ያቆቤ ኪታ 3:13 - ጋሞ ማጻፋ

¹³ ኢንቴ ጋርሳፌ ኣኬካራ ዲዛ ኤራ ኣሲ ኦኔ? ኤራይ ዲዛ ጊዲኮ ኣኔ ባ ኦሶ ኣሽኬቴኒኔ ኣ ኤራቴራ ባ ሎኦ ዱሳን ቤሶ።

Geeshsha Maxaafa

¹³ Intte garsafe akeekara diza era asi oonee? Eray dizaa gidikko ane ba ooso ashketeththaninne aadho erateththara ba lo7o duussan besso.

Gamo Geesha Maxxafa New Testamen

¹³ Inte garathafe akekara diza ciincca uray oone? cinccay diza gidiko ane ba ootho ashketethan cinccatethara ba loo7o dussan besso.

ያቆቤ ኪታ 3:13 ပူးပေါင်းရင်းမြစ်များ

ኢዮቤ ማጻፋ 28:28

ሄ ዎዴ ኣሳስ፥ ‹ሄኮ ኤራቴ ጉሲ ጾሳስ ያሻቴ፤ ኣኬካ ጉሲ ኢታፔ ሃኮ› ጊዴስ።»

ዬ ማጻፋ 107:43

ኤራ ኣሲ ሃ ዮኦዛ ባ ዎዚናን ዎ፤ ኢዚካ ጎዳ ማሮቴ ኣኬኮ።

ዬ ማጻፋ 122:8

ታ ዳቦታ ጊሻሲኔ ላጌታ ጊሻስ «ኔ ጊዶን ሳሮይ ዶ!» ጋይስ።

ዬ ማጻፋ 149:4

ጎዳይ ባ ኣሳን ኡፋዬቴስ፤ ኣሽኬታ ኣሺዲ ቦንቾን ፑላሴስ።

ዬ ማጻፋ 25:9

ኣሽኬታ ሱሬ ኦጌራ ካሌስ፤ ኢስታካ ባ ኦጌ ታማርሴስ።

ዬ ማጻፋ 45:4

ቱማቴስ፥ ኣሽኬቴሲኔ ጺሎቴስ ኔ ቴማቴ ማይኣዳ ኦላ ጾናናስ ሲን ሆርዶፋ፤ ኔ ኡሻቻ ኩሼይ ማላሊሲዛ ሚሽ ቤሶ።

ኤራንቻታ ማጻፋ 8:1

ዮኦታ ቢርሻና ዳንዳይዛ ኣ ኤራንቻ ማላ ኣሲ ኦኔ? ዮኦታ ኡባ ቢርሼ ኤሪዛይ ኦኔ? ኣ ኤራቴ ኣሳ ኣይፌሶ ፖኢሴስ፤ ጺርጶቲዳ ሲንካ ቢርሼስ።

ኤራንቻታ ማጻፋ 8:5

ኢዛስ ኣዛዜቲዛ ኣሲ ኡባይ ቆሄቴና፤ ኣ ኤራቴ ዲዛ ዎዚናይ ሊኬ ዎዴኔ ቤሲዛ ኦሶ ኦጌ ሻኪ ኤሬስ።

ኢሳያሳ ቲንቢቴ 29:19

ኣሽኬቲ ጎዳን፥ ሂዬሳቲ ኢስራኤሌ ጌሻን ዛሪ ዛሪ ኡፋዬታና።

ኢሳያሳ ቲንቢቴ 60:6

ጋሜላ ማራቲ፥ ሚዲያሜፔኔ ኤፋፔ ዪዳ ጋሜላ ማራቲ ኔ ቢታ ካማና። ዎርቃኔ ኤጻኔ ኤኪዲ ሳባፔ ዪዛይቲ ጎዳ ጋላታ ኣዋጃና።

ኢሳያሳ ቲንቢቴ 61:1

ኡባ ሃሪዛ ጎዳ ኣያናይ ታ ቦላ ዴስ፤ ሂዬሳታስ ሚሺራቾ ዮታና ማላ፥ ጎዳይ ታና ቲይዴስ። ኢዚ ታና ዎዚናይ ሜቂዳይታ ኮላና ማላ፥ ዲኤቲዳይታ ላኣ ኬሳና ማላ፥ ቃሼቲዳይታስ ቢርሼ ኣዋጃና ማላ ኪቲዴስ።

