣና! ኢንቴኖ ካሞሼስ ጎይኒዛይቶ! ኢንቴ ዲፒ ጊ ያና፤ ኢንቴ ኣቱማ ናይታ ቤቴስ፥ ኢንቴ ማጫ ናይታካ ዲኤቴስ ኣሞሬ ካዎ ሲሆኔስ ኣ ኢሚዴስ።

ዛሬ ማጻፋ 18:12

ሄሳንታ ማላ ኦዛ ኣይ ኣሲካ ጎዳ ማታን ኢጼቲዳዴ፤ ኢስቲ ሄሳ ማላ ቱና ኦዳ ጊሻስ ጎዳ ኢንቴ ጾሳይ ሄ ካዎቴታ ኢንቴ ሲንፌ ቃሊ ይሳና።

ኢያሶ ማጻፋ 21:43

ሄሳ ኦዲ ጎዳይ ኢስታ ኣዋታስ ኢማናስ ጫቂዳ ቢታ ኡባ ኢስራኤሌ ኣሳስ ኢሚዴስ፤ ሂስቲን ኢስቲ ላቲዲ ሄን ዴኢዳ።

ኢያሶ ማጻፋ 3:10

ዴኦ ጾሲ ኢንቴ ጊዶን ዲዛይሳኔ ኢዚ ቱማፔ ካናኔታ፥ ሂቴታ፥ ሂዌታ፥ ፓሪዜታ፥ ጌርጌሴታ፥ ኣሞሬታኔ ያቡሴታ ኢንቴ ሲንፌ ኬሳናይሳ ኢንቴ ሄሳን ኤራና።

ዳናታ ማጻፋ 10:6

ኢስራኤሌ ኣሳይ ጎዳ ሲንን ቃሴካ ኢታ ሚሽ ኦዴስ፤ ኢስቲ ባኣሌኔ ኣስታሮቴ ጌቴቲዛ ኤቃ ጾሳታሲኔ ኣራሜ ጾሳታስ፥ ሲዶና ጾሳታስ፥ ሞኣቤ ጾሳታስ፥ ኣሞኔ ዴሬ ኤቃ ጾሳታሲኔ ፊሊስጼሜ ጾሳታስ ጎይኒዳ። ኢስቲ ባንታ ጎዳስ ጎይኒዛይሳ ኣጊዳ።

ዳናታ ማጻፋ 11:23

ሄሳ ማላ ኦዲ ጎዳ ኢስራኤሌ ጾሳይ ኣሞሬ ዴሬ ኣሳ ባ ዴሬ ኢስራኤሌ ሲንፌ ዬዴዲ ይሲዴስ፤ ሂስቲን ኔ ዛራ ኤካናስ ኔስ ኣይ ዎልቃይ ዲዜ?

ዳናታ ማጻፋ 2:1

ጎዳ ኪታንቻይ ጌልጌላፔ ቦኪሜ ቢዲ ኢስራኤሌ ኣሳስ፥ «ታኒ ኢንቴና ጊብጼፔ ኬሳዳ ቤኒ ኢንቴ ኣዋስ ኢማና ጋዳ ታ ጫቂዳ ቢታ ኢንቴና ጌልዲስ፤ ሂስታዳ ታ ኢንቴስ፥ ‹ታኒ ኢንቴናራ ጫቂዳ ጫቆ ቃላ ሙሌካ ላሚኬ።

ኡሩቲ ማጻፋ 1:15

ኑሃማ ኢዚስ ዛራዳ፥ «ቤያ፥ ኔ ኣዚና ኢሻ ማቼያ ባ ኣሳታኮኔ ባ ኤቃ ጾሳታኮ ሲማዱስ። ኔኒካ ኢዚራ ሲማ ባ» ጋዱስ።