ኤርማሳ ቲንቢቴ 9:12

ሄሳ ኣኬካናስ ዳንዳይዛ ኣ ኤራንቻይ ኦኔ? ጎዳይ ኢዛስ ቆንጪሲን ሃይሳ ኢዛስ ዮታና ዳንዳይዛይ ኦኔ? ቢታያ ኣሲ ባይንዳ ካይስ ኣይስ ጊዳዴ?

ኤርማሳ ቲንቢቴ 9:23

ጎዳይ፥ «ኣ ኤራንቻይ ባ ኣ ኤራቴን ጬቄቶፎ፤ ዎልቃማይ ባ ዎልቃን ጬቄቶፎ፤ ዎይኮ ዱሬይ ባ ዱሬቴን ጬቄቶፎ።

ዳኔላ ቲንቢቴ 2:21

ኢዚ ዎዴታኔ ኣጊናታካ ላሜስ፤ ካዎታ ኣራታን ኡቲሴስ፤ ካዎቴ ኣራታፔካ ዱጌ ዎስ፤ ኤራንቻታስ ኣ ኤራቴ ኣኬኪዛይታሲካ ኤራቴ ኢሜስ።

ሶፎናሳ ቲንቢቴ 2:3

ኢንቴኖ ቢታ ቦላ ዲዛ ኣሽኬቶ፤ ኢዛ ኣዛዞካ ፖሊዛይቶ! ጎዳ ኮዪቴ፤ ጺሎቴኔ ኣሽኬቴ ኮዪቴ፤ ጎዳ ሃንቆ ጋላሳፌ ኢንቴ ኣታናኮ ኦኔ ኤሪዛይ!

ታይቦ ማጻፋ 12:3

ሙሴይ ጊዲኮ ቢታ ቦላ ዲዛ ኣሳ ኡባፌ ኣዳ ኣሽኬ ኣሳ።

Maatosa 11:29

ታ ቃምባራ ቶኪቴ፤ ታፔካ ታማርቴ፤ ታኒ ታ ዎዚናን ኣዳኔ ኣሽኬ፤ ኢንቴ ሼምፖስ ኢንቴ ሼምፖ ዴማና።

Maatosa 5:5

ኣሽኬቲ ኣንጄቲዳይታ፤ ኣይስ ጊኮ ኢስቲ ቢታ ላታና።

Maatosa 7:24

«ሂስቲኮ ሃይሳ ታ ቃላ ሲዪዲ ኦሶን ፔይሺዛዴይ ባ ኬ ዛላ ቦላ ኬጺዛዴ ሚሳቴስ።

1ቆሮንቶሴ ኣሳስ 6:5

ታ ሄሳ ኢንቴስ ጊዛይ ኢንቴና ዬላቻናሳ፤ ኢንቴ ጋርሳን ኣማኒዛይታ ጊጊሳናስ ዳንዳይዛ ዎዚናማ ኣሲ ዴኔ?

2ቆሮንቶሴ ኣሳስ 10:1

ታኒ ጳዉሎሲ ኢንቴናራ ዳሼ ኣሽኬ ጌቴታዲስ ሺን ታ ኢንቴፌ ሻኬቲሺን ቃሴ ኢንቴ ቦላ ጻሊዳዴ ጌቴቲዳ ታኒ ጳዉሎሲ ኪርስቶሳ ኣሽኬቴኒኔ ኢዛ ሎኤቴን ኢንቴና ዎሳይስ።

2ቆሮንቶሴ ኣሳስ 8:24

ሄሳ ጊሻስ ኢንቴ ኢስታስ ኢንቴ ሲቆ ቤሲቴ፤ ኢንቴ ሄሳ ሂስቲኮ ኢንቴ ሲቆይኔ ኑ ኢንቴናን ጬቄቲዛ ጬቄቴ ጮ ሃዳ ጊዶንታይሳ ኢንቴ ዎሳ ኬታስ ቤሳንዴታ።

ጋላቲያ ኣሳስ 5:23

ኣሽኬቴ፥ ባርካ ባና ሃሮ፤ ሃይታንታ ማላ ዲጊዛ ዎጋይ ባ።

ጋላቲያ ኣሳስ 6:1

ታ ኢሻቶ! ኢሲ ኣሲ ናጋራ ኦ ቤቲኮ ኢንቴ ቃሴ ኣያናን ሎኦ ዲዛይቲ ኢዛ ኣሽኬቴራ ዛራናስ ቤሴስ፤ ጊዶ ኣቲን ኔካ ኢዛዴ ማላ ፓጬቶንታ ማላ ኔ ሁኤስ ናጌታ።

ጋላቲያ ኣሳስ 6:4

ኢሲ ኢሲ ኣሲ ባ ኦሶ ባርካ ፓጪ ጼሎ፤ ሄሳፌ ጉዬ ሃራ ኣሳራ ባና ጊናሶንታ ዲሼ ኢዚ ባና ጬቂሲዛዝ ዴማና።

ኤፌሶኔ ኣሳስ 4:2

ሙሌካ ኣሽኬታኔ ሹጎታ ጊዲቴ፤ ኢሶይ ኢሳራ ሲቆን ዲቴኔ ኢሶይ ኢሳ ዳንዳይቴ።

ፒሊጲሲዮሴ ኣሳስ 1:27

ኪርስቶሳ ሚሺራቾ ቃላስ ቤሲዛ ማላ ዲቴ፤ ሄሳ ሃንካ ታ ኢንቴና ባዳ ቤኢዳኮ ዎይኮ ሃሆን ዳዳ ኢንቴ ጊሻስ ታ ሲዪዛኮ ኢንቴ ሚሺራቾ ቃላ ኣማኖስ ኢሲፌ ኦሌቲሼ ኢሲ ኣያናን ኢንቴ ሚኒ ኤቃናይሳ ታ ኤራይስ።

ቆላሲያሴ ኣሳስ 3:12

ሄሳ ጊሻስ ዱማ ጊዲዲ ዶሴቲዳይቶ! ኢንቴ ጾሳስ ዶሬቲዳይታ ጊዲዳ ማላ ሚሼቴኔ ኪያቴ፥ ኣሽኬቴ፥ ቦንቾኔ ዳንዳያ ማይኢቴ።

1ጺምቶሳስ 4:12

ኔ ዬላጋቴ ኦኒካ ሌቆፎ፤ ጊዶ ኣቲን ኔኒ ሃሳያን፥ ዱሳን፥ ሲቆን፥ ኣማኖኒኔ ጌሻቴን ኣማኒዛይታስ ሎኦ ሌሚሶ ጊዳ።

1ጺምቶሳስ 6:11

ኔኖ ጾሳ ኣሶ! ኔ ሄሳ ኡባፌ ባቃታ፤ ጺሎቴ፥ ቱሙ ኣያናን ዱስ፥ ኣማኖ፥ ሲቆ፥ ዳንዳያኔ ኣሽኬቴ ካላ።

2ጺምቶሳስ 2:25

ኢዚ ባናራ ኤቄቲዛ ኣሳታ ኣሽኬቴራ ኦይኪዛዴ ጊዳናስ ቤሴስ፤ ኦኔ ኤሪዛይ ኢስቲ ቱማ ኤራና ማላ ጾሲ ኢስታስ ማሬታናስ ዎዴ ኢማና ዳንዳዬስ።

Titosas 3:2

ቃሴካ ኦኒካ ኣሳ ቦላ ኢታ ሃሳዮንታ ማላኔ ሎኦ ኣሳ ጊዳና ማላ ኣሳ ኡባስ ኩሜ ዎዚናፔ ባ ኣሽኬቴ ቤሳና ማላ ኡባ ቆፍሳ።

Ibirawe 13:5

ሚሻ ሲቆፔ ናጌቲቴ፤ ኢንቴስ ዲዛይሲ ጊዳና፤ ሄሳስ ጋሶይካ ጾሲ፥ «ታ ኢንቴና ሙሌካ ኣጊኬኔ ዬጊኬ» ጊዴስ።

ያቆቤ ኪታ 1:21

ሄሳ ጊሻስ ቱናቴኔ ዳልጊዳ ኢታቴ ኢንቴፌ ኬሲ ዬጊዲ ኢንቴ ሼምፖ ኣሻናስ ዳንዳይዛ ኢንቴ ጊዶን ቶኬቲዳ ቃላ ኣሽኬቴራ ኤኪቴ።

ያቆቤ ኪታ 2:18

ጊዶ ኣቲን ኢሳዴይ፥ «ታስ ኦሶይ ዴስ፤ ኔስ ኣማኖይ ዴስ፤ ኔኒ ኔ ኣማኖ ኦሶፔ ሻካዳ ታና ቤሳ፤ ታ ቃሴ ታ ኣማኖ ኦሶን ኔና ቤሳና» ጊኮ

ያቆቤ ኪታ 3:1

ታ ኢሻቶ! ኢንቴፌ ዳሮቲ ኣስታማሬታ ጊዶፔቶ፤ ጋሶይካ ኑ ኣስታማሬ ጊዲዳይቲ ኣ ፒርዳ ኤካናይሳ ኢንቴ ኤሬታ።

ያቆቤ ኪታ 3:17

ሳሎፔ ጊዲዳ ኤራቴያ ጊዲኮ ኮይሮ ጌሻ፤ ጉዬፔካ ሳሮቴ ዶሲዛሮ፥ ዳንዳይዛሮ፥ ኤሮ ጊዛሮ፥ ማሮቴኔ ሎኦ ኣይፌይ ኩሚዳሮ፤ ቃሴ ዎርዶ ማዶንታሮኔ ኡሎን ጌኔይ ባይንዳሮ።

1ጴጽሮሳ ኪታ 1:15

ኢንቴና ጼይጊዳ ጾሳይ ዱማ ጊዲዳ ማላ ኢንቴካ ኢንቴ ዱሳን ኡባን ዱማቲቴ።

1ጴጽሮሳ ኪታ 2:12

ኦኔ ኤሪዛይ፥ «ኢንቴና ኢስቲ ኢታ ኦቴስ» ጊዲ ኣሳይ ዚጊርኮካ ጾሲ ኑና ቤያናስ ዪዛ ጋላስ ኣይዛቤቲ ኢንቴ ኦሶይ ሎኦ ጊዲዳይሳ ቤኢዲ ጾስ ጋላታና ማላ ኢንቴ ኢስታራ ዲዛ ዎዴ ኢንቴ ኣማሌይ ሎኦ ጊዶ።

1ጴጽሮሳ ኪታ 2:9

ኢንቴ ጊዲኮ ማፔ ጌዴ ዳሮ ማላሊሲዛ ኢዛ ፖኦኮ ጼይጊዳ ማላሊሲዛ ጾሳ ኦሶ ኣዋጃናስ ዶሬቲዳ ዬሌታታ፥ ካዎ ቄሴታ፥ ጾሲ ኢንቴና ባስ ሂስቲዳ ኢንቴ ዱማ ዴሬታ።

1ጴጽሮሳ ኪታ 3:4

ኢንቴ ሎኤቴ ጾሳ ሲንን ዋጋራ ዲዛ ኬሂ ቦንቼቲዳዚኔ ዮንታ ጌጼን፥ ኣሽኬቴን፥ ኣዳቴኒኔ ኣያናን ጌጼቲዳ ዎዚና ጋርሳን ቆቴቲ ዲዛ ጊዶ ዎዚና ሎኤቴ ጊዶ።